Published:Updated:

பினாயில் முதல் மோட்டார் பம்ப் வரை... ஊழலோ ஊழல்!

டேனியல் ஜேசுதாஸ்
பிரீமியம் ஸ்டோரி
டேனியல் ஜேசுதாஸ்

கல்லா கட்டிய உள்ளாட்சி அமைப்புகள்...

பினாயில் முதல் மோட்டார் பம்ப் வரை... ஊழலோ ஊழல்!

கல்லா கட்டிய உள்ளாட்சி அமைப்புகள்...

Published:Updated:
டேனியல் ஜேசுதாஸ்
பிரீமியம் ஸ்டோரி
டேனியல் ஜேசுதாஸ்

‘உள்ளாட்சித் தேர்தல் விரைவில் நடக்கும்’ என்று ஆளுங்கட்சி சொல்லிவிட்டாலும் அது நடக்கும் என்பதை இப்போதுவரை உறுதியாகச் சொல்ல முடியவில்லை. அடுத்தடுத்த தடைகள் நீள்கின்றன. ஆனால், கடந்த மூன்று ஆண்டுகளாக மக்கள் பிரதிநிதிகள் இல்லாமல் உள்ளாட்சி அமைப்புகள் சீர்குலைந்துள்ளன. அதிகாரிகளின் பொறுப்பில் மேற்கொள்ளப்படும் உள்ளாட்சி நிர்வாகங்களில் ஏகத்துக்கும் நடக்கிறது ஊழல். அந்த வகையில் கோவையிலிருக்கும் உள்ளாட்சி அமைப்புகளில் நடக்கும் ஊழல்களை சமூகச் செயற்பாட்டாளரான டேனியல் ஜேசுதாஸ் தகவல் அறியும் உரிமைச் சட்டம் மூலம் வெளிக்கொண்டுவந்திருக்கிறார்.

பினாயில் முதல் மோட்டார் பம்ப் வரை... ஊழலோ ஊழல்!

ஸ்மார்ட் சிட்டி அந்தஸ்து பெற்ற மாநகராட்சி, மூன்று நகராட்சிகள், 37 பேரூராட்சிகள், 227 ஊராட்சிகள் என்று பரந்துவிரிந்து கிடக்கிறது கோவை மாவட்ட உள்ளாட்சி கட்டமைப்பு. கோவையில் உள்ள 35 பேரூராட்சிகள் மற்றும் மதுக்கரை ஊராட்சி ஒன்றியத்துக்கு உட்பட்ட ஒன்பது ஊராட்சிகளின் செலவின விவரங்களைத் தகவல் அறியும் உரிமைச் சட்டம் மூலம் வாங்கியிருக்கிறார் டேனியல் ஜேசுதாஸ்.

இதுகுறித்து பேசிய டேனியல் ஜேசுதாஸ், ‘‘மலுமிச்சம்பட்டி ஊராட்சி, சீரப்பாளையம் ஊராட்சி, அரிசிபாளையம் ஊராட்சி. நாச்சிப்பாளையம் ஊராட்சி, வெள்ளலூர் பேரூராட்சி ஆகியவை வாங்கிய அதே பொருளை, அவர்கள் வாங்கிய அதே கடையில் வாங்கினேன். இரண்டு ரசீதுகளையும் ஒப்பிடும்போது அரசுத் தரப்பில் வாங்கப்பட்ட பொருள்களின் விலை பல மடங்கு அதிகமாக இருந்தது கண்டு அதிர்ந்தேன் (பார்க்க... பாக்ஸ் செய்தி).

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஊராட்சி நிர்வாகம் வாங்கிய அதே கடையிலும், அவர்கள் வாங்கிய அதே குறிப்பிட்ட பிராண்டையும்தான் நானும் வாங்கியிருக்கிறேன். இதற்கு ஜி.எஸ்.டி-யுடன் பில் இருக்கிறது. நான் சில்லறை வர்த்தகத்தில் வாங்கும்போதே இவ்வளவு குறைவாகக் கிடைக்கும்போது, அவர்கள் மொத்தமாக வாங்கும்போது விலை இன்னும் குறையத்தானே வேண்டும்? ஆனால், இங்கு மொத்தமாக வாங்கியுமே விலையில் பல மடங்கு வித்தியாசம் இருக்கிறது.

டேனியல் ஜேசுதாஸ்
டேனியல் ஜேசுதாஸ்

ஒரு எல்.இ.டி விளக்கை 6,250 ரூபாய் என்ற அடிப்படையில் மொத்தம் 200 விளக்குகளை வெள்ளலூர் பேரூராட்சியினர் வாங்கியுள்ளனர். இதற்கு 12,50,000 ரூபாய் செலவாகியுள்ளது. ஆனால், 200 எல்.இ.டி விளக்குகளை நாம் 1,75,000 ரூபாய்க்கு வாங்கிவிடலாம். இதில் மட்டுமே கிட்டத்தட்ட 10,75,000 ரூபாய் ஊழல் நடந்திருக்கிறது. தெரு விளக்கை மூன்றாண்டுகளுக்கு ஒரு முறைதான் மாற்றவேண்டும் என்று தணிக்கை அறிக்கையில் குறிப்பிட்டுள்ளனர். ஆனால், இவர்கள் அந்த முறையைக் கடைப்பிடிக்காமல் அடிக்கடி மாற்றிக்கொண்டிருக்கின்றனர்.

ஒவ்வொரு பொருளிலும் 50 சதவிகிதத்துக்கு மேல் கூடுதல் விலைவைத்து ஊழல் செய்கிறார்கள். சராசரியாக ஓர் ஊராட்சி ஆண்டுக்கு இரண்டு கோடி ரூபாய்க்குப் பொருள்கள் வாங்குகிறது. இதில் ஒரு கோடி ரூபாய் ஊழல் நடக்கிறது. தமிழகம் முழுவதும் உள்ள அனைத்து ஊராட்சிகளிலும் இதேநிலைதான். தமிழகத்தில் மொத்தம் 12,618 ஊராட்சிகள் இருக்கின்றன. ஓர் ஊராட்சியில் ஆண்டுக்கு சராசரியாக ஒரு கோடி ரூபாய் ஊழல் என்றால், மொத்த ஊராட்சிகளையும் பட்டியலிட்டால் ஆண்டுக்கு 12 ஆயிரம் கோடி ரூபாய்க்கு ஊழல் நடக்கிறது’’ என்றார் ஆதங்கத்துடன்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சமூக ஆர்வலரான தியாகராஜன், ‘‘கடந்த 2014-ம் ஆண்டு, தமிழ்நாடு உள்ளாட்சி அமைப்புகள் முறைமன்ற நடுவம் உருவாக்கப் பட்டது. இதில் மாநகராட்சி, நகராட்சி, பேரூராட்சி, மாவட்ட ஊராட்சி அமைப்புகளை இணைத்துள்ளனர். ஆனால், கிராம ஊராட்சிகளை இணைக்கவில்லை. உள்ளாட்சி முறைமன்ற நடுவத்துக்கு தனி நீதிபதி இருப்பார். உள்ளாட்சி அமைப்புகளில் வரும் புகார்களை இந்த நடுவம் விசாரிக்கும். இதுவரை சுமார் 900 வழக்குகளில் தீர்ப்பு வழங்கியுள்ளது. ஆனால், அதிகளவு ஊழல் நடக்கும் கிராம ஊராட்சிகளை இதில் இணைக்காமல் இருப்பது ஏன் என்று தெரியவில்லை. இதனால், புகார் அளித்தாலும் ஊராட்சிகளில் நடக்கும் முறைகேடுகளை இந்த நடுவம் விசாரிக்க முடியாது.

மலுமிச்சம்பட்டி ஊராட்சி மன்ற அலுவலகம், சீரப்பாளையம் ஊராட்சி மன்ற அலுவலகம்
மலுமிச்சம்பட்டி ஊராட்சி மன்ற அலுவலகம், சீரப்பாளையம் ஊராட்சி மன்ற அலுவலகம்

கிராம ஊராட்சிகளை, உள்ளாட்சி முறைமன்ற நடுவத்தில் இணைக்க வேண்டும் என்று கடந்த ஐந்து ஆண்டுகளாக நாங்கள் கோரிக்கை விடுத்து வருகிறோம். அரசாங்கம் அதற்குச் செவி சாய்க்கவில்லை. எதிர்க்கட்சிகளும்கூட இதற்குக் குரல் கொடுக்கவில்லை. கிராம ஊராட்சிகளை உள்ளாட்சி முறைமன்ற நடுவத்தில் இணைப்பதன் மூலம்தான், இனி வரும் காலங்களில் ஓரளவுக்காவது ஊழலைக் கட்டுப்படுத்த முடியும்’’ என்றார்.

‘‘சந்தையில் ஏராளமான கடைகள் இருந்தும், அனைத்து ஊராட்சி மற்றும் பேரூராட்சிகளும் குறிப்பிட்ட மூன்று கடைகளில்தான் பொருள்களை வாங்கி வருகின்றனர். அந்த கடைகளுக்கும் இவர்களுக்கும் ரகசிய உடன்பாடு இருக்கிறது. இதனால், பொருள்களை வாங்காமல் பில் மட்டும் வாங்கி, செலவு செய்வதாகவும் கணக்குக் காட்டுகிறார்கள். ஊராட்சி செயலாளருக்கு 8,000 முதல் 10,000 ரூபாய் வரைதான் ஊதியம். ஆனால், கோவையில் உள்ள ஓர் ஊராட்சி செயலாளர் சமீபத்தில் இரண்டு கோடி ரூபாய்க்கு வீடு கட்டியுள்ளார். ஊராட்சிகளில் ஊழல் பணம் கொட்டுவதற்கு இதுவே உதாரணம்’’ என்கின்றனர் விவரம் அறிந்தவர்கள்.

இதுகுறித்து மலுமிச்சம்பட்டி ஊராட்சி செயலாளர் சுவாமிநாதனிடம் கேட்டோம். ‘‘அரசாங்கம் மூன்று விலைப்புள்ளிகளைக் கேட்பார்கள். அதில், யார் குறைவான விலைக்குத் தருகிறார்களோ அவர்களிடம் பொருள்களை வாங்குவோம். இதில் ஊழல் எல்லாம் நடக்கவில்லை’’ என்றார். அரிசிபாளையம் ஊராட்சி செயலாளர் ஜமுனாராணி, ‘‘மாவட்ட ஆட்சியர் அலுவலகத்தில் இருந்து ஆர்டர் வாங்கிக் கொண்டுதான் இங்கு வருகின்றனர். பி.டி.ஓ மூலம்தான் எங்களுக்குப் பொருள்கள் வரும். தன்னிச்சையாக நாங்கள் எந்தப் பொருளையும் வாங்குவதில்லை’’ என்றார். சீரப்பாளையம் ஊராட்சி செயலாளர் கார்த்தி, ‘‘ஏற்கெனவே அரசு தரப்பில் பணம் தர இழுத்தடிக் கின்றனர். கிடைக்கும் நிதியில் தகுந்த நிறுவனத் திடம்தான் பொருள்களை வாங்குகிறோம். சந்தையில் தேடித் தேடி, உடனடியாகப் பணம் கொடுத்தால், நீங்கள் சொல்லும் விலையில் பொருள்கள் கிடைக்கும்’’ என்றார்.

பினாயில் முதல் மோட்டார் பம்ப் வரை... ஊழலோ ஊழல்!

ஊரக வளர்ச்சித்துறை மற்றும் பஞ்சாயத்து ராஜ் இயக்குநர் பழனிச்சாமி, ‘‘இதுகுறித்து மாவட்ட ஊரக வளர்ச்சி முகமை திட்ட அதிகாரியை விசாரிக்கச் சொல்கிறேன்’’ என்றார்.

எல்லோரும் நடிக்கிறார் கள் என்பது மட்டும் நன்றாகத் தெரிகிறது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism