Published:Updated:

கையில் ஒரு கோடி... ஆர் யூ ரெடி?

கரன்ஸி வேட்டையில் மருத்துவக் கல்வி!

கையில் ஒரு கோடி... ஆர் யூ ரெடி?

கரன்ஸி வேட்டையில் மருத்துவக் கல்வி!

Published:Updated:
##~##

டவுளுக்கு நிகராகவே மருத்துவர்களையும் மதிக்கிறார்கள் மக்கள். அதனால்தான் மருத்துவம் படிக்க இத்தனை கிராக்கி. மருத்துவமனைகள் அனைத்தும் சாமான்யர்கள் உள்ளே நுழைய முடியாத இடமாக மாறிக்கொண்டு இருக்கிற சூழ்நிலையில் புதிய மருத்துவர்களைத் தேர்ந்தெடுப்பதற்கான  கவுன்சிலிங் வரும் 5-ம் தேதியில் இருந்து தொடங்குகிறது. மருத்துவக் கல்வி இப்படி மாறிப்போன சூழ்நிலை குறித்து கல்வி ஆலோசகரான ஜெயப்பிரகாஷ் காந்தி நம்மிடம் பேசினார். 

''இன்ஜினீயரிங் படிப்பைப் பொறுத்தவரை, கல்லூரியைத் தேர்வு செய்வதில்தான் கவனமாக இருக்க வேண்டும். மருத்து​வத்தைப் பொறுத்தவரை, அரசுக் கல்லூரிகளில் உங்களுக்கு அந்தக் கவலையே தேவை இல்லை. ஒதுக்கீட்டில் உங்களுக்கு எந்த அரசுக் கல்லூரி கிடைத்தாலும், தைரியமாகப் போய்ச் சேருங்கள். அது கிராமம் என்றாலும் நகரம் என்றாலும் கவலைப்பட வேண்டாம்.

ஒட்டுமொத்த விகடனுக்கும் ஒரே ஷார்ட்கட்!

கையில் ஒரு கோடி... ஆர் யூ ரெடி?

இன்றைக்கு, தமிழ்நாட்டில் இருக்கும் எல்லா அரசு மருத்துவக் கல்லூரிகளிலுமே நல்ல நூலக வசதி இருக்கிறது. மருத்துவக் கல்லூரி மருத்துவமனைகளுக்கு வரும் வெளி நோயாளிகளின் எண்ணிக்கையும் அதிகம். சொல்லப்போனால், நகரத்தை விட கிராமப்​புறப் பகுதிகளில் இருக்கும் மருத்துவக் கல்லூரி மருத்துவ​மனைகளில்தான், நோயாளி களின் எண்ணிக்கை அதிகமாக இருக்கிறது. மருத்​​துவக் கல்லூரிகளை எடுத்துக்​கொண்டால், வெளிநோயாளிகளின் எண்ணிக்கை அதிக​மாக இருக்கும் பட்சத்தில்​தான் மாணவர்களுக்கு நல்ல பயிற்சி கிடைக் கும்.

அரசுக் கல்லூரிகளில் இடம் கிடைக்காத மாணவர்கள், அரசு ஒதுக்கீட்டில் தனியார் மருத்​துவக் கல்லூரியில் சேரத் தயாராக இருப்பார்கள். அப்படிப்பட்ட மாணவர்களுக்கு ஒரு விஷயத்தைச் சொல்ல வேண்டும். நீங்கள் எந்தக் கல்லூரியில் சேர நினைக்கிறீர்களோ, அந்தக் கல்லூரிக்கு ஒரு முறை

கையில் ஒரு கோடி... ஆர் யூ ரெடி?

நேரடியாகச் சென்று பாருங்கள். அந்தக் கல்லூரி எந்த நிலைமையில் இருக்கிறது? கல்லூரியில் எவ்வளவு கட்டணம் வாங்குகிறார்கள்? ஒரு நாளைக்கு வெளிநோயாளிகள் எத்தனை பேர் வருகிறார்கள்? அந்தக் கல்லூரியில் எத்தனை மருத்துவர்கள் முழுநேரமாகப் பணிபுரிகிறார்கள்? எத்தனை பேர் விசிட்டிங் புரொஃபசர்கள்? என்பதைத் தெளிவாக அறிந்துகொள்ள வேண்டும். மருத்துவக் கல்லூரி என்றால், மருத்துவர்கள் முழு நேரம் வர வேண்டும். அதேபோல, வெளிநோயாளிகள் ஒரு நாளைக்குக் குறைந்தது 100 பேராவது வர வேண்டும்.

அரசு மருத்துவக் கல்லூரிகளில் ஒரு வருடத்துக்கு அரசு நிர்ணயம் செய்திருக்கும் கட்டணம் 12,000 ரூபாய். அரசு ஒதுக்கீட்டில் தனியார் மருத்துவக் கல்லூரிக்குச் செல்லும் மாண வர்களுக்கு, வருடத்துக்கு இரண்டு லட்சத்து 25 ஆயிரம்.

பல தனியார் மருத்துவக் கல்லூரிகளில் அரசு நிர்ணயித்திருக்கும் தொகையைத் தாண்டி லைப்ரரி ஃபீஸ், லேப் ஃபீஸ் என்று பல வகைகளிலும் கூடுதல் கட்டணத்தை வசூலிப்பார்கள். அதனால் அட்மிஷனுக்கு முன் நேரில் சென்று  கட்டணம் பற்றி முழுவிவரத்தை விசாரித்துத் தெரிந்து கொள்ள வேண்டும். இணையதளத்தில் மட்டுமே கல்லூரி பற்றிய விவரங்களைப் பார்ப்பது மருத்துவக் கல்லூரி விஷயத்தில் எந்தப் பயனும் தராது'' என்றார்.

மருத்துவம் சார்ந்த படிப்பில் சேருவதற்கு மாணவர்களுக்கு ஆலோ சனைகளை வழங்கி வரும் மருத்துவக்கல்வி ஆலோசகர் டாக்டர் செந்தில்குமார், ''போன வருடம் எம்.பி.பி.எஸ். படிப்பில் சேர ஒரே ஒரு மதிப்பெண் காரணமாக கட்-ஆஃப் குறைந்து விட்டது என்று சேலத்தில் ஒரு மாணவி தற்கொலை செய்து கொண்டார். 'டாக்டர்ஆகணும். இல்லை என்றால் எதற்கும் லாயக்கில்லை’ என்று சொல்லி வளர்ப்பதுதான் இப்படித் தற்கொலையில் முடிகிறது. மருத்துவத்தில் எம்.பி.பி.எஸ். தவிர எவ்வளவோ படிப்புகள் இருக்கின்றன. அதைப் படிக்கலாம்.

சித்தா, டென்டல், ஃபிசியோதெரபி, ஆக்கு பேஷனல்​தெரபி, பி-பாஃர்ம், டி-பாஃர்ம், மெடிக்கல் லேப்

கையில் ஒரு கோடி... ஆர் யூ ரெடி?

டெக்னீஷியன், நர்ஸிங் ஆகிய படிப்புகள் எல்லாமே மருத்துவம் சார்ந்தவைதான். இவை அனைத்துக்குமே இப்போது நல்ல வேலை​வாய்ப்பும் எதிர்காலமும் இருக்கிறது. ஃபிசியோதெரபி, ஆக்குபேஷனல்தெரபி போன்ற படிப்புகளுக்கு அரசுக் கல்லூரி​களில் வருடத்துக்கு 3,800 ரூபாய் கட்டணம். தனியார் கல்லூரிகளில் வருடத்துக்கு 25,000 ரூபாய் முதல் 40,000 ரூபாய் வரை வசூலிக்கிறார்கள்.

பணம் சம்பாதிக்க வேண்​டும் என்பதை மட்டுமே குறிக்கோளாகக்​கொண்​டவர்கள், தயவுசெய்து மருத்து​வத்தைத் தேர்ந்தெடுக்க வேண்டாம் என்பது​தான் என் வேண்டுகோள். மனிதா​பிமானமும் சேவை மனப்​பான்மையும் உள்ளவர்கள் மட்டும் மருத்துவத் துறைக்கு வாருங்கள்'' என்று அழைக்கிறார்.

தமிழக சுகாதாரத் துறை அமைச்சர் டாக்டர் விஜய்யிடம் பேசினோம். ''கவுன்சிலிங்கில் அரசு ஒதுக்கீட்டில் தனியார் கல்லூரிகளில் சேரும் மாணவர்களிடம், அரசு நிர்ணயித்து இருக்கும் கட்டணத்தைத் தவிர கூடுதலாக வசூலிக்கக் கூடாது என்று அறி​வுறுத்தி இருக்கிறோம். கூடுதல் கட்டணம் வசூலிப்பதாக எங்களுக்குப் புகார் வந்தால் நிச்சயமாக நடவடிக்கை எடுப்போம்'' என்றார் உறுதியாக.

தமிழ்நாட்டில் கவுன்சிலிங் மூலம் இல்லாமல் நேரடி​யாக தனியார் மருத்துவக் கல்லூரியில் எம்.பி.​பி.எஸ். படிக்க வேண் டும் என்றால், வருடத்​துக்கு 50 லட்சம் வரை நன்கொடை வசூலிக்கப்​படுகிறது. இதுதவிர, வருடத்துக்கு 10 லட்சம் வரை கூடுதல் கட்டணம் கேட்கிறார்கள். இங்கே, மருத்துவம் முடித்து வெளியில் வருவதற்கு கையில் குறைந்தது ஒரு கோடி பணம் வேண்டும்.

தமிழ்நாட்டில் அரசு பல் மருத்துவக் கல்லூரி சென்​னையில் மட்டும்தான் இருக்​கிறது. 29 தனியார் பல்மருத்துவக் கல்லூரிகள் இருக்கின்றன. தனியார் கல்லூரிகளில் வருடத்துக்கு மூன்று லட்சத்து 50 ஆயிரம் கட்டணம் வசூலிக் கிறார்கள். நன்கொடை ஐந்து லட்சத்தில் இருந்து 25 லட்சம் வரை வாங்கப்படுகிறது. இது, எல்லாம் அமைச்சருக்குத் தெரியுமா எனத் தெரிய​வில்லை!

- கே.ராஜாதிருவேங்கடம்

படங்கள்: எம்.விஜயகுமார்

 மெடிக்கல் கவுன்சில் அங்கீகாரம் இருக்கிறதா?    

தமிழ்நாட்டில் 17 அரசு மருத்துவக் கல்லூரிகளும், 20 தனியார் மருத்துவக் கல்லூரிகளும் இருக்கின்றன. இதில் ஆறு நிகர்நிலைப் பல்கலைக் கழகங்களும் அடக்கம். இவை அனைத்தும் இந்தியன் மெடிக்கல் கவுன்சில் அங்கீகாரம் பெற்ற மருத்துவக் கல்லூரிகள். இந்த ஆண்டு, சிவகங்கை அரசு மருத்துவக் கல்லூரிக்கும், செங்கல்பட்டு அரசு மருத்துவக் கல்லூரிக்கும் மருத்துவக் கவுன்சில் அங்கீகாரம் வழங்க இருக்கிறது. அது இல்லாமல் இப்போது 1,696 ஸீட்டுகள் மட்டுமே அரசு மருத்துவக் கல்லூரியில் இருக்கின்றன.  

நீங்கள் சேர நினைக்கும் தனியார் மருத்துவக் கல்லூரிக்கு மெடிக்கல் கவுன்சில் அங்கீகாரம் கொடுத்திருக்கிறதா என்பதை, www.mciindia.org என்ற இணையதளத்தில் பார்த்து தெரிந்து கொள்ளலாம்.அங்கீகாரம் இருந்தும் உள்கட்டமைப்பு இல்லாத மருத்துவக் கல்லூரிகளும் இன்னும் இருக்கவே செய்கின்றன!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism