Published:Updated:

இரக்கமே இல்லையா இந்த அரசுக்கு? - ஓய்வுக்குப் பின்னும் ஓயாத போராட்டம்!

போராட்டம்
பிரீமியம் ஸ்டோரி
போராட்டம்

போராட்டம்

இரக்கமே இல்லையா இந்த அரசுக்கு? - ஓய்வுக்குப் பின்னும் ஓயாத போராட்டம்!

போராட்டம்

Published:Updated:
போராட்டம்
பிரீமியம் ஸ்டோரி
போராட்டம்

‘‘எங்களுக்குச் சேர வேண்டிய ஒரு லட்சம் ரூபாயைக் கேட்டு கால் நூற்றாண்டாகப் போராடுகிறோம். பலர் இறந்துவிட்டார் கள். தமிழக அரசுக்கு இரக்கமே இல்லையா...?’’ என்று தள்ளாத வயதிலும், நீதிமன்றத்தின் மீது நம்பிக்கை வைத்துக் காத்திருக் கிறார்கள் ஊரக வளர்ச்சித் துறையில் பணியாற்றி ஓய்வுபெற்ற அதிகாரிகள்.

தமிழ்நாடு ஊரக வளர்ச்சித் துறையில், 1960-லிருந்து 1970 வரையிலான காலகட்டத்தில், ‘ஊர் நல அலுவலர் நிலை 2’ என்ற பணியமைப்பில் ஆயிரக்கணக்கானோர் வேலைக்குச் சேர்ந்தனர். இவர்களுக்கு, ‘கிராம சேவா பயிற்சி’ திட்டத்தில் மாநிலம் முழுவதிலும் ஒன்பது மையங்களில் இரண்டு ஆண்டுகள் பயிற்சி அளிக்கப் பட்டது. பயிற்சிக் காலத்தில், மாதம் 45 ரூபாய் மட்டுமே உதவித்தொகையாக வழங்கப்பட்டிருக்கிறது. இரண்டு ஆண்டுகளுக்குப் பிறகு, அவர்கள் பணியமர்த்தப்பட்டனர். வட்டார வளர்ச்சி அலுவலர் (பி.டி.ஓ) உள்பட பல்வேறு நிலைகளில் படிப்படியாக பதவி உயர்வு பெற்றனர், ஓய்வும் பெற்றுவிட்டனர்.

பூபதி
பூபதி

இந்த நிலையில், ‘இரண்டு ஆண்டு பயிற்சியை, பணிக்கால சேவையில் சேர்த்து இரண்டு ஊதிய உயர்வு வழங்க வேண்டும்’ என்று தமிழக அரசிடம் கோரிக்கை வைத்தனர். அரசும் இவர்களின் கோரிக்கைக்கு செவிசாய்த்து, 1992-ல் அரசாணை வெளியிட்டது. பின்னர் ஏதோ ஒரு காரணத்தால் திரும்பப் பெற்று விட்டது. அப்போதே பல்வேறு போராட்டங்களை முன்னெடுத்த ஊரக வளர்ச்சித் துறை அதிகாரிகள், ஓய்வுபெற்ற பிறகு 1995-ல் நீதிமன்றத்தை அணுகினார்கள். 24 ஆண்டுகள் கடந்த பிறகும், இதுவரை பயிற்சிக் காலத் துக்கான பணப்பலனை பெற முடியவில்லை என்று குமுறுகிறார்கள் இவர்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தப் பிரச்னையை எதிர்கொள்ளும், வேலூர் சத்துவாச்சாரியைச் சேர்ந்த 85 வயது நிறைந்த ஓய்வுபெற்ற வட்டார வளர்ச்சி அலுவலர் பூபதி கூறுகையில், ‘‘நாங்கள் நீதிமன்றத்தில் வழக்குத் தொடர்ந் தோம். பல ஆண்டுகள் நகர்ந்த விசாரணைக்குப் பிறகு, பயிற்சிக்கான பணப்பலனை வழங்க நீதிமன்றம் உத்தர விட்டது. அதற்குள் ஓய்வூதியதாரர்கள் பலர் இறந்து விட்டனர். வாரிசு அடிப்படையில், அவர்களின் குடும்பத்துக்குப் பணம் வழங்க நீதிமன்றம் அறிவுறுத்தியது. இதை ஏற்று, 2015-ம் ஆண்டு தமிழக அரசும் சுற்றறிக்கை விட்டது. அதில், ‘அந்தந்த மாவட்ட கலெக்டர்கள் மூலமாக ஓய்வூதியதாரர்கள் மனுக்களைக் கொடுங்கள். ஊரக வளர்ச்சித்துறை இயக்குநரகம் பரிசீலனை செய்து பணம் தரும்’ என்று கூறப்பட்டிருந்தது.

தமிழகம் முழுவதும், ஓய்வுபெற்ற அதிகாரிகள் ஆயிரக்கணக்கானோர் மனுக்களை அனுப்பினர். ஆனால், சிலருக்கு மட்டுமே பயிற்சிக் காலத்துக்கான பணம் கொடுக்கப்பட்டது. பெரும்பாலானோரின் மனுக்கள் நிராகரிக்கப்பட்டுவிட்டன. இதையடுத்து, சுமார் 700 குடும்பங்கள் சார்பில் 117 பேர் மீண்டும் நீதிமன்றத்தை நாடினர். அவர்களில் பலர் இப்போது உயிருடன் இல்லை. வயதாகிவிட்டதால், மற்றவர்களால் அலைய முடியவில்லை. நாங்கள் ஒரு கோடி, இரண்டு கோடி ரூபாயா கேட்கிறோம்? அதிகபட்சம், ஒரு லட்சத்திலிருந்து, ஒன்றரை லட்சம்தான் கிடைக்கும். எங்களுக்கு இது மிகப்பெரிய தொகை. இந்தப் பணத்தை, அரசாங்கம் கொடுத்தால் கடைசிக்காலத்தில் நிம்மதியாக வாழ்ந்துவிட்டுப் போவோம்’’ என்று கண்ணீர் சிந்தினார்.

ஓய்வூதியதாரர்களின் வழக்கறிஞர் ராஜா நம்மிடம் ‘‘ஓய்வுபெற்ற அதிகாரிகளுக்கு நீதிமன்ற உத்தரவுப்படி இதுவரை பணம் வழங்கப்பட வில்லை. இதனால், தமிழக அரசின் ஊரக வளர்ச்சித் துறை மீது நீதிமன்ற அவமதிப்பு வழக்குத் தொடரப்பட்டுள்ளது. இவர்களின் வயதைக் கருத்தில் கொண்டாவது அலைக்கழிக்காமல் பணப்பலனை கொடுக்க அரசு ஆவண செய்ய வேண்டும்’’ என்றார்.

இரக்கமே இல்லையா இந்த அரசுக்கு? - ஓய்வுக்குப் பின்னும் ஓயாத போராட்டம்!

ஊரக வளர்ச்சி மற்றும் பஞ்சாயத்து ராஜ் துறை இயக்குநரக உயரதிகாரிகளின் கவனத்துக்கு இந்தப் பிரச்னையைக் கொண்டுசென்றோம். ‘‘இது, ஐம்பது, அறுபது ஆண்டுகளுக்கு முன்பு பணிக்குச் சேர்ந்தவர்களின் பிரச்னை. அவர்களில் பெரும்பாலானோருக்கு உரிய தொகை தரப்பட்டுள்ளது. மரணமடைந்த பலரின் மனைவிகளுக்கும்கூட வழங்கப்பட் டுள்ளது. உரிய ஆவணங்களோ, முழு விவரங்களோ இல்லாமல் சிலர் கேட்கிறார்கள். இதுதொடர்பாக வழக்கு தொடர்ந்தவர்களிடம், ‘முழுமையான பெயர் பட்டியலைத் தாக்கல் செய்யுங்கள்’ என்று நீதிமன்றம் கேட்டது. அவர்களால் அதைத்தர முடியவில்லை. பல ஆண்டுகளுக்கு முந்தைய ஆவணங்கள் என்பதால், எங்களாலும் அதை எடுக்க முடியவில்லை.

எங்களிடமும் அதிகபட்சம் பத்து ஆண்டுக்கால ஆவணங்கள்தான் இருக்கும். இரண்டு ஆண்டு காலப் பயிற்சியில் பங்கேற்றிருந்தால், அவர்களின் சர்வீஸ் புக்கில் அது குறிப்பிடப்பட்டிருக்கும். சில பேர் ஓராண்டு, ஒன்றரை ஆண்டுகள் எனப் பயிற்சி எடுத்திருக்கிறார்கள். எனவே, 50 ஆண்டுகளுக்கு முன்பு என்ன நடந்தது என்பது இப்போதிருக்கும் அதிகாரிகளுக்குத் தெரியாது. ஆனாலும், பழைய விவரங்கள், சர்வீஸ் புக் உட்பட உரிய ஆவணங்களுடன் எங்களை அணுகினால், உரிய தொகை கிடைப்பதற்கு நிச்சயம் ஏற்பாடு செய்வோம்’’ என்றனர்.

சொன்னபடி செய்தால், அதுவும் சீக்கிரம் செய்தால் கோடி வணக்கம் செலுத்தலாம்!