Published:Updated:

அரைமணி நேரத்தில் அசத்தலான தீபாவளி ரெசிப்பிகள்!

செஃப் யஷ்வந்த் குமார் உமாசங்கர்
பிரீமியம் ஸ்டோரி
செஃப் யஷ்வந்த் குமார் உமாசங்கர்

உணவு

அரைமணி நேரத்தில் அசத்தலான தீபாவளி ரெசிப்பிகள்!

உணவு

Published:Updated:
செஃப் யஷ்வந்த் குமார் உமாசங்கர்
பிரீமியம் ஸ்டோரி
செஃப் யஷ்வந்த் குமார் உமாசங்கர்

தீபாவளிக்கு பலகாரம் எல்லாம் செய்தாகிவிட்டதா எனக் கேட்டால், ‘நிறைய செய்ய நினைச்சுட்டிருக்கோம். ஆனா, ஏதாவது புதுசா செய்தா நல்லா இருக்கும்னு தோணுது’ன்னு என்பவர்களும், ‘எப்போதும் கடையிலதான் வாங்குவோம், ஆனா, கொரோனாவால இந்த முறை கொஞ்சம் தயக்கமா இருக்கு’ன்னு சொல்கிறவங்களும் அரை மணிநேரத்தில் உங்கள் வீட்டில் இருக்கும் பொருள்களை வைத்தே எளிமையான, சத்தான, சுவையான, வித்தியாசமான இனிப்பு மற்றும் கார வகைகளைச் செய்ய கற்றுத்தருகிறார் சென்னையைச் சேர்ந்த செஃப் யஷ்வந்த் குமார் உமாசங்கர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

திணை அரிசி அல்வா

தேவையானவை:

திணை அரிசி மாவு - 250 கிராம்

வெல்லம் - 250 கிராம்

ஏலக்காய்த்தூள் - ஒரு டீஸ்பூன்

சுக்குப்பொடி - அரை டீஸ்பூன்

முந்திரிப்பருப்பு - 15 கிராம்

உலர்திராட்சை - 15 கிராம்

பாதாம்பருப்பு - 15 கிராம்

பிஸ்தாபருப்பு - 15 கிராம்

நெய் - 50 மில்லி லிட்டர்

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: முதலில் கடாயில் சிறிதளவு நெய் ஊற்றி அதனுடன் முந்திரி, பாதாம், பிஸ்தா, உலர் திராட்சையைச் சேர்த்து பொன்னிறமாக வறுத்து தனியாக எடுத்து வைக்கவும். திணை அரிசி மாவு, வெல்லம் இரண்டையும் சிறிதளவு தண்ணீருடன் சேர்த்து தோசை மாவுப் பதத்தில் கலந்துகொள்ளவும். இந்த திணை அரிசி மாவு - வெல்லக் கலவையை ஒரு நான்ஸ்டிக் தவாவில் நெய் ஊற்றி, அதனுடன் சேர்த்து நன்கு கிளறிக்கொண்டே இருக்கவும். இந்த கலவை அல்வா பதத்துக்கு வந்தவுடன், ஏலக்காய்த்தூள், சுக்குப்பொடி, நெய்யில் வறுத்து வைத்திருக்கும் பருப்பு வகைகளைச் சேர்த்துக் கிளறி இறக்கினால் சூடான திணை அரிசி அல்வா ரெடி.

வாழையிலையில் சுடச்சுடப் பரிமாறினால் திணை அல்வாவின் சுவை மேலும் கூடும்.

ட்ரை ஃப்ரூட்ஸ் பணியாரம்

தேவையானவை:

இட்லி அரிசி - 100 கிராம்

உளுத்தம்பருப்பு - 100 கிராம்

பேரீச்சை

(விதை நீக்கப்பட்டது) - 10

பாதாம்பருப்பு - 10

பிஸ்தாபருப்பு - 10

முந்திரிப்பருப்பு - 10

நெய் - 50 மில்லி

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: முதலில் அரிசியையும் உளுந்தையும் தனித்தனியே இரண்டு மணிநேரம் வைக்கவும். பிறகு இரண்டையும் சேர்த்து கொஞ்சம் கொர கொரப்பாக இட்லி மாவுப் பதத்தில் அரைத்து எடுக்கவும். இதேபோல் பேரீச்சை, பாதாம், பிஸ்தா, முந்திரியை நீரில் ஊறவைத்து கொரகொரப்பாக அரைக்கவும். இந்த ட்ரை ஃப்ரூட்ஸ் கலவையை, இட்லி அரிசி - உளுந்து கலவையுடன் சேர்த்து நன்கு கலந்துகொள்ளவும். பணியாரக்கல் குழிகளில் நெய் தடவி அதில் இந்த ட்ரை ஃப்ரூட்ஸ் இட்லி மாவு கலவையை ஊற்றியெடுத்தால் ஆவிபறக்கும் ட்ரை ஃப்ரூட்ஸ் பணியாரம் தயார்.

சிவப்பு அவல் கொழுக்கட்டை

தேவையானவை:

கெட்டியான சிவப்பு அவல் - ஒரு கப்

பொடியாக நறுக்கிய

பெரிய வெங்காயம் - ஒன்று

பொடியாக நறுக்கிய

பச்சை மிளகாய் - ஒன்று

உளுத்தம்பருப்பு - ஒரு டீஸ்பூன்

கடலைபருப்பு - ஒரு டீஸ்பூன்

உப்பு - தேவையான அளவு

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: கெட்டியாக இருக்கும் சிவப்பு அவலை ஒரு கப் எடுத்துக்கொண்டு நீரில் 15 நிமிடங்கள் ஊறவைக்கவும். உளுத்தம்பருப்பு, கடலைப்பருப்பு இரண்டையும் தனித்தனியாக நீரில் 15 நிமிடங்கள் ஊறவைக்கவும். அனைத்தும் நன்கு ஊறிய பிறகு தண்ணீரை வடிகட்டிவிட்டு இவற்றுடன் பொடியாக நறுக்கிய பெரிய வெங்காயம், பச்சை மிளகாய் மற்றும் தேவையான அளவு உப்பு கலந்து உருண்டை களாகப் பிடித்து ஆவியில் வேகவைத்து எடுத்தால் சிவப்பு அவல் கொழுக்கட்டையை ருசிக்கலாம்.

தேன்குழல் முறுக்கு

தேவையானவை:

பச்சரிசி மாவு - 200 கிராம்

உளுத்தம்பருப்பு - 50 கிராம்

எள் - 2 டீஸ்பூன்

பெருங்காயத்தூள் - அரை டீஸ்பூன்

எண்ணெய், உப்பு - தேவையான அளவு

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: முதலில் உளுத்தம்பருப்பை நன்றாக வறுத்து மாவாக அரைத்துக்கொள்ளவும். பச்சரிசி மாவுடன் எள், பெருங்காயத்தூள், அரைத்து வைத்திருக்கும் உளுந்த மாவு மற்றும் தேவையான அளவு உப்பு, தண்ணீர் சேர்த்துக் கிளறிக்கொள்ளவும். இதனுடன் சிறிதளவு சூடான எண்ணெயும் சேர்த்துப் பிசைந்து அச்சில் போட்டுக் கொள்ளவும். கடாயில் எண்ணெய்விட்டு சூடானதும் மாவை எண்ணெயில் பிழிந்தெடுத்தால் மொறுமொறு தேன்குழல் தயார்.

எனர்ஜி லட்டு

தேவையானவை:

விதை நீக்கப்பட்ட

பேரீச்சை - 100 கிராம்

கொப்பரை

தேங்காய்த்துருவல் - 100 கிராம்

முந்திரிப்பருப்பு - 100 கிராம்

உலர்திராட்சை - 100 கிராம்

பாதாம்பருப்பு - 100 கிராம்

ஏலக்காய்த்தூள் - அரை டீஸ்பூன்

சுக்குப்பொடி - அரை டீஸ்பூன்

தேன் - தேவையான அளவு

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: விதை நீக்கப்பட்ட பேரீச்சம்பழங்களைச் சிறு சிறு துண்டுகளாக நறுக்கிக்கொள்ளவும். முந்திரி மற்றும் பாதாம் பருப்புகளை நெய்யில் வறுத்து எடுத்து அவற்றையும் பொடிப்பொடியாக நறுக்கிக் கொள்ளவும். பின்னர் இவற்றைக் கொப்பரை தேங்காய்த்துருவல், உலர் திராட்சை, சுக்குப்பொடி, ஏலக்காய்த்தூளுடன் சேர்த்து தேன் ஊற்றி நன்றாக பிசைந்துக்கொள்ளவும். இதை சிறு சிறு உருண்டைகளைப் பிடித்துவைத்தால் எனர்ஜி லட்டு ரெடி.

நவதானிய பொடி

தேவையானவை:

அரைமணி நேரத்தில் அசத்தலான தீபாவளி ரெசிப்பிகள்!

நவதானியங்கள் (கோதுமை, அரிசி, துவரை, பச்சை பயிறு, கொண்டைக்கடலை, மொச்சை, எள்ளு, உளுந்து, கொள்ளு) - ஒவ்வொரு தானியமும் - மூன்று டேபிள்ஸ்பூன்

நல்லெண்ணெய் - 3 டேபிள்ஸ்பூன்

காய்ந்த மிளகாய் - 8

பெருங்காயத்தூள் - அரை டீஸ்பூன்

கறிவேப்பிலை - இரண்டு கொத்து

உப்பு - தேவையான அளவு

செய்முறை: நவதானியங்கள், காய்ந்த மிளகாய், கறிவேப்பிலை இவை ஒவ்வொன்றையும் தனித்தனியே நல்லெண்ணெயில் வறுத்து எடுத்துக் கொள்ளவும். இவற்றுடன் தேவையான அளவு உப்பு, பெருங்காயத்தூளைக் கலந்து மிக்ஸியில் நன்றாக கொரகொரப்பாக அரைத்து எடுத்துக்கொண்டால் நவதானிய பொடி ரெடி.

இதை சாதத்துடன் சேர்த்தோ, இட்லி, தோசைக்குத் தொட்டுக்கொண்டோ சாப்பிடலாம்.

செஃப் யஷ்வந்த் குமார் உமாசங்கர்
செஃப் யஷ்வந்த் குமார் உமாசங்கர்

ராகி சிமிலி

தேவையானவை:

கேழ்வரகு மாவு - 100 கிராம்

வெல்லம் - 150 கிராம்

வறுத்த வேர்க்கடலை - 25 கிராம்

நெய் - 2 டேபிள்ஸ்பூன்

ஏலக்காய்த்தூள் - அரை டீஸ்பூன்

உப்பு - தேவையான அளவு

அரைமணி நேரத்தில் அசத்தலான தீபாவளி ரெசிப்பிகள்!

செய்முறை: கேழ்வரகு மாவில் கொஞ்சமாகத் தண்ணீர், உப்பு சேர்த்து கொட்டியான பதத்தில் பிசைந்து வைத்துக்கொள்ளவும். பின்பு இதை சிறு உருண்டைகளாக உருட்டி, அவற்றை அடைகளாகத் தட்டிக்கொள்ளவும். தோசைக்கல்லில் நெய் தடவி அவற்றில் இந்த அடைகளை இட்டு அதன் இரண்டு பக்கங்களும் நன்றாக வெந்தபிறகு எடுத்து தனியே வைத்துக்கொள்ளவும். வேகவைத்து எடுத்து வைத்திருக்கும் ராகி அடைகளை உரலில் இட்டோ அல்லது மிக்ஸியிலோ நன்றாக அரைத்துக்கொண்டு அதனுடன் பொடியாக்கப்பட்ட வெல்லம், வறுத்த வேர்க்கடலை மற்றும் ஏலக்காய்த்தூளைச் சேர்த்துப் பிசைய வேண்டும். இந்த கலவையை சிறுசிறு உருண்டைகளாகப் பிடித்தால் ராகி சிமிலி ரெடி. இதன்மீது தேங்காய்த்துருவலைத் தூவி பரிமாறலாம்.

ட்ரை ஃப்ரூட்ஸ் பார்

தேவையானவை:

அரைமணி நேரத்தில் அசத்தலான தீபாவளி ரெசிப்பிகள்!

முந்திரிப்பருப்பு - 100 கிராம்

பாதாம்பருப்பு - 100 கிராம்

பிஸ்தாபருப்பு - 100 கிராம்

பறங்கி விதை - 100 கிராம்

வெள்ளை சர்க்கரை - 200 கிராம்

நெய் - 2 டேபிள்ஸ்பூன்

சுக்குப்பொடி - ஒரு டீஸ்பூன்

ஏலக்காய்த்தூள் - ஒரு டீஸ்பூன்

செய்முறை: நான்ஸ்டிக் தவாவில் வெள்ளை சர்க்கரையைச் சேர்த்து பொன்னிறமாகும் வரை இளஞ்சூட்டில் வறுக்கவும். சர்க்கரை பாகு பதத்துக்கு வந்தவுடன், அதில் முந்திரி, பாதாம், பிஸ்தா, பறங்கி விதை, சுக்குப்பொடி, ஏலக்காய்த்தூள் எல்லா வற்றையும் சேர்த்துக் கிளறவும். ஒரு ட்ரேயில் நெய் தடவி அதில் இந்த சூடான கலவையைக் கொட்டி பரப்பி சிறிது நேரம் ஆறவைத்து வைத்து சதுர மாகவோ, முக்கோணமாகவோ வெட்டியெடுத்து சுவைக்கலாம்.