Published:Updated:

தூர்வாரும் பணியில் ஓ.பி.எஸ்! - வியப்பில் தேனி மக்கள்

களப்பணியில் ஜெயபிரதீப்
பிரீமியம் ஸ்டோரி
களப்பணியில் ஜெயபிரதீப்

வடகிழக்குப் பருவ மழையை எதிர்கொள்ள ஆயத்தமாக, குடிமராமத்து திட்டத்தின் கீழ் தமிழக அரசு பல்வேறு நீர்நிலைகளைத் தூர்வாரிக்கொண்டிருக்கிறது.

தூர்வாரும் பணியில் ஓ.பி.எஸ்! - வியப்பில் தேனி மக்கள்

வடகிழக்குப் பருவ மழையை எதிர்கொள்ள ஆயத்தமாக, குடிமராமத்து திட்டத்தின் கீழ் தமிழக அரசு பல்வேறு நீர்நிலைகளைத் தூர்வாரிக்கொண்டிருக்கிறது.

Published:Updated:
களப்பணியில் ஜெயபிரதீப்
பிரீமியம் ஸ்டோரி
களப்பணியில் ஜெயபிரதீப்

இந்த நிலையில், துணை முதல்வர் ஓ.பன்னீர்செல்வமும் தன் பங்குக்கு தேனி மாவட்டத்தில் இருக்கும் பத்து கண்மாய்களைத் தேர்ந்தெடுத்து தூர்வாரும் பணியை மேற்கொண்டுள்ளார். இதை, அவரின் இளைய மகன் ஜெயபிரதீப் மேற்பார்வையிட்டு வருகிறார். இந்தத் தூர்வாரும் பணி, தேனி மாவட்ட மக்களை வியப்பில் ஆழ்த்தியிருக்கிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மயிலாடும்பாறை கோவிலான்குளம், கோடாங்கிப்பட்டி கணக்கன்குளம், தாடிச்சேரிக் கண்மாய், ஜங்கால்பட்டி வண்ணான்குளம், எரசை நாயக்கன் குளம், வெப்பங்கோட்டை மாசாணம் குளம், மீனாட்சிபுரம் செட்டிகுளம், தென்கரை பாப்பையன்பட்டி குளம், பாலகோம்பை ஊசிமலைக் கண்மாய், தேவாரம் பெரியதேவிக்குளம் ஆகிய கண்மாய், குளங்களில் தூர்வாரும் பணி வேகமாக நடந்துவருகிறது.

தாடிச்சேரி கண்மாயில் ஐந்து ஜே.சி.பி-கள் மூலம் முள்செடிகளை அகற்றி, தூர்வாரும் பணி நடைபெற்றுக் கொண்டிருந்தது. அந்தப் பணியை மேற்பார்வை செய்து கொண்டிருந்த ஓ.பி.எஸ் மகன் ஜெயபிரதீப்பிடம் பேசினோம்.

களப்பணியில் ஜெயபிரதீப்
களப்பணியில் ஜெயபிரதீப்

‘‘தேனி மாவட்டம் முழுவதும் 42 நீர்நிலைகளைத் தூர்வாரத் திட்டமிட்டிருக்கிறோம். முதல்கட்டமாக பத்து நீர்நிலைகளைத் தூர்வாரும் பணி தொடங்கப்பட்டுள்ளது. நீர்நிலையில் உள்ள நாட்டுக் கருவேலமரங்கள் தவிர, சீமைக் கருவேலமரங்கள், புதர்கள் ஆகியவை அகற்றப்படுகின்றன. நீர்நிலைகளுக்கு நீர் வரக்கூடிய கால்வாய்களை முறையாகச் சீரமைக்கிறோம். தூர்வாரும்போது, ஒரு தட்டு மண்கூட வெளியே போகாது. அதற்காக, சம்பந்தப்பட்ட நீர்நிலைகளின் ஆயக்கட்டுதாரர்கள், விவசாயிகள் அடங்கிய குழு ஒன்றை ஏற்பாடு செய்திருக்கிறோம். அக்டோபர் 10-ம் தேதிக்குள் பணிகளை முடிக்கத் திட்டமிட்டிருக்கிறோம். அடுத்து, மீதம் உள்ள நீர்நிலைகளில் தூர்வாரப்படும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இதுபோக, உசிலம்பட்டி, சோழவந்தான் ஆகிய பகுதிகளில் தலா மூன்று கண்மாய்களைத் தேர்ந்தெடுத்திருக்கிறோம். அங்கேயும் விரைவில் பணிகள் தொடங்கப்படும்’’ என்றவரிடம்,

‘‘தூர்வாரும் பணிகளை சொந்தப் பணத்தில் இருந்துதான் செய்கிறீர்களா?’’ என்றோம்.

‘‘சொந்தப் பணம் என்று சொல்ல முடியாது. கட்சி தொண்டர்கள், நிர்வாகிகளின் பணத்தைக் கொண்டுதான் பணிகளைச் செய்துவருகிறோம். அந்தந்த நீர்நிலைகளைத் தூர்வார அவர்கள் கொடுக்கும் பொருள் மற்றும் பண உதவியும், அங்கு உள்ள ஆயக்கட்டுதாரர்கள் மற்றும் விவசாயி களின் பங்களிப்பும்தான் பணிகள் வேகமாக நடக்க உதவுகிறது’’ என்றார்.

பணி சிறக்க வாழ்த்துகள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism