Election bannerElection banner
Published:Updated:

``பெற்ற தாயும் இல்லை, வளர்த்த தாயும் இல்லை” - பிரசாரத்தில் உருகும் செல்லூர் ராஜூ

செல்லூர் ராஜூ
செல்லூர் ராஜூ

மதுரை மேற்குத் தொகுதியில் மூன்றாவது முறையாகப் போட்டியிடும் செல்லூர் ராஜூ மீண்டும் வெற்றி பெறுவதற்காகக் கடுமையாக உழைத்துவருகிறார்.

``காரில் வரும்போதுதான் அமைச்சர். கீழே இறங்கிவிட்டால் நானும் சமுதாயத்தில் ஒருவன்தான்" என்று சென்டிமென்ட்டாகப் பேசி பிரசாரம் செய்துவருகிறார் அமைச்சர் செல்லூர் ராஜூ.

செல்லூர் ராஜூ
செல்லூர் ராஜூ

மதுரை மேற்குத் தொகுதியில் மூன்றாவது முறையாகப் போட்டியிடும் செல்லூர் ராஜூ மீண்டும் வெற்றி பெறுவதற்காக கடுமையாக உழைத்துவருகிறார். பலமான எதிர்க்கட்சிக் கூட்டணி, சொந்தக் கட்சியில் உள்ளடி வேலைகள் என நெருக்கடிகள் சூழ்ந்துள்ள நிலையில், தன்னுடைய வெற்றிக்காக ஒரு பகுதி விடாமல் பிரசாரம் செய்துவருகிறார்.

இன்று மனுத் தாக்கல் செய்வதற்கு முன், தாராப்பட்டியிலுள்ள கோயிலில் வழிபட்டு கொடிமங்கலம், காமாட்சிபுரம், மேலமாத்துர், கீழமாத்தூர் பகுதியில் பிரசாரத்தைத் தொடங்கினார்.

மனுத் தாக்கல் செய்த செல்லூர் ராஜூ
மனுத் தாக்கல் செய்த செல்லூர் ராஜூ

``கடந்த ஆண்டுகளில் தொகுதிக்குத் தேவையான அனைத்து வளர்ச்சித் திட்டங்களையும் கொண்டு வந்திருக்கிறேன். கிராம மக்களுக்கு அரசுத் திட்டங்கள் தடையின்றி செல்ல, என்னுடைய துறையில் சிறப்பாகப் பணியாற்றி அப்பழுக்கற்றவனாக இருக்கிறேன்.

காரில் வரும்போதுதான் அமைச்சர். கீழே இறங்கிவிட்டால் நானும் சமுதாயத்தில் ஒருவன்தான். அதிமுக தொண்டன்தான். என்னை பெற்ற தாயும் இல்லை; என்னை பொதுவாழ்வில் வளர்த்த தாயும் இல்லை. என்னைக் காப்பாற்றும் தாய் நீங்கள்தான்’’ என்று பேசினார்.

செல்லூர் ராஜூ
செல்லூர் ராஜூ

வாக்குப்பதிவு நடைபெறும் நாள் வரை இது போன்ற நெக்குருகும் பேச்சுகளை செல்லூராரிடமிருந்து எதிர்பார்ககலாம் என்கிறார்கள் அதிமுக ரத்தத்தின் ரத்தங்கள்.

Election bannerElection banner
அடுத்த கட்டுரைக்கு