Published:Updated:

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

நிஃப்டி
பிரீமியம் ஸ்டோரி
நிஃப்டி

தங்களது முதலீடுகளை ஏற்கெனவே எஸ்.ஐ.பி மூலம் முதலீடு செய்யும் முதலீட்டாளர்கள் அதைத் தாராளமாகத் தொடரலாம்.

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

தங்களது முதலீடுகளை ஏற்கெனவே எஸ்.ஐ.பி மூலம் முதலீடு செய்யும் முதலீட்டாளர்கள் அதைத் தாராளமாகத் தொடரலாம்.

Published:Updated:
நிஃப்டி
பிரீமியம் ஸ்டோரி
நிஃப்டி
டந்த மார்ச் மாதம் கோவிட்-19 தொற்றுநோய் பரவலை அறிவித்த பிறகு நிஃப்டி 50 குறியீடு ஒவ்வொரு நாளும் குறைந்தது. மேலும், ஊரடங்கு அறிவித்த பிறகு, மார்ச் மாதம் 23-ம் தேதி நிஃப்டி மிகவும் குறைந்து 7610 புள்ளிக்குச் சென்றது. அன்றைய தினத்தில் நிஃப்டி 50-யின் பி.இ மிகவும் குறைந்து 17.15-ல் இருந்தது. இந்த நிலையில், நிஃப்டி 50 கடந்த நான்கு மாதங்களில் 46% வருமானம் கொடுத்துள்ளது.
உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

நிஃப்டியின் போக்கு ஏப்ரல் மாதத்தில் சற்று மேலும்கீழும் இருந்தாலும், ஜூன் மாதத்துக்குப் பிறகு, மத்திய அரசு அன்லாக் அறிவித்த பிறகு ஏற்றம் காண ஆரம்பித்து, கடந்த ஜூலை 31 அன்று உச்சநிலைக்குச் சென்றது. கடந்த 31 ஜூலை அன்று நிஃப்டி 11073 லெவலைத் தொட்டது. மேலும், நிஃப்டி 50-யின் பி.இ 30.2-ல் இருந்தது. இது கடந்த 20 ஆண்டுகளில் முதல்முறையாக நிகழ்ந்துள்ளது. இதற்கு என்ன காரணம்?

ஒட்டுமொத்த விகடனுக்கும் ஒரே ஷார்ட்கட்!

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

எஃப்.ஐ.ஐ-கள் வெளியேற்றம்; டி.ஐ.ஐ-கள் முதலீடு..!

பொதுவாக, அந்நிய நிறுவன முதலீட்டாளர்களின் (எஃப்.ஐ.ஐ) முதலீடு அல்லது இந்தியாவில் உள்ள மியூச்சுவல் ஃபண்ட் நிறுவனங்களின் பங்குச் சந்தை சார்ந்த முதலீடுகள் அதிகமாக இருக்கும்போது நிஃப்டியின் புள்ளிகள் அதிகமாவதுடன் நிஃப்டியின் பி.இ மதிப்பும் அதிகமாகும். ஆனால், இந்த ஆண்டைப் பொறுத்தவரை, கடந்த மார்ச் மாதம் மட்டும் அந்நிய முதலீட்டாளர்கள் இந்திய பங்குச் சந்தையிலிருந்து ரூ.61,972 கோடி மதிப்புள்ள பங்குகளை விற்றுள்ளனர். (பார்க்க அட்டவணை-2)

ஆதாரம் : பி.எஸ்.சி மற்றும் ஏ.எம்.எஃப்.ஐ
ஆதாரம் : பி.எஸ்.சி மற்றும் ஏ.எம்.எஃப்.ஐ

எஃப்.ஐ.ஐ பங்குகளை விற்றாலும், கடந்த ஐந்து மாதங்களில் மியூச்சுவல் ஃபண்ட் நிறுவனங்கள் நிறையவே முதலீடு செய்திருப்பதையே அட்டவணை-2 எடுத்துச் சொல்கிறது.

நிஃப்டி பி.இ உயர்வுக்கான காரணங்கள்!

மார்ச் மற்றும் ஏப்ரல் மாதத்தில் முக்கிய முன்னணி நிறுவனப் பங்குகளின் விலை கணிசமாகக் குறைந்தபோது, ஒரு சில நிறுவனங்களின் உயர்மட்ட அதிகாரிகள், இயக்குநர்கள், அந்த நிறுவனத்தின் பங்குகளை வாங்க ஆரம்பித்தனர். இதை அறிந்த செபி (SEBI) சில கட்டுப்பாடுகளைக் கொண்டுவந்தது. இதன்படி நிறுவனத்தில் வேலை செய்பவர்களோ, நிறுவனத்தின் இயக்குநர்களோ அந்த நிறுவனத்தின் பங்குகளை வாங்க ஒரு குறிப்பிட்ட காலம் வரை தடை விதித்தது. ஆகவே, அந்நிய முதலீட்டாளர்கள், மியூச்சுவல் ஃபண்ட் நிறுவனங்கள், நிறுவனத்தின் இயக்குநர்கள் இந்தக் காலகட்டத்தில் வாங்கியதைத் தக்கவைப்பதில் மட்டுமே கவனம் செலுத்திய நிலையில் சிறு முதலீட்டாளர்கள் அதிக அளவில் பங்குகளை வாங்கினார்கள்.

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

ஊரடங்கு அறிவித்த இரண்டு மாதங்களில் மட்டும் 12 லட்சம் டீமேட் கணக்குகள் புதிதாகத் தொடங்கப்பட்டுள்ளன. இதுவே ஏப்ரல் 2019 முதல் ஃபிப்ரவரி 2020 முதல் தொடங்கப்பட்ட டீமேட் 4.5 லட்சமாக இருந்தது கவனிக்கத்தக்கது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்தியப் பொருளாதாரம் மற்றும் உள்நாட்டு உற்பத்தி!

கடந்த வாரம் ரிசர்வ் வங்கி கவர்னர் சக்திகந்த தாஸ், இந்தியப் பங்குச் சந்தையின் எழுச்சிக்கும் உண்மையான பொருளாதரத்தின் நிலைக்கும் மிகப்பெரிய இடைவெளி உள்ளதாகவும், உலகளாவிய மத்திய வங்கிகள் ஆறு ட்ரில்லியன் டாலர் அளவுக்கும் அதிகமாக நிதிச்சந்தையில் செலுத்தியுள்ளதாகவும், மேலும், பொருளாதரத்தில் வளர்ந்த நாடுகள் அந்த நாட்டின் வட்டி விகிதத்தை 0% அளவுக்குக் குறைத்து பணப்புழக்கத்தை அதிகமாக்கி உள்ளதையும் மேற்கோள் காட்டியுள்ளார்.

நிஃப்டி
நிஃப்டி

பங்குச் சந்தை இறங்குமா?

இந்தவிதமான சூழ்நிலையில் இந்தியா மற்றும் சில வளர்ந்த நாடுகளின் பங்குச் சந்தையின் மதிப்பு எழுச்சி கண்டுள்ளதையும் குறிப்பிட்டு, தற்போதுள்ள பங்குச் சந்தையில் இறக்கம் காண வாய்ப்புள்ளதாகவும், இது எப்போது நடக்கும் எனக் கூற முடியாது என்றும் குறிப்பிட்டுள்ளார். மேலும், பங்குச் சந்தையை நிதித்துறை கண்காணித்து வருவதாகவும், இதன் ஸ்திரத்தன்மையை நிலைநிறுத்த தக்கசமயத்தில் நடவடிக்கை எடுப்பதாகவும் குறிப்பிட்டுள்ளார்.

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

சில பங்குத் தரகு மதிப்பீட்டு நிறுவனங்கள், பங்குச் சந்தை ஆய்வாளர்கள், இந்திய நாட்டின் மொத்த உற்பத்தி 2020-21-ம் நிதியாண்டின் முதல் காலாண்டில் ஊரடங்கு நடைமுறைக்கு உட்பட்ட நிலையில் 20% வரை குறைய வாய்ப்புள்ளதாகக் கணித்தனர்.

ஆனால், எதிர்பார்த்தைதைவிட மிக அதிகமாகவே அதாவது, 23.9% என்ற அளவுக்கு நமது ஜி.டி.பி வீழ்ச்சி கண்டுள்ளது. இந்தச் செய்தி பங்குச் சந்தைக்கு நிச்சயம் நல்ல செய்தி அல்ல. இது தவிர, ஆகஸ்ட் 31-ம் தேதியோடு முடிவடையும் கடன் மாதத் தவணையைத் திரும்பச் செலுத்தும் சலுகை வங்கிகளின் வாராக்கடனின் உண்மை நிலையை எடுத்துரைக்கும். வங்கிகளின் வாராக்கடன் அதிகமாவதும் பங்குச் சந்தையின் வளர்ச்சிக்கு ஒரு தடைக்கல்லாகவே இருக்கும் என்று எதிர்பார்க்கலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

நிஃப்டியின் பி.இ எப்படி?

கடந்த 20 ஆண்டுகளின் நிஃப்டியின் பி/இ மற்றும் அதன் 3 ஆண்டுக்கால சுழற்சிமுறை வருமானம் அட்டவணை 3-ல் குறிப்பிடப் பட்டுள்ளது. (பார்க்க அட்டவணை-3 - இந்த அட்டவணை 1998 முதல் 2018 வரையிலான நிஃப்டியின் தகவலின்படி எடுக்கப்பட்டது)

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

அட்டவணை 3-லிருந்து பி.இ குறியீட்டின் முக்கியத்துவத்தை நாம் தெரிந்துகொள்ளலாம். பி.இ-யின் மதிப்பு குறைந்திருக்கும் காலத்தில் முதலீடு செய்யும்பட்சத்தில் மூன்று ஆண்டு கால அடிப்படையில் நிஃப்டியின் வருமானம் அதிகமாகவும் நிஃப்டியின் பி.இ மதிப்பு அதிகமாக இருக்கும்பட்சத்தில் நிஃப்டியின் மூன்று ஆண்டுக்கால வருமானம் குறைவாகவும் காணப்படுகிறது.

முதலீட்டாளர்கள் பங்குச் சந்தையில் முதலீடு செய்யும்போது, நிஃப்டியின் பி.இ மதிப்பை ஒரு வழிகாட்டியாகப் பயன் படுத்துவார்கள். ஆனாலும், நிஃப்டியின் பி.இ மதிப்பை வைத்து மட்டும் முதலீட்டு முடிவுகளை எடுப்பது ஒரு சிறந்த முறை அல்ல.

கீழே கொடுக்கப்பட்டுள்ள வரைபடத்தில் நிஃடியின் பி.இ மதிப்பும் நிஃப்டியின் போக்கும் பயன்படுத்தப்பட்டுள்ளது. நிஃப்டியின் பி.இ மதிப்பு 28-க்கும் மேலே செல்லும் போதெல்லாம் ஒரு பெரிய அளவில் நிஃப்டியில் சரிவு ஏற்பட்டுள்ளது குறிப்பிடத்தக்கது. ஒவ்வொரு முறையும் நிஃப்டியின் பி.இ 28-க்கும் மேலே செல்லும்போதெல்லாம் நிஃப்டியில் 30 சதவிகி தத்துக்கும் மேல் சரிவு ஏற்பட்டதை இந்த வரைபடம் மூலம் தெரிந்துகொள்ளலாம்.

பங்குச் சந்தை சார்ந்த முதலீட்டாளர்கள் என்ன செய்யலாம்?

பங்குச் சந்தையைப் பொறுத்தவரை, ஏற்ற இறக்கங்கள் என்பது தவிர்க்க முடியாதது. மேலும், நிஃப்டியின் குறியீடு ஒரு பங்குச் சந்தையின் போக்கைச் சொல்லும் ஓர் அடையாளக் குறியீடு மட்டுமே. தனிப்பட்ட நிறுவனப் பங்குகளின் ஏற்ற இறக்கம் என்பது அந்த நிறுவனத்தின் லாப நஷ்டங்களைப் பொறுத்தே அமையும்.

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

மேலும், நிஃப்டியின் பி/இ மதிப்பை வைத்து முதலீடு செய்வதும், வெளியேறுவதும் மிகவும் கடினம். சிறு முதலீட்டாளர்கள் தாங்கள் வாங்கிய பங்குகளின் நிறுவனம் எந்தத் துறையில் உள்ளது, மேலும், அந்த நிறுவனத்தின் வருமானம், செலவுகள் மற்றும் எவ்வளவு கடன் வைத்திருக்கிறது என்று அறிந்து, அந்த நிறுவனத்தின் பங்குகளை வைத்திருப்பதா, விற்பதா என்ற முடிவுக்கு வர வேண்டும்.

இத்தகைய தருணங்களில், சிறந்த நிறுவனம், பெரிய நிறுவனத்தின் பங்குகளில் முதலீடு செய்திருக்கும்பட்சத்தில், அந்தப் பங்குகளின் விலை குறையும்போது மீண்டும் வாங்கி பங்கின் சராசரி விலையைக் குறைக்கலாம். இதுவே, நிறுவனம் சார்ந்ததுறை, சரியாக இயங்காத நிறுவனத்தின் பங்குகளை விட்டு வெளியேறுவது மிகவும் நல்லது.

இது தவிர, சிறு முதலீட்டாளர்கள் தாங்கள் முதலீடு செய்த பணம் அடுத்த 3 முதல் 5 ஆண்டுகளுக்குத் தேவையில்லை என்ற பட்சத்தில் தங்களின் முதலீடுகளை வைத்துக் கொள்வது நல்லது. குறுகியகாலத்தில் தேவை என்றபட்சத்தில் பங்குகளை விட்டு வெளியேறுவது நல்லது. மேலும், பங்குச் சந்தையில் ரூ.100 முதலீடு செய்ய விரும்பினால் அனைத்துப் பணத்தையும் மொத்தமாக முதலீடு செய்யாமல், 20 - 30% வரை கையில் வைத்துக்கொண்டு மீதமுள்ள 70 - 80% வரை முதலீடு செய்துவிட்டு பங்குகள் குறையும் தருவாயில் மீண்டும் வாங்கி, பங்குகளின் வாங்கும் மதிப்பைக் குறைப்பது நல்லது.

ஈக்விட்டி மியூச்சுவல் ஃபண்ட் முதலீட்டாளர்கள் என்ன செய்யலாம்?

ஈக்விட்டி மியூச்சுவல் ஃபண்ட் முதலீட்டைப் பொறுத்தவரை, மியூச்சுவல் ஃபண்டின் நிதி மேலாளர் பங்குகளை வாங்கவும் விற்கவும் முடிவு செய்வதால், முதலீட்டாளர்கள் ஒரு நல்ல நிதி மேலாளர் மற்றும், சொத்து ஒதுக்கீட்டு முறையைப் பயன்படுத்தி முதலீடு செய்வது மிகவும் நல்லது.

உச்சத்தில் நிஃப்டி பி.இ... முதலீட்டு முடிவுகளை எப்படி எடுப்பது? - முதலீட்டாளர்களுக்கான வழிகாட்டல்

புதிதாக முதலீடு செய்பவர்கள் குறைந்தது 5 வருட காலம் வரை தங்களுக்கு பணம் தேவையில்லை என்கிறபட்சத்தில் பங்குச் சந்தை சார்ந்த முதலீடுகளை மேற்கொள்வது நல்லது. மொத்தத் தொகையை ஈக்விட்டி ஃபண்டுகளில் முதலீடு செய்வதை இந்த நேரத்தில் தவிர்த்து, தங்களுடைய முதலீட்டை ஒரு கடன் சார்ந்த லிக்விட் அல்லது மணி மார்க்கெட் திட்டத்தில் முதலீடு செய்து அடுத்த 24 வாரங்களுக்கு வாராந்தர முதலீட்டுத் தொகையாகச் செய்யலாம்.

தங்களது முதலீடுகளை ஏற்கெனவே எஸ்.ஐ.பி மூலம் முதலீடு செய்யும் முதலீட்டாளர்கள் அதைத் தாராளமாகத் தொடரலாம்.

ஏற்கெனவே முதலீடு செய்துள்ள முதலீட்டாளர்கள் தங்களுடைய போர்ட் ஃபோலியோவை மறுஆய்வு செய்து சிறப்பாக நிர்வாகிக்கப்படும் திட்டத்தை வைத்துக் கொண்டு, சிறப்பில்லாத திட்டத்தை விட்டு வெளியேறுவது நல்லது.

அஸெட் அலோகேஷன் முறைப்படி முதலீடு செய்வது மிகவும் நல்லது. உதாரணத்துக்கு, ஒரு முதலீட்டாளர் 70% பங்குச் சந்தை சார்ந்த மியூச்சுவல் ஃபண்டிலும் 30% கடன் சார்ந்த மியூச்சுவல் ஃபண்டிலும் முதலீடு செய்திருக்கும்பட்சத்தில், கடந்த நான்கு மாதங்களில் பங்குச் சந்தை சார்ந்த மியூச்சுவல் ஃபண்ட் அதிகபட்ச வருமானத்தைக் கொடுத்திருக்கும். தற்போது, 80% பங்குச் சந்தை சார்ந்த முதலீடாகவும், 20% கடன் சார்ந்த முதலீடாகவும் இருக்கும்பட்சத்தில், 10% பங்குச் சந்தை சார்ந்த முதலீட்டிலிருந்து வெளியேறி கடன் சார்ந்த முதலீட்டுக்குச் செல்வது நல்லது.

ஆகவே, நிஃப்டியின் போக்கு மற்றும் அதன் பி.இ மதிப்பை மட்டும் வைத்து முதலீட்டு முடிவுகளை எடுப்பது மிகவும் கடினம். ஒவ்வொருவரின் தேவைகளை அறிந்து நீண்டகாலத் தேவைகளுக்கு பங்குச் சந்தை சார்ந்த மியூச்சுவல் ஃபண்டிலும், குறுகிய கால தேவைகளுக்குக் கடன் சார்ந்த மியூச்சுவல் ஃபண்டிலும் முதலீடு செய்வது நல்லது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism