Published:Updated:

வித்தியாசமான கொழுக்கட்டைகள்...

கொழுக்கட்டைகள்
பிரீமியம் ஸ்டோரி
கொழுக்கட்டைகள்

விநாயகர் சதுர்த்தி ஸ்பெஷல்...

வித்தியாசமான கொழுக்கட்டைகள்...

விநாயகர் சதுர்த்தி ஸ்பெஷல்...

Published:Updated:
கொழுக்கட்டைகள்
பிரீமியம் ஸ்டோரி
கொழுக்கட்டைகள்

பண்டிகைகளும் அவற்றுக்குச் செய்கிற பலகாரங்களும் பாரம்பர்யத்தைப் பறைசாற்றுபவை மட்டுமல்ல... நம் வாழ்வியல் ஆரோக்கியத்தையும் அடிப்படையாகக் கொண்டவை. விநாயகர் சதுர்த்திக்குச் செய்யப்படுகிற கொழுக்கட்டையும் அப்படித்தான். மோமோஸ் மோகத்தில் அவற்றை வாங்கிச் சாப்பிடும் இந்தத் தலைமுறைக்கு கொழுக்கட்டையின் நவீன வடிவம்தான் மோமோஸ் என்பது தெரிந்திருக்க வாய்ப்பில்லை. பாலும் தெளிதேனும் பாகும் பருப்பும் கலந்து கூடவே கொழுக்கட்டையும் செய்து விநாயகருக்குப் படைக்கும் நீங்கள், இந்த வருடம் விதவிதமான கொழுக்கட்டை செய்து பிள்ளையாரை மட்டுமல்ல; உங்கள் பிள்ளைகளையும் அசர வைக்கலாம். அனைத்து வயதினருக்கும் பிடித்த, ஆரோக்கியமான ஆறு கொழுக்கட்டை ரெசிப்பீஸ் தருகிறார் பெங்களூரைச் சேர்ந்த சமையற்கலை நிபுணர் ஜானகி அஸாரியா.

வித்தியாசமான கொழுக்கட்டைகள்...

பிஸ்கட் கொழுக்கட்டை

தேவையானவை: மாரி போன்ற ஏதாவது ஒரு பிஸ்கட் - 10, சர்க்கரை - ஒரு டேபிள்ஸ்பூன், நெய் - ஒரு டீஸ்பூன், பால் - 2 டேபிள்ஸ்பூன், வெனிலா அல்லது பிஸ்கட் எசென்ஸ் - அரை டீஸ்பூன், உலர்ந்த தேங்காய்ப்பூ (டெஸிக்கேட்டடு கோகனட் என கடைகளில் கிடைக்கும்) - 2 டேபிள்ஸ்பூன், கண்டன்ஸ்டு மில்க் - 1 டேபிள்ஸ்பூன்.

செய்முறை: பிஸ்கட்டை சர்க்கரையுடன் சேர்த்து மிக்ஸியில் நைசாக பொடி செய்யவும். பொடித்த பிஸ்கட்டுடன், நெய், எசென்ஸ் சேர்த்து சிறிது சிறிதாக பால் சேர்த்து சப்பாத்தி மாவு போல் பிசைந்து கொள்ளவும். தேங்காய்ப்பூவில் கண்டன்ஸ்டு மில்க் சேர்த்து நன்றாகக் கலக்கவும். பிஸ்கட் மாவை கொழுக் கட்டை அச்சில் அடைத்து நடுவில் தேங்காய்ப்பூ ஃபில் லிங்கை வைத்து கொழுக்கட்டைகளாகச் செய்து எடுக்கவும்.

வித்தியாசமான கொழுக்கட்டைகள்...

