Published:Updated:

`உபரி’நீரா, `கழிவு’நீரா? - உளறல் பட்டியலில் இணைந்த அடுத்த அமைச்சர்!

காரைக்குடியில் செய்தியாளர்களிடம் பேசிய அமைச்சர் ஜி.பாஸ்கரன், முதலமைச்சர் கழிவுநீரைக் கொண்டுவருவதற்கு ஆர்வமாக இருக்கிறார் என்று பேசியிருக்கிறார்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

அனல் பறக்கும் தேர்தல் பிரசார களத்தில், அரசியல்வாதிகளின் உளறல்கள் தொடர்கதையாகிவிட்டன. அமைச்சர்கள், எம்.எல்.ஏ-க்கள் என, எந்தக் கட்சியை எடுத்தாலும் உளறல் மற்றும் சர்ச்சை பேச்சுகளை தினமும் காண முடிகிறது. குறிப்பாக அ.தி.மு.க-வில் அமைச்சர் திண்டுக்கல் சீனிவாசன், செல்லூர் ராஜூ, ராஜேந்திர பாலாஜி ஆகியோர் மைக்கைப் பிடித்தாலே மீம் கன்டென்ட்கள் தயாராகிவிடுகின்றன. இவ்வளவு ஏன்... ``வரும் தேர்தலில் தி.மு.க ஆட்சி அமைக்கும்” என்று முதலமைச்சர் எடப்பாடி பழனிசாமியே பிரசாரத்தில் பேசினார் என்றால் பாருங்களேன். அந்த வரிசையில் சிவகங்கை மாவட்டத்தில், அமைச்சர் ஜி.பாஸ்கரனின் உளறியிருக்கிறார்.

கதர் மற்றும் கிராமியத் தொழில்கள் வாரியத்துறை அமைச்சரான ஜி.பாஸ்கரன் கொடுக்கும் பேட்டிகள், மேடைப்பேச்சுகள் எல்லாமே சர்ச்சை ரகம். கடந்த சில நாள்களுக்கு முன்னர் திருப்பத்தூர் பகுதிக்குப் பரப்புரை செய்யவந்த மு.க.ஸ்டாலின், அமைச்சர் ஜி.பாஸ்கரனைக் கடுமையாகச் சாடினார். செல்லூர் ராஜூ, ராஜேந்திர பாலாஜி, திண்டுக்கல் சீனிவாசன் லிஸ்ட்டில் பாஸ்கரனும் வர முயல்கிறார் என்றார்.

ஜி.பாஸ்கரன்
ஜி.பாஸ்கரன்

அப்படிப்பட்ட ட்ராக் ரெக்கார்டுகொண்ட அமைச்சர் மீண்டும் ஒரு சர்ச்சைப் பேட்டி கொடுத்திருக்கிறார். `சிவகங்கைக்கு முதல்வர் கழிவுநீரைக் கொண்டு வர ஆர்வமாக இருக்கிறார்’ என்று அவர் கூறியதே சர்ச்சைக்குக் காரணம்.

சிவகங்கை மாவட்டம், காரைக்குடியில் கட்சி நிகழ்ச்சியில் பங்கேற்ற அமைச்சர் பின் செய்தியாளர்களைச் சந்தித்தார். அப்போது பேசிய அவர், ``ஸ்டாலின் முதல்வரான பிறகுதான் திட்டங்களைச் செயல்படுத்துவேன் என்கிறார். ஆனால் முதல்வர் திட்டங்கள் அனைத்தையும் தற்போதே உடனுக்குடன் செயல்படுத்திவருகிறார். பெட்ரோல், டீசல் விலை உயர்வு எல்லாம் மத்திய அரசுப் பிரச்னை. கண்டனூர் கதர்கிராம மையம் கொரோனாவால் மூடப்பட்டிருந்தது. தற்போது அது செயல்படுத்தப்படும்” என்றார்.

அமைச்சர் ஜி.பாஸ்கரன்
அமைச்சர் ஜி.பாஸ்கரன்
சாய்தர்மராஜ்

தொடர்ந்து அவர் பேசிய போது ``காவிரி - குண்டாறு இணைப்புத் திட்டத்தின் மூலம், கழிவு’நீரை சிவகங்கை மக்களுக்குக் கொண்டு வர முதல்வர் ஆர்வமாக இருக்கிறார்” எனத் தெரிவித்தார். குடிநீர்ப் பிரச்னையைத் தீர்க்க `உபரி’நீரைக் கொண்டு வருவோம் என்பதற்கு பதில் கழிவுநீரைக் கொண்டுவருவோம் என்று கூறியதும், அவருடனிருந்து கட்சியினரே சற்று ஆடித்தான் போயினர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு