Published:Updated:

ஷேர்லக்: பொதுத் துறை நிறுவனப் பங்குகள் பைபேக்... உஷார்!

ஷேர்லக்: பொதுத் துறை நிறுவனப் பங்குகள் பைபேக்... உஷார்!
பிரீமியம் ஸ்டோரி
ஷேர்லக்: பொதுத் துறை நிறுவனப் பங்குகள் பைபேக்... உஷார்!

ஓவியம்: அரஸ்

ஷேர்லக்: பொதுத் துறை நிறுவனப் பங்குகள் பைபேக்... உஷார்!

ஓவியம்: அரஸ்

Published:Updated:
ஷேர்லக்: பொதுத் துறை நிறுவனப் பங்குகள் பைபேக்... உஷார்!
பிரீமியம் ஸ்டோரி
ஷேர்லக்: பொதுத் துறை நிறுவனப் பங்குகள் பைபேக்... உஷார்!

ட்ஜெட் எப்படி... சுமாரா, சூப்பரா என யாரிடமோ போனில் கேட்டுக்கொண்டே நம் கேபினுக்குள் நுழைந்தார் ஷேர்லக். அவர் பேசி முடித்ததும், அவர் போனில் யாரிடமோ கேட்ட கேள்வியைக் நாம் கேட்டோம். “சப்ஜெக்ட்டுக்கு போலாமா பாஸ்...” என நம்மைத் திசை திருப்பினார். நாம் கேள்விகளைக் கேட்கத் தயாரானோம்.

ஐ.சி.ஐ.சி.ஐ வங்கியின் முன்னாள் தலைவர் சாந்தா கோச்சாரை பணிநீக்கம் செய்துள்ளதே அந்த வங்கி?

“ஐ.சி.ஐ.சி.ஐ வங்கியின் முன்னாள் மேலாண்மை இயக்குநரும், தலைமை செயல் அதிகாரியுமான சாந்தா கோச்சாருக்கு எதிரான முறைகேடு குற்றச்சாட்டுகளை விசாரிக்க, ஓய்வுபெற்ற உச்ச நீதிமன்ற நீதிபதி ஸ்ரீகிருஷ்ணா தலைமையில், விசாரணைக்குழு அமைக்கப்பட்டது. இந்தக் குழு தாக்கல் செய்த அறிக்கையில், சாந்தா கோச்சார் ஆண்டு அறிக்கைகளை முறையாகச் சமர்ப்பிக் காமல் கடமையிலிருந்து தவறியுள்ளதாகவும், வங்கி நடத்தை விதிகளை மீறி அவர் செயல்பட்டு உள்ளதாகவும் தெரிவிக்கப்பட்டிருந்தது.’’ 

ஷேர்லக்: பொதுத் துறை நிறுவனப் பங்குகள் பைபேக்... உஷார்!

அஜந்தா பார்மா நிறுவனம் பைபேக் அறிவித்துள்ளதே?

“அஜந்தா பார்மா நிறுவனம் 100 கோடி ரூபாய் மதிப்பிலான அதன் 7,69,230 பங்குகளை, பங்கு ஒன்றுக்கு 1,300 ரூபாய் என்ற விலையில் திரும்ப வாங்க முடிவு செய்திருந்த நிலையில், அதற்கு அந்த நிறுவனத்தின் இயக்குநர்கள் குழு  ஒப்புதல் அளித்துள்ளது. புரமோட்டர்கள், புரமோட்டர்கள் குழும உறுப்பினர்கள் உள்ளிட்ட அதன் அனைத்துப் பங்குதாரர் களிடமிருந்தும் மேற்கூறிய அளவிலான பங்குகள் திரும்ப வாங்கப்பட உள்ளது. இதனிடையே 2018, டிசம்பர் மாதத்துடன் முடிவடைந்த மூன்றாவது காலாண்டில் இந்த நிறுவனத்தின் நிகர லாபம், முந்தைய ஆண்டில் ஈட்டிய 147 கோடி ரூபாயிலிருந்து 55% குறைந்து 67 கோடி ரூபாயாகச் சரிந்துள்ளதாக அந்த நிறுவனம் வெளியிட்ட அறிக்கையில் தெரிவிக்கப்பட்டுள்ளது.”

வேதாந்தா பங்கு நிறுவனத்தின் விலை இன்றைக்கு மட்டும் 18% குறைந்திருக்கிறதே!

‘‘இந்த நிறுவனத்தின் மூன்றாம் காலாண்டு முடிவு இன்றைக்கு வெளியானதுதான் காரணம். இந்த நிறுவனத்தின் நிகர லாபம் 26% குறைந்திருக்கிறது. இது தவிர, வேதாந்தாவின் துணை நிறுவனமான கெய்ர்ன் இந்தியா ஹோல்டிங் நிறுவனம் ரூ.1,431 கோடிக்கு ஆங்கிலோ அமெரிக்கன் நிறுவனத்திடமிருந்து வாங்கியிருக்கிறது. இந்த இரண்டு விஷயங்களுமே நெகட்டிவான விளைவுகளை ஏற்படுத்தும் என முதலீட்டாளர்கள் நினைத்ததால், இந்தப் பங்கினை விற்றனர்.’’

ஒன்பது  மோசடி நிறுவனங்களுக்கு செபி அபராதம் விதித்துள்ளதே... ஏன்?

“எளிதில் பணமாக்கவியலாத பங்குகள் மீதான வர்த்தகத்தில், 2014 ஏப்ரல் முதல் 2015 செப்டம்பர் வரையிலான காலகட்டத்தில் இந்த  நிறுவனங்களும் மோசடியான வர்த்தகத்தில் ஈடுபட்டதாகப் பங்குச் சந்தை ஒழுங்குமுறை ஆணையமான செபி நடத்திய விசாரணையில் தெரியவந்துள்ளது. இதைத் தொடர்ந்து மோசடியான முறையில் வர்த்தகத்தில் ஈடுபட்டதாக இந்த நிறுவனங்களுக்கு ரூ.55 லட்சம்  அபராதம் விதித்துள்ளது செபி.

இதில் பி.பி ஃபின்டிரேட் பிரைவேட் லிமிடெட் நிறுவனத்துக்கு ரூ.12.5 லட்சம், பூல் சந்த் ஜெயினுக்கு ரூ.6 லட்சம், புரோக்னாஸிஸ் செக்யூரிட்டீஸ் நிறுவனத்துக்கு ரூ. 6 லட்சம், பெங்கோ டிரேடர்ஸ், பவாசாகர் வியாபார், பாஷா ஃபைனான்ஸ், பி.ஏ.சி ஃபைனான்ஷியல் கன்சல்டன்ட்ஸ், எவர் க்ரின் டெக்னாலஜீஸ் மற்றும் மா சமலேஸ்வரி இண்டஸ்ட்ரீஸ் ஆகிய நிறுவனங்களுக்கு தலா 5 லட்சம் ரூபாயும் அபராதம் விதிக்கப்பட்டுள்ளது.”

திவான் ஹவுஸிங் ஃபைனான்ஸ் நிறுவனத்தின் விலை வெள்ளியன்றும் 17% குறைந்திருக்கிறதே!

‘‘இந்த நிறுவனத்தில் பல முறைகேடுகள் நடப்பதி ருப்பதாகவும் இதனால் பல ஆயிரம் கைமாறியிருப்பதாகவும் இணையதள புலனாய்வு நிறுவனமான கோப்ராபோஸ்ட் குற்றம் சாட்டியது. இந்தக் குற்றச்சாட்டில் எந்த உண்மையும் இல்லை என்று திவான் ஹவுஸிங் நிறுவனம், இப்போது இந்தக் குற்றச்சாட்டை விசாரிக்க சார்ட்டட் அக்கவுன்டன்ட் நிறுவனம் ஒன்றை நியமித் திருக்கிறது. நேற்றுவரை இந்தக் குற்றச்சாட்டில் உண்மை இல்லை என்று சொன்ன நிறுவனம் இப்போது ஏன் விசாரிக்கச் சொல்கிறது என்கிற கேள்வி முதலீட்டாளர்களின் மனதில் எழுந்ததால், அந்த நிறுவனத்தின் பங்குகளை விற்கத் தொடங்கினர். எனவே, இந்தப் பங்கின் விலை குறைந்தது.’’

கோல் இந்தியா நிறுவனம் மூன்று பைபேக்குகள் மூலம் 1,065 கோடி ரூபாய் நிதி திரட்ட உள்ளதே?

“கோல் இந்தியா நிறுவனத்தின் துணை நிறுவனங்களான மஹாநதி கோல்ஃபீல்ட்ஸ், நார்த்தன் கோல் ஃபீல்ட்ஸ் மற்றும் சவுத் ஈஸ்டர்ன் கோல்ஃபீல்ட்ஸ் ஆகிய மூன்று நிறுவனங்களும், அவற்றின் தாய் நிறுவனமான கோல் இந்தியா விடமிருந்து தலா 355 கோடி ரூபாய் மதிப்பிலான பங்குகளைத் திரும்ப வாங்க (பைபேக்) உள்ளன. இதன்மூலம் கோல் இந்தியா நிறுவனம் 1,065 கோடி ரூபாய் நிதி திரட்ட உள்ளது.
1,000 ரூபாய் முக மதிப்பாக செலுத்தப்பட்ட 4,42,967 பங்குகளை, பங்கு ஒன்றுக்கு 8,014.13 ரூபாய் என்ற விலை கொடுத்து வாங்க மஹாநதி கோல்ஃபீல்ட்ஸ் நிறுவனம் திட்டமிட்டுள்ளது. அதேபோல, சவுத் ஈஸ்டர்ன் கோல்ஃபீல்ட்ஸ் நிறுவனம் 4,90,039 பங்குகளை, பங்கு ஒன்றுக்கு 7,244. 32 ரூபாய் என்ற விலை கொடுத்து வாங்கவும், நார்த்தன் கோல்ஃபீல்ட்ஸ் நிறுவனம் 5,18,560 பங்குகளை, பங்கு ஒன்றுக்கு 5,845.83 ரூபாய் என்ற விலை கொடுத்து வாங்கவும் திட்டமிட்டிருந்த நிலையில்தான், முதல்கட்டமாக மேற்கூறிய அளவிலான பங்குகளை இந்த மூன்று நிறுவனங்களும் திரும்ப வாங்கவிருப்பதாகத் தெரிவிக்கப்பட்டுள்ளது.”

ஜனவரி 31-ம் தேதி முடிந்த எஃப் அண்டு ஓ எக்ஸ்பைரி என்ன சொல்கிறது?

‘‘பிப்ரவரியில் சந்தை பெரிதாக இறங்காது என பங்கு வர்த்தகர்கள் நம்புவதாக அது தெரிவிக்கிறது.நிஃப்டி ஃப்யூச்சர்ஸ் ரோலோவர், கடந்த 2017 ஆகஸ்ட் மாதத்துக்கு அதாவது 17 மாதத்துக்கு பிறகு மிகவும் குறைவானதாக இருக்கிறது. இண்டெக்ஸ் கான்ட்ராக்ட்களின் சார்ட் பொசிஷன்களால் டிரேடர்கள் பெரிதாகப் பாதிக்கவில்லை. அந்த வகையில், வியாழக் கிழமை சந்தை நல்ல ஏற்றத்தைக் கண்டது.
 
நிஃப்டி ஃப்யூச்சர்ஸ் ரோலோவர் விகிதம் 61.84% ஆக உள்ளது. பிப்ரவரிக்கான நிஃப்டி கால் ஆப்ஷன்ஸ் 11,000 ஆகவும், நிஃப்டி புட் ஆப்ஷன்ஸ் 10,700 ஆகவும் இருக்கிறது.” 

பொதுத் துறை நிறுவனங்களின் பைபேக்குகள் குறித்துத் தரமதிப்பீட்டு நிறுவனமான எஸ்&பி எச்சரித்துள்ளதே?

“மத்திய அரசு, கடன் அல்லாத முறையில் தனது மூலதன வருவாயை அதிகரித்துக் கொள்ளும் நோக்கில், தனக்குச் சொந்தமான பொதுத் துறை நிறுவனங்களிலிருந்து சுமார் 80,000 கோடி ரூபாய் மதிப்பிலான பங்குகளை விலக்கிக் கொள்ள இலக்கு நிர்ணயித்துள்ளது. இதன் ஒரு பகுதியாக, கடந்த மூன்று மாதங்களில் 10 பொதுத் துறை நிறுவனங்கள் மொத்தம் 15,000 கோடி ரூபாய் மதிப்பிலான பைபேக்குகளை அறிவித்துள்ளன அல்லது வாங்கி நிறைவேற்றி உள்ளன.

பொதுவாக, இத்தகைய நிறுவனங்களின் கிரெடிட் எனப்படும் நம்பகத் தன்மை என்பது, அந்த நிறுவனங்களின் முதலீட்டு அளவு மற்றும் பணப்புழக்கத்தின் அடிப்படையில் ஒன்றுக்கொன்று மாறுபடும். இந்த நிலையில், பைபேக்குகள்மூலம் இந்த பொதுத் துறை நிறுவனங்களிடமிருந்து பணத்தை உறிஞ்சி எடுப்பதனால், அந்த நிறுவனங்களின் கிரெடிட் அளவு பாதிக்கப்படும் என எஸ்&பி எச்சரித்துள்ளது” என்றவரிடம், பட்ஜெட் தொடர்பாக மீண்டும் நாம் கேட்டோம். “பட்ஜெட் குறித்து நீங்களே எழுதியுள்ளீர்களே. அதுதான் என் கருத்தும்” என்று சொல்லிவிட்டு வீட்டுக்குப் புறப்பட்டார் ஷேர்லக்.

ஒட்டுமொத்த விகடனுக்கும் ஒரே ஷார்ட்கட்!

ஷேர்லக்: பொதுத் துறை நிறுவனப் பங்குகள் பைபேக்... உஷார்!

திருவான்மியூரில் சூரியோதை ஸ்மால் ஃபைனான்ஸ் பேங்க்!

சூரியோதை ஸ்மால் ஃபைனான்ஸ்  பேங்க் (Suryoday Small Finance bank),  சென்னையில் 16 கிளைகளைக் கொண்டிருக்கிறது. இது சேமிப்புக் கணக்கு 7.25% வட்டியும் ஃபிக்ஸட் டெபாசிட்டுக்கு 9% (மூத்த குடிமக்களுக்கு 9.5%) வட்டியும் வழங்குகிறது.  இந்த வங்கி, அதன் திருவான்மியூர் கிளையை அண்மையில் தொடங்கியது. இந்தக் கிளையை ஸ்ரீஷா ஃபைனான்ஷியல் சர்வீசஸ் (Shrisha Financial Services) நிறுவனம் நிர்வகிக்கிறது. கிளையை சூரியோதை ஸ்மால் ஃபைனான்ஸ் பேங்கின் இணை நிறுவனர் மற்றும் தலைமை செயல் அதிகாரி பாஸ்கர் பாபு, ஸ்ரீஷா ஃபைனான்ஷியல் சர்வீசஸ் நிறுவனத்தின் இயக்குநர் சுரேஷ் பார்த்தசாரதி   முன்னிலையில் திறந்து வைத்தார்.

டிரேடர்ஸ் பக்கங்கள் பகுதியைப் படிக்க: https://bit.ly/2S7OG9b

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism