Published:Updated:

எஸ்.பி அப்பேரல்ஸ்! NSE SYMBOL: SPAL

எஸ்.பி அப்பேரல்ஸ்! NSE SYMBOL: SPAL
பிரீமியம் ஸ்டோரி
News
எஸ்.பி அப்பேரல்ஸ்! NSE SYMBOL: SPAL

கம்பெனி டிராக்கிங்

ற்றுமதி வர்த்தகத் துறையில் ஒரு கூட்டு நிறுவனமாக (பார்ட்னர்ஷிப்) 1989-ம் ஆண்டில் ஆரம்பிக்கப்பட்டு, பின்னர் படிப்படியாக வளர்ந்து இன்றைக்கு ஓர் ஒருங்கிணைந்த உற்பத்தி வசதிகளைக்கொண்ட ஜவுளி ஏற்றுமதி நிறுவனமாகத் திகழ்கிறது எஸ்.பி அப்பேரல்ஸ் லிமிடெட்.

நிறுவனத்தின் வளர்ச்சி

1989-ல் ஆரம்பிக்கப்பட்ட இந்த நிறுவனம் 1998-ம் ஆண்டு கோயம்புத்தூரில் இருக்கும் நீலம்பூர் எனும் இடத்தில் உற்பத்தி வசதியைத் தொடங்கியது. பின்னர் 2003-ல் கோயம்புத்தூரில் இருக்கும் தெக்கலூர் எனும் இடத்தில் தன்னுடைய தேவைகளைப் பூர்த்தி செய்துகொள்வதற்காக  எம்பிராய்டரி யூனிட்டை நிறுவியது. 

எஸ்.பி அப்பேரல்ஸ்! NSE SYMBOL: SPAL

2004-ம் ஆண்டில் அவிநாசியில் பெரியதொரு தொழிற்சாலையை நிறுவிய இந்த நிறுவனம், 2005-ம் ஆண்டில் பெருந்துறையில் சாய ஆலையை நிறுவியது. 2006-ல் மொரீஷியஸில் பதிவு பெற்ற வென்ச்சர் கேப்பிட்டல் நிறுவனமான நியூயார்க் லைஃப் இன்வெஸ்ட்மென்ட் மேனேஜ்மென்ட் இந்தியா ஃபண்ட் (FVCI-II) எல்எல்சி, தன் முதலீட்டை எஸ்.பி அப்பேரல்ஸ் நிறுவனத்தில் செய்தது. அதே வருடத்தில் இந்த நிறுவனம் குரோகடைல் எனும் பிராண்ட்டில் ஜவுளிகளை உற்பத்தி செய்து சந்தைப்படுத்தும் முதலீட்டைச் செய்தது. 2007-08-ல் ஸ்ரீ பாலாஜி பாக்கியம் ஸ்பின்னிங் மில்ஸ் என்ற நிறுவனத்தை தன்னுடன் இணைத்துக் கொண்டது.

2008 முதல் 2013 வரையிலான காலகட்டத்தில் இந்த நிறுவனம் தன் செயல்பாடுகளைச் சீரமைப்பதிலும், உற்பத்தி மையங்களை ஒருங்கிணைப்பதிலும், செயல்திறனை அதிகரித்துக்கொள்வதிலும் கவனத்தைச் செலுத்தி செயல்பட்டுவந்தது.

2014-ல் எஸ்.பி அப்பேரல்ஸ் யுகே என்ற நிறுவனம் பதிவு செய்யப்பட்டது. 2016-ல்  தேசிய பங்குச் சந்தை மற்றும் மும்பை பங்குச் சந்தையில் பட்டியலிடப்பட்டது. 2017-18-ல் தன்னுடைய உற்பத்தி வசதிகளை ஒன்றுடன் ஒன்று இணைந்து செயல்பட வைப்பதிலும், விரிவாக்கங்களைச் செய்வதிலும் கவனத்தைச் செலுத்திவருகிறது. மேலும், குரோகடைல் பிராண்ட்டில் விரிவாக்கங் களை செய்வதன் மூலம் வர்த்தகத்தை அதிகரிக்கும் நோக்கத்துடன் கோகோ ஸ்டோர் என்ற புதிய ஷோரூம்களை பல மாநிலங்களில் ஆரம்பித்து வருகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
எஸ்.பி அப்பேரல்ஸ்! NSE SYMBOL: SPAL

தொழில் பிரிவுகள்

தொழில் பிரிவுகள் என்று பார்த்தால் ஆயத்த ஆடைப்பிரிவில் மிகவும் கடுமையான சவால் களைக் கொண்ட துறைகளான குழந்தைகளுக்கான ஆயத்த ஆடைகளை உற்பத்தி செய்வதில் சிறந்த அனுபவத்தைக் கொண்டு திகழ்கிறது இந்த நிறுவனம்.

சிறிய எண்ணிக்கையிலான குறிப்பிட்ட ரக ஆயத்த ஆடைகளை மாற்றி மாற்றி உற்பத்தி செய்வதால் உற்பத்தி முறைகள்  கடினமானவை யாகவே இருக்கும். மேலும், அயல்நாடுகளுக்கு ஏற்றுமதி செய்வதால் மிகவும் கடினமான தரக்கட்டுப்பாடுகளை எதிர்கொள்ளவேண்டிய சூழலும் இந்தத் துறைக்கே உரித்தான சவால் என்று கூறலாம்.

இதுதவிர மழலையர் மற்றும் சிறுவர்/சிறுமியருக்கான ஆடைகள் என்பதால் அவற்றில் உபயோகப்படுத்தப்படும் சாயங்கள், வேதிப் பொருள்கள், சேர்க்கைப் பொருள்கள் போன்ற அனைத்தும் பக்கவிளைவுகள் இல்லாத அளவில் இருக்கவேண்டும் என்பதும் சவால்தான்.

இந்தவகை சவால்களைக் கொண்டிருக்கும் துறையில் எஸ்.பி அப்பேரல்ஸ் நிறுவனம் கடந்த இருபது ஆண்டுகளுக்கும் மேலாகத் தன்னுடைய திறனை செவ்வனே வெளிப்படுத்தியவண்ணம் செயல்பட்டுவருவது குறிப்பிடத்தக்க விஷயமாகும். 

எஸ்.பி அப்பேரல்ஸ்! NSE SYMBOL: SPAL

நிறுவனத்தின் சிறப்புகள்

மேலும், தொடர்ந்து உயர்ரக தயாரிப்புகளையே தொடர்ந்து வழங்கிவருவது இந்த நிறுவனத்தின் தனிச்சிறப்பு என்று சொல்லலாம். அதேபோல் உலகளாவிய வாடிக்கை யாளர்களின் எதிர்பார்ப்புக் கேற்ற தரக்கட்டுபாடு களையும் கொண்டு சிறப்பாகச் செயல்பட்டு வருகிறது இந்த நிறுவனம்.  

எஸ்.பி அப்பேரல்ஸ் நிறுவனம் உலகளாவிய அளவில் டெஸ்கோ, ப்ரைமார்க், கேமார்ட்,  மதர்கேர், டன்ஸ் ஸ்டோர்ஸ்,  உள்ளிட்ட பல முன்னணி நிறுவனங்களுக்காக ஆயத்த ஆடைகளை நீண்ட காலமாகத் தயாரித்து வழங்குகிறது.

குரோகடைல் பிராண்டை இந்தியாவில் செண்ட்ரோ, மெகாமார்ட்,  பிராண்ட் பேக்டரி,  செண்ட்ரல், அன்லிமிடெட், ரிலையன்ஸ் மார்க்கெட், குளோபஸ், டிமார்ட்,  வால்மார்ட், மிந்த்ரா, ஜபங்.காம் போன்ற நிறுவனங்களின் மூலமாகச் சந்தைப்படுத்தி வருகிறது.

இந்த முன்னணி நிறுவனங்களின் விருப்பமான உற்பத்தியாளராக எஸ்.பி அப்பேரல்ஸ் நிறுவனம் இருக்கிறது. இந்த நிறுவனங்களுக்கு ஒரே நேரத்தில் தேவைப்படும் பாடி சூட்கள், ஸ்லீப் சூட்கள், டாப்ஸ் மற்றும் பாட்டம்்களை பெரிய எண்ணிக்கையில் சீராக உற்பத்தி செய்து சப்ளை செய்துவருகிறது இந்த நிறுவனம்.

ஆரம்ப நாள்களில் இருந்தே எஸ்.பி அப்பேரல்ஸ் ஒருபோதும் பெரிய அளவில் உற்பத்தி செய்து அனுப்பிய பொருளை வாடிக்கை யாளர்கள் திருப்பி அனுப்பிய சரித்திரம் இல்லாத நிறுவனமாகத் திகழ்கிறது.  அதேபோல் டிசைனில் ஆரம்பித்து உற்பத்தி சுழற்சியில் இறுதி நிலை வரையில் அனைத்து வசதிகளையும் தன்வசத்தே கொண்டிருப்பது இந்த நிறுவனத்துக்கே உண்டான சிறப்பு.

மேலும், தன்னுடைய 23 உற்பத்தி வசதிகளையும் பதிவு அலுவலகத்தில் இருந்து கிட்டத்தட்ட 125 கிலோ மீட்டர் தூரத்திற்குள்ளாகவே கொண்டிருப்பதும் (திருப்பூர் – குழந்தைகள் மற்றும் ஏற்றுமதி வர்த்தகத்திற்கான உற்பத்தி மையத்திற்கு அருகேயே) உற்பத்தி அளவு ரீதியான எக்கனாமிஸ் ஆஃப் ஸ்கேல் என்பதை எட்ட வெகுவாக உதவுகிறது எனலாம்.

இதனாலேயே தொழிலாளர் சம்பளம், உற்பத்தி செலவு மற்றும் சரக்குகளை ஓரிடத்தில் இருந்து மற்றொரு இடத்திற்குக் கொண்டுசெல்வதற்கான செலவு போன்றவற்றில் கணிசமான  குறைப்பையும் கொண்டு திகழ்கிறது இந்த நிறுவனம்.

ரிஸ்க் ஏதும் உண்டா?

ஏற்றுமதி வர்த்தகத்தில் ஈடுபடும் நிறுவனங்களுக்கான அந்நிய செலாவணி மதிப்பு மாறுதல் மற்றும் ஜவுளி உற்பத்தித் துறைக்கான மூலப்பொருள்கள் விலை ஏற்றம், வாடிக்கை யாளர்களின் ரசனை மாறுதல், புதிய போட்டி யாளர்கள் உருவாகுதல் போன்றவையே இந்த நிறுவனத்திற்கும் பொருந்துகிற ரிஸ்க்குகள் ஆகும்.

ரிஸ்க்குகள் பல இருக்கிறபோதிலும் தொழில் ரீதியாக நீண்ட அனுபவத்தையும், வாடிக்கை யாளர் மத்தியில் நன்மதிப்பையும் கொண்டிருக்கும் இந்த நிறுவனத்தின் பங்குகளை, வாசகர்கள் சந்தை ஏதாவது ஒரு காரணத்தினால் கடுமையான  வீழ்ச்சியைச் சந்திக்கும்போது, வரும் நல்லதொரு விலை வீழ்ச்சியின்போது வாங்கி தங்களுடைய மூன்று முதல் ஐந்து ஆண்டுகால போர்ட்ஃபோலியோவில் சேர்த்துக் கொள்வதற்காகத் தொடர்ந்து ட்ராக் செய்து வரலாம்.

ஏற்கெனவே இந்த நிறுவனம் செயல்படுகிற துறையில் இருக்கும் பங்குகளை அதிகம் கொண்டிருக்கும் போர்ட்ஃபோலியோவை வைத்திருக்கும் வாசகர்களும், பங்கை வாங்கிய பின்னால் தாங்களாகவே இந்த நிறுவனத்தின்/துறையின் செயல்பாடுகளை டிராக் செய்துகொள்ள முடியாத வாசகர்களும் இந்தப் பங்கைத் தவிர்ப்பது நல்லது.

- டாக்டர் எஸ்.கார்த்திகேயன்

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (SPAL)/name of company/time duration)