Published:Updated:

ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?

ஒட்டுமொத்த விகடனுக்கும் ஒரே ஷார்ட்கட்

Use App
ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?
ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?

ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?

பிரீமியம் ஸ்டோரி

ங்குச் சந்தைகள் இறக்கத்தில் உள்ளன. நிஃப்டி கடந்த ஒரு மாத காலத்தில் 9.30% இறக்கம் கண்டிருக்கிறது. இந்த இறக்கம் இன்னும் தொடரும் என்கிற சந்தேகமும், அச்சமும் பலரிடம் இருப்பதால், பங்குச் சந்தையில் ஏற்கெனவே செய்திருந்த முதலீட்டைச் சிலர் திரும்ப எடுத்து வருகின்றனர்.

இந்த நிலையில், மியூச்சுவல் ஃபண்டில் நீங்கள் செய்துவரும் எஸ்.ஐ.பி முதலீட்டைத் தொடர்கிறீர்களா, நிறுத்தியிருக்கிறீர்களா அல்லது முதலீட்டுத் தொகையை அதிகரித்திருக்கிறீர்களா என்று நாணயம் டிவிட்டரில் (https://twitter.com/NaanayamVikatan) கேட்டோம். இதற்கு வாசகர்கள் அளித்த பதில்களைப் பார்ப்போம்.

ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?

இந்த சர்வேயில் பதில் சொன்னவர்களில் 45% பேர், மியூச்சுவல் ஃபண்டில் தாங்கள் செய்துவரும் எஸ்.ஐ.பி முதலீட்டைத் தொடருவதாகச் சொல்லியிருக்கின்றனர். பங்குச் சந்தை என்பது ஏற்ற இறக்கத்துடனேதான் இருக்கும். எனவே, தற்போதைய இறக்கத்தைக் கண்டு பயப்படாமல், குறைந்த விலையில் அதிக யூனிட்களைப் பெறுவதற்கு நல்ல வாய்ப்பு என்பதைப் புரிந்து கொண்டு, இவர்கள் தங்கள் முதலீட்டைத் தொடர்பவர்களாக இருக்கலாம்.

28% பேர், எஸ்.ஐ.பி-யில் தங்கள் முதலீட்டை அதிகரித்திருப்பதாகச் சொல்லியிருக்கின்றனர். தற்போது ஏற்பட்டிருக்கும் சந்தை இறக்கம் தற்காலிகமானதுதான். இது மீண்டு வரும் என்கிற நம்பிக்கை இவர்களுக்கு இருப்பதினால்தான் முதலீட்டுத் தொகையை உயர்த்தி இருக்கிறார்கள்.

ட்விட்டர் சர்வே: எஸ்.ஐ.பி முதலீட்டை என்ன செய்தீர்கள்?

ஆனால், 27% பேர் எஸ்.ஐ.பி-யில் தாங்கள் செய்துவரும் முதலீட்டை நிறுத்தியிருப்பதாகச் சொல்லியிருக்கிறார்கள். இவர்கள் பங்குச் சந்தையில் எஸ்.ஐ.பி முதலீட்டுக்குப் புதியவர்களாக இருப்பார்கள். சந்தை இறக்கத்தில் நஷ்டம் ஏற்படுவதைப்  புதியவர் களால் தாங்கிக்கொள்ள முடிவ தில்லை. இனியும் முதலீட்டினைத் தொடர்ந்தால், நஷ்டம் வரும்  என்று பயந்து முதலீட்டை நிறுத்தி விடுகிறார்கள்.

ஆனால், இப்போது இறங்கி உள்ள பங்குச் சந்தைகள் மீண்டும் உயரும். முதலீட்டை நிறுத்தாமல், தொடர்ந்து செய்தால் மட்டுமே எதிர்காலத்தில் நல்ல லாபம் பெற முடியும் என்பது நீண்ட கால முதலீட்டாளர்களின் அனுபவம்! 

- ஏ.ஆர்.கே

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு