Published:Updated:

உளுந்தூர்பேட்டையில் தே.மு.தி.க. தலைவர் விஜயகாந்த் தோல்வி!

விகடன் விமர்சனக்குழு
உளுந்தூர்பேட்டையில் தே.மு.தி.க. தலைவர் விஜயகாந்த் தோல்வி!
உளுந்தூர்பேட்டையில் தே.மு.தி.க. தலைவர் விஜயகாந்த் தோல்வி!

விழுப்புரம்: உளுந்தூர்பேட்டை தொகுதியில் போட்டியிட்ட தே.மு.தி.க. தலைவர் விஜயகாந்த் தோல்வி அடைந்துள்ளார்.

நடைபெற்ற சட்டமன்ற தேர்தலில் தே.மு.தி.க, மக்கள் நலக்கூட்டணி-த.மா.கா.வுடன் கூட்டணி அமைத்து போட்டியிட்டது. தே.மு.தி.க தலைவர் விஜயகாந்த் உளுந்தூர்பேட்டையில் களமிறங்கினார். அவருக்கு போட்டியாக, அ.தி.மு.க சார்பில் குமரகுருவும், தி.மு.க சார்பில் வசந்தவேலு, பா.ம.க சார்பில் பாலுவும் போட்டியிட்டனர்.

இந்நிலையில், சட்டமன்ற தேர்தல் முடிவுகள் இன்று காலை முதல் எண்ணப்பட்டு வருகிறது. இதில், உளுந்தூர்பேட்டை தொகுதியின் முடிவுகள் அறிவிக்கப்பட்டுள்ளன.

அதில், குமரகுரு (அ.தி.மு.க) 81,973, வசந்தவேலு (தி.மு.க) 77,809, விஜயகாந்த் (தே.மு.தி.க) 34,447, பாலு (பா.ம.க) 20,223 வாக்குகள் பெற்று, தி.மு.க வேட்பாளர் வசந்தவேலுவைவிட 4164 வாக்குகள் அதிகமாக பெற்று அ.தி.மு.க வேட்பாளர் குமரகுரு வெற்றி பெற்றுள்ளார்.

உளுந்தூர்பேட்டையில் அ.தி.மு.க வேட்பாளர் குமரகுரு சிட்டிங் எம்.எல்.ஏ.வாக இருந்து வருகிறார். இருப்பினும், இந்த முறை விஜயகாந்த் உளுந்தூர்பேட்டையில் வெற்றி பெறுவார் என எதிர்பார்க்கப்பட்டது. ஆனால், விஜயகாந்த்துக்கு 2-வது இடம்கூட கிடைக்காமல், 3-வது இடத்துக்கு அவர் தள்ளப்பட்டிருக்கிறார்.