Published:Updated:

ஒன் பை டூ

ஜோதிமணி - வானதி சீனிவாசன்
பிரீமியம் ஸ்டோரி
ஜோதிமணி - வானதி சீனிவாசன்

சீனா என்று பெயர் சொல்லவே பயப்படும் பயந்தாங்கொள்ளிப் பிரதமர் இவர்.

ஒன் பை டூ

சீனா என்று பெயர் சொல்லவே பயப்படும் பயந்தாங்கொள்ளிப் பிரதமர் இவர்.

Published:Updated:
ஜோதிமணி - வானதி சீனிவாசன்
பிரீமியம் ஸ்டோரி
ஜோதிமணி - வானதி சீனிவாசன்

பிரதமர் மோடி மக்களிடம் பேசும் வீடியோவுக்கு அதிக ‘டிஸ்லைக்’ வருவது ஏன்?

ஜோதிமணி, கரூர் நாடாளுமன்ற உறுப்பினர் (காங்கிரஸ்)

‘‘பெரும்பாலான மக்களுக்கு உணவு இல்லை; தொழில் இல்லை; வேலை இல்லை; பிள்ளைகளுக்குப் பள்ளிக் கட்டணம் செலுத்த முடியவில்லை; மருத்துவமனையில் வைத்தியம் பார்க்கப் பணமில்லை; பலருக்கும் முழுச் சம்பளமில்லை; பொருளாதாரம் சரியில்லை; இளைஞர்களுக்கு நிலையான எதிர்காலமில்லை; விவசாயம் செய்தால் லாபமில்லை. இவை தவிர இட ஒதுக்கீட்டுப் பிரச்னை, மருத்துவப் படிப்புப் பிரச்னை, பெண்களுக்கு எதிரான குற்றங்கள் அதிகரிப்பு, கேரளாவின் நிலப்பரப்புக்குச் சமமான அளவு சீனா எல்லையில் ஆக்கிரமிப்பு செய்திருக்கிறது... அவ்வளவு ஏன், சொந்த நாட்டில் அகதிகள்போல மக்கள் நடந்துபோனார்கள். இந்த முக்கியமான பிரச்னைகளெல்லாம் பற்றி வாய் திறக்காமல், மக்களிடம் கண்டதையும் பேசி என்ன பயன்?

சீனா என்று பெயர் சொல்லவே பயப்படும் பயந்தாங்கொள்ளிப் பிரதமர் இவர். `மாஸ்க் போடுங்கள், சமூக இடைவெளியைக் கடைப்பிடியுங்கள்’ என டி.வி-யை ஆன் செய்தாலே, போனை எடுத்தாலே சொல்கிறார்கள். அதையே தனியாக வந்து ஒரு பிரதமரும் பேசினால் என்ன செய்வார்கள்? ‘டிஸ்லைக்’தான் போடுவார்கள்!’’

ஒட்டுமொத்த விகடனுக்கும் ஒரே ஷார்ட்கட்!

ஜோதிமணி - வானதி சீனிவாசன்
ஜோதிமணி - வானதி சீனிவாசன்

வானதி சீனிவாசன், தமிழக பா.ஜ.க துணைத் தலைவர்

``மக்களைப் பற்றி மட்டுமே சிந்திக்கும் தலைவர்களில் முதன்மையானவர் மோடி. வேளாண்மை, பொருளாதாரம், மருத்துவம் எனப் பல்வேறு துறைகளிலும் முன்னேற எவ்வளவோ நல்ல நல்ல திட்டங்களைத் தீட்டிக்கொண்டேயிருக்கிறார். அவற்றை மக்களிடமும் சொல்கிறார். ஆனால், வெளிநாட்டில் ஃபேக் ஐடி-யில் இயங்குபவர்கள் மோடி மீது அவதூறு பரப்புகிறார்கள். அவர்கள்தான் டிஸ்லைக்கும் போடுகிறார்கள். 98 சதவிகித ‘டிஸ்லைக்’ துருக்கி நாட்டிலிருந்து போடப்பட்டதுதான். இது திட்டமிடப்பட்ட சதி. `கோ பேக் மோடி’ என்ற டிரெண்ட்கூட பாகிஸ்தானிலிருந்து செய்யப்பட்டதுதான். ஃபேக் ஐடி-யில் என்னைப் பற்றிக்கூட அவதூறு பரப்பினார்கள். ஐபி அட்ரஸைவைத்து செக் செய்தால், அந்த ஐடி வெளிநாட்டில் இருக்கும்; அவர்களைப் பிடிப்பது கடினம். அதனால்தான் நமது அரசாங்கம் சமூக வலைதள நிறுவனங்களுக்குப் பலமுறை எச்சரிக்கை செய்திருக்கிறது. ஃபேக் ஐடி-க்களைக் கட்டுப்படுத்தத்தான், `ஆதார் அட்டையோடு சமூக வலைதளப் பக்கங்களை லிங்க் செய்ய வேண்டும்’ என்று அரசாங்கம் சொல்லிவருகிறது. இந்த ‘டிஸ்லைக்’கை மக்களிடம் எழுந்த எதிர்ப்பு அலையாக நாங்கள் பார்க்கவேயில்லை!’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism