Published:Updated:

அ.தி.மு.க-வால் பழிவாங்கப்பட்டோம்! - விடியலுக்காகக் காத்திருக்கும் பட்டதாரி ஆசிரியர்கள்...

பட்டதாரி ஆசிரியர்கள்
பிரீமியம் ஸ்டோரி
பட்டதாரி ஆசிரியர்கள்

தி.மு.க ஆட்சியில் தேர்ந்தெடுக்கப்பட்டவர்களுக்கு வேலை கொடுக்கக் கூடாது என்பதற்காகத்தான்’ என்பது பிறகுதான் எங்களுக்குத் தெரியவந்தது.

அ.தி.மு.க-வால் பழிவாங்கப்பட்டோம்! - விடியலுக்காகக் காத்திருக்கும் பட்டதாரி ஆசிரியர்கள்...

தி.மு.க ஆட்சியில் தேர்ந்தெடுக்கப்பட்டவர்களுக்கு வேலை கொடுக்கக் கூடாது என்பதற்காகத்தான்’ என்பது பிறகுதான் எங்களுக்குத் தெரியவந்தது.

Published:Updated:
பட்டதாரி ஆசிரியர்கள்
பிரீமியம் ஸ்டோரி
பட்டதாரி ஆசிரியர்கள்

‘‘தி.மு.க ஆட்சியில் தேர்ந்தெடுக்கப்பட்டவர்கள் என்ற ஒரே காரணத்துக்காக, பணி நியமனம் செய்யாமல் கடந்த 10 ஆண்டுகளாக அ.தி.மு.க அரசு பழிவாங்கியதால் பாதிக்கப்பட்டோம்’’ என்று கண்ணீருடன் சொல்லும் ஆயிரக்கணக்கான பட்டதாரி ஆசிரியர்கள், தற்போது தி.மு.க ஆட்சி அமைந்திருப்பதால் ‘விடிவு கிடைக்காதா?’ என்று காத்திருக்கிறார்கள்.

பட்டதாரி தமிழ் ஆசிரியர் சங்கத்தின் மாநிலத் தலைவர் இராக.ராமு, ‘‘2010-ம் ஆண்டு தி.மு.க ஆட்சியின்போது, ஆசிரியருக்குப் படித்த பட்டதாரி ஆசிரியர்களின் பணி நியமனத்துக்காக, பதிவு மூப்பு அடிப்படையில் சுமார் 30,000 பேருக்குச் சான்றிதழ் சரிபார்ப்பு நடத்தப்பட்டது. அதோடு, அந்த ஆண்டே 2,000 பட்டதாரி தமிழ் ஆசிரியர்கள் உட்பட 18,000 ஆசிரியர்களுக்கு அரசுப்பள்ளிகளில் பணி நியமன ஆணை வழங்கப்பட்டது. மீதமுள்ள 12,000 ஆசிரியர்களைப் பணி நியமனம் செய்வதற்குள், சட்டமன்றத் தேர்தல் அறிவிப்பு வந்துவிட்டது.

அ.தி.மு.க-வால் பழிவாங்கப்பட்டோம்! - விடியலுக்காகக் காத்திருக்கும் பட்டதாரி ஆசிரியர்கள்...

அ.தி.மு.க ஆட்சிப் பொறுப்புக்கு வந்து ஜெயலலிதா முதல்வரானவுடன், ஆசிரியர் பணிக்குப் பதிவு மூப்பு அடிப்படையில் நியமனம் செய்வதை ரத்துசெய்து, மத்திய அரசால் கொண்டுவரப்பட்ட ஆசிரியர் தகுதித்தேர்வை நடைமுறைக்குக் கொண்டுவந்தார். இதற்குக் கடும் எதிர்ப்பு எழுந்ததை அடுத்து ஆசிரியர் தகுதித்தேர்வு முறை இல்லாமல், பதிவு மூப்பு அடிப்படையைப் பின்பற்றி 1,500 பட்டதாரி தமிழ் ஆசிரியர்களுக்குச் சான்றிதழ் சரிபார்ப்பு நடத்தி, 242 பேரை மட்டும் பணியில் அமர்த்தினார்கள். 1,258 தமிழ் ஆசிரியர்கள் பணிக்காகக் காத்திருக்க வைக்கப்பட்டார்கள். தொடர்ந்து, ‘பதிவு மூப்பு அடிப்படையில் இனி ஆசிரியர்களை நியமனம் செய்ய முடியாது. ஆசிரியர் தகுதித்தேர்வு முறையில் மட்டுமே நியமனம் செய்யப்படும்’ என்று அறிவித்தார் ஜெயலலிதா.

அ.தி.மு.க-வால் பழிவாங்கப்பட்டோம்! - விடியலுக்காகக் காத்திருக்கும் பட்டதாரி ஆசிரியர்கள்...

அந்த அறிவிப்பு வெளியிடப்பட்டதற்குக் காரணமே, ‘தி.மு.க ஆட்சியில் தேர்ந்தெடுக்கப்பட்டவர்களுக்கு வேலை கொடுக்கக் கூடாது என்பதற்காகத்தான்’ என்பது பிறகுதான் எங்களுக்குத் தெரியவந்தது. பின்னர், உயர் நீதிமன்ற மதுரைக் கிளையில் வழக்கு தொடர்ந்தோம். தேசிய ஆசிரியர் நிர்ணயக் கல்விக்குழு, எங்களுக்கு ஆசிரியர் தகுதித்தேர்வு பொருந்தாது என அறிவித்திருந்ததைச் சுட்டிக்காட்டினோம். நீதிமன்றமும் எங்களைப் பணி நியமனம் செய்ய வேண்டும் என உத்தரவிட்டது. அப்போதைய எதிர்க்கட்சித் தலைவராக இருந்த கருணாநிதியும், ‘தி.மு.க ஆட்சியில் பதிவு மூப்பு அடிப்படையில் தேர்ந்தெடுக்கப்பட்டவர்களை, பணி நியமனம் செய்ய வேண்டும். அரசு மேல்முறையீடு செய்யக் கூடாது’ என அறிக்கை வெளியிட்டார்.

ஆனால் தமிழக அரசு, உச்ச நீதிமன்றத்தில் மேல்முறையீடு செய்தது. அங்கு வழக்கு தள்ளுபடி செய்யப்பட்டதுடன், எங்களைப் பணிக்கு அமர்த்த வேண்டும் என்ற உத்தரவும் வந்தது. அதன் பிறகும் அ.தி.மு.க அரசு நியாயமான எங்களின் கோரிக்கைக்குச் செவிசாய்க்கவில்லை. இதையடுத்து, சென்னை சேப்பாக்கத்தில் உண்ணாவிரதம், மாவட்ட தலைநகரங்களில் பேரணி எனப் பலகட்ட போராட்டங்களை நடத்தினோம். 2016-ம் ஆண்டிலும் அ.தி.மு.க-வே ஆட்சிக்கு வந்ததால் அப்போதும் எங்களுக்கு நியாயம் கிடைக்கவில்லை.

அ.தி.மு.க-வால் பழிவாங்கப்பட்டோம்! - விடியலுக்காகக் காத்திருக்கும் பட்டதாரி ஆசிரியர்கள்...

இதற்கிடையில், அரசு வேலை கிடைக்காத விரக்தியில் பலர், தனியார் பள்ளி ஆசிரியர்களாகவும், ஆசிரியர் அல்லாத மாற்றுப்பணிகளுக்கும் சென்றுவிட்டார்கள். பலர் வயது மூப்பு அடைந்துவிட்டார்கள். ஆண்டுகள் ஓடியதே தவிர எங்களுக்கான கதவு திறக்கப்படவே இல்லை.

தற்போது, பட்டதாரி தமிழ் ஆசிரியர்கள் 1,258 பேர், பட்டதாரி ஆசிரியர்கள் 5,000 பேர் என மொத்தம் 6,258 பேர் களத்தில் போராடிக்கொண்டு வேலைக்காகக் காத்துக்கிடக்கிறோம். இப்போது வேலை கிடைத்தாலும்கூட நாங்கள் 10 ஆண்டுகள்கூட பணியில் இருக்க முடியாத வயதில் இருக்கிறோம். தி.மு.க ஆட்சி அமைந்திருப்பதால் எங்கள் கோரிக்கைக்கு முதல்வர் செவிசாய்ப்பார் என்ற நம்பிக்கையுடன் காத்திருக்கிறோம்” என்றார்.

ராமு
ராமு
சுப்புலெஷ்மி
சுப்புலெஷ்மி

பட்டதாரி ஆசிரியர் சுப்புலெஷ்மி, ‘‘ஆசிரியருக்குப் படித்துவிட்டு தகுதியிருந்தும் வாய்ப்பு மறுக்கப்பட்டதை ஏற்றுக்கொள்ள முடியவில்லை. புதுப்புது விதிமுறைகளால் எங்கள் வாழ்க்கை தடைப்பட்டுவிட்டது. அரசியல் காழ்ப்புணர்ச்சி காரணமாகப் பழிவாங்கப்பட்டதால் ஒரு தலைமுறையே பாதிக்கப்பட்டுவிட்டது. தற்போதைய முதல்வர் ஸ்டாலின் தேர்தலுக்கு முன்பு நடத்திய ‘விடியலை நோக்கி’ கூட்டத்தில் கோரிக்கை மனு கொடுத்துள்ளோம். தகுதியுள்ள எங்களின் கோரிக்கையைப் பரிசீலித்து, எங்களைப் பணி நியமனம் செய்து, எங்கள் வாழ்கையில் விடியல் ஏற்படுத்துவார் என்ற கடைசி நம்பிக்கையோடு காத்திருக்கிறோம்’’ என்றார்.

பள்ளி கல்வித்துறை அமைச்சர் மகேஷ் பொய்யாமொழியிடம் பேசியபோது, ‘‘இந்த விஷயம் முதலமைச்சர் ஸ்டாலின் கவனத்துக்குக் கொண்டு செல்லப்பட்டு உரிய நடவடிக்கை எடுக்கப்படும்’’ என்றார்.

ஆசிரியர்களுக்கு விடியல் கிடைக்குமா?