Published:Updated:

``இதே நிலை நீடித்தால், இலங்கை நிலைதான் தமிழ்நாட்டுக்கும்..." - எச்சரிக்கும் பிரேமலதா விஜயகாந்த்

பிரேமலதா

``சந்திரபாபு நாயுடு `ரேஷன் அரிசி கடத்தலைக் கட்டுப்படுத்துங்கள்’ என்று தமிழ்நாடு முதல்வருக்குக் கடிதம் எழுதுகிறார். இதன் மூலம் தமிழ்நாட்டின் நிலை என்னவென்று தெளிவாகத் தெரிகிறது.” - பிரேமலதா விஜயகாந்த்

``இதே நிலை நீடித்தால், இலங்கை நிலைதான் தமிழ்நாட்டுக்கும்..." - எச்சரிக்கும் பிரேமலதா விஜயகாந்த்

``சந்திரபாபு நாயுடு `ரேஷன் அரிசி கடத்தலைக் கட்டுப்படுத்துங்கள்’ என்று தமிழ்நாடு முதல்வருக்குக் கடிதம் எழுதுகிறார். இதன் மூலம் தமிழ்நாட்டின் நிலை என்னவென்று தெளிவாகத் தெரிகிறது.” - பிரேமலதா விஜயகாந்த்

Published:Updated:
பிரேமலதா

``இலங்கை நிதி நெருக்கடியில் சிக்கித்தவிக்கிறது. இதைத் தமிழ்நாடு அரசு ஒரு பாடமாக எடுத்துக்கொள்ள வேண்டும். இந்தியாவிலேயே தமிழ்நாட்டில்தான் 37% இலவசத் திட்டங்கள் அறிவிக்கப்பட்டுள்ளதாகப் புள்ளிவிவரங்கள் தெரிவிக்கின்றன. இதேநிலை, நீடித்தால் இலங்கைக்கு ஏற்பட்ட நிலை நாளை நமக்கும் வரும்” என்று தி.மு.க ஆட்சியைக் கடுமையாக விமர்சனம் செய்தார் பிரேமலதா.

விஜயகாந்த், பிரேமலதா
விஜயகாந்த், பிரேமலதா

அரியலூர் மாவட்டத்தில் பல்வேறு நிகழ்ச்சிகளில் கலந்துகொண்ட தேமுதிக பொருளாளர் பிரேமலதா விஜயகாந்த், தனியார் ஹோட்டலில் பத்திரிகையாளர்களைச் சந்தித்தார். ``தேமுதிக-வைப் பொறுத்தவரையில் தற்போது யாருடனும் நாங்கள் கூட்டணியில் இல்லை. தமிழகம் முழுவதும் எங்களது கட்சி வளர்ச்சி குறித்து ஆலோசனை நடத்திவருகிறோம். தமிழ்நாடு அரசு ஓராண்டில் நூறாண்டுச் சாதனை செய்துள்ளதாகத் தம்பட்டம் அடித்துவருகிறது. ஆனால், மக்கள் போற்றும் சாதனை எதையுமே செய்யவில்லை என்று மக்களே சொல்லத் தொடங்கியிருக்கிறார்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

சந்திரபாபு நாயுடு `ரேஷன் அரிசி கடத்தலைக் கட்டுப்படுத்துங்கள்’ என்று தமிழ்நாடு முதல்வருக்குக் கடிதம் எழுதுகிறார். இதன், மூலம் தமிழ்நாட்டின் நிலை என்னவென்று தெளிவாகத் தெரிகிறது. ரேஷன் பொருள்கள் கடத்தல் என்பதை ஆளுங்கட்சியினரே செய்கின்றனர். இது எல்லோருக்கும் நன்கு தெரியும். ஆனால் இவர்கள் நடவடிக்கை எடுப்பார்களா...

பத்திரிக்கையாளர் சந்திப்பு
பத்திரிக்கையாளர் சந்திப்பு

தமிழ்நாட்டில் சட்டம்-ஒழுங்கு சிறப்பாக இருப்பதாக முதல்வர் சொல்கிறார். ஆனால், தினந்தோறும் கொலை, கொள்ளை, பாலியல் கொடுமைகள் அதிகரித்துள்ளன. பட்டப்பகலிலேயே பெண்கள் வெளியில் செல்ல முடியவில்லை. சட்டம்-ஒழுங்கு அந்த அளவுக்குக் கேள்விக்குறியாகியுள்ளது. குற்றவாளிகளை இரும்புக்கரம் கொண்டு அடக்க வேண்டும்.

தினந்தோறும் மீனவர்கள் தாக்கப்பட்டுக்கொண்டிருக்கிறார்கள். இதைத் தடுக்க வேண்டுமென்றால் கச்சத்தீவை மீட்கவேண்டிய சரியான தருணம் இது. கச்சத்தீவை மீட்டால் மத்திய அரசைப் பாராட்டுவோம். இலங்கையில் ஆட்சி மாற்றம் நிகழ்ந்தது. பொது மக்களின் எதிர்ப்புக்கு உண்மையான காரணங்கள், உள்நாட்டு உற்பத்தியில் கவனம் செலுத்தவில்லை.

பிரேமலதா
பிரேமலதா

இலவசத் திட்டங்களை அதிகமாக வழங்கியதால்தான் இலங்கை நிதி நெருக்கடியில் சிக்கித் தவிக்கிறது. இதைத் தமிழ்நாடு அரசு ஒரு பாடமாக எடுத்துக்கொள்ள வேண்டும். இந்தியாவில் தமிழகத்தில்தான் 37% இலவசத் திட்டங்கள் அறிவிக்கப்பட்டுள்ளதாகப் புள்ளிவிவரங்கள் தெரிவிக்கின்றன. ஓட்டுக்காக ஆட்சியைப் பிடிப்பதற்கு

பொங்கலுக்குப் பணம், பெண்களுக்கு ஆயிரம் ரூபாய், ரேஷனில் இலவசப் பொருள்கள் என்று பல திட்டங்களைக் கொடுத்து மக்களிடம் நல்ல பெயர் எடுக்க நினைக்கிறார்கள்,

ஸ்டாலின் VS பிரேமலதா
ஸ்டாலின் VS பிரேமலதா

ஆனால், இது தவறான செயல்களில் ஒன்று. தனிநபரின் கடன் சுமை அதிகரித்துக்கொண்டிருக்கிறது. இதேநிலை, தொடர்ந்தால் இலங்கை நிலைதான் தமிழ்நாட்டுக்கும் வரும்” என்றார் காட்டமாக.