Published:Updated:

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!
பிரீமியம் ஸ்டோரி
பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

மனம்... மதி... பணம்!

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

மனம்... மதி... பணம்!

Published:Updated:
பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!
பிரீமியம் ஸ்டோரி
பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

“ஒருவன் மனது ஒன்பதடா; அதில் ஒளிந்து கிடப்பது எண்பதடா” என்ற வரிகளின் உண்மையை நிறுவும் பல்வேறு மனப் பிழைகளைப் பார்த்து வருகிறோம். டேனியல் கனெமன் (Daniel Kahneman) என்னும் நோபல் அறிஞர் முன்வைக்கும் எதிர்நோக்கல் கோட்பாடு (Prospect theory) என்னும் கோட்பாடு இதில் முக்கியமானது. 

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

இதன்படி, முதல் பத்தாயிரம் ரூபாய் தரும் மகிழ்ச்சியை அடுத்த பத்தாயிரம் ரூபாய் தருவதில்லை. பத்து ரூபாய் லாபத்தால் கிடைக்கும் சந்தோஷத்தைவிட, பத்து ரூபாய் நஷ்டத்தால் விளையும் வலி அதிகம். சிறிது சிறிதாகப் பணத்தை இழக்கும்போது ஏற்படும் வலியைவிட, மொத்தமாக இழக்கும்போது ஏற்படும் வலி அதிகம்.

இதுபோன்ற உணர்வுகள் மனிதர்கள் அனைவருக்கும் பொதுவானவை. இந்த வலிகளை எதிர்நோக்கி, சமாளிக்க நம் மனம் சில குறுக்குவழிகளைத் தயாராக வைத்திருக்கிறது. நஷ்டம் தவிர்த்தல் (Loss Aversion), வருத்தம் தவிர்த்தல் (Regret Aversion), எண்டோவ்மென்ட் பிழை (Endowment bias), மாற்றம் தவிர்த்தல் (Status Quo) என்னும் இவை நான்குமே அநேகமாக சேர்ந்தே அமைகின்றன.

நஷ்டம் தவிர்த்தல் / வருத்தம் தவிர்த்தல்

நஷ்டம் அதிக வேதனைத் தருவதால், நம்மை அறியாமலேயே அதனைத் தவிர்க்கும் வழிகளை மனம் தேடுகிறது. நூறு ரூபாய்க்கு வாங்கிய பங்கு, எண்பது ரூபாய் அளவுக்கு இறங்கினால், அதை விற்க நம் மனம் சம்மதிப்பதில்லை. “பெயரளவில் உள்ள நஷ்டத்தை விற்பனை மூலம் நிஜமாக்கினால் மனம் வலிக்குமே; நம்மைக் குறை கூறுமே” என்று அந்தச் செயலை தள்ளிப்போடுகிறோம். 

ஒட்டுமொத்த விகடனுக்கும் ஒரே ஷார்ட்கட்!

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

நல்ல பங்குகள் விலை ஓரளவு ஏறியதுமே, லாபம் குறைந்துவிடக் கூடாதே என்று பதறும் மனம் அவற்றை விற்கத் துடிக்கிறது. இதனால் அவற்றின் முழுப்பலனையும் அடையும் சந்தர்ப்பத்தை இழக்கிறோம். இப்படி நல்ல பங்குகளை விற்று, நஷ்டம் தரும் பங்குகளை நம் போர்ட்ஃபோலியோவில் வைத்திருப்பதால், அதன் தரம் குறைகிறது. இவையெல்லாம் நஷ்டம் தவிர்க்கும் மனநிலை செய்யும் லீலைகள்.

வருத்தம் தவிர்க்கும் பிழையில் இந்தப் போக்கு சற்றே வேறு மாதிரியாகச் செயல்படுகிறது. மனவேதனைக்குப் பயந்து, முடிவெடுப்பதை ஒத்திப்போடுகிறோம். சந்தை விழுந்து, பங்குகள் நல்ல விலைக்குக் கிடைத்தாலும் உள்ளே இறங்கமாட்டோம்; நாம் வைத்திருக்கும் பங்குகள் விலையேறினாலும், விற்பதே நல்லது என்று தெரிந்தாலும் விற்க மாட்டோம்.

இதற்கு, “விலை மேலும் ஏறுமோ, இப்போது விற்றால் லாபம் குறையுமே!” என்பன போன்ற மனத்தடைகள்தான் காரணம். பெரிய கம்பெனி பங்குகளில் முதலீடு செய்து, நஷ்டம் வந்தால் மனம் அதிகமாக வேதனைப்படுவதில்லையாம்; அதுவே சிறிய கம்பெனி என்றால் “நாம் மட்டும் இப்படித் தவறாக முடிவெடுத்துவிட்டோமே” என்று வருந்துவோமாம்.

ஆகவே, லாபம் குறைவு என்று தெரிந்தாலும் அல்லது நஷ்டமே வருமென்றாலும், பரவாயில்லை என்று பெரிய கம்பெனிகளில் முதலீடு செய்யவே விரும்புகிறோம் என்று உளவியலாளர்கள் கூறுகிறார்கள்.

எண்டோவ்மென்ட் பிழை / மாற்றம் தவிர்த்தல்

எண்டோவ்மென்ட் பிழை உள்ளவர்கள் தங்களிடம் இருக்கும் சொத்துகள்மீது அதீதப் பாசம் கொண்டவர்களாக இருப்பார்கள். சொத்துகள் சுமைகளாக மாறிவிட்டாலும்கூட, அவற்றை விற்பதில்லை. முக்கியமாக, நிலம், வீடு, பரம்பரைச் சொத்து வைத்திருப்பவர்களிடம் இந்தப் பிழையை அதிகமாகப் பார்க்கலாம்.  

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

புதிய முதலீட்டு முறைகள் பற்றி விரிவாகத் தெரியாது; தெரிந்துகொள்ள விரும்புவதும் இல்லை. அதனால் அதிக லாபம் சம்பாதிக்கும் வாய்ப்புகளை அவர்கள் இழக்கிறார்கள்.

இவர்களிடம் மாற்றம் தவிர்க்கும் போக்கும் இருக்கும். மாற்றங்கள் செய்தால் நஷ்டம் வரலாம்; அதனால் மனவேதனை உண்டாகலாம்; மாற்றங்கள் செய்யும்போது சில செலவுகளைச் செய்ய நேரலாம். இவை அனைத்தையும் தவிர்க்க, ஒரேயடியாக மாற்றத்தையே தவிர்த்து விடுவார்கள்.

உன்னை அறிந்தால்...

இதுவரை நாம் பார்த்த மனப்பிழைகள் தவிர, இன்னும் சில சிறிய பிழைகளும், நம்முடைய பொருளாதார முன்னேற்றத்திற்குத் தடையாக உள்ளன. அடுத்தவரிடம் பிழை காணத் துடிக்கும் இந்த மனதினால், தன்னிடம் உள்ள பிழைகளை உணர்ந்துகொள்ள முடிவதில்லை என்பதே நிஜம். எந்தெந்தப் பிழைகள் நம்மிடம் உள்ளன என்று நாம் உணர்ந்துவிட்டாலே, அத்தனை பிழைகளையும் மிகமிக எளிதில் நம்மால் ஜெயித்துவிட முடியும். 

முதலீட்டு ஆலோசகர்களின் உதவியை நாடிய முதலீட்டாளர்கள் ஒன்றைக் கவனித்திருக்கலாம். முதலில், நம்மைப் பற்றிய விவரங்களை அறிந்து, நாம் எந்த வகை முதலீட்டாளர் என்று தெளிந்த பின்தான் நமக்கான ஆலோசனை களை வழங்குவார்கள். ஆகப் புதியது என்று நாம் கருதும் இந்த ‘கஸ்டமர் புரொஃபைலிங்’ முறை திருவள்ளுவர் காலத்திலேயே இருந்திருப்பதை,

“நன்றாற்றலுள்ளும் தவறுண்டாம் அவரவர்

பண்பறிந்தாற்றாக் கடை”

என்ற திருக்குறள் பறை சாற்றுகிறது. ஆலோசகர் உதவியை நாடினாலும், இல்லை, நாமாகவே நிதி நிர்வாகம் செய்ய முனைந்தாலும் நம் குணநலன் களையும் மனப் பிழைகளையும் தெளிவாக அறிந்தால்தான் சரியான  முடிவுகளை எடுப்பது சாத்தியம்.  

பிஹேவியரல் ஃபைனான்ஸ்... - குறுந்தொடர் - 6 - பணம் தரும் சந்தோஷங்களும் வலிகளும்!

இன்றைய காலகட்டம் கடினமானது. வட்டி விகிதங்கள் குறைவாக உள்ளன; ரியல் எஸ்டேட் கோமாவில் இருந்து எழுவதற்கான அறிகுறிகள் எதுவும் இல்லை; எந்த நிமிடமும் விழுந்துவிடலாம் என்று நிபுணர்கள் எதிர்பார்க்கும் சந்தையானது தொடர்ந்து மேலேறிய வண்ணம் உள்ளது; சென்செக்ஸும், நிஃப்டியும் உச்சியில் இருந்தாலும் நம் போர்ட்ஃபோலியோவானது 30% நஷ்டம் காட்டுகிறது.

நிதி நிர்வாகத்தில் ஈடுபடும் நாம் ஒவ்வொருவருமே அன்றாடம் பல முடிவுகளை எடுக்க வேண்டியுள்ளது. அப்படி எடுக்கும் முடிவுகள் அனைத்தும் உணர்வுபூர்வமாக அல்லாமல், அறிவுப்பூர்வமாக அமைய பிஹேவியரல் ஃபைனான்ஸ் நமக்கு கை கொடுக்கிறது.

பிஹேவியரல் ஃபைனான்ஸின் முக்கிய நோக்கம் வெறுமே பணம் பண்ணுவதல்ல; நம்மிடம் உள்ள மனப் பிழைகளை முழுமையாகக் களைந்து, தன்னம்பிக்கையுடன் பணத்தை நிர்வாகம் செய்யும் திறமையை முழுமையாக வளர்த்தெடுப்பதே என்று சொல்லலாம்.

எல்லாவற்றிலும் தீர்க்கமான, சரியான யோசனைகளைக் கைக்கொள்ளும் மனிதர்கள்கூட தவறான முடிவெடுத்து தடுக்கி விழுவது நிதிச் சந்தையில் சகஜம். எனவே, மனப்பிழைகளிலிருந்து காக்கும் சில நுட்பங்களைத் தெரிந்துகொள்வது அவசியம்.

மனப்பிழைகளிலிருந்து காக்கும் விஷயங்கள்

நம் மனப் பிழைகளை கண்டறிந்து அவற்றைக் கட்டுப்படுத்துதல், நமது ரிஸ்க் எடுக்கும் திறனை நாம் துல்லியமாகக் கணித்தல், நம் போர்ட்ஃபோலியோவில் இருக்கும் ஒவ்வொரு முதலீட்டின் நோக்கம் பற்றியும் தெளிவாகத் திட்டமிட்டு அவற்றை  நினைவில்கொள்ளுதல், செயலில் ஈடுபடுவதற்குமுன்பாக விரிவான ஆய்வுகளை மேற்கொள்ளுதல், ஆராய்ந்து தேர்ந்தெடுத்த நிதி நிர்வாக உத்திகளைத் தீர்மானமாகச் செயல்படுத்துதல் போன்ற செயல்கள் மனப்பிழைகளில் இருந்து நம்மைக் காத்து, நம் நிதி நிர்வாகத் திறமை ஓங்க வழிவகுக்கும்.

உங்கள் முதலீடு மனப்பிழையின்றி லாபத்துடன் சிறக்க வாழ்த்துகள்!

(நிறைவு பெற்றது)

சுந்தரி ஜகதீசன் முதலீட்டு ஆலோசகர்