Published:Updated:

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி
பிரீமியம் ஸ்டோரி
“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

Published:Updated:
“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி
பிரீமியம் ஸ்டோரி
“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

மிழக அரசு நிர்வாகத்தை ஒட்டுமொத்தமாக ஸ்தம்பிக்க வைத்திருக்கிறது ஜாக்டோ ஜியோ அமைப்பினரின் போராட்டம். `பணிக்குத் திரும்ப வேண்டும்’ என நீதிமன்றம் உத்தரவிட்டும், போராட்டத்தைத் தொடர்வதில் உறுதியாக இருக்கின்றன அரசு ஊழியர்கள் மற்றும் ஆசிரியர்கள் சங்கங்கள்.

“போராட்டம் தீவிரமடையும்!” - ஆசிரியர்கள், அரசு ஊழியர்கள் உறுதி

பழைய ஓய்வூதிய முறையைக் கொண்டுவர வேண்டும் என்பது உட்படப் பல்வேறு கோரிக்கைகளை வலியுறுத்தித் தமிழக ஆசிரியர்கள் மற்றும் அரசு ஊழியர்கள் ஜனவரி 22-ம் தேதி முதல் போராட்டம் நடத்திவருகிறார்கள். ஜனவரி 23-ம் தேதி, சுமார் ஒரு லட்சம் பேரைக் கைது செய்தது காவல்துறை. திருமண மண்டபங்களில் அடைக்கப்பட்டவர்களில் பெரும்பாலானவர்கள் பெண் ஊழியர்கள். அவர்களைக் காவலில் வைப்பதற்கு யோசித்த போலீஸார், டி.ஜி.பி அலுவலகத்துக்குத் தகவல் கொடுத்துள்ளனர். `போராட்டத்தில் ஆக்டிவ் ஆகச் செயல்படுகிறவர்களை மட்டும் அடையாளம் கண்டுக் கைது செய்யுங்கள்’ என்று உத்தரவு வந்துள்ளது. சில நிமிடங்களிலேயே, `வேண்டாம், இதனால் தேவையற்ற விளைவுகள் ஏற்படும். அவர்களைக் கைது செய்யாமல், வீட்டுக்கு அனுப்பிவிடுங்கள்’ என்று கூறியுள்ளனர். இதற்குக் காரணம், ‘`அரசு ஊழியர்கள் ஆட்சிக்கு எதிரானவர்களாக மாறிவிடக் கூடாது என்ற பயம்தான்’’ என்கின்றனர் காவல்துறை வட்டாரத்தில்.

இந்தப் போராட்டம் தொடர்பாகச் சென்னை உயர் நீதிமன்றத்தில் தொடரப்பட்ட வழக்கை விசாரித்த நீதிபதிகள், `‘2003-ல் ஓய்வூதியத் திட்டம் மாற்றியமைக்கப்பட்ட பிறகு, பழைய ஓய்வூதியத் திட்டத்தை அமல்படுத்த ஆசிரியர்கள் கோரிக்கை விடுப்பது எப்படிச் சரியாக இருக்கும்? போராட்டத்தைக் கைவிட்டு ஆசிரியர்கள் உடனடியாகப் பணிக்குத் திரும்ப வேண்டும்’’ என்று உத்தரவிட்டனர்.

நம்மிடம் பேசிய ஜாக்டோ ஜியோவின் சென்னை மாவட்ட ஒருங்கிணைப்பாளர் சாந்தகுமார், ``இரண்டு ஆண்டுகளாக எங்கள் கோரிக்கைகளை வலியுறுத்திப் போராடிவருகிறோம். ‘பணிக்குத் திரும்புங்கள்’ என நீதிமன்றம் கூறியதை வரவேற்கிறோம். அதேநேரம், ‘இரண்டு ஆண்டுகளாக இந்தக் கோரிக்கையின்மீது என்ன நடவடிக்கை எடுக்கப்பட்டது?’ என மாநில அரசிடம் நீதிமன்றம் கேள்வி எழுப்பியிருக்கலாம். இந்த வழக்கில் மேல்முறையீடு செய்ய இருக்கிறோம். எங்கள் போராட்டம் தொடரும்” என்றார் உறுதியாக.

``பத்து லட்சத்துக்கும் அதிகமான ஆசிரியர்கள், அரசு ஊழியர்கள் போராட்டத்தில் உள்ளனர். ஜனவரி 28-ம் தேதிக்குப் பிறகு போராட்டம் தீவிரப்படுத்தப்படும்’’ என்கிறார் ஜாக்டோ ஜியோ போராட்டக் குழு ஒருங்கிணைப்பாளர் தாஸ்.

ஒட்டுமொத்த விகடனுக்கும் ஒரே ஷார்ட்கட்!

ஆனாலும், உடனடியாகப் பணிக்குத் திரும்ப வேண்டும் என்று உயர் நீதிமன்றம் கறார் காட்டியிருப்பதால், கடைசி நேரத்தில் ஊழியர்களின் முடிவில் மாற்றம் இருக்கலாம்.

- ஆ.விஜயானந்த்
படங்கள்: வி.நரேஷ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism