Published:Updated:

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?
பிரீமியம் ஸ்டோரி
முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

ஆர்.மோகனப் பிரபு, சார்ட்டட் ஃபைனான்ஷியல் அனலிஸ்ட்

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

ஆர்.மோகனப் பிரபு, சார்ட்டட் ஃபைனான்ஷியல் அனலிஸ்ட்

Published:Updated:
முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?
பிரீமியம் ஸ்டோரி
முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

ரலாற்றில் இல்லாத அளவுக்குக் கடந்த ஆண்டு மட்டும் மத்திய அரசாங்கம் ரூ.1 லட்சம் கோடி  அளவிற்குப் பொதுத்துறை நிறுவனங்களின் பங்குகளை விற்று, தனது முதலீட்டைத் திரும்பப் (Disinvestment) பெற்றுள்ளது. நடப்பு நிதியாண்டில் மட்டும் ரூ.80,000 கோடி மதிப்புள்ள பங்குகளை விற்பனைச் செய்யவும் இலக்கு நிர்ணயிக்கப்பட்டுள்ளது.

கடந்த நான்காண்டுகளாகவே, உலகளாவிய கச்சா எண்ணெய் விலைச் சரிவு மற்றும் பொதுத்துறை நிறுவனப் பங்குகள் விற்பனை ஆகியவை மத்திய அரசின் நிதிப் பற்றாக்குறையைப் பெருமளவுக்குக் குறைக்க உதவியுள்ளன. அதேசமயம், ஒரு பொதுத்துறை நிறுவனத்தின் (Rural Electrification Corporation) பங்கை மற்றொரு பொதுத்துறை நிறுவனத்திற்கு (Power Finance Corporation) விற்பனை செய்யும் மத்திய அரசின் முடிவானது பொருளாதார நிபுணர்கள் மத்தியில் பெரும் விவாதத்தை எழுப்பியுள்ளது. 

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

   பொருளாதாரச் சீர்திருத்த முயற்சிகள்...

பொதுநலன் சாராத, வணிகநோக்கமே பிரதானமாகக் கொண்ட பொதுத்துறை நிறுவனங்களை மத்திய அரசு நிர்வகிக்கக் கூடாது என்று எடுக்கப்பட்ட முடிவு 1991-ல் அறிமுகமான பொருளாதாரச் சீர்திருத்தங்களின் ஒரு முக்கியப் பகுதியாகும். வணிக நிறுவனங்கள் தொழில்முறை வல்லுநர் களால் நிர்வகிக்கப்படும்போது, அவற்றின் செயல்திறன் அதிகரிப்பதுடன், ஒட்டுமொத்த தேசப் பொருளாதாரத்தின் வளர்ச்சிக்கும் உதவும் என்பதுதான் இந்த முடிவின் அடிப்படை ஆகும். 

இந்தச் சித்தாந்தத்தின் அடிப்படையில், தேசிய ஜனநாயகக் கூட்டணி ஆட்சியில் ஹிந்துஸ்தான் ஜிங்க், ஐ.பி.சி.எல், வி.என்.எஸ்.எல் உள்ளிட்ட பல பொதுத்துறை நிறுவனங்களின் பங்குகள்  தனியாருக்கு விற்கப்பட்டன. அவ்வாறு தனியார் மயமாக்கப்பட்ட நிறுவனங்கள் வணிகரீதியாக வெற்றி பெற்றபோதும், அரசின் அந்த முடிவைப்  பொதுத்தளத்தில் அரசியல் சார்ந்த விமர்சனங் களையும், ஊழல் குற்றச்சாட்டுகளையும் எழுப்பியது.

பின்னர், மத்தியில் அமைந்த ஐக்கிய முற்போக்குக் கூட்டணி அரசு, நேரடித் தனியார் மயமாக்கத்தைக் கைவிட்டு பொதுத்துறை நிறுவனங்களின் பங்குகளைச் சந்தையில் பட்டி யலிடும் போக்கைத் துவக்கியது. பெரும்பாலும், பொதுத்துறை நிறுவனங்கள் அதனதன் துறையில் கிட்டத்தட்ட ஏகபோக அதிகாரத்துடன் தொழில் நடத்திவந்த நிலையில், அவற்றின் சந்தைப் படுத்துதல் முடிவுக்கு முதலீட்டாளர்கள் மத்தியில் சிறப்பான வரவேற்பு இருந்தது.

ஒட்டுமொத்த விகடனுக்கும் ஒரே ஷார்ட்கட்!

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

பொதுத்துறை நிறுவனங்களின் பங்குகளைச் சந்தைப்படுத்துதலின் தொடர்ச்சியாகவும், புதுமையானதொரு முயற்சியாகவும் மத்திய அரசு நிறுவனங்களின் பங்குகளை உள்ளடக்கிய எக்ஸ்சேஞ்ச் ஃபண்டாக சி.பி.எஸ்.இ இ.டி.எஃப் (CPSE ETF) ஏப்ரல் 2014-ல் அறிமுகப்படுத்தப்பட்டது. சிறு முதலீட்டாளர்களுக்கு 5% டிஸ்கவுன்ட்டுடன் ஆரம்பிக்கப்பட்ட இந்த ஃபண்டுக்கு ஏராளமான வரவேற்பு இருந்தது. லிஸ்ட்டிங் தேதியில் இந்த எக்ஸ்சேஞ்ச் ஃபண்ட் 10% உயர்வுடன் முடிந்தது.

தற்போது பா.ஜ.க ஆட்சி நடைபெற்றாலும், தனியார்மயமாக்கலைத்  தொடராமல், காங்கிரஸ் ஆட்சியின் சந்தைப்படுத்துதல் கொள்கை முடிவையே மத்திய அரசு பெரிய அளவில் நடைமுறைப்படுத்தி வருகிறது. நடப்பாண்டில் மட்டும் இந்த இ.டி.எஃப் விற்பனை மூலம் சுமார் ரூ.25,000 கோடிக்கும் மேல் மத்திய அரசு ஈட்டியுள்ளது.

ஆனால், பட்டியலிடப்பட்டபின்னரும் பொதுத்துறை நிறுவனங்களின் நிர்வாகத்தில் மத்திய அரசின் நேரடி/மறைமுகத் தலையீடு தொடர்வது அவற்றின் செயல்திறனைப் பெருமளவு பாதிப்பதுடன் சிறு முதலீட்டாளர் களின் நீண்டகால நன்மைகளுக்கு எதிரானது என்பது பொருளாதார நிபுணர்களின் குற்றச் சாட்டு. வணிகரீதியான முடிவுகளில் அரசியல் கலப்பதன் விளைவு, பங்குகளின் விலைப்போக்கில்  பிரதிபலிக்கும் என்ற அச்சத்தில் அரசு நிறுவனங்களின் மீதான ஈர்ப்பு முதலீட்டாளர் களிடையே குறைந்துபோனது. கடந்த மூன்றாண்டுகளில் வெறும் 5.07% வருவாயையே சி.பி.எஸ்.இ இ.டி.எஃப் தந்திருப்பதும், பெஞ்ச்மார்க் இண்டெக்ஸ்களான சென்செக்ஸ் மற்றும் நிஃப்டியைவிடவும் சி.பி.எஸ்.இ இ.டி.எஃப் மிகவும் பின்தங்கியிருப்பதும் குறிப்பிடத்தக்கது. கடந்த ஆண்டு அறிமுகப்படுத்தப்பட்ட பாரத்-22 இ.டி.எஃப் செயல்பாடும் சிறப்பாக அமையவில்லை என்பது முதலீட்டாளர்களை மேலும் வருத்தத்துக்குள்ளாக்கி இருக்கிறது.

   ஒரே கல்லில் பல மாங்காய்கள்

அரசு நிறுவனங்களின்மீது முதலீட்டாளர் களுக்கு ஈர்ப்பு குறைந்தாலும், பெருமளவு நிதிப் பற்றாக்குறையை எதிர்நோக்கியுள்ள மத்திய அரசு கையில் எடுத்திருக்கும் இன்னுமொரு பழைய வழிமுறைதான், ஒரு பொதுத்துறை நிறுவனத்தின் பங்கினை இன்னொரு பொதுத் துறை நிறுவனத்திற்கு விற்பனை செய்வது. உதாரணமாக, சமீபத்தில் அறிவிக்கப்பட்ட மத்திய அமைச்சரவையின் முடிவின்படி, மின்சாரத் துறை நிதி நிறுவனமான ஆர்.இ.சி லிமிடெட் நிறுவனத்தில் மத்திய அரசு வைத்துள்ள 52.63% பங்கை மற்றொரு பொதுத்துறை நிறுவனமான பி.எஃப்.சி லிமிடெட் (PFC Ltd) வாங்கிக்கொள்ள மத்திய அமைச்சரவை ஒப்புதல் தெரிவித்துள்ளது. இதன்மூலம் மத்திய அரசுக்கு சுமார் ரூ.11,000 கோடி வரை கிடைக்க வாய்ப்புள்ள தாகக் கருதப்படுகிறது. சில மாதங் களுக்குமுன் இதே போல, ஹெச்.பி.சி.எல் (HPCL) நிறுவனத்தில் உள்ள மத்திய அரசின் 51.11% பங்கை ஓ.என்.ஜி.சி லிமிடெட் (ONGC Ltd) நிறுவனம் சுமார் ரூ.36,915 கோடி கொடுத்து வாங்கியது. 

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

இத்தகைய விற்பனைகளின் மூலம் அரசாங்கத்திற்குத் தேவையான நிதி ஆதாரங்கள் கிடைக்கும் அதேவேளையில், வணிக நிறுவனங் களின் மீதான மத்திய அரசின் மறைமுகக் கட்டுப்பாடும் தொடர வாய்ப்புண்டு. ஒரே தொழில் துறையில் இயங்கும் பல பொதுத்துறை நிறுவனங்களை ஒன்றிணைக்கும் மத்திய அரசின் கொள்கையின்படியே இத்தகைய விற்பனைகள் நடப்பதாக மத்திய நிதியமைச்சர் அருண் ஜெட்லி சொல்லியிருக்கிறார். நிறுவனங்களுக்கிடையே யான ஒட்டுறவு, அவற்றின் செயல்திறனை அதிகப் படுத்தும் என்றும் நம்பிக்கை தெரிவித்துள்ளார். 

நிதி திரட்டும் முயற்சிகளில் மற்றொரு புதுமையாக, பொதுத்துறை நிறுவனங்கள் தமது பங்கினை மத்திய அரசிடமிருந்து திரும்ப வாங்கும் உத்தியும் அமைந்துள்ளது. பொதுத்துறை நிறுவனங்களிடமிருந்து சிறப்பு டிவிடெண்ட் பெறுவது இன்னொரு திட்டம்.

உதாரணமாக, இந்தியாவின் மிகப்பெரிய ஆயில் மார்க்கெட்டிங் நிறுவனமான இந்தியன் ஆயில் நிறுவனம், தனது பங்கில் 3% திரும்ப வாங்குவதாக அறிவித்துள்ளது. இதன்மூலம் ஆயில் இந்தியா நிறுவனத்திற்கு சுமார் ரூ.4,400 கோடி செலவாகும். மேலும், ஒரு பங்கிற்கு ரூ.6.75 சிறப்பு டிவிடெண்ட் வழங்குவதாகவும் அறிவித்துள்ளது. இதன்மூலம் சுமார் ரூ.6,600 கோடி செலவு பிடிக்கும் என்று தெரிகிறது.

முதலீட்டைத் திரும்பப் பெறுதல்... பொருளாதாரச் சீர்திருத்தமா, வெறும் கண்துடைப்பா?

   காலம் செய்த கோலம்

ஏற்கெனவே, சிக்கலில் தவிக்கும் பொதுத்துறை நிறுவனங்கள், மத்திய அரசுக்கு வழங்கவேண்டிய நிதியை எவ்வாறு திரட்டப்போகின்றன என்ற கேள்வியும் எழுந்துள்ளது. உதாரணமாக, மிக வலுவாகத் திகழ்ந்துவந்த ஓ.என்.ஜி.சி நிறுவனம், கடந்தாண்டு மத்திய அரசுக்கு வழங்க வேண்டிய (HPCL Purchase) தொகைக்காகக் கடன் வாங்கும் நிலைமைக்குத் தள்ளப்பட்டு விட்டது. தற்போது (செப்டம்பர் 2018) சுமார் ரூ.60,000 கோடிக்கும் மேலாகக் கடன் வைத்துள்ள இந்தியன் ஆயில் நிறுவனம் எவ்வாறு புதிதாக ரூ.11,000 கோடி திரட்டப்போகிறது என்றும் கேள்வி எழுந்துள்ளது. அதுவும் ரொக்கமாக  தன்னிடம் சுமார் ரூ.2,000 கோடி மட்டுமே உள்ள நிலையில், ரூ.6,600 கோடி கேஷ் டிவிடெண்ட் வழங்குவது எப்படி என்ற கேள்வியும்  எழுந்துள்ளது.

பொதுத்துறை நிறுவனங்களின் செயல்திறனை அதிகப்படுத்துவதற்காகப் புரட்சிகரமானதொரு பொருளாதாரச் சீர்திருத்தமாக துவங்கிய ‘பொதுத் துறை நிறுவனப் பங்கு விற்பனை’, தற்போது நிதிப் பற்றாக்குறையைக் குறைக்க உதவும் பட்ஜெட் கணிதமுறையாக மாறிவருவது சிந்திக்கத்தக்கது! 

குறிப்பு : இந்தக் கட்டுரையில் சொல்லப்பட்டுள்ள கருத்துகள் கட்டுரையாளரின் தனிப்பட்ட கருத்துகளே!


படம் : சொ.பாலசுப்ரமணியன்