Published:Updated:

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?
பிரீமியம் ஸ்டோரி
திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

Published:Updated:
திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?
பிரீமியம் ஸ்டோரி
திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

எல்.எஃப்.எஸ் நிறுவனத்தின் கடன் சிக்கலைத் தொடர்ந்து அடிப்படையில் வலுவில்லாத பல வங்கிசாரா நிதி நிறுவனங்கள் கடும் நிதி நெருக்கடியில் சிக்கியதுடன், அவற்றின் பங்கு விலை பங்குச் சந்தையிலும் தொடர் வீழ்ச்சியைச் சந்தித்து வருகின்றன. திவான் ஹவுஸிங் மீது கோப்ரா போஸ்ட் எனும் வலைதள புலனாய்வு ஊடகம் ரூ.31,000 கோடி அளவுக்கு பண மோசடி செய்திருப்பதாகக் குற்றம் சாட்டியுள்ளது.

இந்தக் குற்றச்சாட்டுகளை திவான் ஹவுஸிங் அடியோடு மறுத்திருக்கிறது. கோப்ராபோஸ்டின் குற்றச்சாட்டுகள் என்னென்ன?

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

ஒட்டுமொத்த விகடனுக்கும் ஒரே ஷார்ட்கட்!

கோப்ராபோஸ்டின் குற்றச்சாட்டுகள்

இந்த நிறுவனத்தின் முக்கிய முதலீட்டாளரான வாத்வா குடும்பத்தினருக்குச் சொந்தமான லெட்டர்பேட் கம்பெனிகளுக்கு மோசடியான முறையில் கடன் வழங்கியதன்மூலம் இந்த பணம் கைமாறி உள்ளதாகவும், கடனாக வழங்கப்பட்ட தொகை பங்கு முதலீடு, அந்நிய நாடுகளில் முதலீடு எனப் பலவகையிலும் கைமாறியிருப்பதாகவும் தெரிவிக்கப்பட்டுள்ளது.

பொதுவாக, கடன் வழங்கும்போது, நிறுவனங் களின் சொத்துகளை அடமானமாகப் பெற்றுக் கொள்வதுடன், முக்கிய இயக்குநர்களிடம் தனிப்பட்ட முறையில் உத்தரவாதமும் பெறப் படும். ஆனால், திவான் ஹவுஸிங் விவகாரத்தில் லெட்டர்பேட் நிறுவனங்களுக்குக் கடன் வழங்கப் பட்டிருப்பதால் அடமானச் சொத்துகள் ஏதும் கிடையாது. மேலும், முக்கிய நிறுவனர்களிடமிருந்து தனிப்பட்ட உத்தரவாதமும் பெறப்படவில்லை. சட்டரீதியாகக் கடனைத் திரும்பப் பெறுவதைத் தடுக்கவே விதிமுறைகளை மீறி கடன் வழங்கப் பட்டிருப்பதாக கோப்ராபோஸ்ட் குற்றம் சாட்டி யிருக்கிறது. 

மத்தியில் ஆளும் கட்சிக்கும் நன்கொடை என்ற பெயரில் சட்ட விதிமுறைகளை மீறி பெருமளவு தொகையை, ஆர்.கே.டபிள்யூ டெவலப்பர்ஸ், ஸ்கில் ரியால்டர்ஸ், தர்ஷன் டெவலப்பர்ஸ் போன்ற வாத்வா குடும்பத்தி னருக்குத் தொடர்புடைய நிறுவனங்களின் வழியாக வழங்கியிருப்பதாகவும் கோப்ராபோஸ்ட் தெரிவிக்கிறது. இந்த விவகாரத்தில், ரேட்டிங் ஏஜென்சிகள், ஒழுங்குமுறை அமைப்புகள், மத்திய அரசு ஆகியோரின் மீதும் குற்றச்சாட்டுகளை எழுப்பும் கோப்ராபோஸ்ட், ஒட்டுமொத்த நிதி அமைப்பின் மீதான கட்டுப்பாடுகளை அதிகரிக்க வேண்டும் எனவும் வலியுறுத்தியுள்ளது.

திவான் ஹவுஸிங் ஃபைனான்ஸ்... கோப்ராபோஸ்ட் குற்றச்சாட்டுகள் சொல்வதென்ன?

திவான் ஹவுஸிங் நிறுவனத்தின் பதிலடி

சட்ட விதிகளுக்கும், வங்கி நெறிமுறைகளுக்கும் உட்பட்டே அனைத்துக் கடன்களும் வழங்கப் பட்டிருப்பதாகத் தெரிவிக்கும் திவான் ஹவுஸிங் நிறுவனம், நிதி அறிக்கைகள் முறையாக பங்குச் சந்தைகளுக்குச் சமர்ப்பிக்கப்படுவதாகவும், அவை பொதுமக்களின் பார்வைக்கு உட்பட்டவை என்றும் கூறியுள்ளது. திவான் ஹவுஸிங் குழும நிறுவனங்கள் எத்தகைய விசாரணையையும் சந்திக்கத் தயாராக உள்ளது. தன்மீது சுமத்தப்பட்டுள்ள குற்றச்சாட்டுகள் தவறான உள்நோக்கம் கொண்டவை என்று கூறும் இந்த நிறுவனம், கடந்த மூன்று மாதங்களில் மட்டும் ரூ.17,000 கோடி கடன் திரும்பச் செலுத்தப் பட்டிருப்பதாகத் தெரிவித்துள்ளது.

பங்கு சந்தையின் பார்வை

கோப்ராபோஸ்ட் குற்றச்சாட்டுகளைத் தொடர்ந்து திவான் ஹவுஸிங் நிறுவனப் பங்குகள் 25 சதவிகிதத்திற்கு மேல் வீழ்ச்சி அடைந்திருப்பது,  முதலீட்டாளர்களின் அவநம்பிக்கையையே வெளிக்காட்டுகிறது. கடந்த ஆண்டு செப்டம்பர் மாதத்தில் டி.எஸ்.பி மியூச்சுவல் ஃபண்ட், திவான் ஹவுஸிங் கடன் பத்திரங்களை அடிமாட்டு விலைக்கு விற்றபோது நிகழ்ந்த பெரும் சரிவு நினைவுகூரத்தக்கது. 2018 செப்டம்பரில் இதன் உச்சமான ரூ.691 பங்கு விலையிலிருந்து தற்போதைய விலையான ரூ.138-க்கு சரிந்திருப்பது, திவான் ஹவுஸிங் நிறுவனத்தின் உள்விவகாரங்கள் குறித்து சந்தைகளுக்கு ஏற்கெனவே
ஒருவித புரிந்துகொள்ளல் இருப்பதைக் காட்டுகிறது.

திவான் ஹவுஸிங் தந்த கடன்களை மத்திய அரசாங்கம் விசாரித்து வருவதாகக் கடந்த வியாழனன்று தகவல் வெளியானதைத் தொடர்ந்து, இதன் பங்கு விலை அன்று மட்டும் சுமார் 20% வரை வீழ்ச்சி அடைந்தது.
 
உரிய கண்காணிப்பு தேவை

ஐ.எல்.எஃப்.எஸ், ரான்பாக்ஸி, யெஸ் பேங்க், ஐ.சி.ஐ.சிஐ வங்கி, சன் பார்மா, ஜீ என்ட்டெர்டெய்ன்மென்ட், திவான் ஹவுஸிங் என அடுத்தடுத்து இந்திய நிறுவனங்களின் நிர்வாக நடைமுறைகள்மீது குற்றச்சாட்டுகள் எழுவது ஏட்டளவில் உள்ள சட்டநெறிமுறை களுக்கும் நிதர்சனத்திற்கும் உள்ள பெரும் இடைவெளியை புடம்போட்டுக் காட்டுகிறது. எனவே, இதில் சம்பந்தப்பட்ட மத்திய அரசு, ரிசர்வ் வங்கி, செபி, பங்குச் சந்தை எக்ஸ்சேஞ்சுகள், வணிக வங்கிகள், ரேட்டிங் ஏஜென்சிகள் ஆகியோர் ஒன்று கூடி ஆலோசித்து, உரிய நிர்வாக நெறிமுறைகளை வகுப்பதுடன் அவை கண்டிப்பாகப் பின்பற்றப்படுவதையும் உறுதி செய்யவேண்டும்.

குறிப்பு: இந்தக் கட்டுரையில் சொல்லப்பட்டுள்ள கருத்துகள் கட்டுரையாளரின் தனிப்பட்ட கருத்துகளே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism