Published:Updated:

ஜீ குழுமப் பங்குகள் சரிவு... என்னதான் காரணம்?

ஜீ குழுமப் பங்குகள் சரிவு... என்னதான் காரணம்?
பிரீமியம் ஸ்டோரி
ஜீ குழுமப் பங்குகள் சரிவு... என்னதான் காரணம்?

வாசு கார்த்தி

ஜீ குழுமப் பங்குகள் சரிவு... என்னதான் காரணம்?

வாசு கார்த்தி

Published:Updated:
ஜீ குழுமப் பங்குகள் சரிவு... என்னதான் காரணம்?
பிரீமியம் ஸ்டோரி
ஜீ குழுமப் பங்குகள் சரிவு... என்னதான் காரணம்?

ணமதிப்பு நீக்கம் செய்யப்பட்டு இரண்டு ஆண்டுகள் முடிந்தாலும் அதன் பின்விளைவுகள் இன்னும் தொடரவே  செய்கின்றன. இதன் சமீபத்திய பலி, ஜீ குழுமம். சில நாள்களுக்குமுன் ஜீ மற்றும் டிஷ் டிவி ஆகிய நிறுவனங்களின் பங்குகள் கடும் சரிவைச் சந்தித்தன. ஒரே நாளில் ஜீ பங்கு 26 சதவிகிதமும், டிஷ் டிவி 33 சதவிகிதமும் சரிந்தன. ஒரே நாளில் சுமார் ரூ.13,686 கோடி அளவுக்கு அந்தக் குழுமத்தின் சந்தை மதிப்பு சரிந்தது.

ஜீ குழுமத்தின் இந்த இரண்டு பங்குகளின் விலை மட்டும் திடீரென சரியக் காரணம்,  ஆச்சர்யம் தரும் தகவல்கள் ஒன்றன்பின் ஒன்றாக வெளியானது தெரியும்.

இரண்டு ஆண்டுகளுக்குமுன், பணமதிப்பு நீக்கத்தின்போது ரூ.3,000 கோடி அளவிலான தொகை போலி நிறுவனங்கள் மூலம் மாற்றப் பட்டிருக்கிறது. இதில் எஸ்ஸெல் (Essel Group) குழுமத்துக்கும் தொடர்பு இருக்கிறது என வெள்ளிக்கிழமை அன்று செய்திகள் வெளி யானது. இதனால் எஸ்ஸெல் குழுமத்தைச் சேர்ந்த ஜீ மற்றும் டிஷ் டிவி ஆகிய இரு பங்குகளும் கடுமையாகச் சரிந்தன.

ஜீ குழுமப் பங்குகள் சரிவு... என்னதான் காரணம்?

பிரச்னை இத்துடன் முடியவில்லை. ஜீ நிறுவனத்தில் நிறுவனர்களின் பங்கு 41.6% இருக்கிறது. இதில் 59.4% பங்குகள் அடமானம் வைக்கப்பட்டிருக்கிறது. அதாவது, 23.7 கோடி பங்குகள் அடமானம் வைக்கப்பட்டு, நிதி திரட்டப்பட்டிருக்கிறது. இந்த இரு செய்திகளால் இந்த நிறுவனத்தின் பங்குகள் சரியத் தொடங்கின.

பங்குகள் விலை சரிந்து, அடமானத் தொகைக்கும் கீழே செல்லத் தொடங்கியதால், கடன் தந்த நிறுவனங்களும் தங்கள் வசமுள்ள  பங்குகளை விற்கத் தொடங்கின. அடமானம் வைக்கப்பட்ட 65 லட்சம் பங்குகளையும் கிடைத்த விலை போதும் என்று விற்கத் தொடங்க, விலை மேலும் அதிரடியாகக் குறையத் தொடங்கியது. இதனால் ஜீ குழுமத்தில் நிறுவனர் களின் பங்கு 41.6 சதவிகிதத்திலிருந்து 40.9 சதவிகிதமாகக் குறைந்தது.

ஜீ குழுமம் பற்றி வெளியான தகவல்கள் எதுவுமே உண்மை இல்லை என அந்தக் குழுமம் விளக்கம் அளித்தாலும், இந்தப் பங்குகளின் விலையை உயர்த்த முடியவில்லை. இந்தச் செய்தி களை வெளியிட்ட  ஊடகத்தின் மீது வழக்குத் தொடுத்திருக்கிறது ஜீ குழுமம்.

சுபாஷின் உருக்கமான கடிதம்

இந்த நிலையில், குழுமத்தின் தலைவர் சுபாஷ் சந்திரா உருக்கமான கடிதம் ஒன்றினை எழுதியிருந்தார். அதில் அவர் கூறியிருப்பதாவது...

“எனக்கு நிதி உதவி செய்தவர் களிடம் மன்னிப்புக் கேட்டுக் கொள்கிறேன். எனது 52 ஆண்டுகள் தொழில் வாழ்க்கை யில் முதல்முறையாக மன்னிப்புக் கேட்கும் நிலைமைக்கு நான் தள்ளப்பட்டிருக்கிறேன். வங்கிகள், நிதி நிறுவனங்கள், மியூச்சுவல் ஃபண்டுகளின் எதிர்பார்ப்புக்கேற்ப நாங்கள் செயல்படவில்லை. எங்களுடைய பங்குகளை விற்றாவது உங்களுக்கான தொகையைச் செலுத்தி விடுவேன். அதற்கான பணிகள் நடைபெற்று வருகின்றன. என்னுடைய தரப்பில் நான் பெரிய தவறுகள் செய்யவில்லை என்றாலும் அதற்கான மன்னிப்பைக் கோருகிறேன்.

எங்களுடைய ரியல் எஸ்டேட் தொழில் சிறப்பாகச் செயல்படவில்லை. சுமார் ரூ.4,000 கோடி முதல் ரூ.5,000 கோடி வரை கடனாகி விட்டது. இருந்தாலும் நான் அவற்றை வாராக் கடனாக ஆக்க விரும்பவில்லை. பதிலாக, பட்டியலிடப்பட்ட நிறுவனங்களில் உள்ள எங்களது பங்குகளை அடமானம் வைத்து வட்டியைச் செலுத்தி வருகிறேன்.

அதேபோல, வீடியோகான் டி.டி.ஹெச் நிறுவனத்தை வாங்குவது குறித்து என்னுடைய சகோதரருக்குப் பரிந்துரை செய்தேன். எனக்கும் என்னுடைய சகோதரருக்கும் இது மிகப்பெரிய தவறாக அமைந்துவிட்டது. இதுவும் கடனுக்கு ஒரு காரணமாகும்.

ஒட்டுமொத்த விகடனுக்கும் ஒரே ஷார்ட்கட்!

ஜீ குழுமப் பங்குகள் சரிவு... என்னதான் காரணம்?

மூன்றாவது, குடும்பப் பாகப்பிரிவினை நடந்தது. மூத்தவன் என்பதால், அனைத்துக் கடனையும் அடைக்கும் பொறுப்பை ஏற்றுக் கொண்டேன். ஐ.எல்.எஃப்.எஸ் பிரச்னை வெளிவரும் வரை கடன் எளிதாகக் கிடைத்தது. அதனைத் தொடர்ந்து பணப்புழக்கம் குறைந்தது. அதனால் கடனைச் செலுத்த முடியவில்லை.

நாங்கள் எப்போதெல்லாம் சிறப்பான முடிவுகளை வெளியிடுகிறோமோ, அப்போ தெல்லாம் எங்களைப் பற்றிய தவறான செய்தி பரப்பப்படுகிறது. கடந்த டிசம்பர் வரையில் அனைத்துக் கடன் தவணைகளையும் சரியாகச் செலுத்தியிருக்கிறேன். கடனைத் திருப்பிச் செலுத்தக்கூடாது என்னும் எண்ணம் இல்லை’’ எனக் குறிப்பிட்டிருந்தார்.

மூன்று மாத கால அவகாசம்

ஜீ குழும நிறுவனர்கள் நேரடியாகவோ அல்லது மறைமுகமாவோ ஜீ பங்குகளை வைத்து, ரூ.13,000 கோடி அளவுக்குக் கடன் வாங்கியிருப்பதாகச் சொல்லப்படுகிறது. பத்துக்கும் மேற்பட்ட மியூச்சுவல் ஃபண்டுகள் இந்தக் குழுமத்துக்குக் கடன் வழங்கி இருக்கின்றன. ஆதித்ய பிர்லா குழுமம் ரூ.2,936 கோடி அளவுக்குக் கடன் வழங்கி யிருப்பதாகவும்,  ஃப்ராங்க்ளின் டெம்பிள்டன் மற்றும் ஹெச்.டி.எஃப்.சி மியூச்சுவல் ஃபண்ட் ஆகிய நிறுவனங்களும் ரூ.1,000 கோடிக்குமேல் கடன் வழங்கியிருப்பதாகவும் சொல்லப்படுகிறது.

இந்த அனைத்து முத லீட்டாளர்களும் பங்குகளை விற்கும்பட்சத்தில் குழுமத்தின் நிலைமை மேலும் மோசமாக லாம் என்பதால், கடன் வழங்கியவர்களுடன் அவசர சந்திப்பு நடத்தப்பட்டது. கடன் வழங்கியவர்கள் மூன்று மாதத்துக்குப் பங்குகளை விற்க மாட்டோம் என உறுதி அளித்திருப்பதாகத் தகவல் வெளியாகியுள்ளது. கடன் வழங்கியவர்களுக்கும் ஜீ குழுமத்துக்கும் இடையே இப்படியொரு  உடன்பாடு ஏற்பட்டதால், இந்தப் பங்குகளின் விலை லேசாக உயரத் தொடங்கி யிருக்கிறது.

ஜீ குழுமப் பங்குகள் சரிவு... என்னதான் காரணம்?

மியூச்சுவல் ஃபண்ட் முதலீடுகள்?

ஏற்கெனவே ஐ.எல்.எஃப்.எஸ் நிறுவனத்தின் கடன் பத்திரங்களில் மியூச்சுவல் ஃபண்ட் நிறுவனங்கள் அதிகம் முதலீடு செய்திருந்தன. அந்தப் பிரச்னைக்கு இன்னும்கூட முழுமையாகத் தீர்வு கிடைக்காத நிலையில், மிகப் பெரிய அதிர்ச்சியை மியூச்சுவல் ஃபண்ட் நிறுவனங்கள் சந்தித்துள்ளன.

ஆனால், ‘‘நிர்வாகத்துடனான சந்திப்புக்குப் பிறகு கடனைத் திருப்பிச் செலுத்துவதில் நிர்வாகம் உறுதியாக இருக்கிறது. ஜீ குழுமத்தின் மதிப்பு இன்னும் குறையவில்லை. அனைத்து முதலீட்டாளர்களுக்கும் சாதகமான முடிவு எடுக்கப்பட்டிருக்கிறது’’ என மியூச்சுவல் ஃபண்ட் நிறுவனங்கள் தெரிவித்துள்ளன. ஜீ குழுமத்துக்கும், மியூச்சுவல் ஃபண்ட் நிறுவனங்களுக்கும் இப்படியொரு தற்காலிக சமரசம் ஏற்பட்டிருந்தாலும் இன்னும் செல்லவேண்டிய தூரம் அதிகமாக இருப்பதாகவே தெரிகிறது.

தொடரும் புகைச்சல்

இந்த நிறுவனத்தில் சில நாள்களுக்குமுன் நியமனம் செய்யப்பட்ட இயக்குநர் விஷ்வபதி திரிவேதி உடனடி யாக ராஜினாமா செய்திருப்பது புதிய புகைச்சலைக் கிளப்பி யிருக்கிறது. ஜீ குழுமம் இழந்த நம்பிக்கையை மீட்க  வேண்டும் என்பது முதல் சிக்கல். அந்த நிறுவனம் தந்த வாக்குறுதியை மூன்று மாதங்களுக்குள் நிறைவேற்றியாக வேண்டும் என்பது இன்னொரு சிக்கல். இவற்றையெல்லாம் ஜீ  குழுமம் எப்படித் தீர்க்கப் போகிறதோ..?

ஜீ குழுமப் பங்குகளை வைத்திருப்பவர்கள்  உஷார்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism