Published:Updated:

பொருளாதாரத்தின் அடிப்படையைப் பலப்படுத்துவோம்!

பொருளாதாரத்தின் அடிப்படையைப் பலப்படுத்துவோம்!
பிரீமியம் ஸ்டோரி
பொருளாதாரத்தின் அடிப்படையைப் பலப்படுத்துவோம்!

பொருளாதாரத்தின் அடிப்படையைப் பலப்படுத்துவோம்!

பொருளாதாரத்தின் அடிப்படையைப் பலப்படுத்துவோம்!

பொருளாதாரத்தின் அடிப்படையைப் பலப்படுத்துவோம்!

Published:Updated:
பொருளாதாரத்தின் அடிப்படையைப் பலப்படுத்துவோம்!
பிரீமியம் ஸ்டோரி
பொருளாதாரத்தின் அடிப்படையைப் பலப்படுத்துவோம்!

ஹலோ வாசகர்களே..!

பொருளாதாரத்தின் அடிப்படையைப் பலப்படுத்துவோம்!



ளரும் பொருளாதார நாடான நம் இந்தியா, இன்றைக்குச் சந்திக்கும் பிரச்னைகள் பலப்பல. அதில் முக்கியமானது, டாலருக்கு நிகரான ரூபாய் மதிப்புச் சரிவு. தற்போது 70 என்கிற நிலையில் இருக்கும் ரூபாய் மதிப்பு, அடுத்துவரும் மாதங்களில் இது 71, 72 என்பதை நோக்கிச் செல்ல வாய்ப்பு உண்டு. இதனால் வெளிநாடுகளிலிருந்து நாம் வாங்கும் தங்கம், கச்சா எண்ணெய் ஆகியவற்றின் விலை உயர்ந்து, பணவீக்கம் அதிகரிக்கலாம்.

இந்த நிலையில், ரூபாய் மதிப்பு குறைவதைப் பற்றி அதிகம் கவலைப்படாமல், பொருளாதாரத்தின் அடிப்படையைப் பலப்படுத்திக்கொள்வதில் நாம் அக்கறை செலுத்த வேண்டும் என்று சொல்லியிருக்கிறார் ரிசர்வ் வங்கியின் முன்னாள் கவர்னர் ரகுராம் ராஜன். நிதி ஆயோக் நிறுவனத்தின் துணைத் தலைவர் ராஜீவ் குமாரும், வர்த்தகப் பற்றாக்குறையைக் குறைப்பதற்கான நடவடிக்கையை நாம் எடுக்க வேண்டுமே அன்றி, ரூபாய் மதிப்பு குறைவதைப் பற்றி அதிகம் கவலைப்பட வேண்டாம் என்று சொல்லியிருக்கிறார்.

இந்த இரண்டு நிபுணர்களுமே இப்படிச் சொல்வதற்குக் காரணமில்லாமல் இல்லை. நமது வர்த்தகப் பற்றாக்குறை கடந்த ஐந்தாண்டுகளில் இல்லாத அளவுக்கு 18.02 பில்லியன் டாலர்களாக இருக்கிறது. இது மட்டுமல்ல, நமது நடப்புக் கணக்குப் பற்றாக்குறை கடந்த ஆண்டில் நமது ஜி.டி.பி-யில் 1.9 சதவிகிதமாக இருந்தது, இந்த ஆண்டில் 2.8 சதவிகிதமாக உயர வாய்ப்புள்ளதாக எதிர்பார்க்கப்படுகிறது. இந்த இரண்டு விஷயங்களையும் மீண்டும் பழைய நிலைக்குக் கொண்டு செல்லவேண்டுமெனில், நமது பொருளாதாரத்தை உறுதிமிக்கதாக மாற்றுவது தவிர நமக்கு வேறு வழியில்லை. அதற்கு நமது மத்திய அரசாங்கம் என்ன செய்ய வேண்டும்?

நாட்டின் வளர்ச்சிக்குத் தேவையான உள்கட்டமைப்பு வசதிகளைப் பெருக்கிக்கொள்ளவும், புதிய ஆலைகளைக் கட்டவும், பணியாளர்களின் வேலைத்திறனை அதிகரிக்கும் வகையில் பல ஆயிரம் கோடியை முதலீடு செய்ய வேண்டும். தற்போது இந்த முதலீடு குறைந்த அளவில்தான் இருக்கிறது.

தொழில் துறை உற்பத்தியானது கடந்த ஓராண்டு காலத்தில் உயர்ந்தாலும், கடந்த ஐந்தாண்டு காலத்துடன் ஒப்பிட்டுப் பார்க்கும்போது, வரும் ஆண்டுகளில் இன்னும் அதிகம் உயரவேண்டிய நிலையில் இருக்கிறது. வங்கிகள் தரும் கடனும் கடந்த ஓராண்டில் கணிசமாக அதிகரித்திருந்தாலும், கடந்த ஐந்தாண்டுக் காலத்துடன் ஒப்பிட்டுப் பார்த்தால், வரும் ஆண்டுகளில் இன்னும் அதிகரிக்க வேண்டும்.

பொருளாதாரத்தை வலுப்படுத்தும் இந்த நடவடிக்கைகளை எடுத்தாலே போதும், வேலைவாய்ப்பு தானாகப் பெருகும். இதனால் மக்களின் வருமானம் அதிகரித்து, பொருளாதார வளர்ச்சி உயரும். அடுத்த ஆண்டில் பொதுத் தேர்தல் நடக்கவிருக்கும் நிலையில், மத்திய அரசாங்கம் இந்த நடவடிக்கைகளை எடுத்து, பொருளாதாரத்தைப் பலப்படுத்தினால் மட்டுமே மீண்டும் எளிதாக ஆட்சியைப் பிடிக்க முடியும் என்பதில் சந்தேகமில்லை!

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism