Published:Updated:

``அதிமுக சார்பில் உச்ச நீதிமன்றத்தில் மேல்முறையீடு செய்வோம்!" - பொதுக்குழு தீர்ப்பு குறித்து ஓபிஎஸ்

ஓபிஎஸ்

கடந்த சில ​நாள்களாக தனது சொந்த ஊரான தேனி மாவட்ட​ம், பெரியகுளத்தில்​ தங்கி ஆதரவாளர்களைச் சந்தித்துவந்த ​ஓ.பன்னீர்செல்வம்​ அவருக்குப் பாதகமான தீர்ப்பு வந்ததைத் தொடர்ந்து​ இன்று​ மதியம்​ சென்னைக்குப் புறப்பட்டார்.

``அதிமுக சார்பில் உச்ச நீதிமன்றத்தில் மேல்முறையீடு செய்வோம்!" - பொதுக்குழு தீர்ப்பு குறித்து ஓபிஎஸ்

கடந்த சில ​நாள்களாக தனது சொந்த ஊரான தேனி மாவட்ட​ம், பெரியகுளத்தில்​ தங்கி ஆதரவாளர்களைச் சந்தித்துவந்த ​ஓ.பன்னீர்செல்வம்​ அவருக்குப் பாதகமான தீர்ப்பு வந்ததைத் தொடர்ந்து​ இன்று​ மதியம்​ சென்னைக்குப் புறப்பட்டார்.

Published:Updated:
ஓபிஎஸ்

கடந்த ​ஜூலை 11​-ம் தேதி​ ந​டந்த​ அ.தி.மு.க பொதுக்குழு​க் கூட்டம் செல்லாது என உயர் நீதிமன்ற தனி நீதிபதி ​பிறப்பித்த உத்தரவை எதிர்த்து​ எடப்பாடி பழனிசாமி​ மேல்முறையீடு செய்​தார். இந்த வழக்கு விசாரணை ஏற்கெனவே முடிந்த நிலையில், இன்று இரு நீதிபதிகள்கொண்ட அமர்வு தீர்ப்பு வழங்கியது.

எடப்பாடி பழனிசாமி
எடப்பாடி பழனிசாமி

​அதில் தனி நீதிபதி வழங்கிய தீர்ப்பை ரத்துசெய்தும், ஜூலை 1​​1-ம் தேதி​ ந​டந்த அ.தி.மு.க பொதுக்குழுக் கூட்டம் செல்லும் என​வும்​ நீதிபதிகள் தீர்ப்பளித்தனர். ​பெரிதும் எதிர்பார்க்கப்பட்ட இந்தத் தீர்ப்பு அ.தி.மு.க அரசியல்​ சூழலில் பரபரப்பை ஏற்படுத்தியிருக்கிறது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

​இ​தற்கிடையே கடந்த சில ​நாள்களாகத் தனது சொந்த ஊரான தேனி மாவட்ட​ம், பெரியகுளத்தில்​ தங்கி ஆதரவாளர்களைச் சந்தித்துவந்த ​ஓ​.பன்னீர்செல்வம்​ அவருக்குப் பாதகமான தீர்ப்பு வந்ததைத் தொடர்ந்து​ இன்று​ மதியம்​ சென்னைக்குப் புறப்பட்டார்.

ஓபிஎஸ் வீடு
ஓபிஎஸ் வீடு

அப்போது செய்தியாளர்க​ளைச் சந்தித்த அவர், ``இன்று உயர் நீதிமன்றம் வழங்கிய தீர்ப்பை எதிர்த்து அ.தி.மு.க சார்பில் உச்ச நீதிமன்றத்தில் மேல்முறையீடு செய்யப்படும்" எ​ன்றார்.

​முன்னதாக ஓ.பி.எஸ் ஆதரவாளரான வடசென்னை மேற்கு மாவட்ட அ.தி.மு.க செயலாள​ர் கொளத்தூர் கிருஷ்ணமூர்த்தி, ``பொதுக்குழு தொடர்பாக இதுவரை வழங்கப்பட்ட தீர்ப்புகள் மாறி மாறி வந்திருக்கின்றன. ‌‌இரு நீதிபதிகள் வழங்கிய இந்தத் தீர்ப்பும் இறுதியானது அல்ல. சட்ட வல்லுநர்களுடன் ஆலோசனை நடத்தி மேல்முறையீடு செய்வோம்.

ஓபிஎஸ்
ஓபிஎஸ்

மேலும் 2,537​ ​பொதுக்குழு உறுப்பினர்களின் ஆதரவை வைத்து எடப்பாடி பழனிசாமிக்கு ஆதரவு இருக்கிறது என எண்ணிவிட முடியாது.‌ அ.தி.மு.க-வில் உள்ள ஒன்றரைக் கோடி தொண்டர்கள் ஓ.பி.எஸ் பக்கம்தான் இருக்கிறார்கள். இந்த​த்​ தீர்ப்பின் மூலம் நாங்கள் சோர்வடைந்துவிட மாட்டோம். இதைவிட இன்னும் எழுச்சியாகத்தான் இருப்போம்.‌ எந்தச் சூழ்நிலையிலும் ஓ.பி‌.எஸ் பக்கம்தான் இருப்போம்" என்றார்.

இதேபோல ஒ.பி.எஸ் ஆதரவாளர் கோவை செல்வராஜ்​, ``நீதி​​மன்றத் தீர்ப்பை மதிப்பவர் ஓ.பி.எஸ். அ.தி.மு.க-வின் நிர்வாகிகள் பட்டியலை கடந்த 29.04.2022 அன்று தேர்தல் ஆணையத்தில் கொடுத்திருக்கிறோம். கட்சியைப் பொறுத்தமட்டில் தேர்தல் ஆணையம் கூறுவதையே ஏற்றுக்கொள்ள வேண்டும். அதன்படி தற்போதுவரை ஒருங்கிணைப்பாளராக ​ஓ.பன்னீர்செல்வமும், இணை ஒருங்கிணைப்பாளராக எடப்பாடி பழனிசாமி​யும்​ இருக்கின்றனர்.​ அதேபோல கட்சியின் பொருளாளராக ​ஓ.பி.எஸ் தொடர்கிறார்.

கோவை செல்வராஜ்
கோவை செல்வராஜ்

இவர்கள் தலைமையில்தான் நடந்து முடிந்த இரண்டு தேர்தல்களை அ.தி.மு.க சந்தித்தது. மேலும் எடப்பாடிக்கு முதலமைச்சர் வேட்பாளர், எதிர்க்கட்சித் தலைவர் அந்தஸ்து என அனைத்தையும் ஓ.பி.எஸ் வழங்கியிருக்கிறார். ஆனால், அ.தி.மு.க-வை அழிக்கும் நடவடிக்கையில் இ.பி.எஸ் ஈடுபடுகிறார். எடப்பாடி பழனிசாமி அதைக் கைவிட வேண்டும். ஜெயலலிதா வகித்த பொதுச்செயலாளர் பதவியில் அமர நினைக்கும் எடப்பாடி பழனிசாமியின் செயலைப் பார்த்து தொண்டர்கள் வேதனைப்படுகின்றனர். நிச்சயமாக ஓ.பி.எஸ் தலைமையில் அ.தி.மு.க வழிநடத்தப்படும். இடைக்காலத் தீர்ப்பைப் பற்றி எங்களுக்குக் கவலை இல்லை.​ ​தேர்தல் ஆணையத்தின் முடிவே இறுதியானது. ஓ.பி.எஸ் இருக்கும்வரை அ.தி.மு.க-வை எந்தக் கொம்பனாலும் தொட்டுப் பார்க்க முடியாது" எனத் தெரிவித்தார்.

ஓ.பி.எஸ் தொகுதியில் ​எடப்பாடி ஆதரவாளர்கள் பட்டாசு வெடித்துக்​ கொண்டாட்டம்!

இன்று உயர் நீதிமன்ற தீர்ப்பை வரவேற்று எடப்பாடி பழனிசாமி அணியினர் பட்டாசு வெடித்துக் கொண்டாடிவருகின்றனர். அதன்படி ​​ஓ.பன்னீர்செல்வ​​த்தின் ​சொந்த ​சட்டமன்றத் தொகுதியான போடி​யில் எடப்பாடி ஆதரவாளர்கள் பட்டாசு வெடித்துக் கொண்டாடினர்.

எடப்பாடி பழனிசாமி - சென்னை உயர் நீதிமன்றம்
எடப்பாடி பழனிசாமி - சென்னை உயர் நீதிமன்றம்

அ.தி.மு.க விவசாய அணி மாநில துணைத் தலைவர் சேது தலைமையிலான ​எடப்பாடி ஆதரவாளர்கள் போடி வள்ளுவர் சிலையிலிருந்து ஊர்வலமாக வந்து தேவர் சிலை அருகே பட்டாசு வெடித்தும், பொதுமக்களுக்கு இனிப்புகள் வழங்கியும் கொண்டாட்டத்தில் ஈடுபட்டனர். மேலும், ``எடப்பாடி பழனிசாமி வாழ்க! பொதுச்செயலாளர் எடப்பாடி பழனிசாமி வாழ்க!" என கோஷங்கள் எழுப்பினர்.