Published:Updated:

வர்த்தகப் போர்... கெமிக்கல் துறையில் ஏற்படும் மாற்றங்கள்!

வர்த்தகப் போர்... கெமிக்கல் துறையில் ஏற்படும் மாற்றங்கள்!
பிரீமியம் ஸ்டோரி
வர்த்தகப் போர்... கெமிக்கல் துறையில் ஏற்படும் மாற்றங்கள்!

வர்த்தகப் போர்... கெமிக்கல் துறையில் ஏற்படும் மாற்றங்கள்!

வர்த்தகப் போர்... கெமிக்கல் துறையில் ஏற்படும் மாற்றங்கள்!

வர்த்தகப் போர்... கெமிக்கல் துறையில் ஏற்படும் மாற்றங்கள்!

Published:Updated:
வர்த்தகப் போர்... கெமிக்கல் துறையில் ஏற்படும் மாற்றங்கள்!
பிரீமியம் ஸ்டோரி
வர்த்தகப் போர்... கெமிக்கல் துறையில் ஏற்படும் மாற்றங்கள்!

சீனாவிலிருந்து இறக்குமதி செய்யப் படும் 200 பில்லியன் டாலர் மதிப்பிலான (இந்திய ரூபாய் மதிப்பின்படி 14 லட்சம் கோடி) பொருள்களுக்கு வரி விதிக்கப்படும் என்கிற அமெரிக்காவின் சமீபத்திய அறிவிப்புக்குப்பிறகு, அமெரிக்க நிறுவனங்களுக்கிடையே அச்சம் ஏற்பட்டுள்ளது. ஏனென்றால், அமெரிக்காவுக்கு இறக்குமதியாகும் பொருள்களில் கணிசமானவை சீனாலிருந்துதான் இறக்குமதி செய்யப்படுகின்றன.

வர்த்தகப் போர்... கெமிக்கல் துறையில் ஏற்படும் மாற்றங்கள்!

ஏறக்குறைய  325 பில்லியன் டாலர் மதிப்பிலான  (இந்திய ரூபாய் மதிப்பின்படி 22.75 லட்சம் கோடி) இறக்குமதிப் பொருள்களுக்கும் விரைவில் வரி விதிக்கப்படும் என அமெரிக்க அதிபர் அறிவித் திருக்கிறார். இதனால் அதிக வரியைச் செலுத்தி இறக்குமதி செய்யும் நிறுவனங்கள், அந்த நிதிச் சுமையைச் சமாளிக்க பொருள்களின் விலையை உயர்த்தும் நிலை உருவாகும்.

டிரம்பின் இந்த அதிரடி நடவடிக்கையால்  அமெரிக்கப் பொருளாதாரம் சுணக்கம் ஏற்பட வாய்ப்பிருக்கிறது. இதுவரை அறிவித்துள்ள வரி விதிப்பின்படி, 62 பில்லியன் டாலர் (இந்திய ரூபாய் மதிப்பின்படி 4.34 லட்சம் கோடி) அளவுக்கு அடுத்த ஆண்டு அமெரிக்கப் பொருளாதாரம் இறக்கம் காணலாம் எனக் கணிக்கப்பட்டுள்ளது. சீனாவிலிருந்து இறக்குமதி செய்யப்படும் அனைத்துப் பொருள்களுக்கும் அமெரிக்க அதிபர் வரிவிதிக்கும்பட்சத்தில், 2020-ம் ஆண்டுவாக்கில் அமெரிக்க மற்றும் உலகப் பொருளாதார வளர்ச்சியில் 0.5% குறைய வாய்ப்பி ருப்பதாகக் கருதப்படுகிறது.

அமெரிக்காவானது, எரிபொருள் மற்றும் பெட்ரோகெமிக்கல் பொருள்கள் ஏற்றுமதியில் முதலிடம் வகிக்கிறது. சீனா உள்பட உலகச் சந்தைக்கு கேசோலின், டீசல், விமானம் மற்றும் கப்பல்களுக்கான எரிபொருள், சோலார் பேனல்கள் தயாரிக்கத் தேவையான பெட்ரோகெமிக்கல்கள் ஆகியவற்றை அமெரிக்கா ஏற்றுமதி செய்கிறது. 

ஒட்டுமொத்த விகடனுக்கும் ஒரே ஷார்ட்கட்!

வர்த்தகப் போர்... கெமிக்கல் துறையில் ஏற்படும் மாற்றங்கள்!

அமெரிக்காவுக்குப் பதிலடி தருகிறமாதிரி சீனாவும் வரிவிதித்தால், அது பொருளாதாரத்தில் மாற்றங்களை ஏற்படுத்தும். இதனால் சீனாவைத் தவிர்த்து, மற்ற நாடுகளுக்கு ஏற்றுமதி செய்ய வேண்டிய கட்டாயத்தில் அமெரிக்கா இருக்கிறது. இதனால் இந்தியா உள்ளிட்ட மற்ற இறக்குமதி செய்யும் நாடுகளுக்குப் பலன் கிடைப்பதற்கான  வாய்ப்பு நிறையவே இருக்கிறது.

இந்தியாவுக்கான வாய்ப்பு


சீனாவானது இதுவரை அமெரிக்காவுக்குச் செய்துவந்த கெமிக்கல் மற்றும் பிளாஸ்டிக் பொருள்களின் ஏற்றுமதி, தற்போதைய வர்த்தகப் போரின் காரணமாக 15 பில்லியன் டாலர்கள் (இந்திய ரூபாய் மதிப்பின் 1.5 லட்சம் கோடி) என்ற அளவிற்குப் பாதிப்பு இருக்கலாம் என்று எதிர்பார்க்கப்படுகிறது. உலக அளவில் கெமிக்கல் துறையின் வளர்ச்சி ஆண்டிற்கு 9 சதவிகிதமாகவும், 2025–ம் ஆண்டில் 304 பில்லியன் டாலர்கள் (இந்திய ரூபாய் மதிப்பு 21.28 லட்சம் கோடி) என்ற இலக்கை நோக்கிச் செல்லவிருப்பதாகவும் கணிக்கப்பட்டுள்ளது. சீனாவின் சந்தைப் பங்களிப்பில் இந்திய நிறுவனங்கள் கால்பதிக்க, இது சரியான சந்தர்ப்பமாகப் பார்க்கப்படுகிறது.

இந்தியாவின் பங்களிப்பு

தற்போதைய பதற்றத்தின் காரணமாக 2018-19-ம் நிதியாண்டின் நான்காவது காலாண்டில் சீனா, இந்தியாவுடனான ஒப்பந்தத்தில் பதப்படுத்தப் பட்ட மீன் உணவு, மீன் எண்ணெய் போன்ற பல்வேறு பொருள்களுக்கு இறக்குமதித் தீர்வை குறைக்க ஒப்புக்கொண்டதன் காரணமாக, நான்காம் காலாண்டில் ஏற்றுமதி 71 சதவிகிதமாக அதிகரித்துள்ளது. (பார்க்க வரைபடம் 1)

வர்த்தகப் போர்... கெமிக்கல் துறையில் ஏற்படும் மாற்றங்கள்!

அமெரிக்கா, ஐரோப்பா மற்றும் பிரிட்டன் உள்ளிட்ட நாடுகளுக்கு சீனா மட்டுமே இதுவரை அதிகம் ஏற்றுமதி செய்துவந்தது. வர்த்தகப் போரின் விளைவாக, இந்தியாவின் பங்களிப்பு வரும் ஆண்டுகளில் அதிகரிக்கும். மேலும், அமெரிக்காவிற்கு, சீனாவின் ஏற்றுமதி குறைவதால் டெக்ஸ்டைல், கார்மென்ட்ஸ், ஜெம்ஸ் மற்றும் ஜுவல்லரி போன்ற துறைகளில் இந்தியா பலன்பெற வாய்ப்புகள் உள்ளன.

கெமிக்கல்ஸ் நிறுவனங்கள் செயல்பாடு 

ஸ்பெஷாலிட்டி கெமிக்கல்ஸ் நிறுவனங்கள் கடந்த சில ஆண்டுகளாக விரிவாக்கத்தில் ஈடுபட்டு முதலீடுகளை அதிகரித்துள்ளன (பார்க்க வரைபடம் 2). உள்நாட்டுத் தேவை அதிகரித்து வருகிற அதேசமயம், வர்த்தகப் போரின் விளைவாக சீனா இழக்க உள்ள ஏற்றுமதி வாய்ப்பினைப்  பெறக்கூடிய  சூழல் இந்தியாவுக்கு அமையக்கூடும் என எதிர்பார்க்கப்படுகிறது.நிதியாண்டு 2019- 20-ல் ரூ.5,000 கோடியாகவும், 2020-21-ல் ரூ.6,500 கோடியாகவும் விரிவாக்கம் செய்ய ஆர்த்தி இண்டஸ்ட்ரீஸ், ஃபைன் ஆர்கானிக் இண்டஸ்ட்ரீஸ், ஹிமாத்ரி கெமிக்கல்ஸ் மற்றும் போதல் கெமிக்கல்ஸ் போன்ற நிறுவனங்கள் திட்டமிட்டுள்ளன.

ஆர்த்தி இண்டஸ்ட்ரீஸ் நிறுவனமானது டாலுயின் டெரிவேட்டிவ் (toluene derivatives) என்னும் கெமிக்கல் பொருள் தயாரிப்பதில் விரிவாக்கம் செய்து, நிறுவனத்தின் அடுத்தகட்ட வளர்ச்சிக்கு வழிவகுப்பதாக அறிவித்துள்ளது.

ஃபைன் ஆர்கானிக் நிறுவனம் தனது உற்பத்தியை இரண்டு மடங்காக, அதாவது 2020-21-ம் நிதியாண்டில் 1,31,000 டன்களாக உயர்த்தத் திட்டமிட்டுள்ளது. ஹிமாத்ரி ஸ்பெஷாலிட்டி கெமிக்கல்ஸ் நிறுவனம் அலுமினியம் சார்ந்த நிறுவனங்களுக்குத் தேவையான கோல் தார் (coal tar) தயாரிப்பில் ஈடுபட்டுவந்தாலும், நிதியாண்டு 2020-21-ல் 20,000 டன்கள் வரை மதிப்புக்கூட்டுப் பொருளாக ஸ்பெஷாலிட்டி கார்பன் பிளாக் தயாரிக்க இலக்கு நிர்ணயம் செய்துள்ளது. போதல் கெமிக்கல்ஸ் தனது டைஸ்டஃப் மற்றும் தியோநில் குளோரைடு (dyestuff and thionyl chloride) தயாரிப்பில், ஒருங்கிணைந்த கூட்டுப் பொருள் களை அறிமுகப்படுத்த கவனத்தைச் செலுத்த விருப்பதாக அறிவித்துள்ளது.

கடந்த இரண்டு ஆண்டுகளில், ஸ்பெஷாலிட்டி நிறுவனங்களின் விற்பனை மற்றும் நிகர லாபம் படிப்படியாக அதிகரித்துள்ளதை வரைபடம் 3 உணர்த்துகிறது. மேலும், அரசாங்கமும் ஸ்பெஷா லிட்டி கெமிக்கல் துறையில் 100% வரை வெளிநாட்டு முதலீடுகளை ஈர்க்கும்விதமாக அனுமதி அளித்துள்ளது.

உலக அளவில் எதிர்மறையான நிகழ்வுகள் நடந்தாலும் சில துறைகளைச் சார்ந்த முதலீட்டாளர்களுக்குச் சாதகமான விளைவுகள் ஏற்படவிருப்பதைக் கவனத்தில்கொண்டு செயல்பட்டால், நல்ல லாபம் பார்க்க முடியும்!

ஷியாம் சுந்தர், கமாடிட்டி சந்தை நிபுணர்

வர்த்தகப் போரின் சாதக, பாதகங்கள்!

சா
தகங்கள்: அமெரிக்கா தனது இறக்குமதியைக் குறைக்க முயல்வதால், உள்நாட்டுத் தேவை அதிகரிக்கிறது. காப்பர் மற்றும் அலுமினியத்தின்மீது இறக்குமதி வரியை அமெரிக்கா உயர்த்தும்போது, உள்நாட்டில் அந்த உலோகங்களின் விலைகள் அதிகரிக்கின்றன. உள்நாட்டு நிறுவனங்கள், இந்த உலோகங்களைப் பயன்படுத்தும் தொழில் நிறுவனங்களுக்குப் பாதிப்பினை உண்டாக்குகின்றன. அதேசமயம், உலக அளவில் சப்ளை அதிகரிப்பதால், உலோகங்களின் விலை அதிகரிக்க வாய்ப்பில்லை. உள்நாட்டில் உற்பத்தியை அதிகரிக்கச் செய்வதால் அமெரிக்க நிறுவனங்கள் சந்தைப் போட்டியை எளிதாகச் சமாளிக்க முடியும் என்கிற நம்பிக்கை அதிகரிக்கச் செய்வது, இறக்குமதி செய்யும் நாடுகளுடன் உள்ள வர்த்தகப் பற்றாக்குறையைக் குறைக்க முயல்வது போன்றவற்றின்மூலம் வேலைவாய்ப்புகள் பெருகி நுகர்வோர் செலவினங்கள் அதிகரிக்கும் என அனைத்துத் தரப்பு விஷயங்களையும் கருத்தில்கொண்டு அமெரிக்க அரசாங்கம் இறக்குமதியைக் குறைக்கும் நடவடிக்கையை மேற்கொண்டு வருகிறது.

பாதகங்கள்: விலை உயர்வின் காரணமாக பணவீக்கம் அதிகரிக்க வாய்ப்புண்டு. போட்டியின்மை காரணமாக, நுகர்வோருக்கு சாய்ஸ் இல்லாமல் போவதால் பொருளாதார நடவடிக்கைகளில் சுணக்கம் ஏற்படச் சாத்தியக் கூறுகள் அதிகம். மூலப்பொருள்களின் விலையேற்றத்தால், நிறுவனங்களின் லாப சதவிகிதம் குறைவதற்கு இடமுண்டு. வெளிநாடுகளுடனான உறவில் கருத்தொற்றுமை இல்லாமல்போகும்.