Published:Updated:

ஷேர்லக்: மீண்டும் ஏற்றத்தில் கிராமப்புறப் பங்குகள்!

ஷேர்லக்: மீண்டும் ஏற்றத்தில் கிராமப்புறப் பங்குகள்!
பிரீமியம் ஸ்டோரி
News
ஷேர்லக்: மீண்டும் ஏற்றத்தில் கிராமப்புறப் பங்குகள்!

ஷேர்லக்: மீண்டும் ஏற்றத்தில் கிராமப்புறப் பங்குகள்!

ஷேர்லக்கிடமிருந்து சரியாக 3.30-க்கு போன் வந்தது. பக்கத்தில் இருக்கும் காபி ஷாப் பெயரைக் குறிப்பிட்டு, அங்கே வர முடியுமா என்றார். நாம் தயாராக வைத்திருந்த கேள்விகளுடன் மூன்றே நிமிடங்களில் அங்கே சென்றோம். நமக்கும் சேர்த்து காபி ஆர்டர் செய்திருந்தார் ஷேர்லக். நாம் கேள்விகளைக் கேட்க ஆரம்பித்தோம்.

ஆக்ஸிஸ் வங்கி பங்கு விலை 52 வார கால புதிய உச்சத்தை எட்டியுள்ளதே?

“ஆக்ஸிஸ் வங்கியின் புதிய சி.இ.ஓ-வாக அமிதாப் சவுத்ரி நியமிக்கப்பட்டதைத் தொடர்ந்து, அதன் பங்கு விலை ஒரே நாளில் 4.63% உயர்ந்தது. கடந்த ஓராண்டில் ஆக்ஸிஸ் வங்கியின் பங்கு விலை கிட்டத்தட்ட 38% உயர்ந்துள்ளது. அதேபோன்று இந்த ஆண்டு தொடக்கத்திலிருந்து ஏறக்குறைய 20% உயர்ந்து காணப்பட்டுள்ளது. பிரபல பங்குத் தரகு நிறுவனமான மோதிலால் ஆஸ்வால், இந்தப் பங்கின் இலக்கு விலையை 750 ரூபாய் எனப் பரிந்துரைத்துள்ளது.”

ஷேர்லக்: மீண்டும் ஏற்றத்தில் கிராமப்புறப் பங்குகள்!

டைட்டான் பங்கு விலை சரிந்துள்ளதே?

“டைட்டான் நிறுவனத்தின் வளர்ச்சி வரவிருக்கும் நாள்களில் மந்தமடையலாம் என கிரெடிட் சூஸ் என்ற பன்னாட்டுத் தரக்குறியீடு  நிறுவனம், அந்தப் பங்கின் இலக்கு  விலையைக் குறைத்தது. இதைத் தொடர்ந்து, ஒரேநாளில் அந்தப் பங்கு விலை 3.7% குறைந்தது. ஆகஸ்ட் மாதம் முதல் டிசம்பர் வரையிலான காலகட்டத்தில் திருமணங்கள் அவ்வளவாக நடைபெறாது என்பதாலும், ரூபாய் மதிப்பு சரிவும் இந்த நிறுவனத்தின் தயாரிப்புப் பொருள்களான கைக் கடிகாரங்கள், தங்க நகைகள் விற்பனையில் சரிவை ஏற்படுத்த லாம் என எதிர்பார்ப்பதாக கிரெடிட் சூஸ் தெரிவித்துள்ளது.”

 எண்ணெய் விற்பனை நிறுவனங்களின் பங்குகள் விலை கடும் சரிவைச் சந்தித்துள்ளதே?

“அமெரிக்க டாலருக்கு நிகரான ரூபாய் மதிப்பு தொடர்ந்து சரிவடைந்துவரும் நிலையில், செப்டம்பர் 12-ம் தேதியன்று மேலும் 0.13 காசுகள் சரிந்து, 72.90-ஆகக் காணப்பட்டது. இதனையடுத்து, எண்ணெய் விற்பனை நிறுவனங்களான ஹெச்.பி.சி.எல், பி.பி.சி.எல், ஐ.ஓ.சி.எல் ஆகியவற்றின் பங்கு விலை அன்றைய தினம் வர்த்தகத்தின் இடையே 3% - 4% வரை சரிவடைந்து காணப்பட்டது. இது, கடந்த 52 வார காலத்தில் காணப்பட்ட மிக அதிக சரிவாகும். நடப்பு காலண்டர் ஆண்டில் இதுவரை ஹெச்.பி.சி.எல், பி.பி.சி.எல் மற்றும் ஐ.ஓ.சி.எல் ஆகியவற்றின் பங்கு விலைகள் முறையே 42%, 36% மற்றும் 24% சரிந்துள்ளன.”

 சன் பார்மா பங்குகளின் விலை உயர்ந்துள்ளதே?

“சன் பார்மா நிறுவனத்தின் குஜராத் ஹலால் ஆலையில் கடந்த மாதம், அமெரிக்க உணவு மற்றும் மருந்து நிர்வாகம் (யு.எஸ் எஃப்.டி.ஏ) மேற்கொண்ட ஆய்வு மற்றும் சோதனை தொடர்பாக 6 விஷயங் களைக் குறிப்பிட்டு, அந்த நிறுவனத்துக்கு யு.எஸ் எஃப்.டி.ஏ அறிக்கை அனுப்பியிருந்தது. இதுகுறித்த தகவல் வெளியானதைத் தொடர்ந்து, இந்த நிறுவனத்தின் பங்கு விலை 6% சரிந்தது.  முன்னதாக, செப்டம்பர் 9-ம் தேதியன்று இந்த நிறுவனத்தின் பங்கு விலை கடந்த 52 வார உச்சத்தை எட்டி 679 ரூபாயாகக் காணப்பட்டது.’’

கிராமப்புறப் பங்குகள் மீண்டும் ஏற்றமடைந்துள்ளனவே?

“விவசாயிகளுக்கு அவர்களது உற்பத்திப் பொருள்களுக்கு லாபகரமான விலை கிடைப்பதை உறுதி செய்யும் விதமாக உருவாக்கப் பட்டுள்ள புதிய திட்டத்துக்கு, மத்திய அமைச்சரவை ஒப்புதல் அளித்ததைத் தொடர்ந்து, கிராமப்புற நுகர்வு சார்ந்த  உற்பத்தி நிறுவனங்களின் பங்குகள் விலை,  அன்றைய தினம் உயர்ந்து காணப் பட்டது. குறிப்பாக, ஹிந்துஸ்தான் யுனிலீவர் பங்கு விலை 2.29%, கோத்ரெஜ் கன்ஸ்யூமர் புராடக்ட்ஸ் பங்கு விலை 3.65%, ஐ.டி.சி பங்கு 3.11%, டாபர் நிறுவனப் பங்கு விலை 2.22%,  பஜாஜ் ஆட்டோ பங்கு விலை 1.42% உயர்ந்து காணப்பட்டது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஷேர்லக்: மீண்டும் ஏற்றத்தில் கிராமப்புறப் பங்குகள்!

அதேபோன்று, இ.ஐ.டி பாரி நிறுவனப் பங்கு விலை 1.66%, பஜாஜ் ஹிந்துஸ்தான் 3.92%, ஸ்ரீ ரேணுகா சுகர்ஸ் 11.30%, திரிவேணி இன்ஜினீயரிங் 4%, தாம்புர் சுகர் 9.59%, டால்மியா பாரத் சுகர் பங்கு விலை 3.34% உயர்ந்து காணப்பட்டது.”

ஹெச்.சி.எல் டெக் நிறுவனம் பைபேக் அறிவித்துள்ளதே?

‘‘ஹெச்.சி.எல் டெக் நிறுவனம், 4,000 கோடி ரூபாய் மதிப்பிலான அதன் பங்குகளை, பங்கு ஒன்றின் விலை ரூ.1,100 என்ற அடிப்படையில்  திரும்ப வாங்கப்போவதாகக் கடந்த ஜூலை மாதம் அறிவித்திருந்தது. இந்த நிலையில், பங்கு களைத் திரும்ப வாங்குவதற்கான நடவடிக்கை செப்டம்பர் 18-ம் தேதி தொடங்கி அக்டோபர் 3-ம் தேதி வரை இருக்கும் என செபி-யிடம் தாக்கல் செய்துள்ள ஆவணத்தில் தெரிவித்துள்ளது.  இது தொடர்பாக அனைத்துப் பங்குதாரர்கள்/பங்குகளின் பயனாளி உரிமையாளர்களுக்கும் அந்த நிறுவனம் தகவல் அனுப்பியுள்ளது.’’

 இந்தியப் பங்குச் சந்தை ஏற்றம் காணத் தொடங்கி இருக்கிறதே?

“கடந்த ஆகஸ்ட் மாதத்தில் நுகர்வோர் பணவீக்கம் 3.69 சதவிகிதமாகக் குறைந்துள்ளது. இது, ரிசர்வ் வங்கி நிர்ணயித்த 4% இலக்கைவிடக் குறைவாகும். ஜூலை மாதத்தில் இது 4.17 சதவிகிதமாக இருந்தது.
இந்த நிலையில், ரூபாய் மதிப்புச் சரிவு மற்றும் கச்சா எண்ணெய் விலை உயர்வுக்கு மத்தியிலும் இந்தியத் தொழிலக உற்பத்தி இண்டெக்ஸ் ஜூலை மாதத்தில் 6.6 சதவிகிதமாக அதிகரித்துள் ளது. முந்தைய ஜூன் மாதத்தில் காணப்பட்ட 6.9 சதவிகிதத்தைவிட இது குறைவுதான் என்றாலும், ஏப்ரல் - ஜூன் காலாண்டில் நாட்டின் பொருளாதார விகிதம், கடந்த இரண்டு ஆண்டுகளில் இல்லாத வகையில் 8.2% என்ற உச்சத்தைத் தொட்ட நிலையில், இரண்டாவது காலாண்டிலும் நல்ல வலுவான வளர்ச்சி தொடங்கியுள்ளதை இது உணர்த்தியுள்ளது’’ என்று புறப்படத் தயாரானவர், ஒரு துண்டுச் சீட்டை நம்மிடம் தந்தார். அதில் இருந்ததாவது:

“நீண்ட கால முதலீட்டுக்கு: எம் அண்டு எம், பவர் ஃபைனான்ஸ் கார்ப்பரேஷன், ஹெச்.டி.எஃப்.சி ஏ.எம்.சி போன்ற பங்குகளைக் கவனிக்கலாம்.”

- ஷேர்லக்

ஓவியம்: அரஸ்

எஸ்.ஐ.பி: ஆகஸ்டில் ரூ.7,658 கோடி முதலீடு!

மியூச்சுவல் ஃபண்டில் எஸ்.ஐ.பி முறையில் ஆகஸ்ட் மாதத்தில்  7,658 கோடி ரூபாய் முதலீடு செய்யப்பட்டுள்ளது. முந்தைய ஆண்டின் இதே காலகட்டத்துடன் ஒப்பிடுகையில் இது 47% அதிகமாகும். தற்போதைய நிதி வரத்துடன் சேர்த்து, நடப்பு நிதியாண்டில் ஏப்ரல் முதல் ஆகஸ்ட் வரையிலான காலகட்டத்தில் 36,760 கோடி ரூபாய்  எஸ்.ஐ.பி முறையில் மியூச்சுவல் ஃபண்டில் முதலீடு செய்யப்பட்டுள்ளது. 2017-18-ம் நிதியாண்டில், மியூச்சுவல் ஃபண்டில் எஸ்.ஐ.பி முறையில் முதலீடு செய்யப்பட்ட தொகை 67,000 கோடி ரூபாயாக இருந்தது.