பச்சைப்பட்டாணி கொழுக்கட்டை

தேவையானவை: மேல் மாவுக்கு... மைதா - ஒரு கப், உப்பு - அரை டீஸ்பூன், எண்ணெய் - ஒரு டீஸ்பூன், வெந்நீர் - தேவைக்கேற்ப. ஃபில்லிங் செய்வதற்கு... வேகவைத்த பச்சைப்பட்டாணி - ஒரு கப், பொடியாக நறுக்கிய பச்சை மிளகாய் - ஒன்று, சீரகம் - அரை டீஸ்பூன், தனியா (மல்லி) - ஒரு டீஸ்பூன், எண்ணெய்- 3 டீஸ்பூன், உப்பு - தேவைக்கேற்ப.

செய்முறை: மைதாமாவுடன் உப்பு சேர்த்துக் கலந்து கொள்ளவும். அதில் சூடான நீரை சிறிது சிறிதாக ஊற்றி நன்றாகப் பிசையவும். பிறகு, ஒரு டீஸ்பூன் எண்ணெய் சேர்த்துப் பிசைந்து, மூடி அதை 20 நிமிடங்கள் ஊற வைக்கவும்.

வித்தியாசமான கொழுக்கட்டைகள்...

கடாயில் ஒரு டீஸ்பூன் எண்ணெய் ஊற்றி, சீரகம், பச்சை மிளகாய், பட்டாணி சேர்த்து வதக்கவும். இதனுடன் உப்பு சேர்த்து மிக்ஸியில் தண்ணீர் ஊற் றாமல் சற்று கொரகொரப்பாக அரைத்துக்கொள்ளவும். (மல்லி) தனியாவை இடித்துக்கொள்ளவும். மீண்டும் கடாயில் 2 டீஸ்பூன் எண்ணெய் ஊற்றி அரைத்த பட்டாணி, இடித்த தனியா இரண்டையும் சேர்த்து மிதமான தீயில் வைத்து உதிரியாக வரும்வரை வதக்கிக் கொள்ளவும். மேல் மாவை சிறு சிறு உருண்டைகளாக உருட்டி, மிக மெல்லிய பூரிகளாகச் செய்து கொள்ளவும். எவ்வளவு மெல்லியதாகச் செய்ய முடியுமோ அவ்வளவு மெல்லியதாக. ஒரு பூரியை எடுத்து அதன் நடுவில் ஒரு டேபிள்ஸ்பூன் ஃபில்லிங் வைத்து அதை மூடி விருப்ப மான வடிவில் கொழுக்கட்டையாகச் செய்யவும். இந்தக் கொழுக்கட்டைகளை ஆவியில் 10 நிமிடங்கள் வேக வைத்து எடுக்கவும்.

வித்தியாசமான கொழுக்கட்டைகள்...

சாக்லேட் சந்தேஷ் கொழுக்கட்டை

தேவையானவை: துருவிய பனீர் - 100 கிராம், பொடித்த சர்க்கரை - கால் கப், கோகோ பவுடர் - 2 டீஸ்பூன்.

செய்முறை: பனீரை மிக்ஸியில் நைசாக அரைத்துக் கொள்ளவும். அடிகனமான ஒரு கடாயில் சர்க்கரை, கோகோ பவுடர், துருவிய பனீர் எல்லாவற்றையும் கலக்கவும். மிதமான தீயில் வைத்து நன்கு கெட்டியாகும் வரை கிளறி ஆற விடவும். பிறகு, அதைக் கொழுக்கட்டை அச்சில் அடைத்து கொழுக்கட்டை செய்யவும். அச்சில் இல்லாமல் இதைக் கைகளாலும் செய்யலாம்.

குறிப்பு: விருப்பப்பட்டால் இதில் வால்நட், பாதாம் போன்ற நட்ஸையும் கலக்கலாம்.

வித்தியாசமான கொழுக்கட்டைகள்...

ரோஸ் குல்கந்து கொழுக்கட்டை

தேவையானவை: சர்க்கரை இல்லாத கோவா - அரை கப், பால் பவுடர் - 2 டேபிள் ஸ்பூன், பொடித்த சர்க்கரை - கால் கப், ரோஸ் சிரப்- 2 டேபிள்ஸ்பூன், குல்கந்து - 3 அல்லது 4 டேபிள்ஸ்பூன்.

செய்முறை: கோவாவை துருவிக்கொள்ளவும். கனமான கடாயில் கோவா, சர்க்கரை, பால் பவுடர் கலந்து மிதமான தீயில் வைத்துக் கைவிடாமல் கிளறவும். கெட்டியாகும்போது ரோஸ் சிரப்பை ஊற்றிக் கலந்து கிளறவும். நன்றாக ஆறிய பின்பு, கொழுக்கட்டை அச்சில் அடைத்து நடுவில் ஒரு டீஸ்பூன் குல்கந்து வைத்து மூடி கொழுக்கட்டை செய்யவும்.

வித்தியாசமான கொழுக்கட்டைகள்...

டிரை ஃப்ரூட் கொழுக்கட்டை

தேவையானவை: சர்க்கரை இல்லாத கோவா - அரை கப், பால் பவுடர் - 2 டேபிள் ஸ்பூன், பொடித்த சர்க்கரை - கால் கப், ஏலப்பொடி- அரை டீஸ்பூன், பொடியாக நறுக்கிய முந்திரி / பாதாம் - 2 டேபிள்ஸ்பூன்

செய்முறை: கோவாவை துருவி, கனமான கடாயில் போட்டு, சர்க்கரை, பால் பவுடர் கலந்து, நன்றாகக் கெட்டியாகும்வரை மிதமான தீயில் வைத்துக் கிளறவும். பிறகு, அதில் ஏலப்பொடி சேர்த்து ஆற வைக்கவும். கொழுக்கட்டை அச்சை எடுத்து அதில் சிறிது நட்ஸைத் தூவவும். பிறகு, கோவாவை கொழுக்கட்டை அச்சில் அடைத்து, நடுவிலும் பொடியாக நறுக்கிய நட்ஸை சிறிது வைத்து கொழுக்கட்டை செய்யவும்.

வித்தியாசமான கொழுக்கட்டைகள்...

பனீர் கொழுக்கட்டை

தேவையானவை: மேல் மாவுக்கு... அரிசி மாவு - ஒரு கப், தண்ணீர் - முக்கால் கப், எண்ணெய் - 2 டீஸ்பூன், உப்பு - அரை டீஸ்பூன். ஃபில்லிங் செய்வதற்கு... துருவிய பனீர் - ஒரு கப், பொடியாக நறுக்கிய பச்சை மிளகாய் - ஒன்று, பொடியாக நறுக்கிய கொத்தமல்லித்தழை - 2 டீஸ்பூன், தனியா (மல்லி) தூள் - ஒரு டீஸ்பூன், சீரகத்தூள் - அரை டீஸ்பூன், உப்பு- தேவைக்கேற்ப.

செய்முறை: ஒரு கடாயில் தண்ணீர் ஊற்றி, அதில் உப்பு, ஒரு டீஸ்பூன் எண்ணெய் ஊற்றிக் கொதிக்க விடவும். கொதித்தவுடன் அரிசி மாவை சிறிது சிறிதாகத் தூவி, மாவு வேகும் வரை நன்றாகக் கிளறவும். அடுப்பை அணைத்து மாவை சிறிது நேரம் மூடி வைக்கவும். பிறகு, அதில் ஒரு டீஸ்பூன் எண்ணெய் ஊற்றி நன்றாகப் பிசையவும்.

 ஜானகி அஸாரியா
ஜானகி அஸாரியா

பனீருடன் பச்சை மிளகாய், மல்லித்தழை, தனியாதூள், சீரகத்தூள், உப்பு ஆகியவற்றைச் சேர்த்து நன்றாகக் கலக்கவும். மேல் மாவை சிறிய உருண்டைகளாக உருட்டி ஒரு கிண்ணம் போல் செய்துகொள்ளவும். நடுவில், சிறிதளவு ஃபில்லிங் வைத்து அதை மூடி, 10 நிமிடங்கள் ஆவியில் வேகவைத்து எடுக்கவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism