Published:Updated:

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி
பிரீமியம் ஸ்டோரி
பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

Published:Updated:
பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி
பிரீமியம் ஸ்டோரி
பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

‘சென்ட்ரம்’ நிறுவனத்திலிருந்து விலகியபின், ‘ஈக்வினாமிக்ஸ்’ என்கிற பங்கு ஆய்வு நிறுவனத்தை நடத்திவரும் ஜி.சொக்கலிங்கம், இப்போது  போர்ட்ஃபோலியோ மேனேஜ்மென்ட் சர்வீஸ் எனப்படும்         பி.எம்.எஸ் சர்வீஸைத் தொடங்கியிருக்கிறார். அவர் அளிக்கும் பி.எம்.எஸ் சேவையை முதலீட்டாளர்களிடம் அறிமுகப்படுத்த சமீபத்தில் சென்னை வந்திருந்தார். அப்போது அவர் நமக்குச் சிறப்புப் பேட்டி ஒன்றையும் அளித்தார். அந்தப் பேட்டி இனி...

போர்ட்ஃபோலியோ மேனேஜ்மென்ட் சர்வீஸை இப்போது தொடங்க என்ன காரணம்?

‘‘பங்குகளை ஆராய்ந்து பரிந்துரைக்கும் அட்வைஸரி மாடலில் முதலீட்டாளர்களுடன் நாங்கள் செலவழிக்கும் நேரம் மிக அதிகம். என்னைச் சந்திக்கும் பலர், அவர்கள் வாங்கியிருக்கும் பங்கு சரியானதா என்று கேட்கிறார்கள். அவர்கள் கேட்கும் கேள்விகளை நான் ஆராய்ந்துதான் பதில் சொல்ல வேண்டும்.   அதன் விளைவாகவே இந்த போர்ட்ஃபோலியோ மேனேஜ்மென்ட் சர்வீஸைத் தொடங்கி யிருக்கிறேன்.
 
தவிர, அட்வைஸரி மாடலை ஓர் அளவுக்கு மேல் வளர்க்க முடியவில்லை. ஆனால், பி.எம்.எஸ் மாடலில் நன்கு வளர்ச்சி அடைய முடியும். இதையெல்லாம் மனதில்கொண்டு, போர்ட்ஃபோலியோ மேனேஜ்மென்ட் சர்வீஸைத் தொடங்கும் அனுமதியை செபியிடம் கேட்டோம். அந்த அனுமதி கிடைத்தவுடன், முதன்முதலாக தமிழகத்தில் இந்த சர்வீஸைத் தொடங்கி இருக்கிறேன்.’’

பொதுத் தேர்தலில் பா.ஜ.க, காங்கிரஸுக்கு மெஜாரிட்டி கிடைக்காமல் போனால் சந்தை என்ன ஆகும்?

‘‘இதுதான் உள்ளபடியே பயப்பட வேண்டிய சூழ்நிலை. தலா சுமார் 180 சீட் மட்டுமே கிடைக்கும்பட்சத்தில் கூட்டணிக் கட்சிகளின் ஆதரவுடன் ஆட்சி அமைக்க வேண்டியிருக்கும். அப்போது கூட்டணிக் கட்சிகளின் கோரிக்கை களை நிறைவேற்றுவதற்கே நேரம் சரியாக இருக்குமே, வளர்ச்சித் திட்டங்களில் கவனம் செலுத்த முடியாது. இந்தச் சூழல் ஏற்படாமல் தடுக்க எந்தக் கட்சியாக இருந்தாலும், மெஜாரிட்டி யுடன் அரசாங்கம் வரவேண்டும் என்பதே எல்லோரது எதிர்பார்ப்பும்!’’

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

நம் பொருளாதாரம் நல்ல நிலையில் இருக்கிறதா?

‘‘இல்லை என்றுதான் சொல்ல வேண்டும். இதற்கு அரசியல்ரீதியிலான காரணங்களைச் சிலர் சொல்வார்கள். அதில் எனக்கு உடன்பாடில்லை. இந்தியப் பொருளாதாரம் கட்டமைப்பிலேயே சில பிரச்னைகளுடன்தான் இருந்துவருகிறது. உதாரணமாக, கடந்த 15 ஆண்டுகளில் ஐ.டி துறை வளர்ச்சி மிகப் பிரமாதமாக இருந்தது. சில ஆண்டுகளில் 60%கூட நாம் வளர்ச்சி கண்டிருக்கிறோம். ஆனால், தற்போது ஒற்றை இலக்கத்தில் மட்டுமே வளர்ச்சி கண்டுவருகிறோம். டெலிகாம் செக்டாரும் கடந்த 15 ஆண்டுகளில் மிகப்பெரிய அளவில் வளர்ந்து, பல லட்சம் வேலைவாய்ப்புகளை உருவாக்கிவிட்டு, மேற்கொண்டு வளர முடியாமல் இப்போது திணறிக்கொண்டிருக்கிறது.

பார்மா செக்டாரும் இரட்டை இலக்கத்தில் வளர்ந்து, இப்போது தேக்கநிலைக்கு வந்துவிட்டது. இ-காமர்ஸ் செக்டாரும் அடுத்த கட்டத்தை நோக்கி முன்னேற முடியாமல் இருக்கிறது. கட்டுமானத் துறையைப் பொறுத்தவரை, வீடுகள் என்பது வாங்க முடியாத நிலையில் இருக்கிறது. பங்குச் சந்தையில் பட்டியலிடப்பட்டுள்ள ரியல் எஸ்டேட் நிறுவனங்கள் வசமுள்ள விற்காத வீடுகளின் எண்ணிக்கை மிக அதிகமாக உள்ளது. இதனால் இரும்பு, சிமென்ட் உள்ளபட பல பொருள்களின் விற்பனை பாதிப்படைந்திருக்கிறது. இத்தனை காலமாக நன்றாக இருந்த ஆட்டோமொபைல் செக்டாரும் இப்போது சுணக்கம் காண ஆரம்பித்திருக்கிறது.

இப்படிப் பல சிக்கல் இருந்தாலும், இதற்குக் காரணம் நாமல்ல. ஐ.டி, பார்மா போன்ற துறை கள் அமெரிக்காவை நம்பியுள்ளன. டெலிகாம் செக்டாரே மாற்றம் காணவேண்டிய நிலையில் இருக்கிறது. இதுமாதிரி ஏறக்குறைய எல்லாத் துறைகளும் ஏதோ ஒரு சிக்கலில் ஒரே நேரத்தில் மாட்டியிருப்பது எனக்குத் தெரிந்து வரலாற்றி லேயே இதுதான் முதல்முறை. எனவே, இப்போது யார் ஆட்சிக்கு வந்தாலும், கொஞ்சம் கஷ்டப்பட்டுத்தான் நிலைமையைச் சமாளிக்க வேண்டியிருக்கும்.’’

எஃ.ப்.ஐ.ஐ-கள் தொடர்ந்து வெளியேறுவது கவலையளிக்கும் விஷயம்தானே!

‘‘நிச்சயமாக. ஆனால், ஆறுதல் தரக்கூடிய இரண்டு விஷயங்கள் நடந்திருக்கின்றன. ஒன்று, கடந்த சில ஆண்டுகளில் இந்தியாவை நோக்கி வரும் அந்நிய நேரடி முதலீடு. முன்பு சீனாவுக்கு ஒரு மாதத்துக்குக் கிடைத்த வெளிநாட்டு நேரடி முதலீடு, நமக்கு ஓர் ஆண்டுக்குக் கிடைத்தது. இப்போது சீனாவுக்கு ஓர் ஆண்டுக்கு எவ்வளவு முதலீடு கிடைக்கிறதோ, அதைவிட அதிகமாக நமக்குக் கிடைப்பது பாசிட்டிவான விஷயம். இரண்டாவது, நம்மவர்கள்  மியூச்சுவல் ஃபண்ட் எஸ்.ஐ.பி மூலம் பல ஆயிரம் கோடி ரூபாயை பங்குச் சந்தையில் முதலீடு செய்வது. தற்போது ஒரு மாதத்துக்கு ரூ.8,000 கோடி வரை எஸ்.ஐ.பி மூலம் முதலீடு செய்கிறார்கள். அடுத்த சில ஆண்டுகளில் இது ரூ.15,000 கோடியாக உயரும் பட்சத்தில், நாம் வெளிநாட்டு நேரடி முதலீட்டை நம்பியிருக்க வேண்டிய அவசியமே இருக்காது. இனிவரும் காலத்தில் இது நிச்சயம் நடக்கும்.’’

இப்போது பங்குச் சந்தை முதலீட்டாளர்கள் எப்படி நடந்துகொள்ள வேண்டும்?

‘‘லார்ஜ்கேப் நிறுவனங்கள் இரும்பு உற்பத்தி, சிமென்ட் உற்பத்தி எனப் பெரிய தொழில்களை மட்டுமே நடத்திவருகின்றன. ஆனால், மிட்கேப்  நிறுவனங்கள் பலவிதமான தொழில்களைச் செய்துவருகின்றன. உதாரணமாக, டயர் தயாரிப்பு, கெமிக்கல் உற்பத்தி போன்ற தொழில்களில் பெரிய நிறுவனங்கள் இருந்தாலும், மிட்கேப் நிறுவனங்கள் சிறப்பாகச் செய்துவருகின்றன. எடுத்துக்காட்டாக, வாகனங்களின் விற்பனை குறைந்தாலும், டயர்களின் விற்பனை குறையாது. காரணம், ஏற்கெனவே ஓடிக்கொண்டிருக்கும் வாகனங்கள் புதிதுபுதிதாக டயர்களைப் பயன்படுத்தித்தான் ஆகவேண்டும். சர்க்கரைப் பங்குகள் குறித்த காலத்தில் ஏறியிறங்கும் என்றாலும், ஆண்டுக்கு 2% வளர்ச்சி கண்டுதான் வருகிறது. இதுமாதிரியான தொழில்களைச் செய்துவரும் மிட்கேப் மற்றும் ஸ்மால்கேப் நிறுவனங்கள் பல. இந்தமாதிரியான நிறுவனங்களைக் கண்டறிந்து, முதலீடு செய்வதே சரியான உத்தியாக இருக்கும்.’’

- ஏ.ஆர்.குமார், படம் : பா.காளிமுத்து

பங்குச் சந்தை தற்போது ஏற்றம் இறக்கமாக இருப்பது ஏன்?

‘‘இரண்டு காரணங்கள். ஒன்று, உலக அளவிலானது. இதைப் பற்றி நாம் அதிகம் கவலைப்பட வேண்டியதில்லை. காரணம், 2008-க்குப்பிறகான நிலைமையை எடுத்துக்கொள்ளுங்கள். லேமென் பிரதர் வங்கி திவால், கிரேக்க நாட்டு பொருளாதார வீழ்ச்சி, பிரெக்ஸிட், கச்சா எண்ணெய் விலை குறைந்தது எனப் பல நெருக்கடிகளைச் சந்தித்துவிட்டோம். கிரேக்க நாட்டுப் பொருளாதாரம் உலகப் பொருளாதாரத்தில் 0.2% மட்டுமே. ஆனால், அந்தப் பொருளாதார வீழ்ச்சியைக் காரணமாக வைத்து, 10 லட்சம் கோடி டாலர் பறிபோனது. பிரெக்ஸிட் வந்துவிட்டால், இங்கிலாந்து பூமியிலிருந்தே தனியாகக் கழன்றுபோய்விடும் என்கிற அளவுக்குப் பயமுறுத்தினர். அப்படி எதுவும் நடக்கவில்லை. இன்றைய நிலையில் உலகப் பொருளாதாரம் மோசமாக இல்லை. அப்படியே ஏதாவது மோசமான நிகழ்வு நடந்தாலும், அது குறுகிய காலத்திலேயே சரியாகிவிடும். எனவே, உலக நிகழ்வுகள் குறித்துப் பெரிதாகக் கவலைப்படவேண்டிய அவசியமில்லை.

பொதுத் தேர்தல் 2019... எந்தக் கட்சிக்கும் மெஜாரிட்டி கிடைக்காவிட்டால் சந்தை என்ன ஆகும்? - ‘ஈக்வினாமிக்ஸ்’ ஜி.சொக்கலிங்கம் சிறப்புப் பேட்டி

இரண்டாவது முக்கிய காரணம், பொதுத் தேர்தல். இந்த ஆண்டு நடக்கவிருக்கும் தேர்தலில் அப்படியொரு நிலை வந்துவிடுமோ என்கிற அச்சம் பலருக்கும் இருக்கிறது. தேர்தல் முடிவுகள் இப்படித்தான் இருக்கும் என்று நம்மால் இப்போதே துல்லியமாகச் சொல்லிவிட முடியாது. என்றாலும், பங்குச் சந்தையில் தொடர்ந்து முதலீடு செய்யுங்கள்; நல்ல பங்குகளைத் தொடர்ந்து வைத்திருங்கள் என்றுதான் நான் சொல்லிவருகிறேன். காரணம், இன்றைக்கு ஏறக்குறைய 2,400 நிறுவனப் பங்குகள் வர்த்தகமாகின்றன. இவற்றில் 15-20 பங்குகளை நீக்கிவிட்டால், மீதமுள்ள பங்குகளின் மதிப்பு ஏறக்குறைய ரூ.21 லட்சம் கோடி அளவுக்கு வீழ்ச்சி அடைந்திருக்கிறது. 2013-க்குப்பிறகு வேல்யூ பங்குகள் மிக அதிகமான எண்ணிக்கையில் இருப்பது இப்போதுதான். எந்தக் கட்சி ஆட்சிக்கு வரும் என்று மட்டும் பார்க்காமல், எந்தப் பங்கினை வாங்கினால், லாபம் கிடைக்கும் என்று பார்த்து, இந்தச் சந்தர்ப்பத்தைச் சரியாகப் பயன்படுத்திக்கொள்ள வேண்டும். ஆனால், ஒரே பங்கில் எல்லாப் பணத்தையும் முதலீடு செய்வது, ஒரே நேரத்தில் எல்லாப் பணத்தையும் முதலீடு செய்வது போன்ற தவறுகளைச் செய்யக்கூடாது.’’