Published:Updated:

ஹைட்ரோ கார்பன்... தமிழ்நாட்டைத் தரிசாக மாற்றும்!

ஒட்டுமொத்த விகடனுக்கும் ஒரே ஷார்ட்கட்

Use App
ஹைட்ரோ கார்பன்... தமிழ்நாட்டைத் தரிசாக மாற்றும்!
ஹைட்ரோ கார்பன்... தமிழ்நாட்டைத் தரிசாக மாற்றும்!

பிரச்னை

பிரீமியம் ஸ்டோரி

ஹைட்ரோ கார்பன் அபாயம், நாளுக்கு நாள் விரிவடைந்துக் கொண்டே இருக்கிறது. இதனால், காவிரி டெல்டா மக்கள் அதிர்ச்சியின் உச்சத்தில் இருக்கிறார்கள். தமிழ்நாட்டில் ஹைட்ரோ கார்பன் எடுக்க ஏற்கெனவே இரண்டு சுற்றுகளாக அனுமதி வழங்கியிருந்த நிலையில்... தற்போது மேலும் இரண்டு வட்டாரங்களைத் தேர்ந்தெடுத்து அப்பகுதிகளையும் ஏலம் விடுவதற்கான அறிவிப்பை வெளியிட்டுள்ளது, மத்திய அரசு.

ஹைட்ரோ கார்பன்... தமிழ்நாட்டைத் தரிசாக மாற்றும்!

இதுகுறித்து நம்மிடம் பேசிய தமிழ்நாடு அறிவியல் இயக்கத்தின் ஆலோசகர் சேதுராமன், “ஹைட்ரோ கார்பன் திட்டத்தை எதிர்த்துப் போராட்டங்கள் நடந்து வரும் சூழ்நிலையில்... அடுத்தப் பேரதிர்ச்சியாக, மத்திய அரசின் மூன்றாம் சுற்று ஏல அறிவிப்பு வெளியாகி உள்ளது. இந்தியாவின் பல்வேறு மாநிலங்களில் 23 வட்டாரங்கள் இதில் இடம்பெற்றுள்ளன.  

ஹைட்ரோ கார்பன்... தமிழ்நாட்டைத் தரிசாக மாற்றும்!

தமிழ்நாட்டில் இரண்டு வட்டாரங்கள் இதில் இடம்பெற்றுள்ளன. நாகப்பட்டினம் மாவட்டம், கொள்ளிடம் தொடங்கிக் காரைக்கால் வரையிலான 459.89 சதுர கிலோ மீட்டர் பரப்பளவும், ராமநாதபுரம் மாவட்டத்தில் 1403.41 சதுர கிலோ மீட்டர் வரையிலான பரப்பளவும் ஏலம் விடப்படவுள்ளது. இந்த இரண்டு வட்டாரங்களையும் ஏலம் எடுக்கப்போகும் நிறுவனங்கள்பற்றி ஏப்ரல் மாதம் தெரிய வரும் என மத்திய பெட்ரோலிய அமைச்சகம் தெரிவித்துள்ளது” என்ற சேதுராமன் நிறைவாக, “காவிரித் தண்ணீர் கிடைக்காததால் டெல்டா மக்கள் நிலத்தடி நீரைத்தான் பெரிதும் நம்பியிருக்கிறார்கள். குடிநீருக்கும் நிலத்தடி நீரைத்தான் நம்பியிருக்க வேண்டியுள்ளது. தமிழ்நாட்டின் மற்ற மாவட்டங்களுக்கும் இங்கிருந்து கூட்டுக் குடிநீர் திட்டம்மூலம் தண்ணீர் கொண்டு செல்லப்படுகிறது. மிகப்பெரும் ஆபத்தை உருவாக்கக்கூடிய ஹைட்ராலிக் ஃபிராக்ச்சரிங் முறையைப் பயன்படுத்தித் தமிழகத்தில் ஷேல் கேஸ் எடுக்கப்பட்டால்... தமிழகத்தில் பெருமளவு நிலப்பரப்புப் பாதிக்கப்படும்.

கடுமையான குடிநீர்ப்பஞ்சம் ஏற்படும். விவசாயிகளின் வாழ்வாதாரம் பாதிக்கப்படும். ஜெயலலிதா முதல்வராக இருந்தபோது மீத்தேன் திட்டத்துக்கு நிரந்தரத்தடை விதிக்கப்பட்டது. அதைப் பின்பற்றித் தற்போதைய தமிழக அரசு இங்கு ஹைட்ரோ கார்பன் எடுக்கத் தடை விதிக்க வேண்டும். என்றார்.

கு.ராமகிருஷ்ணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு