Published:Updated:

குறையும் வாகன விற்பனை... என்ன காரணம்?

குறையும் வாகன விற்பனை... என்ன காரணம்?
பிரீமியம் ஸ்டோரி
குறையும் வாகன விற்பனை... என்ன காரணம்?

குறையும் வாகன விற்பனை... என்ன காரணம்?

குறையும் வாகன விற்பனை... என்ன காரணம்?

குறையும் வாகன விற்பனை... என்ன காரணம்?

Published:Updated:
குறையும் வாகன விற்பனை... என்ன காரணம்?
பிரீமியம் ஸ்டோரி
குறையும் வாகன விற்பனை... என்ன காரணம்?

ந்தியத் தொழில்துறையின் வளர்ச்சியில் பெரும்பங்கு வகிப்பது ஆட்டோமொபைல் துறை. இதில் ஏற்படும் தேக்கம், இந்தியாவின் ஜி.டி.பி-யை நேரடியாகப் பாதிக்கும். கடந்த ஆண்டு அனைத்து ஆட்டோமொபைல் உற்பத்தியாளர்களும் விற்பனையில் வளர்ச்சியடைந்த நிலையில், 2018 டிசம்பர் முதல் வாகனங்களின் விற்பனை கடுமையான சரிவைச் சந்தித்துவருகிறது. கடந்த ஜனவரியில் கார் மற்றும் பைக்குகளின் விற்பனை சிறிது முன்னேற்றம் கண்ட போதும், பிப்ரவரி, மார்ச், ஏப்ரல் மாதங்களில் வாகன விற்பனை குறைந்தது. கடந்த ஏப்ரல் மாதத்தில், இந்தியாவின் முக்கியமான ஆறு நிறுவனங்கள் சேர்ந்து விற்பனை செய்த கார்களின் எண்ணிக்கை 2,27,434 மட்டுமே. கடந்த ஆண்டு ஏப்ரலுடன் ஒப்பிடும்போது, இது 16% குறைவு.

குறையும் வாகன விற்பனை... என்ன காரணம்?

இதில், மாருதி சுஸூகி மட்டும் 19.6%  வீழ்ச்சியைக் கண்டுள்ளது. மாருதி சுஸூகி புதிதாக 1498cc டீசல் இன்ஜினைக் கொண்டுவந்த அதேசமயத்தில், ஏப்ரல்     2020-லிருந்து டீசல் கார்களின் விற்பனையை நிறுத்துவதாக அறிவித்து, அதிர்ச்சியைத் தந்திருக்கிறது. விற்பனையில் நம்பர் 1 கார் தயாரிப்பாளராக இருக்கும் மாருதி, டீசல் இன்ஜின் கார் தயாரிப்பினை  நிறுத்துவதால், டீசல் கார்களின் எதிர்காலம் குறித்துக் கேள்வி எழுந்துள்ளது.

மாருதிக்கு அடுத்து அதிக கார்களை விற்பனை செய்யும் நிறுவனமான ஹூண்டாய், கடந்த ஏப்ரல் மாதம் 10%  சரிவைச் சந்தித்துள்ளது. சான்ட்ரோ நன்கு விற்பனையானாலும் மற்ற கார்களின் எண்ணிக்கை வீழ்ச்சியில்தான் இருந்தது. சான்ட்ரோ மற்றும் ஐ10 கார்களின் விற்பனை நிலையாக இருப்பதற்குக் காரணம், இந்த கார்களுக்கு ஹூண்டாய் ரூ.95,000 வரை தள்ளுபடி கொடுத்ததுதான்.

கடந்த சில மாதங்களாக விற்பனையில் வளர்ச்சியைப் பதிவுசெய்த டாடா மோட்டார்ஸ், சென்ற ஏப்ரலில் 26% வீழ்ச்சியைக் கண்டுள்ளது. போட்டியாளர்களின் நெருக்கடியால் நெக்ஸான் மாடலின் விற்பனை குறைந்தது எனவும், தேர்தல் நெருக்கடிகள் காரணமாக டாடாவின் கார் விற்பனை பாதிக்கப்பட்டுள்ளது எனவும் சொல்லப்படுகிறது. கடந்த ஜனவரியில் டாடா மோட்டார்ஸ், ஹேரியர் என்ற எஸ்.யூ.வி ரக காரை விற்பனைக்குக் கொண்டுவந்தது. இதற்கு நல்ல வரவேற்பு இருந்தும் தேர்தல் வந்ததால், இவற்றின் விற்பனை மற்றும் விநியோகம் குறைந்தது. டாடாவுக்கு நிகராக டொயோட்டாவுக்கும் ஏப்ரல் மாதத்தில் 23% விற்பனை சரிந்துள்ளது.

மற்ற கார் நிறுவனங்களுடன் ஒப்பிடும்போது மஹிந்திராவின் விற்பனை பெரிய அளவில் பாதிக்கப்படவில்லை. இந்த நிறுவனத்துக்கு 8%  வீழ்ச்சி மட்டும்தான். மற்ற நிறுவனங்கள் டீசல் கார்களுக்கான முக்கியத்துவத்தைக் குறைத்துக் கொள்ள, மஹிந்திரா மட்டும் டீசல் கார்களை அதிகம் விற்பனை செய்தது. இதனால், டீசல் இன்ஜின் வாடிக்கையாளர்கள் மஹிந்திரா கார்கள் பக்கம் அதிகம் ஈர்க்கப்படுகிறார்கள். மேலும், மஹிந்திரா கடந்த ஆண்டு கொண்டுவந்த மராத்ஸோ மற்றும் XUV300 கார்கள் மார்க்கெட்டில் ஹிட் அடித்தன.

வாகனங்களின் விற்பனை வீழ்ச்சியால் பாதிக்கப்படாத ஒரே நிறுவனம், ஹோண்டா மட்டுமே. கடந்த ஆண்டு ஏப்ரலில் இருந்த விற்பனையைவிட இந்த ஆண்டு ஏப்ரலில் 23% அதிகமான கார்களை விற்பனை செய்துள்ளது. கடந்த ஆண்டு அமேஸ் எனும் காம்பேக்ட் செடான் காரை விற்பனைக்குக் கொண்டுவந்ததே இந்த விற்பனை அதிகரிப்பின் முக்கியக் காரணம்.

`வாகன விற்பனைக் குறைவால் பல கார் நிறுவனங்கள் தயாரிப்பைக் குறைத்தும் நிறுத்தியும் வருகின்றன. இதனால், டீலர்களிடம் வாகனங்கள் 40 - 50 நாள்கள் வரை தேங்குகின்றன’ என     ஃபெடரேஷன் ஆஃப் ஆட்டோமொபைல் டீலர்ஸ் அசோசியேஷன்ஸ் (Federation of Automobile Dealers Associations - FADA)  சொல்கிறது. 

ஒட்டுமொத்த விகடனுக்கும் ஒரே ஷார்ட்கட்!

குறையும் வாகன விற்பனை... என்ன காரணம்?

கடந்த சில ஆண்டுகளாக உயர்ந்துவந்த வாகன விற்பனை, இப்போது திடீரென சரிவதற்குப் பல காரணங்களைச் சொல்கிறார்கள். அந்தக் காரணங்களைப் பார்ப்போம்.

1. பெட்ரோல் டீசல் விலை வித்தியாசம்

பெட்ரோல், டீசல் விலை அதிகரித்து வருவதும், இவற்றுக்கு இடையேயுள்ள விலை வித்தியாசம் குறைந்து வருவதும் வாகன விற்பனை குறைய முக்கியக் காரணம்.

கடந்த ஆண்டு அக்டோபரில் பெட்ரோல் விலை ரூ.88 வரையும் டீசல் விலை ரூ.80-யும்  வரை அதிகரித்தது. கார் விற்பனை கடந்த ஆண்டு அக்டோபரில் இருந்துதான் குறையத் தொடங்கி யது. மேலும், பெட்ரோல் மற்றும் டீசலுக்கான விலை வித்தியாசம் 2018 ஜனவரியில் ரூ.8.58-ஆக இருந்தது; தற்போது 5 ரூபாயாகக் குறைந்துள்ளது. இது, முதல்முறை கார் வாங்குபவர்களின்  வாங்கும் முடிவைப் பாதிக்கிறது.

2. வட்டி விகிதம்

வாகனக் கடன்களுக்கான வட்டி விகிதத்தை வங்கிகள் உயர்த்தியது கார் விற்பனையைக் குறைத்தது. கடந்த ஆகஸ்ட் மாதம் ரிசர்வ் வங்கி ரெப்போ ரேட்டை அதிகப்படுத்தியதால், சென்ட்ரல் பேங்க், யூனியன் பேங்க் உள்பட பல வங்கிகள் வாகனக் கடன் வட்டி விகிதத்தை அதிகப்படுத்தின. மோட்டார் வாகனங்களைப் பொறுத்தவரை, 7 சதவிகிதமாக இருந்த வட்டி   9 முதல் 14% வரை அதிகரிக்கப்பட்டது.

3. இன்ஷூரன்ஸ் ப்ரீமியம் உயர்வு

கார்களுக்கு மூன்றாம் நபர் இன்ஷூரன்ஸ் மூன்று ஆண்டுகளும், பைக்குகளுக்கு ஐந்து ஆண்டுகளும் எனக் கட்டாயமாக்கப்பட்டதாலும்,  டிரைவர்களுக்கான தனிநபர் விபத்துக் காப்பீடு கவரேஜ் கட்டாயமாக்கப்பட்டதாலும் புதிய கார்களுக்கான மோட்டார் இன்ஷூரன்ஸ் பிரீமியம்  உயர்ந்தன. கார்களைப் பொறுத்தவரை, பிரீமியம் ரூ.10,000 வரையும், பைக்குகளுக்கு ரூ.3,000 வரையும் அதிகரித்தன.

4. வாடிக்கையாளர் மனநிலை

கியா, எம்.ஜி மோட்டார்ஸ் போன்ற புதிய நிறுவனங்களின் வருகை, பெட்ரோல் - டீசல் விலை உயர்வு, பாதுகாப்பு வசதிகளில் கெடுபிடி, ஃபேம் 2 (FAME II) திட்டம், மின்சார வாகனங்கள் குறித்த எதிர்பார்ப்பு, தேர்தல் மற்றும் ஆட்சி மாற்றம் என மக்கள் பல குழப்பங்களுக்கு ஆளானதன் விளைவு, வாகனங்களின் விற்பனையில் தொய்வு ஏற்பட்டது.

5. பாரத் ஸ்டாண்டர்டு VI (Bharat Standard VI)

`ஏப்ரல் 2020 முதல், அனைத்து கார் மற்றும் பைக்குகளும் பிஎஸ் VI மாசுக் கட்டுப்பாட்டு விதிமுறைகளுக்கேற்ப மாற்றியமைக்கவேண்டும்’ என்று மத்திய அரசு கெடு விதித்துள்ளது. இதனால், தற்போது அனைத்துத் தயாரிப்பாளர்களும் பிஎஸ் VI இன்ஜின்களை விற்பனைக்குக் கொண்டுவர தொடங்கிவிட்டனர். இதில் முதல் நிறுவனமாக மாருதி, பிஎஸ் VI இன்ஜின்களைக் கொண்டு வந்ததுள்ளது. அதேவேளையில், டீசல் கார்களை விற்பனை செய்யப்போவதில்லை என்ற அறிவிப்பையும் வெளியிட்டுள்ளது. இது மக்களைக் குழப்பும்படியாக இருக்கிறது.

மேற்கண்ட காரணங்களால், புதிய வாகனங்களை வாங்க நினைப்பவர்கள் தங்களின் முடிவைத் தள்ளிவைக்கிறார்கள்!

ரஞ்சித் ரூஸோ