காபி கேன் இன்வெஸ்டிங் - 2 - பங்கு முதலீடு... பெரிய நிறுவனங்களை மட்டுமே துரத்தாதீர்கள்!

மு ம்பை பங்குச் சந்தையின் பி.எஸ்.இ 500 குறியீட்டினைக் கணக்கீடு செய்ய எடுத்துக்கொள்ளப்படும் நிறுவனங்களில் சிறப்பாகச் செயல்படும் சில நிறுவனங்கள் அவற்றின் முதலீட்டுக்கான எதிர்பார்க்கும் பலனைவிட (Cost of capital – மூலதனத்திற்காகச் செலவிடப்படும் தொகை) அதிக லாபத்தை ஈட்டுவதாக உள்ளன. ஏனென்றால், அந்த நிறுவனங்களுக்கு ஏனைய போட்டி நிறுவனங்களுடன் செயல்படும்போது அந்தப் போட்டியை எளிதில் தவிர்ப்பதில் இருக்கும் அனுகூலம் (Competitive Advantage) எனலாம்.

கடந்தகாலத்தில் அவை இந்த அனுகூலத்தைப் பெற்றிருந்தது என்பதை மட்டும் புரிந்துகொள்வதால் முதலீட்டாளருக்கு லாபம் எதுவும் இல்லை. அது எதிர்காலத்திலும் தொடருமா என்பதைத் தெரிந்து வைத்துக்கொண்டால் மட்டுமே முதலீட்டில் நல்ல லாபம் பார்க்க முடியும். மேலும், அடுத்த பத்து ஆண்டுகளில் அந்த நிறுவனம் தொழிலில் அதிகரிக்கச் செய்யும் முதலீட்டிற்கு ஏற்கெனவே முதலீடு செய்திருக்கும் முதலீட்டிற்கு வந்துகொண்டிருக்கும் (ROCE) லாபத்தைவிட அதிகமான லாபம் கிடைக்குமா என்றும் பார்க்க வேண்டும். இந்த விஷயங்கள் குறித்து அறிய மூன்று முக்கியமான புத்தகங்கள் படித்தேன்.

முதலாவதாக, Understanding Michel Porter: The Essential Guide to Competition and Strategy (2011) by Joan Magretaa என்னும் புத்தகத்தில் சொல்லியிருப்பதைப் பார்ப்போம்.

. செயல்படும் துறையில் மிகப் பெரிய நிறுவனமாக இருக்க வேண்டும் என்று நினைக்கும் நிறுவனங்களைப் பார்க்காதீர்கள். தனித்துவத்துடன் இருக்க வேண்டும் என்று முடிவு செய்து அதனைத் தொடர்ந்து தக்க வைத்துக்கொள்ளும் நிறுவனங் களைப் பாருங்கள். சிறந்த பெரிய நிறுவனமாக உருவெடுக்க நினைக்கும் நிறுவனம் சம்பாதிக்கும் பணம் அதனுடைய மூலதனத்திற் காகச் செலவிடப்படும் தொகை யினைவிட அதிகமாக தொடர்ந்து சம்பாதிக்கும் என்பதற்கான உத்தரவாதம் ஏதுமில்லை. அதே சமயம், தனித்துவம் என்பது தொடர்ந்து இருக்கும் என்பது நிச்சயமான ஒன்று.

மனிதர்களின் எல்லாத் தேவை களையும் பூர்த்தி செய்வோம் என்று சொல்லும் நிறுவனங்களை விட்டு விலகி நில்லுங்கள். அவற்றின் ஆர்.ஓ.சி.இ (ROCE), டபிள்யூ.எ.சி.சி (WACC)-ஐவிட (Weighted Average Cost of Capital) அதிகமாக இருக்காது.

ஒரு நிறுவனம் தன் பொருள் களுக்கு நிர்ணயிக்கும் விலையை வைத்தே அது எந்தவித நிலையில் இருக்கிறது என்று கண்டறியலாம். தனித்துவம் கொண்ட நிறுவனங் களால் மட்டுமே தொடர்ந்து அதிக விலையில் (Premium) பொருள்களை விற்கமுடியும்.

வெறுமனே ஒரு நிறுவனம் அதன் உற்பத்தி செய்யும் பொருள் களுக்கான செலவு எவ்வளவு ஆகிறது எனப் பார்க்காதீர்கள். இந்த நிறுவனத்திற்கு ஒரு பொருளை உற்பத்தி செய்ய 100 ரூபாய் செலவாகிறது என்றால், அதன் போட்டி நிறுவனத்திற்கு எவ்வளவு ஆகிறது என்று பாருங்கள். இதற்குமுன் சொன்ன இரண்டு விஷயங்களையும் கணக்கீடு செய்துபாருங்கள். இரண்டு நிறுவனங்களை ஒப்பிட்டுப் பார்க்கும்போது ஒரு நிறுவனத்தைவிட மற்றொரு நிறுவனத்தின் ஆர்.ஓ.சி.இ 5% இருக்கிறது என்றால், குறைந்த செலவால் எத்தனை சதவிகிதம் அதிகரித்துள்ளது; அதிக விலைக்கு விற்பதால் எத்தனை சதவிகிதம் அதிகரித்துள்ளது என்பதைப் பாருங்கள்.

. வேகமான வளர்ச்சிக்கு வாய்ப்பிருக்கும் துறைகள் நல்ல முதலீட்டிற்கான துறைகள் என்று நினைக்காதீர்கள். வளர்ச்சி என்பது லாபத்திற்கான வாய்ப்பாக இருக்கும் அதே நேரத்தில், அது சப்ளையர்களே நிறுவனத்தை நடத்திச்செல்லும் நிலைக்குக் கொண்டு சென்று விடும். அதிலும் தொழிலில் இறங்க பெரிய தடைகள் எதுவும் இல்லாதபட்சத்தில் புதிய போட்டிவேறு களத்தில் தோன்றி பாடாய்ப்படுத்த வாய்ப்புள்ளது.

பெரியது, பெரியதாகக்கூடி யது, பெரியதாகிக்கொண்டிருப் பது என்று அளவில் பெரிதாகக் கூடிய நிறுனவனங்களைத் துரத்திப் பிடிக்க முயலாதீர்கள். ஏனென்றால் உலகின் பெரும் கார் நிறுவனமான ஜெனரல் மோட்டார்ஸ் திவால் நிலைக்குத் தள்ளப்பட்டதும், கார் நிறுவனங் களின் இடையே சிறிய நிறுவனமாகக் கருதப்படும் பி.எம்.டபிள்யூ நிறுவனம் அந்தத் துறையின் சராசரியைவிட 50% (ROIC - Return on invested capital) அதிக லாபம் தருவதும் நிஜத்தில் நடக்கவே செய்கிறது.

இரண்டாவதாக, Competition Demystified: A Radically Simplified Approach to Business Strategy by Bruce Greenwald & Judd Kahn

இந்தப் புத்தகம் போட்டியைத் தவிர்ப்பதில் இருக்கும் அனுகூலம் குறித்து பல விஷயங்களை நமக்குச் சொல்கிறது. போட்டியில் தனித்துவம் என்பது போட்டியாளர் கள் நுழைவது எவ்வளவு சுலபமாக இருக்கிறது என்பதை வைத்தே அறியப்பட வேண்டிய ஒரு விஷயம் என்கிறது. போட்டியாளர்கள் முளைப்பதற்கான தடைகளை ஒரு நிறுவனம் எப்படிப் பெரிய அளவில் உருவாக்குகிறது (உதாரணத்திற்கு, என்ன நடந்தாலும் வாடிக்கை யாளர்களைத் தக்கவைத்துக் கொள்ளுதல், குறைந்த பொருள் செலவில் உற்பத்தி செய்தல், பெரிய அளவில் வளர்ந்து அதனாலேயே குறைந்த பொருள் செலவில் உற்பத்தி செய்தல் போன்றவை) என்பதை வைத்தே எந்த அளவுக்கு அதனால் அதன் போட்டியாளர்களின் உத்தியை எதிர்பார்த்து செயலாற்ற முடியும், போட்டியின் தனித்துவத்தை எப்படி சிறப்பாக நிர்வகிக்க முடியும் என்பதையெல்லாம் முடிவு செய்யும் என்பதை நிர்ணயிக்கலாம் என்கிறது இந்தப் புத்தகம். அதுமட்டுல்லாமல், போட்டியில் தனித்துவத்தை எப்படிக் காப்பாற்றிக்கொள்வது என்பதையும் சொல்கிறது.

. மேலும், பிராண்ட், செயல்திறன், குறைந்த செலவு (எகனாமீஸ் ஆஃப் ஸ்கேல்) போன்றவற்றால் வரும் போட்டியின் தனித்துவம் என்பது மிக மிகச் சுலபமாகப் புதியவர்களால் காப்பி அடிக்கப்பட்டு வீழ்த்தப்படக் கூடியதே என்கிறது. ஸ்டீல், டெக்ஸ்டைல், ஏர்லைன்ஸ், பல்க் கெமிக்கல், டெலிகாம் போன்ற துறைகளில் போட்டியில் தனித்துவம் என்ற ஒன்று கிடையவே கிடையாது. இந்தத் துறையில் மிகவும் செயல்திறன் கொண்ட நிறுவனத்திற்கே ஆர்.ஓ.சி.இ என்பது டபிள்யூ.ஏ.சி.சி-ஐவிட அதிகமாக இருக்கும். இந்தத் துறையில் எப்போது முதலீடு செய்யலாம் என்றால் நிறைய நிறுவனங்கள் மூடப்படும் போது மட்டுமே. அந்தச் சமயத்திலேயே செயல்திறன் அதிகம் கொண்ட நிறுவனம் அதிகம் லாபம் பார்க்க வாய்ப்புள்ளது.

இந்தப் புத்தகம் ‘எகனாமீஸ் ஆஃப் ஸ்கேல்’ என்பது ஒரு போட்டியில் தனித்துவ அனுகூலம் இல்லை என்று வாதிடுகிறது. இதை மட்டுமே அனுகூலமாகக் கொண்டிருந்த பிலிப்ஸ், கம்பாக் (Compaq) போன்ற நிறுவனங்கள் வீழ்ந்தது இதையே காட்டுகிறது என்கிறது இந்தப் புத்தகம்.

மூன்றாவதாக, Inside the Investments of Warrant Bufffett :Twenty Cases by Yefei Lu

இந்தப் புத்தகம் வாரன் பஃபெட் 30, 40 மற்றும் 50 வருடங் களுக்கு முன்னால் ஆராய்ந்த ஆண்டறிக்கைகளை நமக்கு விளக்குகிறது. 1960-களில் கிரெடிட் கார்டுகள் ஆரம்பித்த காலம். அமெக்ஸ் (Amex) நிறுவனம், டிராவலர்ஸ் செக்குகளைத் தரும் சேவைகளை வழங்கிவந்தது. இந்தியாவில் டிமாண்ட் டிராஃப்ட் போன்ற ஒரு விஷயம். 1963-ம் ஆண்டு அமெக்ஸ் நிறுவனத்தின் துணை நிறுவனம் ஒரு பெரிய சிக்கலில் சிக்க, அதனால் அந்த நிறுவனத்தின் பங்குகள் 60 டாலரிலிருந்து 30 டாலருக்குச் சரிந்தது.

. 1964-ல் வாரன் பஃபெட் அந்த நிறுவனத்தில் 40 டாலருக்கு முதலீடு செய்தார் (எதிர்கால P/E 20x என்ற அளவீட்டில்). அமெக்ஸின் துணை நிறுவனம் சிக்கிக்கொண்ட பிரச்னையால் அமெக்ஸின் பிராண்ட் சரியவில்லை என்றார் அவர். நாளடைவில் அமெக்ஸ் நிறுவனம் பெரியதாக வளர்ந்தது. டாலரைப் பெற்றுக் கொண்டு டிராவலர்ஸ் செக் தரும் தொழிலில் இருந்த அமெக்ஸ் அதில் பெரும் லாபம் பார்த்தது. ஏனென்றால், டாலரைக் கொடுத்துப் பெற்ற டிராவலர்ஸ் செக்கை செலவாக்கும் வரை டாலர் இலவசமாக வட்டியின்றி அமெக்ஸ் வசம் இருந்தது. ஒரு கட்டத்தில் 4-5 மில்லியன் டாலர் அளவிலான வட்டி, இதன்மூலம் வந்தது அந்த நிறுவனத்திற்கு. நிறுவனம் பெரிதாகும்போது இந்த வகை லாபங்கள் வரும் என பஃபெட் உணர்ந்ததால்தான் அவருக்குக் கொள்ளை லாபம் கிடைத்தது.

அதே போல்தான், கெய்கோ (GEICO) எனும் இன்ஷூரன்ஸ் நிறுவனத்தில் அவர் செய்த முதலீடும். அந்த நிறுவனம் ஒரு சிக்கலில் இருக்கும்போதே அவர் வாங்கினார். வெறுமனே அரசு ஊழியர்களுக்கு மட்டுமே பாலிசிகள் வழங்கி வந்தது அந்த நிறுவனம். அரசு ஊழியர்கள் குறைந்த அளவு ரிஸ்க் இருக்கும் குழுவினர். அந்த நிறுவனம் ஏஜென்டுகள் இல்லாமல் பாலிசியை நேரடியாக பாலிசிதாரருக்கு விற்று வந்தது. செலவுகள் இதனால் பெருமளவு மட்டுப்படுத்தப் பட்டது. 100 பேர் பாலிசி எடுத்தால் மூன்று பேர் மட்டுமே க்ளெய்ம் செய்தனர். இந்த மூன்று விஷயங்களைக் கண்டுகொண்ட பஃபெட், அந்த நிறுவனம் கஷ்டத்தில் தத்தளிக்கும்போது அதில் முதலீடு செய்து பெருமளவில் லாபம் பெற்றார்.

தெரிந்துகொள்ளவேண்டிய முதலீட்டுத் தத்துவம்

இந்த வகை விஷயங்களைப் பத்து வருடங் களுக்குமுன் நான் அறிந்திருந்தால், 2009-ல் பார்தி ஏர்டெல்லில் முதலீடு செய்திருக்க மாட்டேன். ஏனென்றால், போட்டியில் தனித்துவ அனுகூலம் என்ற எதுவுமே இல்லாத துறையில் அது வேகமாக முதலீடுகளைச் செய்துகொண்டிருந்தது. அதே போல், டாடா மோட்டார்ஸ் நிறுவனத்திலும் முதலீடு செய்வதைத் தவிர்த்திருப்பேன். ஆர்.ஓ.சி.இ ஐந்து வருடம் நன்றாக இருந்தபோதிலும், பென்ஸ் மற்றும் பி.எம்.டபிள்யூ-வுடன் எதிர் காலத்தில் அது போட்டிபோட வேண்டி யிருக்கும் என்பதை எதிர்பார்த்திருக்கவில்லை.

. அதேபோல், வீட்டுவசதிக் கடன் அளிக்கும் நிறுவனங்களுக்கு எந்தவித விலை நிர்ணயம் செய்யும் தகுதியும் இல்லை. அதேபோல், மூலப் பொருள்களுக்கான பணத்தையும் அவர்கள் தனித்துவமாக, குறைந்த செலவில் பெற வாய்ப்பும் இல்லை. இதை உணர்ந்திருந்தால் பெரிய அஸெட் மேனேஜ்மென்ட் நிறுவனங்களை விட்டு விலகியே இருந்திருப்பேன். ஏனென்றால் வெறுமனே பிராண்ட்டை வைத்துக் கொண்டு ஒன்றும் செய்ய முடியாது. நல்ல பிராண்ட், ஆனால், விலையையும் உயர்த்த முடியாது. மூலப் பொருளையும் குறைந்த விலைக்கு வாங்க முடியாது என்றால் என்ன பிரயோஜனம்?

ஆனால், ஆயுள் காப்பீட்டு நிறுவனங்கள் கொஞ்சம் யோசிக்க வைக்கிறது. வங்கிகள் மூலமாக விநியோகம், பிரீமியம் ஏன் இவ்வளவு என்பதை யாரும் தெரிந்து கொள்ள முடியாத திரை இருக்கும் சூழல், ஒரு இன்ஷூரன்ஸ் நிறுவனத்தில் இருந்து மற்றொன்றுக்கு செல்ல நினைத்தால் அதிக செலவாகும் சூழல் (அதிலும் எண்டோமென்ட் மற்றும் யூலிப் பாலிசிகளில் மிக அதிகம்), புதிய நிறுவனங்கள் தொடங்க நிறையவே சட்ட திட்டங்களினாலான தடைகள் போன்ற பல அனுகூலங்கள் இந்தத் துறையில் இருக்கிறது. அதேபோல், பல ஸ்மால்கேப் நிறுவனங்கள் பி-டு-பி என்ற பிரிவில் டாக்டர் ரெட்டீஸ், சிப்லா, யு.பி.எல் போன்ற பழம்பெரும் நிறுவனங்களுக்கு சப்ளை செய்கின்றன.

இந்தச் சிறிய நிறுவனங்கள் மேலே சொன்ன பெரிய நிறுவனங்களுடன் நீண்டகால அடிப்படை யிலான உறவில் இருக்கின்றன என்பதால், சுலபத்தில் இவற்றின் வியாபாரம் என்பது பாதித்துவிடாது என்பதாலேயே அவை முதலீட்டுக்கு உகந்ததாக இருக்கிறது.

(முதலீடு வளரும்)

. - செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் (Marcellus Investment Managers)

காபி கேன் இன்வெஸ்டிங் - 2 - பங்கு முதலீடு... பெரிய நிறுவனங்களை மட்டுமே துரத்தாதீர்கள்!

சௌரப் முகர்ஜி