Published:Updated:

உணவுப் பாதுகாப்புத்துறையில் தனி ராஜாங்கம்! - அமைச்சர் விஜயபாஸ்கர் மீது பாயும் புகார்கள்

உணவுப் பாதுகாப்புத்துறையில் தனி ராஜாங்கம்
பிரீமியம் ஸ்டோரி
உணவுப் பாதுகாப்புத்துறையில் தனி ராஜாங்கம்

அரசாங்கத்தால் ஒரு துறை உருவாக்கப் படும்போது, ஒவ்வொரு பதவிக்குமான கல்வித்தகுதி, நிரப்பப்படும் முறை, பணியின் காலம் ஆகியவை அடங்கிய சர்வீஸ் ரூல்ஸ் உருவாக்கப்பட வேண்டும்.

உணவுப் பாதுகாப்புத்துறையில் தனி ராஜாங்கம்! - அமைச்சர் விஜயபாஸ்கர் மீது பாயும் புகார்கள்

அரசாங்கத்தால் ஒரு துறை உருவாக்கப் படும்போது, ஒவ்வொரு பதவிக்குமான கல்வித்தகுதி, நிரப்பப்படும் முறை, பணியின் காலம் ஆகியவை அடங்கிய சர்வீஸ் ரூல்ஸ் உருவாக்கப்பட வேண்டும்.

Published:Updated:
உணவுப் பாதுகாப்புத்துறையில் தனி ராஜாங்கம்
பிரீமியம் ஸ்டோரி
உணவுப் பாதுகாப்புத்துறையில் தனி ராஜாங்கம்
‘‘ஹோட்டல் மற்றும் கடைகளில் மாதத்துக்குப் பல லட்சங்களில் வசூல்; மாவட்ட நியமன அலுவலர்களின் பதவிகளை நீட்டிக்க லஞ்சம்; உணவுப் பாதுகாப்பு அலுவலர்கள் தொடர்ந்து அதே பணியிடத்தில் நீடிக்க லட்சக்கணக்கில் பேரம்... என இந்தத் துறையில் தனி ராஜாங்கமே நடத்திவருகிறார் அமைச்சர் விஜயபாஸ்கர். சுகாதாரத்துறையில் நடக்கும் ஊழல்கள் குறித்துப் பேசும் பலரும், உணவுப் பாதுகாப்புத்துறையை ஏனோ கண்டுகொள்வதே இல்லை’’ - இப்படிப் புகார் பட்டியல் வாசிக்கிறார்கள் தமிழ்நாடு உணவுப் பாதுகாப்புத்துறையின் நேர்மையான ஊழியர்கள் சிலர்.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அவர்களிடம் பேசினோம். ‘‘பொது சுகாதாரத்துறையின் ஒரு பகுதியாக விளங்கிவந்த உணவுப் பாதுகாப்பு மற்றும் மருந்து நிர்வாகத் துறையைக் கடந்த 2011-ம் ஆண்டு தனித்துறையாக உருவாக்கினார் அப்போதைய முதல்வர் ஜெயலலிதா. இந்தத் துறை உருவாக்கப்பட்டபோது மாவட்டத்துக்கு ஒரு நியமன அலுவலர் என மொத்தம் 32 பதவிகளும், வட்டார அளவில் ஓர் உணவுப் பாதுகாப்பு அலுவலர் என மொத்தம் 584 பதவிகளும் உருவாக்கப்பட்டன. தற்போது 280 உணவுப் பாதுகாப்பு அலுவலர்கள் பணியிலிருக்கிறார்கள். மாவட்ட நியமன அலுவலர்களாக, பொது சுகாதாரத்துறையைச் சார்ந்த அலுவலர்கள் அல்லது ஆரம்ப சுகாதார நிலையத்தைச் சேர்ந்த மருத்துவர்கள் பணியிலிருக்கிறார்கள். உணவுப் பாதுகாப்பு அலுவலர்களாக, சுகாதார ஆய்வாளர்கள் அல்லது துப்புரவு ஆய்வாளர்கள் இருக்கிறார்கள்.

விஜயபாஸ்கர்
விஜயபாஸ்கர்

அரசாங்கத்தால் ஒரு துறை உருவாக்கப் படும்போது, ஒவ்வொரு பதவிக்குமான கல்வித்தகுதி, நிரப்பப்படும் முறை, பணியின் காலம் ஆகியவை அடங்கிய சர்வீஸ் ரூல்ஸ் உருவாக்கப்பட வேண்டும். ஆனால், இந்தத் துறை உருவாக்கப்பட்டு பத்து வருடங்கள் ஆன பிறகும், இன்னும் சர்வீஸ் ரூல்ஸ் அமல்படுத்தப்படவில்லை. அமுதா ஐ.ஏ.எஸ் உணவுப் பாதுகாப்பு ஆணையராக இருந்த காலத்தில் சர்வீஸ் ரூல்ஸ் உருவாக்க, பெரிய அளவில் முயன்றார். ஆனால், விதிமுறைகள் வகுக்கப்பட்டும் அமல்படுத்தப் படவில்லை.

தனக்கு வேண்டப்பட்ட நபர்களை மாவட்ட நியமன அலுவலர்களாக நியமித்துக்கொண்டு பணம் வசூல் செய்யப் பயன்படுத்துவது; தனக்குப் பிடிக்காத, சம்பாதித்துக் கொடுக்காத அதிகாரிகளைத் தூக்கியடிப்பது எனத் தனி ராஜாங்கமே நடத்திவருகிறது அமைச்சர் விஜயபாஸ்கர் தரப்பு. சர்வீஸ் ரூல்ஸ் வகுக்கப்பட்டுவிட்டால், அவர்களின் மீதான பிடி தளர்ந்துவிடும் என்பதாலேயே காலம் தாழ்த்திவந்தது அமைச்சர் தரப்பு. ஆட்சியின் இறுதிக்காலத்தில் இருப்பதால், சர்வீஸ் ரூல்ஸ் வகுப்பதிலும் வசூல் வேட்டை நடத்த இப்போது முடிவெடுத்து விட்டார்கள்.

தனக்கு வேண்டப்பட்ட மருத்துவர்களைத்தான் 90 சதவிகிதம் மாவட்ட நியமன அலுவலர்களாக வைத்திருக்கிறது அமைச்சர் தரப்பு. அவர்களுக்குப் பணி நியமன பாதுகாப்பு வழங்கும் சர்வீஸ் ரூல்ஸுக்கான பணிகள் தற்போது துரிதகதியில் நடந்துவருகின்றன. இதற்காக லட்சங்களில் பேரங்கள் நடக்கின்றன.

உணவுப் பாதுகாப்பு அலுவலர்களாக இருக்கும் 280 பேரும் தொடர்ந்து தங்களது பணியிடத்திலேயே தொடர, தலா பத்து லட்சம் வரை பேரம் பேசப்படுகிறது. ‘இது போன்ற வேலைகளைச் செய்ய மாட்டோம்’ என்று மறுப்பு தெரிவித்த மாவட்ட அலுவலர்கள் சிலரை மீண்டும் சுகாதாரத்துறைக்கே மாற்றிவிட்டார்கள். தமிழகம் முழுவதும் சிறிய உணவகங் களிலிருந்து பெரிய ஹோட்டல்கள் வரை லைசென்ஸ் கொடுப்பது உள்ளிட்ட பல வழிகளில் உணவுப் பாதுகாப்புத்துறையின் கரங்கள் நீண்டு லட்சங்களை வளைக்கின்றன’’ என்றார்கள்.

உணவுப் பாதுகாப்புத்துறையில் தனி ராஜாங்கம்! - அமைச்சர் விஜயபாஸ்கர் மீது பாயும் புகார்கள்

அமைச்சருக்குச் சரியாக ஒத்துழைப்பு கொடுக்காததால், மீண்டும் சுகாதாரத்துறைக்கே அனுப்பப்பட்டவர்களில் ஒருவர் ஏ.டி.அன்பழகன். இவர், இது தொடர்பாக நியாயம் கேட்டு நீதிமன்றத்தையும் அணுகியிருக்கிறார். உணவுப் பாதுகாப்பு அலுவலர்கள் சங்கத்தின் மாநிலப் பொதுச்செயலாளராகவும் இருக்கும் அவரிடம் பேசினோம். ‘‘தற்காலிக ஏற்பாடாக, ஆரம்ப சுகாதார நிலையங்களில் பணிபுரிந்த மருத்துவர்களை நியமன அலுவலர்களாக நியமித்தனர். அந்த நியமனத்தில் சீனியாரிட்டி, இட ஒதுக்கீடு எதுவும் பின்பற்றப்படவில்லை. உணவுப் பாதுகாப்பு மற்றும் தரச் சட்ட விதிகளின்படி அது தவறு. ‘சட்டப்படி மாவட்ட நியமன அலுவலர்களை நியமிக்க வேண்டும்’ உள்ளிட்ட பல விஷயங்கள் குறித்து, இந்தத் துறையின் ஆணையராக பீலா ராஜேஷ் இருந்தபோது இரண்டு முறை பேச்சுவார்த்தை நடத்தினோம். அப்போது ஒப்புக்கொண்ட பல விஷயங்கள் இதுவரை நிறைவேற்றப்படவில்லை’’ என்றார்.

அன்பழகன் - சிவஞானம்
அன்பழகன் - சிவஞானம்

இந்தக் குற்றச்சாட்டுகள் குறித்து விளக்கம் கேட்க அமைச்சர் விஜயபாஸ்கரைத் தொடர்புகொண்டோம். குற்றச்சாட்டுகளைச் சொல்லத் தொடங்கியதும் நம்மை இடைமறித்தவர், ‘‘அரசின் கவனம் முழுவதும் தற்போது கொரோனா தடுப்புப் பணிகளில் இருக்கிறது. உங்களுக்கு ஏதேனும் விளக்கம் தேவைப்பட்டால் உணவுப் பாதுகாப்பு ஆணையரைத் தொடர்புகொள்ளுங்கள்’’ என்றபடி இணைப்பைத் துண்டித்தார்.

ஆணையர் சிவஞானத்திடம் பேசினோம். ‘‘சர்வீஸ் ரூல்ஸுக்கான ஒப்புதல் கடைசி ஸ்டேஜில் இருக்கிறது. விரைவில் அப்ரூவல் வந்துவிடும். மாவட்ட நியமன அலுவலர்கள், ஏற்கெனவே மருத்துவ அதிகாரிகளாகப் பணியாற்றியவர்கள்தான். பணம் தொடர்பான புகார்கள் இருந்து, அதை எங்களிடம் தெரிவித்தால் உடனடியாக நடவடிக்கை எடுக்கப்படும். அதில் எந்த சமரசமும் இல்லை’’ என்றார்.

பேசாமல், ‘பணம் அபகரிப்புத்துறை’ என்று பெயரை மாற்றிவைத்துவிடலாம்போல!