Published:Updated:

`சசிகலா சுயநினைவுடன் இயல்பாக இருக்கிறார்!' - பெங்களூரு மருத்துவமனை தகவல்

சசிகலா அனுமதிக்கப்பட்டுள்ள விக்டோரியா மருத்துவமனை

`ஆக்சிஜன் அளவு நேற்று 95 சதவிகிதமாக இருந்தது. இன்று 98 சதவிகதமாக அதிகரித்திருக்கிறது. உட்கொள்ளும் மருந்துகளுக்கும் சசிகலாவின் உடல் ஒத்துழைக்கிறது. சுயநினைவுடன் இயல்பாக இருக்கிறார்’- மருத்துவமனை.

`சசிகலா சுயநினைவுடன் இயல்பாக இருக்கிறார்!' - பெங்களூரு மருத்துவமனை தகவல்

`ஆக்சிஜன் அளவு நேற்று 95 சதவிகிதமாக இருந்தது. இன்று 98 சதவிகதமாக அதிகரித்திருக்கிறது. உட்கொள்ளும் மருந்துகளுக்கும் சசிகலாவின் உடல் ஒத்துழைக்கிறது. சுயநினைவுடன் இயல்பாக இருக்கிறார்’- மருத்துவமனை.

Published:Updated:
சசிகலா அனுமதிக்கப்பட்டுள்ள விக்டோரியா மருத்துவமனை

சி.டி.ஸ்கேன் மூலம் கொரோனா பரிசோதனை மேற்கொள்வதற்காக சசிகலா அனுமதிக்கப்பட்டிருக்கும் விக்டோரியா மருத்துவனைக்கு இளவரசியும் இன்று அழைத்துவரப்படுகிறார். பெங்களூரு விக்டோரியா அரசு மருத்துவமனையில் அனுமதிக்கப்பட்டிருக்கும் வி.கே.சசிகலாவின் உடல்நிலை சீராக இருப்பதாக மருத்துவமனை நிர்வாகம் தெரிவித்திருக்கிறது.

இது தொடர்பாக மருத்துவமனை நிர்வாகம் இன்று காலை வெளியிட்டிருக்கும் பரிசோதனை அறிக்கையில், ``சசிகலாவுக்குத் தொற்றின் தாக்கம் குறைந்திருக்கிறது. உடல்நிலையில் நல்ல முன்னேற்றம் காணப்படுகிறது. நார்மலாக சுவாசிக்கிறார். ஐ.சி.யூ வார்டில் தொடர்ந்து மருத்துவர்களின் கணிகாணிப்பில் இருக்கிறார். சிகிச்சைக்கும் சசிகலா முழு ஒத்துழைப்பு கொடுக்கிறார்" என்று தெரிவிக்கப்பட்டிருக்கிறது.

சசிகலா உடல்நிலை அறிக்கை
சசிகலா உடல்நிலை அறிக்கை

தொடர்ந்து செய்தியாளர்களிடம் பேசிய விக்டோரியா மருத்துவமனை கண்காணிப்பாளர் ரமேஷ் கிருஷ்ணா, ``ஆக்சிஜன் அளவு நேற்று 95 சதவிகிதமாக இருந்தது. இன்று 98 சதவிகிதமாக அதிகரித்துள்ளது. உட்கொள்ளும் மருந்துகளுக்கும் அவரின் உடல் ஒத்துழைக்கிறது. சுயநினைவுடன் இயல்பாக இருக்கிறார். சசிகலாவை வேறு மருத்துவமனைக்கு மாற்ற உறவினர்கள் கேட்டார்கள்.

அதற்கு நாங்கள் அனுமதி தரவில்லை. இதுவரை 7,500-க்கும் அதிகமான கோவிட் நோயாளிகளுக்கு இங்கு சிகிச்சை அளிக்கப்பட்டிருக்கிறது. அனைத்து மருத்துவ வசதிகளும் இருக்கின்றன. தொடர்ந்து இங்கேயே சிகிச்சை எடுக்க சசிகலா தரப்பினரும் ஒப்புக்கொண்டனர்" என்றார்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தநிலையில், சி.டி.ஸ்கேன் எடுப்பதற்காக இளவரசியும் விக்டோரியா மருத்துவமனைக்கு இன்று அழைத்து வரப்படவிருக்கிறார். சசிகலாவைத் தொடர்ந்து இளவரசிக்கும் ஏற்கெனவே ஆர்.டி.பி.சி.ஆர் பரிசோதனை எடுக்கப்பட்டது. அதில் இருவருக்குமே தொற்று இல்லை என நெகட்டிவ் ரிசல்ட் வந்தது. சசிகலாவின் உடல்நிலை கடுமையாக பாதிக்கப்பட்டதை தொடர்ந்து சி.டி.ஸ்கேன் எடுக்கப்பட்டது.

ஆதரவாளர்களை நோக்கிக் கையசைக்கும் சசிகலா
ஆதரவாளர்களை நோக்கிக் கையசைக்கும் சசிகலா

இந்தப் பரிசோதனையில், சசிகலாவுக்கு நுரையீரலில் அதி தீவிர கொரோனா தொற்று இருப்பது கண்டறியப்பட்டது. எனவே, இளவரசிக்கும் சி.டி ஸ்கேன் பரிசோதனை செய்யப்படவிருக்கிறது. சசிகலாவின் உடல்நிலையை அறிய அவரின் உறவினர்களும், அ.ம.மு.க-வினரும் பெங்களூருவுக்கு அதிக அளவில் வருகிறார்கள்.