Published:Updated:

கூட்டிக்கழிச்சுப் பார்த்தா கணக்கு தப்பா இருக்கே?!

அரசியல்வாதிகள்
பிரீமியம் ஸ்டோரி
அரசியல்வாதிகள்

என்னடா வழி மாறி பைனான்ஸ் கம்பெனி பதிவேட்டுக்குப் போய்ட்டமோன்னு குழப்பமே வந்துடுச்சு.

கூட்டிக்கழிச்சுப் பார்த்தா கணக்கு தப்பா இருக்கே?!

என்னடா வழி மாறி பைனான்ஸ் கம்பெனி பதிவேட்டுக்குப் போய்ட்டமோன்னு குழப்பமே வந்துடுச்சு.

Published:Updated:
அரசியல்வாதிகள்
பிரீமியம் ஸ்டோரி
அரசியல்வாதிகள்

ஐ.பி.எல், பிக்பாஸ், சர்வைவர்ன்னு இப்போ மக்களை என்டர்டெய்ன் பண்ண யார் வேணாலும் போட்டி போடலாம். ஆனா, மக்களுக்கு ஆல் டைம் என்டர்டெய்ன்மென்ட் கன்டென்ட்களை அள்ளி வீசுவது நம்ம அரசியல் புள்ளிங்கதான். ‘இப்ப என்ன என்டர்டெய்ன்மென்ட், உள்ளாட்சித் தேர்தல்தானே?’ன்னு நீங்க யோசிக்கலாம். பாஸ்... இன்னும் சட்டசபைத் தேர்தல் கன்டென்டே முடியலை. அதுல இருக்கிற மிச்சம் மீதிய கிளறி சுடச்சுட விருந்து போடறோம்.

சட்டமன்றத் தேர்தலில் நிற்கும் ஒரு வேட்பாளர் 30.8 லட்ச ரூபாய் வரைதான் செலவு செய்ய முடியும். பூத் கமிட்டிக்கு ஒரு தொகை, பிரசார வாகனத்துக்கு ஒரு தொகை, வேட்புமனுத் தாக்கலுக்கு ஒரு தொகை, போஸ்டர் மற்றும் நோட்டீஸுக்கு ஒரு தொகை, பிரசாரத்துக்கு வரவங்களுக்கு சாப்பாடு, சரக்கு, இது இல்லாம ஓட்டுக்கு 500 முதல் 2,000 வரைன்னு மொத்தச் செலவையும் கூட்டிக் கழிச்சுப் பார்த்தா... ஒரு நிமிஷம் தலை சுத்தி நின்னுடும். இந்த 30 லட்சம் குவாட்டருக்கும், கோழி பிரியாணிக்குமே பத்தாதுங்கற விஷயம் எல்லாருக்கும் தெரியும். வி.வி.ஐ.பி அரசியல் வாதிகள் தேர்தல் ஆணையத்துக்குக் கொடுத்திருக்கிற குண்டக்க மண்டக்க வரவு செலவு விவரங்களைத்தான் பார்க்கப்போறோம். இதுல குறிப்பிடற எல்லாத் தொகை விவரமும் அந்தந்த வேட்பாளர் தேர்தல் ஆணையத்துக்குக் கொடுத்திருக்கிற தகவல்தான் மக்கா.

பி.ஜே.பி

கோவைத் தெற்குத் தொகுதில போட்டியிட்ட வானதி சீனிவாசனுக்குக் கட்சித் தலைமை 15 லட்சம், வெளியில் இருந்து வந்த அன்பளிப்பு, நன்கொடை18.44 லட்சம், சொந்தப் பணம் 60,000. ஆக மொத்தம் 34.4 லட்சம் வரவு வந்திருக்குன்னு சொல்லியிருக்காங்க. அதுல 27.2 லட்சம் மட்டும் செலவு பண்ணுனதாச் சொல்லியிருக்காங்க. செலவைவிட வரவு அதிகம். ‘ஆக... இதைத்தான் தன லாபம்னு எழுதினாங்களா’ன்னு அப்படியே கரூர் பக்கம் போனோம்.

ஐ.பி.எஸ் அதிகாரியாச்சே கணக்குல கறாரா இருப்பார்னு அண்ணாமலையோட வரவு செலவுகளைப் பார்த்தோம். என்னடா வழி மாறி பைனான்ஸ் கம்பெனி பதிவேட்டுக்குப் போய்ட்டமோன்னு குழப்பமே வந்துடுச்சு. அண்ணாமலைக்கும் கட்சித் தலைமை 15 லட்சம் கொடுத்திருக்கு. இதுபோக பல பைனான்ஸ் நிறுவனங்கள் அண்ணாமலைக்கு நன்கொடைகளை வாரி வழங்கியிருக்காங்க. பைனான்ஸ் கம்பெனிங்க மூலமா மட்டும் கிடைச்ச தொகை 25 லட்சம். 15+25 = 40 லட்சம் வரவு வந்திருக்கு. 40 லட்சத்துல 19.5 லட்சம் செலவு பண்ணுனதாச் சொல்லியிருக்காங்க. மொத்த வரவு 40 லட்சம்... செலவு 19.5 லட்சம். ஆக கம்பெனிக்கு லாபம் 20.5 லட்சம். வானதி தனலாபத்தைவிட, அண்ணாமலை தனலாபம் பெருசால்ல இருக்கு. அப்படியே தாராபுரம் பக்கம் வண்டிய விட்டோம். தலைவருங்கறதால எல்.முருகனுக்கு மட்டும் பி.ஜே.பி தலைமைல இருந்து 19 லட்சம் கொடுத்திருக்காங்க. அதோடு தன்னோட சொந்தப் பணம் 49,000 பயன்படுத்தினதா முருகன் சொல்லியிருக்கார்.

ஆயிரம் விளக்குத் தொகுதிய அலறவிடுவார்னு எதிர்பார்க்கப்பட்ட குஷ்புவுக்குக் கட்சித் தலைமை 15 லட்சம் கொடுத்திருக்கு. குஷ்பு தன்னோட சொந்தப் பணம் 2 லட்சம் பயன்படுத்தினதா சொல்லியிருக்காங்க. இதுதவிர அவ்னி சினிமேக்ஸ் கம்பெனி கிட்ட இருந்து 5 லட்சம் கடன் வாங்கினதா சொல்லியிருக்காங்க. அவ்னி சினிமேக்ஸ் சுந்தர் சி -க்குச் சொந்தமானது. கடன் வாங்கி கம்பெனி நடத்துவாங்க. ஆனா, சொந்த கம்பெனில இருந்தே கடன் வாங்கி தேர்தல்ல நின்ன உங்க நல்ல மனசு மக்களுக்குப் புரியாமப்போச்சே.

தி.மு.க

அண்ணா அறிவாலயம் எல்லா வேட்பாளர்களுக்கும் 25 லட்ச ரூபாய் அள்ளி வீசியிருக்கு. என்ன மாயமோ... மர்மமோ... மு.க. ஸ்டாலின், உதயநிதி ஸ்டாலின் கணக்கு விவரங்கள் ஓப்பனே ஆகல. பி.டி.ஆர்.பழனிவேல் தியாகராஜன் கணக்கைப் பார்த்தோம். கட்சித் தலைமை 25 லட்சம், 1 லட்சம் நன்கொடைன்னு 26 லட்சம் வரவு வந்திருக்கு. ஆனா, பி.டி.ஆர் செலவு பண்ணுனது என்னவோ 16.9 லட்சம் தானாம். கே.என்.நேருவுக்கு கட்சித் தலைமை 25 லட்சம், சொந்தப் பணம் 10,000, அன்பளிப்பு 10 லட்சம்னு மொத்தம் 35.1 லட்சம் வரவு வந்திருக்கு. அன்பளிப்பு கொடுத்த நல்ல மனசுக்காரர் யார்னு பார்த்தா, அது வேற யாரும் இல்ல, நேருவோட சகோதரர் ரவிச்சந்திரன்தான். மா.சுப்பிரமணியனுக்குக் கட்சித் தலைமை 25 லட்சம் கொடுக்க, அவரோட சொந்தப் பணம் 7.26 லட்சம் பயன்படுத்தினதா சொல்லியிருக்காப்டி. ஆர்கெஸ்ட்ரா மேடைல அந்த 500 ரூபா கொடுத்த சொந்தக் கட்சிக்காரங்க இல்லாம, உதயசூரியன் சின்னத்துல நின்ன எல்லாருக்கும் 25 லட்சம் கொடுத்து உற்சாகப்படுத்தியிருக்காங்க. தி.மு.க தலைமைக்குத் தமிழக வாழ்வுரிமைக் கட்சி வேல்முருகன் மேல மட்டும் என்ன பாசமோ அவருக்கு 25.25 லட்சம். அதாவது 25,000 கூடுதலா கொடுத்திருக்காங்க.

கூட்டிக்கழிச்சுப் பார்த்தா கணக்கு தப்பா இருக்கே?!

அ.தி.மு.க

நாலுவருஷம் முதல்வரா இருந்தாலும், எடப்பாடி பழனிசாமிக்கு என்ன கஷ்டமோ... அவர் கைல இருந்து சொந்தப்பணம் 3,000 தான் செலவு பண்ணியிருக்காரு. விஜயகுமார்னு ஒருத்தர்கிட்ட இருந்து 29 லட்சம் கடன் வாங்கிச் செலவு பண்ணுனதா கணக்கு காமிச்சிருக்கார் நம்ம எடப்பாடி ஐயா. ஆனா தன்னோட சொந்தப் பணம் 17.35 லட்சம் செலவு பண்ணியிருக்கார் ஓ.பி.எஸ். விழுப்புரம் தொகுதியில சி.வி.சண்முகம் 6.15 லட்சம் சொந்தப் பணம், அன்பளிப்பு, கடன் வகைல 15.8 லட்சம் வந்ததா சொல்லியிருக்காப்டி. அண்ணனுக்கு யார் அன்பளிப்பு கொடுத்திருக்கான்னு எடுத்துப் பார்த்தா 29 பேர் சொல்லி வெச்ச மாதிரி ஆளுக்கு 20,000 கொடுத்திருக்காங்க. அ.தி.மு.க சீனியர்கள் தங்கமணி, வேலுமணி, செல்லூர் ராஜு எல்லாரும் தங்களோட சொந்தக்காசை மட்டுமே செலவு பண்ணுனதாச் சொல்லியிருக்காங்க. ‘ஒவ்வொரு காசும் நாங்களா சம்பாதிச்சதுடா’ன்னு பில்லா அஜித் மாதிரி அவங்க பன்ச் பேசி எந்திரிக்கிறதுக்குள்ள ரெய்டு வந்துருச்சு.

ம.நீ.ம

தடுக்கி விழுந்தா தாஜ் ஹோட்டல், பக்கத்து ஊருக்குனாலும் ஹெலிகாப்டர்னு கெத்து காட்டிய கமல். ஒரு வேட்பாளர் 30.8 லட்சம் செலவு பண்ணலாம்தானே... அந்த 30.8 லட்சமும் என் பேர்லயே போட்டுக்கோங்க. கூட அப்படியே மானே தேனே பொன்மானே எல்லாம் சேர்த்துக்கோங்கன்னு ஒரு கணக்கைக் கொடுத்திருக்கார். எல்லாக் கட்சிலயும் ஒரு ரவுண்டு அடித்து, கடைசியா மய்யத்துல வண்டிய பார்க் பண்ணியிருக்கிற பழ.கருப்பையாவுக்கு மய்யம் 18 லட்சம் கொடுத்திருக்கு. தன்னோட சொந்தப்பணம் 13.5 லட்சம் செலவு பண்ணுனதா சொல்லியிருக்கார் கருப்பையா.

தினகரன்

கோவில்பட்டியில போட்டியிட்ட அ.ம.மு.க டி.டி.வி. தினகரன், சொந்தப்பணம் 75,878 போக மனைவி அணுராதாகிட்ட இருந்து 30 லட்சம் கடன் வாங்கினதா சொல்லியிருக்கார். என்னடா இது 20 ரூபாய் டோக்கனுக்கு வந்த சோதனை!

சீமான்

வேட்பு மனுவிலேயே குண்டக்க மண்டக்க தகவல் கொடுத்த நாம் தமிழர் சீமான் வரவு செலவு விவரங்கள் முழுசா பதிவேற்றப்படலை. இந்தாங்க ஓறவுகளே...ன்னு தம்பி தங்கைகளுக்கு (நாம் தமிழர் வேட்பாளர்களுக்கு) தலா 10,000 கொடுத்து ஊக்கப்படுத்தியிருக்கிறார்.

மற்றவர்கள்

தே.மு.தி.க தங்களோட வேட்பாளர்களுக்கு 3 லட்சம், காங்கிரஸ் மற்றும் வி.சி.க தங்களோட வேட்பாளர்களுக்கு 5 லட்சம் கொடுத்திருக்காங்க. தஞ்சாவூர், ராமநாதபுரம் போன்ற மாவட்டங்களில் தகவல்கள் முழுமையாகப் பதிவேற்றப்படவில்லை.

நடமாடும் நகைக்கடையா, ஹெலிகாப்டர்ல பறந்து கமலுக்கே டப் ஃபைட் கொடுத்த ஆலங்குளம் சுயேச்சை வேட்பாளர் ஹரிநாடார் தன்னோட சொந்தப் பணத்துல இருந்து மொத்தம் 19.8 லட்சம் செலவு பண்ணுனதா கணக்கு காட்டியிருக்கார். இதுக்கு மேல யாராச்சும் கணக்கு கேட்பீங்க..?