Published:Updated:

``ஒலிபெருக்கிகளை அகற்றாவிடில் பிரச்னைகளுக்கு நாங்கள் பொறுப்பல்ல” - ராஜ் தாக்கரே எச்சரிக்கை

ராஜ் தாக்கரேவுக்கு நினைவுப்பரிசு

``மகாராஷ்டிராவில் வரும் 4-ம் தேதி மசூதிகளில் இருக்கும் ஒலிபெருக்கிகளை அகற்றாவிட்டால் அதனால் ஏற்படும் பிரச்னைகளுக்கு நாங்கள் பொறுப்பு கிடையாது” என்று ராஜ் தாக்கரே எச்சரித்துள்ளார்.

``ஒலிபெருக்கிகளை அகற்றாவிடில் பிரச்னைகளுக்கு நாங்கள் பொறுப்பல்ல” - ராஜ் தாக்கரே எச்சரிக்கை

``மகாராஷ்டிராவில் வரும் 4-ம் தேதி மசூதிகளில் இருக்கும் ஒலிபெருக்கிகளை அகற்றாவிட்டால் அதனால் ஏற்படும் பிரச்னைகளுக்கு நாங்கள் பொறுப்பு கிடையாது” என்று ராஜ் தாக்கரே எச்சரித்துள்ளார்.

Published:Updated:
ராஜ் தாக்கரேவுக்கு நினைவுப்பரிசு

மகாராஷ்டிராவில் உள்ள மசூதிகளில் இருக்கும் ஒலிபெருக்கிகள் மக்களுக்கு இடையூறாக இருப்பதால் அவற்றை அகற்ற வேண்டும் என்று மகாராஷ்டிரா நவநிர்மாண் சேனாவின் ராஜ் தாக்கரே எச்சரிக்கை விடுத்திருந்தார். அதுவும் `மே 3-ம் தேதி மசூதிகளில் இருக்கும் ஒலிபெருக்கியை அகற்றவில்லையெனில் மசூதிக்கு வெளியில் ஒலிபெருக்கியை வைத்து ஹனுமான் சாலிசா எனப்படும் பாராயணம் பாடுவோம்’ என்றும் எச்சரிக்கை விடுத்திருந்தார். அதோடு முஸ்லிம்கள் அதிகம் வசிக்கும் அவுரங்காபாத் நகரத்தில் நேற்று பிரமாண்ட பொதுக்கூட்டத்துக்கும் ராஜ் தாக்கரே தரப்பில் ஏற்பாடு செய்யப்பட்டிருந்தது. இந்தக் கூட்டத்தில் கலந்துகொண்டு உரையாற்றிய ராஜ் தாக்கரே, மீண்டும் மாநில அரசுக்கு ஒலிபெருக்கி விவகாரத்தில் எச்சரிக்கை விடுத்தார்.

கூட்டத்தில் கலந்துகொண்டவர்கள்
கூட்டத்தில் கலந்துகொண்டவர்கள்

``மகாராஷ்டிராவில் உள்ள அனைத்து மசூதிகளில் இருக்கும் ஒலிபெருக்கிகளை வரும் 4-ம் தேதி அகற்ற வேண்டும். அப்படி அகற்றவில்லையெனில் இரண்டு மடங்கு பலத்துடன் மசூதிக்கு வெளியில் ஹனுமான் பாராயணம் பாடுவோம். மே 3-ம் தேதி ரம்ஜான் வருகிறது. எனவே விழாவைச் சீர்குலைக்க விரும்பவில்லை. ஆனால் 4-ம் தேதிக்குப் பிறகு எதையும் கேட்க மாட்டோம். எங்களது கோரிக்கையை நீங்கள் புரிந்துகொள்ளவில்லையெனில் எங்களது வழியில் அதைக் கையாளுவோம். 4-ம் தேதியிலிருந்து நான் அமைதியாக இருக்க மாட்டேன். ஒலிபெருக்கியை எங்கு பார்த்தாலும் அதன் முன்பாக ஹனுமான் பாராயணத்தை பாடுவோம். மசூதிகளில் இருக்கும் ஒலிபெருக்கியை அகற்றவில்லையெனில் மகாராஷ்டிராவின் பலத்தை நான் உங்களுக்குக் காட்டுவேன்.

ஒட்டுமொத்த விகடனுக்கும் ஒரே ஷார்ட்கட்!

எங்களது கோரிக்கை நிறைவேற்றப்படாத பட்சத்தில் ஏற்படும் பிரச்னைகளுக்கு நாங்கள் பொறுப்பு கிடையாது. நான் என்ன செய்வேன் என்று தெரியாது. இங்கு இருக்கும் போலீஸாருக்கு ஒன்றைச் சொல்லிக்கொள்கிறேன். இப்போதே மசூதிகளில் இருக்கும் ஒலிபெருக்கிகளை அகற்றத் தொடங்கிவிடுங்கள். நான் திரும்பவும் சொல்கிறேன், ஒலிபெருக்கிப் பிரச்னை மதப் பிரச்னை கிடையாது. அது சமூகப் பிரச்னை. நீங்கள் இதை மதப் பிரச்னையாக்கினால் உங்கள் வழியிலேயே பதிலடி கொடுப்போம். மகாராஷ்டிராவில் வன்முறையை ஏற்படுத்த விரும்பவில்லை.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஆனால் ஒலிபெருக்கி பொதுமக்களுக்கு இடையூறு செய்கிறது. நாசிக்கைச் சேர்ந்த முஸ்லிம் பத்திரிகையாளர் ஒருவர் ஒலிபெருக்கியால் தன்னுடைய குழந்தைகள் பாதிக்கப்பட்டுள்ளதாக என்னிடம் தெரிவித்தார். ஒலிபெருக்கி பிரச்னை புதிதாக எழுப்பப்படவில்லை. இதற்கு முன்பும் இது குறித்து விவாதிக்கப்பட்டுக்கொண்டுதான் இருக்கிறது. ஒரு நிருபர் என்னிடம் `ஏன் திடீரென இப்பிரச்னையைக் கிளப்புகிறீர்கள்?’ என்று கேட்டார். நான் இதற்கு முன்பும் இந்தப் பிரச்னை குறித்து கேள்வி எழுப்பப்பட்டிருப்பதாகச் சொன்னேன்.

பொதுக்கூட்டத்தின் ஒரு பகுதி
பொதுக்கூட்டத்தின் ஒரு பகுதி

உத்தரப்பிரதேசத்தில் ஒலிபெருக்கிகள் அகற்றப்படும்போது மகாராஷ்டிராவில் ஏன் ஒலிபெருக்கிகளை அப்புறப்படுத்தக் கூடாது. அனைத்து வழிபாட்டுத்தலங்களிலிருந்தும் ஒலிபெருக்கிகளை அப்புறப்படுத்த வேண்டும் என்று விரும்புகிறேன். ஆனால் முதலில் மசூதிகளில் இருக்கும் ஒலிபெருக்கிகளை அகற்றுங்கள். ஒலிபெருக்கி சட்டபூர்வமானது கிடையாது. சுப்ரீம் கோர்ட்டும் ஒலிபெருக்கிகள் சட்டவிரோதமானவை என்று தெரிவித்துள்ளது. மகாராஷ்டிரா அரசியல் மிகவும் மோசமான நிலையில் சென்றுகொண்டிருக்கிறது. எனது பேச்சு சமுதாயத்தைப் பிரிப்பதாக இருக்கிறது என்று சரத் பவார் கூறுகிறார். உண்மையில் சாதிப் பிரிவினைக்கு சரத் பவார்தான் காரணம் என்பதை சொல்லிக்கொள்ள விரும்புகிறேன். சரத் பவார்தான் சாதி மத அடிப்படையில் வெறுப்பு அரசியல் நடத்துகிறார். சத்ரபதி சிவாஜி குறித்து பிரிட்டன் எழுத்தாளர் ஜேம்ஸ் லேன் எழுதிய புத்தகத்தின் அடிப்படையில் மகாராஷ்டிராவை சரத் பவார் சாதிரீதியாகப் பிரித்துள்ளார்” என்று தெரிவித்தார்.

ராஜ் தாக்கரே பொதுக்கூட்டம் நடத்த போலீஸார் 16 நிபந்தனைகளுடன் அனுமதி கொடுத்திருந்தனர். 15 ஆயிரம் பேர் மட்டுமே கூட்டத்தில் பங்கேற்க வேண்டும் என்று தெரிவித்திருந்தனர். ஆனால் ராஜ் தாக்கரே கட்சியினர் மட்டுமல்லாமல் பாஜக-வினரும் ஏராளமாகக் கலந்துகொண்டனர். வரும் நாள்களில் இது போன்ற பொதுக்கூட்டங்களை அதிகமாக நடத்தப்போவதாகவும் ராஜ் தாக்கரே தெரிவித்தார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism