Published:Updated:

எம்.என்.சி பங்குகளில் முதலீடு செய்யலாமா?

எம்.என்.சி பங்குகளில் முதலீடு செய்யலாமா?
பிரீமியம் ஸ்டோரி
எம்.என்.சி பங்குகளில் முதலீடு செய்யலாமா?

கவர் ஸ்டோரி

எம்.என்.சி பங்குகளில் முதலீடு செய்யலாமா?

கவர் ஸ்டோரி

Published:Updated:
எம்.என்.சி பங்குகளில் முதலீடு செய்யலாமா?
பிரீமியம் ஸ்டோரி
எம்.என்.சி பங்குகளில் முதலீடு செய்யலாமா?

எம்.என்.சி (Multi National Company) எனப்படும் பன்னாட்டு நிறுவனங்களின் பங்குகளை வாங்குவது  முதலீட்டாளர்களின் போர்ட்ஃபோலியோவை விரிவு படுத்துவதற்கான ஒருவழியாகும். இதற்கு முதலில் உங்கள் முதலீட்டில் எவ்வளவு சதவிகிதத்தை பன்னாட்டு நிறுவன பங்குகளில் முதலீடு செய்ய உள்ளீர்கள் என்பதை முடிவு செய்துகொள்ள வேண்டும். உங்களது ரிஸ்க் எடுக்கும் திறன் மற்றும் முதலீட்டுக் காலம் போன்றவற்றைப் பொறுத்து, அதை முடிவு செய்துகொள்ளலாம்.  இதில், அனைவருக்கும் ஒரே விதமான  அளவுகோல் இருப்பதில்லை. இருப்பினும், இது தொடர்பாக சில வழிகாட்டுதல்களை இந்தத் துறை நிபுணர்கள் வகுத்துள்ளனர். இது தொடர்பாக முடிவெடுக்க அந்த வழிகாட்டுதல்கள் உங்களுக்கு உதவலாம்.
 
20% முதலீடு

பன்னாட்டு நிறுவன பங்கு களில் எவ்வளவு சதவிகிதம் முதலீடு செய்ய வேண்டும் என்பது குறித்துப் பெரும்பாலான நிதி ஆலோசகர்கள் கூறும் பரிந்துரை, “உங்கள் போர்ட்ஃபோலியோவில் பன்னாட்டு நிறுவன பங்குகளைச் சேர்க்க விரும்பினால், அது 15% - 20% வரை  இருக்கட்டும்” என்பது தான். 20% முதலீடு என்பது, ஒரு நல்ல தொடக்கமாகவும், உங்கள் போர்ட்ஃபோலியோவுக்கு ஒரு அர்த்தத்தை ஏற்படுத்துவதாகவும் அமையும் என்கிறார்கள் நிதி ஆலோசகர்கள்.

எம்.என்.சி பங்குகளில் முதலீடு செய்யலாமா?

பாசிட்டிவ் அம்சங்கள்

வளர்ந்த நாடுகளைத் தலைமை யகமாகக் கொண்டு செயல்படும் எம்.என்.சி நிறுவனங்கள் கடுமையான சட்ட விதிமுறை களையும், சந்தை மூலதன ஒழுங்குமுறைகளையும் கொண்டிருக்கும். மேலும்,             எம்.என்.சி நிறுவனங்கள் ஒரே ஒரு குடும்பத்தினரால் நிர்வகிக்கப் படுவது மிகவும் அரிதானதாகவே இருக்கும். அதன் நிர்வாக அதிகாரி களுக்கு அதிகமான சுதந்திரம் இருக்கும். அதேசமயம், சுதந்திரமான நிர்வாக இயக்குநர் களின் கைகளிலும் அதிக அதிகாரம் இருக்கும்.

வளர்ந்த மற்றும் வளர்ந்து வரும் நாடுகள் உட்பட சர்வதேச சந்தையில் போட்டி போடுபவை யாக எம்.என்.சி நிறுவனங்கள் உள்ளன. மேலும், பலதரப்பட்ட உற்பத்தி பொருள்கள் மற்றும் பிராண்டு களைக் கொண்டதாகவும் அவைத் திகழும். அவற்றின் செல்வாக்குக் காரணமாக உற்பத்தி, விற்பனை வளர்ச்சி மற்றும் பிராண்ட் உருவாக்கம் போன்றவற்றில் புதுமையாகத் திகழ்வதுடன், அதில் நிபுணத்துவம் வாய்ந்தவையாகவும் விளங்கும்.

ஒட்டுமொத்த விகடனுக்கும் ஒரே ஷார்ட்கட்!

எம்.என்.சி பங்குகளில் முதலீடு செய்யலாமா?

நெகட்டிவ் அம்சங்கள்

எம்.என்.சி நிறுவனங்களின் இந்தியப் பிரிவுகளில் முதலீடு செய்யும்போது, அந்த நிறுவனத்தின் கட்டுப்பாட்டை, அதன் தாய் நிறுவனம் எடுத்துக் கொள்ள வாய்ப்பு அதிகம். அப்படியான சூழலில், அந்த நிறுவனத்தின் முக்கிய வருவாய் ஆதாரங்களாகத் திகழும் ஆராய்ச்சி மற்றும் மேம்பாட்டு பிரிவு, உற்பத்தி அல்லது பிராண்ட் போன்றவற்றை, அந்த நிறுவனத்தின் பட்டியலிலிருந்து நீக்கி அல்லது மாற்றிவிட்டு, பட்டியலிடப்பட்ட இந்திய நிறுவனத்தை, தனது தொழிலின் மற்ற பயன்பாட்டுக்கு மட்டுமே வைத்துக்கொள்ளும் நிறுவனங் களும் உண்டு. இதற்கு உதாரணமாக, ஹோண்டா மோட்டார் கம்பெனியைக் குறிப்பிடலாம்.

மேலும், கார்ப்பரேட் நிர்வாகம் இருந்தாலும், பங்கு தாரர்களை மோசமாக நடத்தும் போக்கும் சில எம்.என்.சி நிறுவனங்களில் காணப்படுகிறது. பெரும்பாலான முதலீட் டாளர்கள், எம்.என்.சி நிறுவனங் கள் ஏராளமான பொருள்களை உற்பத்தி செய்வதாகக் கருது கிறார்கள். ஆனால், அந்த பிராண்டுகளெல்லாம் இந்தியாவில் பட்டியலிடப்பட்ட அதன் துணை நிறுவனத்தின்கீழ் இல்லாமலும் இருக்கலாம் என்பதால், அதைப் பற்றி யெல்லாம் நன்கு தெரிந்து கொண்டு, அதன்பின்னரே அதில் முதலீடு செய்ய வேண்டும்.

மேலும், எம்.என்.சி நிறுவனங் கள் ராயல்டி கட்டணம் அல்லது இதர கட்டணங்கள் என்று லாபத்தைக் குறைக்க முயற்சி செய்யும். சந்தை இறங்குமுகமாக இருக்கும் காலகட்டத்தில், அதன் இந்தியத் துணை நிறுவனத்தின் உண்மையான பங்கு மதிப்பைவிடக் குறைவான விலையில், பங்குகளைத் திரும்ப வாங்கி, உள்ளூர் பங்குதாரர்களை வெளியேற்று வதற்கான முயற்சியிலும் ஈடுபடலாம். எனவே, அதுபோன்ற நேரங்களில் கவனமாக இருக்க வேண்டும்.

பெரும்பாலான எம்.என்.சி நிறுவனங்கள் சர்வதேசக் காரணிகளின் தாக்கத்துக்கு எளிதில் உள்ளாக வாய்ப்புள்ளதால், அதன் இந்திய நிறுவனங்கள் அத்தகைய பாதிப்புக்கு உள்ளாகக்கூடிய வாய்ப்புள்ளதா என்பதையும் முதலீட்டாளர்கள் பார்க்க வேண்டும். 

எம்.என்.சி பங்குகளில் முதலீடு செய்யலாமா?

எத்தகைய எம்.என்.சி பங்குகளைத் தேர்வு செய்யலாம்?

அதிக எண்ணிக்கை யிலான உள்நாட்டு முதலீட்டாளர் களையும், குறைந்த கடன் கொண்ட எம்.என்.சி நிறுவனங்களையே முதலீட்டாளர்கள் தேர்ந்தெடுக்க வேண்டும். மேலும், நிதி நிலைமைகளையும், தாய் நிறுவனத்துக்கு இந்திய துணை நிறுவனம் எத்தகைய கடன்பாடுகள் அல்லது பொறுப்பு களைக் கொண்டுள்ளது என்பதையும் தெரிந்துகொள்ள வேண்டும். அத்துடன் அந்த நிறுவனத்தின் பிராண்டுக்கு, சந்தையில் எத்தகைய வரவேற்பு உள்ளது என்பதையும், அதன் ராயல்டி மற்றும் டிவிடெண்ட் கொள்கைகள் என்ன என்பதையும் தெரிந்து கொள்வது மிகவும் முக்கியமானது.

கவர்ச்சிகரமான பங்குகள்

எம்.என்.சி துறையில் கவனிக்கவேண்டிய  பங்குகள் எவை என பங்குச் சந்தை நிபுணரும், ஐ.டி.பி.ஐ கேப்பிட்டல் நிறுவனத்தின் ஈக்விட்டி ரிசர்ச் பிரிவின் தலைவருமான ஏ.கே. பிரபாகரிடம் கேட்டோம். அவர் விளக்கமாக எடுத்துச் சொன்னார்.

‘‘இந்தியாவில் செயல்படுகிற எம்.என்.சி நிறுவனங்களில் பெரும்பாலானவை அமெரிக்கா, ஐரோப்பா மற்றும் ஜப்பான் போன்ற நாடு களிலிருந்துதான் வந்துள்ளன என்பதால், விதிமுறைகள் மிகவும் கடுமையானவை. கார்ப்பரேட் நிர்வாக பிரச்னைகள், எம்.என்.சி நிறுவனங்களில் மிகவும் குறைவாகவே இருந்துள்ளன.

எம்.என்.சி நிறுவனங்களைப் பொறுத்தவரை,  முந்தைய காலத்தில் அந்த நிறுவனங்கள் இந்தியாவில்  தங்களது நிறுவனத்தை நேரடியாகத்  தொடங்கிவிட முடியாத நிலை காணப்பட்டது. அதாவது, ஒரு இந்திய நிறுவனத்துடன் கூட்டு சேர்ந்துதான் ஆரம்பிக்க முடியும். இன்றைய நிலைமை போன்று 100 சதவிகித நேரடி அந்நிய முதலீட்டில் நிறுவனத்தை ஆரம்பித்துவிட முடியாது. மாருதி, சுஸூகி போன்ற நிறுவனங்கள் இந்தியாவுக்குள் வந்தபோது, இந்திய நிறுவனங் களோ, பங்குதாரர்களோ அல்லது புரமோட்டோர்களோ இருந்தால்தான் அவர்களால் உள்ளே வரமுடியும் என்கிற நிலை இருந்தது. 49% அல்லது 50% பங்குகளை மட்டுமே அந்த அந்நிய பன்னாட்டு நிறுவனங்கள் வைத்திருக்க முடியும். அதனால்தான் முன்னர் ஹீரோ ஹோண்டா என்று பெயர் இருந்தது. ஹோண்டா என்பது ஜப்பான் நிறுவனமாகும்.

இன்று டி.வி.எஸ் மோட்டார் என்று நாம் சொல்கிற நிறுவனம், முன்னர் டி.வி.எஸ் சுஸூகி என்று இருந்தது. சுஸூகி என்பது ஜப்பான் நிறுவனமாகும்.

எம்.என்.சி பங்குகளில் முதலீடு செய்யலாமா?

ஆனால், ஹூண்டாய் இந்தியாவுக்கு வந்தபோது விதிமுறைகள் மாறிவிட்டதால், அந்த நிறுவனம் தனியாக வந்தது. அதேபோன்றுதான் ஜெனரல் மோட்டார்ஸ் நிறுவனமும்.  இவர்கள், எந்த ஒரு இந்திய நிறுவனத்துடனும் கூட்டு  சேரவில்லை. அதாவது, 2000-ம் ஆண்டுக்குப் பின்னர் வந்த வெளிநாட்டு நிறுவனங்களுக்கு விதிமுறைகள் மாறிவிட்டதால், அவை தனியாகவே வந்தன. முதலில் அந்நிய நிறுவனங் களுக்கான பங்குகளை 75 சதவிகிதமாக அதிகரித்தனர். தற்போது அதை 100 சதவிகிதமாக உயர்த்திவிட்டனர். 

சீமன்ஸ் நிறுவனத்தை எடுத்துக்கொண்டால், அந்த நிறுவனத்துக்கு இந்திய பங்குதாரர்கள் இருந்தனர். ஆனால், தற்போது அந்நிய முதலீடு 100% அனுமதிக்கப்பட்டுவிட்டதால், அவர்கள் தற்போது தங்களது பங்குகளைத் தனது தாய்  நிறுவனத்துக்கே விற்றுவிட்டார்கள். இதுபோன்ற பன்னாட்டு நிறுவனங்கள், முன்னர் இந்திய பங்கு தாரர்கள் அல்லது கூட்டுச் சேர்ந்துள்ள இந்திய நிறுவனத்துக்கு, லாபத்தில் பங்கு கொடுக்க வேண்டிய அவசியம் இருந்தது. ஆனால், தற்போது அதற்கான அவசியம் இல்லாமல் போய் விட்டது. அவர்களே, இந்தியாவில் ஒரு நிறுவனம் மூலம் முதலீடுசெய்து, லாபத்தை அந்த நிறுவனத் தின்மூலம் எடுத்துச் சென்றுவிடுகிறார்கள்.

எனவே, இதுபோன்ற சூழலில் நாம் பன்னாட்டு நிறுவனப் பங்குகளில் முதலீடு செய்யும்போது மிகவும் கவனமாக முதலீடு செய்ய வேண்டும். முன்புபோல், எம்.என்.சி நிறுவனத்தை நம்பி முதலீடு செய்துவிட முடியாது. அவர்கள், இந்தியாவுக்குச் சொந்தமான துணை நிறுவனங்கள் மூலம் வியாபாரம் செய்கிறார்களா அல்லது நேரடியாகவே முதலீடு செய்து அவர்கள் பெயரிலேயே வியாபாரம் செய்கிறார்களா என்பதைத் தெரிந்துகொண்டுதான் முதலீடு செய்ய வேண்டும்.

உதாரணத்துக்கு, போஷ் (Bosch), அப்பாட் (Abbott) போன்ற நிறுவனங் களெல்லாம் இந்திய நிறுவனங்கள் மூலமாகத்தான் தங்களது புதிய தயாரிப்பு களையெல்லாம் இந்தியாவில் அறிமுகம் செய்வோம் எனத் தெளிவாகச் சொல்லி விட்டார்கள்.

எம்.என்.சி பங்குகளை வாங்குவதில் உள்ள இன்னொரு சாதகம், அவர்களிடம்  உள்ள உயரிய தொழில்நுட்பம். சீமென்ஸ், ஏ.பி.பி போன்ற நிறுவனங்களை எடுத்துக்கொண்டால், அவற்றின் தொழில்நுட்பம் பிரமிக்க வைக்கிறது. அந்தத் தொழில்நுட்பம் இந்தியாவில் கிடையாது.

ரயில் பெட்டியை எடுத்துக்கொண்டால், சீமென்ஸ், ஏ.பி.பி போன்ற நிறுவனங்கள் உலக அளவில் பெரிய பங்களிப்பைக் கொண்டுள்ளன. அந்த நிறுவனங்கள் நேரடியாகவே இறக்குமதி செய்கின்றன. முன்பெல்லாம், இந்தியாவில் உள்ள அவர்களது உற்பத்திக்கூடங்களில் உற்பத்தி செய்துவந்த நிறுவனங்கள், தற்போது அவற்றை ஐரோப்பாவில் உள்ள அவர்களது தொழிற் சாலைகளிலிருந்தே உற்பத்தி செய்து நேரடியாகவே அனுப்பிவிடுகிறார்கள். அதுதான் சிக்கல்.

பாதகம் என்று பார்த்தால், வருவாய்க்குமுன் இருந்த அளவுக்கு பெரிய அளவில் இருக்காது. எம்.என்.சி நிறுவனமாக இருக்கும்போது, சம்பந்தப்பட்ட நிறுவனம் தனது தொழில் விருத்திக்கு கடன் வாங்க நினைத்தால், அதை சொந்த நாட்டிலேயே, அதாவது, வெளி நாட்டி லேயே வாங்கிவிடுகிறது. உதாரணத்துக்கு, குஜராத்தில் உள்ள மாருதி உற்பத்தி ஆலையைக்கூட சுஸூகி நிறுவனம்தான் அமைத்ததே தவிர, மாருதி  அமைக்கவில்லை. அப்படி, சுஸூகி அதை அமைக்கும் போது ஜப்பானில்தான் கடன் வாங்குவார்கள். அப்படி ஜப்பானில் கடன் வாங்கினால், வட்டி விகிதம் குறைவாக இருக்கும்.

மேலும், வெளிநாட்டு நிறுவனங்களே இந்தியாவில் உற்பத்தி ஆலைகளை அமைக்கும்போது தனது ஒரிஜனல் நிறுவனத்துக்கே, தங்களது தயாரிப்புகளை விற்றுவிடுவது. இல்லா விட்டால், வெளிநாட்டி லிருந்தே இறக்குமதி செய்து விற்கிறார்கள். கடந்த 18 ஆண்டுகளில் பார்த்தால், சீமென்ஸ்  மட்டுமே தனது 33 இந்திய உற்பத்திக் கூடங்களை தாய் நிறுவனத்திடம் விற்றுள்ளது.

கடந்த எட்டு ஆண்டுகளில் சீமென்ஸுக்கு விற்பனை வளர்ச்சியே இல்லை. காரணம், இதுதான். இந்த நிலையில், கவர்ச்சிகரமாக மதிப்பீடு இருக்கும் எம்.என்.சி நிறுவனப் பங்குகளை மட்டுமே வாங்க வேண்டும்” என்றவர்கள் அந்த நிறுவனங்களின் சிறப்புகள் பற்றி குறிப்பிட்டார்.

எம்.என்.சி பங்குகளில் முதலீடு செய்யலாமா?

தற்போதைய சூழலில் முதலீட்டாளர்கள் இந்தப் பங்குகளை வாங்கலாம். ஆனால், மொத்தமாக முதலீடு செய்ய வேண்டாம். விரைவில் நாடாளுமன்றத் தேர்தல் வர இருப்பதால், சந்தையின் போக்கு ஏற்ற இறக்கத்தில் இருக்கும். எனவே, சந்தை இறக்கத்தைப் பயன்படுத்தி முதலீடு செய்துவரவும். குறைந்தது இரண்டு முதல் மூன்று ஆண்டுகள்  வரை முதலீட்டை வைத்திருக்கும் பட்சத்தில் கணிசமான லாபம் கிடைக்க வாய்ப்புண்டு’’ என்றார்.

கேஸ்ட்ரால் இந்தியா (Castrol)

இந்தியாவில் இன்ஜின் ஆயில் மற்றும் வாகன உயவு எண்ணெய் தயாரிப்பில் கேஸ்ட்ரால் இந்தியா முன்னணியில் இருக்கிறது. உயவு எண்ணெயை கார், மோட்டார் சைக்கிள், லாரி மற்றும் டிராக்டர் களுக்குத் தயாரித்து விற்பனை செய்து வருகிறது.  சர்வதேச அளவில் ஆயில் அண்டு கேஸ், விமானம், மின் உற்பத்தி, சுரங்கம் உள்ளிட்ட பல்வேறு துறைகளில் இந்த நிறுவனம் ஈட்டுபட்டு வருகிறது. இந்த நிறுவனத்தின் பங்கு மூலதனத்தில் 49% பொதுமக்கள் வசம் இருக்கிறது.

பேட்டா  இந்தியா  (Bata India)

இந்த நிறுவனம், இதன் செயல்பாட்டை இந்தியாவில்       1932-ம் ஆண்டு கொல்கத்தா அருகில் சிறிய அளவில் ஆரம்பித்தது.இந்தியக் காலணி துறையில் முதன் முதலாக ஐஎஸ்ஓ:9001 சான்றிதழ் பெற்ற நிறுவனமாகும். 1973-ம் ஆண்டில் பப்ளிக் லிமிடெட் ஆக மாறியது. அனைத்து மெட்ரோ நகரங்கள், மினி மெட்ரோ நகரங்கள் மற்றும் நகரங்களில் 1,375-க்கும் மேற்பட்ட கடைகள் மூலம்,  சில்லறை விற்பனையை பிரத் யேகமாக மேற்கொண்டு வருகிறது. மேலும், 30,000-க்கும் மேற்பட்ட டீலர்கள் உள்ளனர். 

அப்பாட் இந்தியா (Abbott India)

மிகவும் பழைமையான ஹெல்த் கேர் நிறுவனம். கடந்த 1910-ம் ஆண்டு முதல் செயல்பட்டு வருகிறது. நோய் கண்டறிதல், மருத்துவக் கருவிகள், ஊட்டச் சத்து பொருள்கள் போன்றவற்றை அளித்து வருகிறது.
இந்தியப் பிரிவில் மட்டும் 14,000-க்கும் மேற்பட்டோர் பணிபுரிந்து வருகிறார்கள். இந்த நிறுவனம், நகர்புறம் மற்றும் கிராமப் புறங்களைச் சேர்ந்த நுகர்வோர்கள், நோயாளிகள், மருத்துவர்கள், ரத்த வங்கிகள் மற்றும் ஆய்வகங்களுக்குத் தேவையானவற்றைத் தயாரித்து அளித்துவருகிறது.

மாருதி சுஸூசி இந்தியா (Maruti)

கார் தயாரிப்பு நிறுவனமான மாருதி பற்றி அறியாதவர்கள் இருக்க மாட்டார்கள். புதுமைக்கு பெயர் பெற்ற நிறுவனம். இதன் தயாரிப்பான மாருதி 800 புகழ் பெற்றது. இதன் தயாரிப்புகள் வடிவமைப்பு மற்றும் தொழில்நுட்பத்தில் உயர்ந்து நிற்கிறது. ஆசியா, ஐரோப்பா, ஆப்ரிக்கா, தெற்கு மற்றும் மத்திய அமெரிக்க நாடுகளுக்கு இதன் தயாரிப்புகள் ஏற்றுமதியாகி வருகின்றன. 2017-18-ம் ஆண்டில் மாருதி சுஸூசி நிறுவனம் 1,26,074 கார்களை ஏற்றுமதி செய்துள்ளது.

கோல்கேட் பாமோலிவ் (இந்தியா) லிமிடெட் (ColPal)

வீட்டு உபயோகப் பொருள்கள் தயாரிப்பில் இந்தியாவின் முன்னணி நிறுவனமாக இருக்கிறது. இந்தியப் பிரிவில் 38,000-க்கும் மேற்பட்டவர்கள் பணிபுரிந்து வருகிறார்கள். கடந்த 20 ஆண்டுகளுக்கும் மேலாக இயங்கி வரும் இந்த நிறுவனம், 19-ம் நூற்றாண்டின் ஆரம்பத்தில் நியூயார்க் நகரில் சிறிய சோப்பு மற்றும் மெழுகுவர்த்தி நிறுவனமாக ஆரம்பிக்கப்பட்டது. இதன் தயாரிப்புகள் 200-க்கும் மேற்பட்ட நாடுகளில் விற்பனையாகி வருகிறது. இதன் பிராண்ட்களில் கோல்கேட் பிரபலமானது.

ஏ.கே.பிரபாகர்

- பா.முகிலன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism