Published:Updated:

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!
பிரீமியம் ஸ்டோரி
ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

Published:Updated:
ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!
பிரீமியம் ஸ்டோரி
ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ப்போதிருக்கும்  கடன் சார்ந்த ஃபண்டுகளில் மிகவும் குறைந்த ரிஸ்க் உடையது லிக்விட் ஃபண்டுகள்தான் என்பது பொதுவான கருத்து. ஏனென்றால், அதைத்தான் பெரும்பாலான மியூச்சுவல் ஃபண்ட் நிறுவனங்கள் வழங்கி வந்தன; தற்போதும் வழங்கி வருகின்றன.

லிக்விட் ஃபண்டுகளைவிட குறைவான ரிஸ்க் உடைய ஃபண்டுகள் ஓவர்நைட் ஃபண்டுகள் ஆகும். சமீபத்தில் நடந்த ஐ.எல் அண்டு எஃப்.எஸ் நிறுவனத்தின் பிரச்னைக்குப்பிறகு இதைப் பலரும் உணர்ந்துள்ளார்கள். குறிப்பாக, இந்த வகை ஃபண்டுகளில் பெருமளவில் முதலீடு செய்யும் கார்ப்பரேட் நிறுவனங்கள். ஆகவே, இப்போதுதான் இந்தவகை ஃபண்டுகள் முதலீட்டாளர்களிடம் பிரபலமாகி வருகின்றன.

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

இந்த வகை ஃபண்டுகளை இதுவரை அறிமுகம் செய்யாத நிறுவனங்கள் இப்போது இந்த  ஃபண்டுகளை (என்.எஃப்.ஓ) அறிமுகம் செய்த வண்ணம் உள்ளன. சமீபத்தில், ரிலையன்ஸ், டி.எஸ்.பி, ஐ.சி.ஐ.சி.ஐ, ஆதித்ய பிர்லா போன்ற ஃபண்ட் நிறுவனங்கள் தங்களது ஓவர்நைட் ஃபண்டுகளை சந்தைக்குக் கொண்டுவந்தன.

ஓவர்நைட் ஃபண்டுகள் என்றால்..?

பெயரில் குறிப்பிட்டுள்ளதுபோல, இந்தவகை ஃபண்டுகள் ஒரு நாளிற்குத்தான் கடன் வழங்கு கின்றன. இன்று கொடுக்கும் கடன் நாளை மியூச்சுவல் ஃபண்ட் நிறுவனத்திற்குத் திரும்பக் கிடைத்துவிடும். வெறும் 24 மணி நேரத்திற்குத்தான் கடன் வழங்குகிறார்கள் என்பதால், ரிஸ்க்கும் மிக மிகக் குறைவு. மார்க் டு மார்க்கெட் (Mark to Market) ரிஸ்க், அதாவது பாண்டுகளை தினசரி மதிப்பீடு செய்வதில்லை. அதனால் ஏற்படும் இழப்பும் இந்த ஃபண்டுகளில் இல்லை. அதே சமயத்தில், லிக்விட் ஃபண்டுகளுடன் ஒப்பிடும் போது, இந்த ஃபண்டுகளின் வருமானமும் சற்றுக் குறைவாகவே இருக்கும். இது, ஒரு நாள் பாண்ட் என்பதால், வட்டி விகித ஏற்ற இறக்கத்தால் ஏற்படும் டுரேஷன் ரிஸ்க் (Duration risk) இந்த ஃபண்டுகளுக்குக் கிடையாது. மேலும், மற்றொரு ரிஸ்க் ஆகிய கிரெடிட் ரிஸ்க்கும் (Credit risk) இந்த ஃபண்டுகளுக்குக் குறைவு. 

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

ஏனென்றால், இந்தவகை ஃபண்டுகள் அதிகமாக முதலீடு செய்வது சி.பி.எல்.ஓ-வில்தான் (CBLO - Collateralized Borrowing and Lending Obligation). இந்தவகை முதலீடுகள் சி.சி.ஐ.எல் (CCIL – Clearing Corporation of India) நிறுவனத்தினால் நடத்தப் படுகிறது. சி.சி.ஐ.எல் இந்தவகை (சி.பி.எல்.ஓ) பாண்டுகளை கேரன்டி செய்கிறது.

ஒருநாள் பாண்டை வெளி யிடும் நிறுவனங்கள் சி.சி.ஐ.எல்- லிடம் அடமானமாகக் கொடுப்பது பெரும்பாலும் குறுகியகால மத்திய அரசுப்  பத்திரங்களைத்தான். ஆகவே, இருக்கும் கடன் ஃபண்டுகளிலேயே மிகமிகக் குறைவான ரிஸ்க் உடையது என்றால் ஓவர்நைட் ஃபண்டுகள்தான். அதனால்தான் பெரிய கார்ப்பரேட் நிறுவனங் களும் சரி, கன்சர்வேட்டிவ் ரீடெயில் முதலீட்டாளர்களும் இந்தவகை ஃபண்டுகளில் ஒதுக்கீட்டை அதிகரித்துள்ளார்கள்.

யாருக்கு உகந்தது?

கன்சர்வேட்டிவ் கார்ப்பரேட் மற்றும் ரீடெயில் முதலீட்டாளர்களுக்கு இந்த வகை ஃபண்ட் மிகவும் உகந்ததாகும். சில நாள்களிலிருந்து சில மாதங்கள் வரை முதலீடு செய்பவர்களுக்கும் இந்த ஃபண்ட் உகந்ததாக அமையும். பெரிய தொகையைப் பத்திரமாக வைத்துக்கொள்ள விரும்புபவர்களுக்கும் இந்த ஃபண்ட் பொருத்தமானதாக இருக்கும்.

சிலர், ஒருசில வங்கிகள் சேமிப்புக் கணக்கிற்குத் தரும் அதிகமான வட்டியை இந்த ஃபண்ட் வகைகளுடன் ஒப்பீடு செய்துபார்ப்பார்கள். பெரும்பாலான வங்கிகள் 3.50% வட்டியைத்தான் தருகின்றன. நடப்புக் கணக்கிற்குப் பெரும்பாலான வங்கிகள் அதையும் தருவதில்லை. ஒருசில வங்கிகள் அதிக வட்டி கொடுத்தாலும், அதற்கு மினிமம் பேலன்ஸ் இவ்வளவு தொகை இருக்க வேண்டும் என்று வரையறை செய்கின்றன.

மேலும், ஆன்லைன் திருட்டுக்கள் அதிகமாக நடக்கும் தற்காலத்தில், அதிகமான தொகையை சேமிப்புக் கணக்கில் வைத்திருப்பதைவிட இந்த வகை ஃபண்டுகளில் வைத்திருப்பது பாதுகாப்பானது.

ஐ.சி.ஐ.சி.ஐ புரூ ஓவர்நைட் ஃபண்ட்    போன்ற ஒருசில ஓவர்நைட் ஃபண்டுகள் குறைந்த பட்சத் தொகையாக 100 ரூபாயிலிருந்து முதலீட்டை ஏற்றுக்கொள்கின்றன என்பது குறிப்பிடத்தக்கது.

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

இந்தவித ஃபண்டுகளுக்கு லாக்இன் காலம் என்று எதுவும் கிடையாது என்பது குறிப்பிடத் தக்கது. எப்போது வேண்டுமானாலும் பணத்தை முதலீடு செய்யலாம்; அதேபோல் எப்போது வேண்டுமானாலும் பணத்தை வெளியில் எடுத்துக் கொள்ளலாம்.

முதலீட்டாளரின் வங்கிக் கணக்கிற்கு ஒரு வேலைநாளில் பணம் வந்துவிடும். முதலீடு செய்திருந்த காலத்திற்கு உரித்தான வருமானம் எவ்வளவு காலத்துக்கு முதலீடு செய்து வைத்திருந் தீர்களோ, அந்த அளவுக்கு உங்களுக்குக் கிடைத்துவிடும்.

உள்நாட்டு முதலீட்டாளர்களுக்கு, வரும் வருமானத்திற்கு மூலத்தில் வரிப்பிடித்தம் செய்யப்பட மாட்டாது. அவர்கள் வரித்தாக்கல் செய்யும்போது ஈட்டிய லாபத்திற்கு வரிச் செலுத்தவேண்டும். மூன்று வருடங்களுக்குமேல் வைத்திருந்து, பிறகு பணத்தை வெளியில் எடுத்தால் நீண்ட கால முதலீட்டு ஆதாய வரி உரித்தாகும்.

ஓவர்நைட் ஃபண்டுகளில் முதலீட்டிற்கு உகந்த தாகக் கருதப்படும் சில ஃபண்டுகளும், அவற்றைப் பற்றிய சிறு குறிப்புகளும் இதோ...

ஹெச்.டி.எஃப்.சி ஓவர்நைட் ஃபண்ட்

 இந்த ஃபண்ட் முன்பு ஹெச்.டி.எஃப்.சி கேஷ் மேனேஜ்மென்ட் கால் ஃபண்ட் என அழைக்கப் பட்டது. தற்போது சந்தையில் இருக்கும் ஓவர்நைட் ஃபண்டுகளிலேயே மிகவும் அதிகமான தொகையை (ரூ.10,483 கோடி) நிர்வகிப்பது இந்த ஃபண்டுதான்.

இதன் ஃபண்ட் மேனேஜர் அனில் பம்போலி ஆவார். இந்த ஃபண்டில் மினிமம் மொத்த முதலீடு ரூ 5,000 மற்றும் எஸ்.ஐ.பி முதலீடு ரூ.500 ஆகும்.

ஃபண்ட் வகைகள்... ஒரு பார்வை, சில பரிந்துரை! -8 - ரிஸ்க் குறைவான ஓவர்நைட் ஃபண்டுகள்!

எஸ்.பி.ஐ ஓவர்நைட் ஃபண்ட்

இந்த ஃபண்ட் ரூ.4,000 கோடிக்கும் மேலான சொத்துகளை நிர்வகித்து வருகிறது. இதற்குமுன்பு இது எஸ்.பி.ஐ மேக்னம் இன்ஸ்டா கேஷ் லிக்விட் ஃப்ளோட்டர் ஃபண்ட் என்று அழைக்கப்பட்டது.

இதன் ஃபண்ட் மேனேஜர் ஆர்.அருண் ஆவார். இந்த ஃபண்டில் குறைந்தபட்ச மொத்த முதலீடு ரூ.5,000 ஆகும். இந்த ஃபண்டானது எஸ்.ஐ.பி முறையில் செய்யப்படும் முதலீட்டை ஏற்றுக்கொள்வதில்லை.

யூ.டி.ஐ ஓவர்நைட் ஃபண்ட்

இந்த ஃபண்டானது யூ.டி.ஐ ஜி-ஸெக் ஷார்ட் டேர்ம் ஃபண்ட் என முன்பு அழைக்கப்பட்டது. ரூ.1,700 கோடிக்கும் அதிகமான சொத்துகளை நிர்வகித்து வருகிறது இந்த ஃபண்ட்.

இதன் ஃபண்ட் மேனேஜர்கள் அமன்தீப் சிங் சோப்ரா மற்றும் அமித் ஷர்மா ஆவார்கள்.

இந்த ஃபண்டில் குறைந்தபட்ச மொத்த முதலீடு ரூ.1,000 மற்றும் எஸ்.ஐ.பி முதலீடு ரூ.500 ஆகும்.

இந்த ஃபண்டுகளில் உங்களுக்கு சரியானதைத் தேர்வு செய்துகொள்ளுங்கள்!

- சொக்கலிங்கம் பழனியப்பன்,  டைரக்டர், ப்ரகலா வெல்த் மேனேஜ்மென்ட்  (www.prakala.com)