Published:Updated:

ஸ்டாலினுக்குக் கரிகாலச் சோழன் நினைவுப்பரிசு? - தஞ்சை முதல்வர் விழா அப்டேட்ஸ்!

ஸ்டாலின்
News
ஸ்டாலின்

விழாவில் முத்தாய்ப்பாக முதலமைச்சர் ஸ்டாலினுக்கு, கரிகாலச் சோழன் சிலை நினைவுப்பரிசு வழங்கப்படவிருப்பதாகக் கூறப்படுகிறது.

விழாவில் ஸ்டாலினுக்கு, கரிகாலச் சோழன் நினைவுப்பரிசு வழங்கப்படவிருப்பதாகத் தகவல்கள் வெளியாகியிருக்கின்றன. தஞ்சாவூரில் மறைந்த முன்னாள் முதலமைச்சர் ஜெயலலிதாவுக்கு `பொன்னியின் செல்வி' பட்டம் கொடுத்து சிலையும் பரிசாகக் கொடுத்ததை தற்போது நினைவுகூர்ந்து தஞ்சை வட்டார மக்கள் பேசிவருகிறார்கள்.
நலத்திட்ட உதவி வழங்கும் விழா ஏற்பாட்டில்
நலத்திட்ட உதவி வழங்கும் விழா ஏற்பாட்டில்

தஞ்சாவூரில் நாளை முதலமைச்சர் ஸ்டாலின் தலைமையில் அரசு நலத்திட்ட உதவிகள் வழங்கும் விழா நடைபெறவிருக்கிறது. மன்னர் சரபோஜி அரசு கலைக் கல்லூரி மைதானத்தில் இதற்காக பிரமாண்ட பந்தல் அமைக்கப்பட்டுவருகிறது. அமைச்சர்கள் நேரு, மகேஷ் பொய்யாமொழி, மாவட்ட ஆட்சியர் தினேஷ் பொன்ராஜ் ஆலிவர் உள்ளிட்ட அதிகாரிகள் அதற்கான ஏற்பாடுகளைச் செய்துவருகின்றனர்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

விழாவில் முத்தாய்ப்பாக முதலமைச்சர் ஸ்டாலினுக்கு கரிகாலச் சோழன் சிலை நினைவுப்பரிசு வழங்கப்படவிருப்பதாகக் கூறப்படுகிறது. இதற்காக, புவிசார் குறியீடு பெற்றிருக்கும் 'நெட்டி'யினைக்கொண்டு கரிகாலச் சோழன் நினைவுச் சின்னம் தயாராகிக்கொண்டிருக்கிறது. மறைந்த முதலமைச்சர் ஜெயலலிதா 2013-ல் முதலமைச்சராக இருந்தபோது, விவசாயிகள் சார்பில் தஞ்சாவூரில் நடத்தப்பட்ட பாராட்டுவிழாவில் ஜெயலலிதாவுக்கு 'பொன்னியில் செல்வி' பட்டமும், பொன்னியின் செல்வி சிலை ஒன்றும் பரிசாக வழங்கப்பட்டது.

ஸ்டாலின் கலந்துகொள்ளவிருக்கும் 
நலத்திட்ட உதவி விழா ஏற்பாட்டில்
ஸ்டாலின் கலந்துகொள்ளவிருக்கும் நலத்திட்ட உதவி விழா ஏற்பாட்டில்

இந்த நிலையில், முதலமைச்சர் ஸ்டாலினுக்கும் நினைவுப்பரிசு வழங்க முடிவு செய்திருக்கிறார்கள். இது தொடர்பாக நம்மிடம் பேசிய விவரமறிந்தவர்கள், ``காவிரி நடுவர் மன்றத் தீர்ப்பை மத்திய அரசிதழில் வெளியிட நடவடிக்கை மேற்கொண்டதற்காக அப்போதைய முதலமைச்சர் ஜெயலலிதாவுக்கு பிரமாண்ட பாராட்டுவிழா நடத்தப்பட்டது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மன்னர் சரபோஜி அரசுக் கல்லூரியில் பிரமாண்ட பந்தல் அமைத்து, மாநாட்டைப்போல அந்த நிகழ்ச்சிக்கு ஏற்பாடு செய்து நடத்தினர். அந்த விழாவில் விவசாய அமைப்புகளைச் சேர்ந்தவர்கள் `பொன்னியின் செல்வி’ பட்டத்தை ஜெயலலிதாவுக்கு வழங்கியதுடன், பொன்னியின் செல்வி சிலையையும் நினைவுப்பரிசாகக் கொடுத்தனர். ஜெயலலிதாவுக்கு, பொன்னியின் செல்வி பட்டம் கொடுக்கப்பட்டது அப்போது பரவலாகப் பேசப்பட்டது.

கரிகால் சோழன்
கரிகால் சோழன்

இந்த நிலையில், கடந்த சில வாரங்களாக, தஞ்சாவூர் மாவட்டத்திலுள்ள அனைத்துச் சட்டமன்றத் தொகுதிகளிலும் அமைச்சர் அன்பில் மகேஷ், மாவட்ட ஆட்சியர் தினேஷ் பொன்ராஜ் ஆலிவர் தலைமையில் நடைபெற்ற `மக்களைத் தேடி முதல்வர்' முகாமில் பொதுமக்களின் குறைகள் மனுக்களாகப் பெறப்பட்டன. உதவி கேட்டு சுமார் 50,000 மனுக்கள் வரை வந்திருப்பதாகக் கூறப்படுகிறது. இதில் தகுதியான பயனாளிகளைத் தேர்ந்தெடுத்து நலத்திட்டம் வழங்கப்படவிருக்கிறது. கிட்டத்தட்ட மனு கொடுத்தவர்களில் 50 சதவிகிதம் பேர் தேர்ந்தெடுக்கப்பட்டிருப்பதாகவும் சொல்லப்படுகிறது.

இதுமட்டுமின்றி இன்னும் பலருக்கும் முதலமைச்சர் ஸ்டாலின் நலத்திட்ட உதவிகளை வழங்கவிருக்கிறார். 30-ம் தேதி காலை 10 மணிக்குத் தொடங்கும் விழா மதியம் வரை நடைபெறும் எனத் தெரிகிறது. விழாவில் பிரமாண்ட கூட்டத்தைக் கூட்டுவதற்காக தி.மு.க நிர்வாகிகள் பல்வேறு இடங்களில் ஆலோசனைக் கூட்டங்கள் நடத்திவருகிறார்கள்.

பந்தல் அமைக்கும் பணி
பந்தல் அமைக்கும் பணி

ஜெயலலிதாவுக்குப் பாராட்டுவிழா நடைபெற்ற அதே கல்லூரியில், அதே இடத்தில் நலத்திட்ட உதவிகள் வழங்கும் விழாவுக்கான ஏற்பாடுகளும் செய்யப்பட்டுவருகின்றன. விவசாயிகள் நலனில் அக்கறைகொண்டவராக முதலமைச்சர் ஸ்டாலின் செயல்பட்டுக்கொண்டிருக்கிறார். அவர்களின் கோரிக்கைகளைப் பரிசீலித்து உடனடியாக நிறைவேற்றிக் கொடுக்கிறார். இயற்கை விவசாயத்துக்கும் முக்கியத்துவம் கொடுத்துச் செயல்பட்டுக்கொண்டிருக்கிறார்.

குறிப்பாக, காவிரி டெல்டா விவசாயிகள் குறைகளைத் தீர்ப்பதில் முனைப்புடன் செயல்பட்டுக்கொண்டிருப்பதாக விவசாயிகள் புகழாரம் சூட்டிவருகின்றனர். மாமன்னன் கரிகால் சோழன் ஆயிரம் ஆண்டுகளுக்கு முன்னரே விவசாயிகள் பயன்பெறும் வகையில் கல்லணை கட்டினார். அதன் வழியாகத் தண்ணீர் செல்வதனாலேயே தஞ்சை, திருவாரூர், நாகை உள்ளிட்ட பல மாவட்டங்கள் உயிர்ப்புடனும் பசுமையுடனும் இருக்கின்றன.

முதல்வர் ஸ்டாலின்
முதல்வர் ஸ்டாலின்

விவசாயிகளுக்குப் பக்கபலமாக இருந்து அவர்கள் நலனில் அக்கறைகொண்டு செயல்படும் முதலமைச்சர் ஸ்டாலினுக்கு நலத்திட்ட உதவிகள் வழங்கும் விழாவில் நெட்டியில் செய்யப்பட்ட கரிகாலச் சோழன் சிலை நினைவுப்பரிசு வழங்கப்படவிருக்கிறது. இதற்கான ஏற்பாட்டை மாவட்ட நிர்வாகம் செய்துவருகிறது. நினைவுப்பரிசு மட்டும் வழங்குகிறார்களா அல்லது `கரிகாலச் சோழன்’ பட்டமும் கொடுக்கிறார்களா என்பது நிகழ்ச்சியில்தான் தெரியும்" என்றனர்.