Published:Updated:

“முருகன் யாருக்குச் சொந்தம்?”

சீமான் - இல.கணேசன்
பிரீமியம் ஸ்டோரி
News
சீமான் - இல.கணேசன்

எந்த அரசியல் அதிகமாக ஈர்க்கப்படுதுனு சர்வே எடுக்குறாங்க. நாங்க முன்னெடுக்கும் அரசியல் எடுபடுது.

சீமான், நாம் தமிழர் கட்சியின் தலைமை ஒருங்கிணைப்பாளர்

``பா.ஜ.க-வுக்குப் புதிய சிந்தனை, புதிய அரசியல், புதிய கோட்பாடுகள் என எதுவுமே இல்லை தம்பி. கேரளாவில் ஐயப்பனைத் தொட்டாங்க. ஒண்ணும் வேலைக்கு ஆகலை. இப்போ இங்கே முருகனைக் கையில எடுக்குறாங்க. முருகன் எங்கள் தமிழின மூதாதையன், தமிழ்க் கடவுள்னு எட்டு ஆண்டுகளாக நாங்க பேசிக்கிட்டு இருக்கோம். அதனாலதான், `வீரத்தமிழர் முன்னணி’ ஆரம்பிச்சு `திருமுருகப் பெருவிழா’னு நடத்திக்கிட்டு இருக்கோம். `வேல் பேரணி’ நடத்தினோம்; நடத்துவோம். நான் கட்சி ஆரம்பிப்பதற்கு முன்பே பா.ஜ.க இருந்ததுதானே... அப்போ ஏன் முருகனைக் கையில எடுக்கலை... யாத்திரை நடத்தலை... இந்த ஆறு மாசமாகத்தான் முருகன் அவங்க கண்ணுக்குத் தெரியுறாரா?

எந்த அரசியல் அதிகமாக ஈர்க்கப்படுதுனு சர்வே எடுக்குறாங்க. நாங்க முன்னெடுக்கும் அரசியல் எடுபடுது. அதை அப்படியே காப்பி அடிக்கிறாங்க. ரஜினிக்கு டூப் போட்டு நடிச்சா, அந்த டூப்பே ரஜினி ஆகிடுவாரா? ஒருவேளை முருகனால் எழுச்சி ஏற்பட்டாலும், எனக்குத்தான் லாபமாகுமே தவிர பா.ஜ.க-வுக்கு அது போகாது. முருகனை உளமாரப் போற்றுவது நாங்கள்தான். நாங்கள் மட்டும்தான்!”

இல.கணேசன், பா.ஜ.க மூத்த தலைவர்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

``முருகக் கடவுள் அனைவருக்கும் பொதுவானவர். முதலில் அதைப் புரிந்துகொள்ள வேண்டும். தமிழகத்துக்கு மாநிலத் தலைவர் நியமனம் செய்த பிறகு, மாநிலம் முழுக்க அறிமுகமாக ஒரு யாத்திரையை மேற்கொள்வது வழக்கமானதுதான். நான், பொன்.ராதாகிருஷ்ணன், டாக்டர் தமிழிசை உட்பட எல்லோருமே தலைவராகப் பதவியேற்றதும் மாநிலம் முழுக்கப் பயணம் செய்திருக்கிறோம்.

எல்.முருகன் தலைவராகப் பதவியேற்றதும் கொரோனா வந்துவிட்டதால், இப்போது `வேல் யாத்திரை’ போகவிருக்கிறார். ‘திருமாவளவன், இந்த யாத்திரை கலவரத்துக்கு வழிவகுக்கும்’ என்று சொல்வதால், அவர்மேல்தான் எனக்குச் சந்தேகம் வருகிறது. அவர் கலவரம் செய்யத் திட்டுமிட்டிருக்கிறாரோ என்று தோன்றுகிறது. அரசாங்கம் மிகக் கவனமாக இருக்க வேண்டும். எங்கள் ஊர்வலம் அமைதியானது.

சீமான் வேல் எடுப்பதற்கு அதிகாரமே கிடையாது. அவர் ஒரு கிறிஸ்தவர். இந்து மதத்துக்குச் சம்பந்தமில்லாதவர். முப்பாட்டன் முருகன் என்றெல்லாம் அவராகச் சொல்லிக்கொண்டு திரிகிறார். ஒருவகையில் அது உண்மைதான். அவரின் அப்பாவுக்கு அப்பாவுக்கு அப்பா முருகனை வழிபடக்கூடியவராக இருந்திருப்பார். அதனால், முப்பாட்டன் என்கிறார் சீமான். ஆனாலும், முருகனைச் சொந்தம் கொண்டாட சீமானுக்குத் துளியும் உரிமையில்லை!”