Published:Updated:

``அதிமுக நிரந்தர பொதுச்செயலாளர் எடப்பாடி...” - ஓ.பி.எஸ் வீட்டருகே போஸ்டர் ஒட்டிய தொண்டர்

போஸ்டர்

அ.தி.மு.க ஒருங்கிணைப்பாளர் ஓ.பன்னீர்செல்வத்தின் சொந்த ஊரான பெரியகுளத்தில் மீண்டும் அ.தி.மு.க-வின் தலைமை குறித்த போஸ்டர் ஒட்டப்பட்டிருப்பது பெரும் பரபரப்பை ஏற்படுத்தியுள்ளது.

``அதிமுக நிரந்தர பொதுச்செயலாளர் எடப்பாடி...” - ஓ.பி.எஸ் வீட்டருகே போஸ்டர் ஒட்டிய தொண்டர்

அ.தி.மு.க ஒருங்கிணைப்பாளர் ஓ.பன்னீர்செல்வத்தின் சொந்த ஊரான பெரியகுளத்தில் மீண்டும் அ.தி.மு.க-வின் தலைமை குறித்த போஸ்டர் ஒட்டப்பட்டிருப்பது பெரும் பரபரப்பை ஏற்படுத்தியுள்ளது.

Published:Updated:
போஸ்டர்

முன்னாள் முதல்வர் ஜெயலலிதா மறைவுக்குப் பிறகு அ.தி.மு.க-வில் யார் தலைமை வகிப்பது என்பதில் போராட்டம் ஏற்பட்டது. ஒருவழியாக பொதுச்செயலாளர் பதவியை அப்படியே விட்டு விட்டு தலைமையை இரண்டாகப் பிரித்து அ.தி.மு.க ஒருங்கிணைப்பாளராக ஓ.பன்னீர்செல்வம், இணை ஒருங்கிணைப்பாளராக எடப்பாடி கே.பழனிசாமி ஆகியோர் இருந்துவருகிறார்கள். மற்றொருபுறம் ஜெயலலிதாவின் தோழியான சசிகலாவோ தானே கட்சியின் பொதுச்செயலாளர் எனக் கூறி காரில் கட்சிக்கொடியுடன் வலம் வந்துகொண்டிருக்கிறார்.

ஓபிஎஸ். - இபிஎஸ்
ஓபிஎஸ். - இபிஎஸ்

இவ்வாறு அதிமுக-வின் தலைமை குறித்த பிரச்னை அவ்வப்போது எழுவதும் அடங்குவதுமாக இருக்கிறது. இந்நிலையில் தற்போது அ.தி.மு.க ஒருங்கிணைப்பாளர் ஓ.பன்னீர்செல்வத்தின் சொந்த ஊரான பெரியகுளத்தில் மீண்டும் அ.தி.மு.க-வின் தலைமை குறித்த போஸ்டர் ஒட்டப்பட்டிருப்பது பெரும் பரபரப்பை ஏற்படுத்தியுள்ளது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

தேனி மாவட்டம், பெரியகுளம் தென்கரைப் பகுதியில் ஓ.பன்னீர்செல்வத்தின் இல்லத்துக்குச் செல்லும் சாலை மற்றும் ஓ.பன்னீர்செல்வத்தின் மகனும், தேனி எம்.பி-யுமான ஓ.பி.ரவீந்திரநாத் அலுவலகம் உள்ளிட்ட பகுதிகளிலும், `விரைவில் அ.தி.மு.க-வின் நிரந்தரப் பொதுச்செயலாளராகப் பதவி ஏற்கவிருக்கும் திரு. எடப்பாடி பழனிசாமி அவர்களை வாழ்த்தி வரவேற்கிறோம்’ என்ற வாசகம் அடங்கிய சுவரொட்டிகள் ஒட்டப்பட்டுள்ளன.

போஸ்டர்
போஸ்டர்

எடப்பாடி பழனிசாமிக்கு ஆதரவாக பெரியகுளம் பகுதியில் ஒட்டப்பட்டுள்ள சுவரொட்டிகளால் தேனி மாவட்ட அதிமுக-வினரிடையே பெரும் பரபரப்பை ஏற்படுத்தியுள்ளது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இது குறித்து கட்சியினர் சிலரிடம் பேசினோம். ``போஸ்டர் ஒட்டிய சுரேஷ், பெரியகுளம் ஜெயமங்கலம் பகுதியைச் சேர்ந்தவர். தற்போது அதிமுக-வில் எந்தப் பொறுப்பிலும் இல்லை. சாதாரண தொண்டனாக மட்டுமே இருக்கிறார். இவருடைய தந்தை, ஓபிஎஸ் பெரியகுளம் நகராட்சித் தலைவராக இருந்தபோது வார்டு செயலாளராக இருந்திருக்கிறார்.

ஓபிஎஸ் வீட்டில் தீர்மானம்
ஓபிஎஸ் வீட்டில் தீர்மானம்

ஏற்கெனவே ஓபிஎஸ் தர்மயுத்தம் நடத்தியது, அதில் உறுதியாக இல்லாமல் பின்வாங்கியது, சசிகலா, தினகரன் இணைப்புக்கு தீர்மானம் போட்டுவிட்டு அதிலும் உறுதியாக இல்லாமல் பின்வாங்கியது, உள்ளூரில் பெரிய அளவில் கட்சியை வளர்க்க ஆர்வம் காட்டாமல் இருப்பது போன்ற காரணங்களால் சொந்த ஊர், சொந்தத் தொகுதி நிர்வாகிகளே பெரும் அதிருப்தியில் இருக்கிறார்களாம். அதற்கான சிறு வெளிப்பாடுதான் இந்தப் போஸ்டர் விவகாரம்’’ என்கிறார்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism