Published:Updated:

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?
பிரீமியம் ஸ்டோரி
2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

Published:Updated:
2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?
பிரீமியம் ஸ்டோரி
2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

தேர்தல் அல்லது வட்டி விகித உயர்வு என ஏதாவது ஒரு நிகழ்வு நடந்து, பங்குச் சந்தை இறங்குவதற்கு ஒரு காரணமாக அமைந்துவிடுகிறது.  அப்படிப்பட்ட சூழலில் பலதரபட்ட  முதலீட்டாளர்களிடமிருந்து வரக்கூடிய ஒரு முக்கியமான கேள்வி, பங்குச் சந்தை இனி என்னவாகும், சந்தை இன்னும் இறங்குமா என நிறைய பேர் போன் செய்து, கேள்வி கேட்பார்கள்.

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

நான் ஜோசியன் அல்ல

‘‘எனக்குத் தெரியாது. நான் ஜோசியம் பார்க்கும் தொழிலைச் செய்யவில்லை’’ என்பதை அவர் களிடம் நாசூக்காக எடுத்துச் சொல்வேன். ஆனால் அவர்களோ, சந்தையின் போக்கினைக் கணிக்கத் தெரியாமல், முதலீட்டு வணிகத்தில் இவரால் எப்படி இருக்க முடிகிறது என்று  ஆச்சர்யம் அடைவார்கள். இன்னும்  சிலரோ, இவருக்குத் தெரிந்த ரகசியத்தை நமக்குச் சொல்ல மறுக்கிறார் என்றும் நினைப்பார்கள்.

பெஞ்சமின் கிரஹாம் கூற்றுப்படி, ‘‘பங்குச் சந்தை என்பது குறுகிய காலத்தில் ஓட்டுப்பதிவு எந்திரம் போன்றது; நீண்ட காலத்தில் எடை பார்க்கும் எந்திரம் போன்றது! மிகச் சிறந்த தேர்தல் ஆய்வாளர்கள்கூட தேர்தல் கருத்துக் கணிப்பில் தவறு செய்வதைச் சமீபத்தில் கண்டோம். இது, குறுகிய காலத்தில் பங்குச் சந்தையைக் கணிப்பது போன்றதே.

ஒரு தேர்தலில் மக்கள் யாருக்கு வாக்களிப்பார் கள் என்பது அப்போதைக்கு மக்கள் எடுக்கும் முடிவுகளுக்கேற்ப மாறலாம். அதுபோல, குறுகிய காலத்தில் முதலீட்டில் உணர்ச்சிகரமான முடிவுகளை எடுத்துவிடுவதால், பங்குச் சந்தையின் போக்கினையும் துல்லியமாகக் கணிப்பது மிகப் பெரிய சவாலாக இருக்கிறது. (சிலர் ஓரிரு முறை பங்குச் சந்தையைச் சரியாகக் கணிக்கலாம், ஆனால், தொடர்ச்சியாகக் கணிக்க முடியாது.)

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

ஆனால், நீண்ட காலத்தில் பங்குச் சந்தை எடை மெஷின் போன்றது என்பதற்கு ஆதாரம் இருக்கிறதா என்கிற கேள்வியை நீங்கள் கேட்கலாம். இந்தக் கேள்விக்கு பதில் நிச்சயமாக என்பதே. எப்படி என்பதைச் சொல்கிறேன்.

நாயுடன் வாக்கிங்

கடந்த 2000-ம் ஆண்டிலிருந்து கார்ப்பரேட் நிறுவனங்களின் லாபங்கள்  மற்றும் இண்டெக்ஸை நாம் அலசிப் பார்த்தால், நிறுவனங்களின் லாபத்துடன் இண்டெக்ஸ் தொடர்ந்து உயர்ந்து வருவதைப் பார்க்க முடியும். ஆனால், இண்டெக்ஸ் வளர்ச்சி, நிறுவனங்களின் லாப வளர்ச்சியிலிருந்து மாறுபட்டிப்பதுபோல் இருந்தாலும், இந்த மாற்றங்கள் காலப்போக்கில் சரிசெய்து கொள்ளவே முயற்சி செய்கின்றன.

முதலீட்டு லாபமும், இண்டெக்ஸும் நடைப் பயிற்சி செய்யும் ஒருவர், ஒரு நாயை இழுத்துக் கொண்டு செல்வதற்குச் சமமானது என்று ஓர் உவமையை நான் படித்திருக்கிறேன். வாக்கிங் செல்லும் அந்த மனிதர் லாபத்தைப் போன்றவர். இண்டெக்ஸ் நாயைப் போன்றது. அந்த நாய் தனது பாதையிலிருந்து அடிக்கடி விலகி அங்குமிங்கும் சென்றாலும், அதன் எஜமானரின் பாதையிலேயே தொடர்ந்து செல்லும்.

வளர்ச்சியைக் காட்டும் மூன்று விஷயங்கள்

கார்ப்பரேட் நிறுவனங்களின் லாபம், ஜி.டி.பி மற்றும் நிறுவனங்களின் பங்குச் சந்தை  மதிப்பு ஆகியவையே நாட்டின் பொருளாதார வளர்ச்சியைக் காட்டும் மூன்று விஷயங்களாகும். ஒரு நிறுவனத்தின் பங்குச் சந்தை மதிப்பானது அதன் லாபத்துடன் நேரடித் தொடர்புடையது.

இதன்படி பார்த்தால், தொழில் துறையின் மொத்தச் சந்தை மூலதனமானது, தொழில் துறையின் மொத்த லாபத்தைப் பிரதிபலிக்கும். லாபம் அதிகமாக இருந்தால், பங்குச் சந்தை மதிப்பும் அதிகமாக இருக்கும்.

ஜி.டி.பி-யும் கார்ப்பரேட் நிறுவனங்களின் லாபமும்

ஜி.டி.பி என்பது நாட்டின் உற்பத்தியைக் குறிக்கும் அளவீடு. பொருளாதாரத்தின் பெரும் பகுதியைத் தொழில்துறை பிரதிபலிப்பதால், அதிக லாபமென்பது அதிக உற்பத்தியைக் குறிக்கும். எனவே, அதிக லாபமென்பது அதிக ஜி.டி.பி-யுடன் தொடர்புடையது.

லாபமும், பங்குச் சந்தை மதிப்பும் ஒன்றுக்கு ஒன்று  தொடர்புடையது. அதேபோல், லாபமும் ஜி.டி.பி-யும் ஒன்றுக்கொன்று தொடர்புடையது. எனவே, ஜி.டி.பி-யும் பங்குச் சந்தை மதிப்புடன் தொடர்புடையதே. லாபம் அதிகரித்தால், அதைத் தொடர்ந்து ஜி.டி.பி-யும் அதிகரிக்கும். இது பங்குச் சந்தை மதிப்பு வளர்ச்சியிலும் எதிரொலிக்கும்.

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

நம் முதலீடு எப்படியிருக்கும்?

கார்ப்பரேட் நிறுவனங்களின் லாபமும்,     ஜி.டி.பி வளர்ச்சியும் பங்குச் சந்தையின் எதிர்காலத்தைக் கணிக்கக் கணக்கில் எடுத்துக் கொள்ளப்படுகின்றன. இந்த முறைப்படி, கடந்த 2000-ம் ஆண்டில், அடுத்த 25 ஆண்டுகளில் நம்முடைய முதலீடுகள் எப்படி இருக்கும் என்பதை ஆய்வு செய்தோம். கடந்த 2000-ம் ஆண்டில் சென்செக்ஸ் 4000 (துல்லியமாக 3,972) புள்ளிகளாக இருந்தது. இதனை வெவ்வேறுவிதமான வழிகளில் பார்த்து சில அனுமானங்களுக்கு வரலாம். நாம் இதனை ஐந்து விதமான வழிகளில் பார்க்கலாம்.

2000-ம் ஆண்டில் இந்தியாவின் ஜி.டி.பி தொடர்ச்சியாக வளர்ந்து 8% வளர்ச்சியை எட்டும் என்று எதிர்பார்க்கப்பட்டது. பொதுவாக, ஜி.டி.பி-யை விட பங்குச் சந்தையின் வளர்ச்சி அதிகமாக இருக்கும். எனவே, அந்த 8% என்பதை மிகக் குறைந்தபட்ச எதிர்பார்ப்பாகக் கொள்ளலாம்.

அமெரிக்காவிலுள்ள பங்குச் சந்தைகள் கடந்த 60 ஆண்டுகளில் ஆண்டுக்குச் சராசரியாக 10% வருமானத்தைத் தந்துகொண்டிருக்கிறது. ஆனால், அமெரிக்க ஜி.டி.பி வளர்ச்சி 8 சதவிகிதத்திற்கும் குறைவாகவே இருந்திருக்கிறது. எனவே, 10% பங்குச் சந்தை வருமானம் என்பது நம்பிக்கையற்ற மதிப்பீடு என்று கருதுகிறோம். நீண்ட காலமாக இயங்கும் நிறுவனங்கள், பணவீக்கத்தைத் தாண்டி அதன் வாடிக்கையாளர்களுக்கு நன்மையளிப்பது போல் பங்குச் சந்தைகள், பணவீக்கத்தைத் தாண்டிய வருமானம் தரக்கூடியவை என்று கருதப்படுகின்றன.

அமெரிக்காவைவிட இந்தியாவில் பணவீக்க விகிதம் சற்று அதிகம் (சராசரியாக 3%). அமெரிக்கப் பங்குச் சந்தை கடந்த 60 ஆண்டுகளில் வருமானம் பார்த்ததைக் கணக்கில்கொண்டு 12% வருமானம், 10% வருமானம் என்று 2% பணவீக்க விகிதத்தில் கணக்கிடுவது,  குறைந்தபட்ச  எதிர்பார்ப்பாகவும் கொள்ளலாம். 1990 முதல் 2000 ஆண்டுகளில் இந்தியப் பங்குச் சந்தை 13.4% வருமானத்தைத் தந்தது. இதனைச் சரியான வருமானமாகக் கொண்டு, இதை வைத்தும் ஒரு மதிப்பீட்டைச் செய்வோம்.

சீனா அதன் ஜி.டி.பி-யை 15% என்ற அளவிற்குக் கடந்த 25 ஆண்டுகளாக வளர்த்துள்ளதை நம்பிக்கை கூட்டும் (Optimistic) நடவடிக்கையாகப் பார்க்கிறோம். இதுபோன்ற வளர்ச்சியை இந்தியா போன்ற துடிப்பான ஜனநாயக நாட்டினால்  எட்ட முடியுமென்று நம்புகிறோம்.

2025-ல் சென்செக்ஸ் 90000 புள்ளிகள்! - உங்கள் முதலீடு இரட்டிப்பாகுமா?

2025-ல் சென்செக்ஸ் 90000

அந்த இலக்கை அடைவது நேர்கோடுபோல் எளிதானதல்ல. ஆனாலும், 2025-ல் அடைய வேண்டிய சென்செக்ஸ் மதிப்பீடு குறித்த கற்பித்தலால் சாத்தியப்படும். வரும் 2025-ம் ஆண்டில் சென்செக்ஸ்  தற்போதுள்ளதைப்போல் ஏழு  மடங்கு புள்ளிகள் அதிகரித்து, 25 ஆண்டு களில் 130000 என்பதை எட்ட முடியும். இதன் அர்த்தம் 25 ஆண்டுகளில் முதலீடு 33 மடங்கு அதிகரிப்பதாக இருக்கும்.
 

நாம் வேறெந்த முடிவுக்கும் வரும்முன், 2018-ம் ஆண்டின் இறுதியில் சென்செக்ஸின் மதிப்பைக் கணிக்க இந்தப் பயிற்சியைச் செய்துபார்த்தால், அதன் மாற்றம் எப்படியிருக்கும் என்று பார்க்கலாம்.
2018 நவம்பர் இறுதியில் சென்செக்ஸ் 39194 புள்ளிகளாக இருந்தது. இது 2000 ஆண்டின் சென்செக்ஸ் புள்ளிகளுடன்  ஒப்பிடுகையில், 9 மடங்குகளாகும். இது 1990-2000 ஆண்டுகளில்  கொடுத்த அதிகபட்ச வருமானமான 13.4% என்பதைவிட சிறிதளவே குறைவாகவும், 12% என்பதைவிட சற்று அதிகமாகவும் உள்ளது.

நாம் தற்போது இந்த இடத்திற்கு வருவதற்குமுன் இரண்டு பெரிய சந்தைச் சரிவுகள், இரண்டு கூட்டணி அரசாங்கம், இரு பெரும்பான்மை அரசாங்கம், இரண்டு முறை கச்சா எண்ணெய் விலையேற்றப் பிரச்னை, சிலமுறை ரூபாய் விலை வீழ்ச்சி போன்றவற்றைச் சந்தித்திருக்கிறோம். 2000-ம் ஆண்டில் யாராவது உங்கள் பணத்தை 2018-ம் ஆண்டின் இறுதிக்குள் 9 மடங்கு உயர்த்திக் கொடுக்கிறேன் எனக் கூறினால், பலரும் ஆஹா என்றுதான் நினைத்திருப்பார்கள். 

தற்போது 2025-ம் ஆண்டுக்கான வளர்ச்சி குறித்துப் பார்த்தால், சென்செக்ஸ் புள்ளிகள் 60000 (1.7x) -  90000 (2.5x) வரையில் இருப்பதற்கான வாய்ப்புகள் இருப்பதாக நாம்  எதிர்பார்க்கலாம். எனவே, அடுத்த ஆறு ஆண்டுகளில் முதலீடு இரட்டிப்பாக வாய்ப்புள்ளன.

பல கணிப்புகள் தவறினாலும், சில கணிப்புகள் பயனுள்ளதாக இருப்பது முக்கியமானதாகும். இந்தக் கணிப்புகள் சரியாகச் செயல்படாமல் போக பல காரணங்கள் இருப்பதை நாம் அறிவோம். ஆனால், இந்த ஆய்வுகள், எந்த அளவிற்குச் சந்தையின் வாய்ப்புகளும், வளர்ச்சியும் இருக்கும் என்று புரிந்துகொண்டு, நமது எதிர்பார்ப்புகளை வரையறை செய்ய வேண்டும்.  

எனவே,  பங்குச் சந்தை குறுகிய காலத்தில் ஏறுமா அல்லது இறங்குமா என கணிக்க  முடியாது என்றாலும், எதிர்காலத்துக்கேற்ப நம்மைத் தயார்்படுத்திக்கொள்ள இந்த ஆய்வு உதவும்.  இந்த ஆய்வுகள் எதிர்காலத்துக்கு நம்மைத் தயார்படுத்திக்கொள்ள பயன்படும். இதே  பயிற்சியை 2015-ம் ஆண்டின் அடிப்படையில்,  2050-ம் ஆண்டில் சென்செக்ஸ் மதிப்பீட்டைக் கணக்கிட நாம் முயற்சி செய்துபார்க்கலாம்.  வெறும் கணக்கு மட்டும் போட்டுப் பார்க்காமல், நாம் செய்யும் கணக்கின்மீது நமக்கு நம்பிக்கை இருப்பின் முதலீடு செய்யவும் வேண்டும்!

- பிரவீன் ரெட்டி,  செபி சான்றிதழ் பெற்ற முதலீட்டு நிபுணர். முதன்மை ஆலோசகர், இண்டஸ்வெல்த்

 தமிழில்: தெ.சு.கவுதமன்