(NSE SYMBOL: BATAINDIA)
காலணிகள் உற்பத்தி மற்றும் விற்பனையில் முன்னணியில் இருக்கும் பாட்டா நிறுவனத்தைத்தான் இந்த வாரம் நாம் டிராக்கிங் பகுதியில் அலசி ஆராயப்போகிறோம்.
நிறுவனத்தின் வரலாறு
1931-ம் ஆண்டில் பாட்டா ஷூ கம்பெனி பிரைவேட் லிமிடெட் என்ற பெயரில் ஆரம்பிக்கப்பட்ட இந்த நிறுவனம், கொல்கத்தாவில் பதிவு அலுவலகத்தையும் குருகிராமில் கார்ப்பரேட் அலுவலகத்தையும் கொண்டு செயல்படுகிறது. கொல்கத்தாவுக்கு அருகேயுள்ள கொன்னகர் எனும் இடத்தில் 1932-ம் ஆண்டில் ஒரு சிறு உற்பத்தி வசதியுடன் தொடங்கப் பட்டது இந்த நிறுவனம். 1934-ம் ஆண்டு ஜனவரி மாதத்தில் இந்த நிறுவனத்தின் உற்பத்தி மையத்துக்கு (இன்றைக்கு பாட்டாவின் உற்பத்தி மையமாக அறியப்படும்) அடிக்கல் நாட்டப்பட்டது. நாளடைவில் இந்த நிறுவனத்தின் உற்பத்தி மையத்தின் அளவு இரண்டு மடங்காக உயர்ந்தது. இந்த டவுன்ஷிப் இன்றைக்கு பாட்டா நகர் என்ற பெயரில் அழைக்கப்படுகிறது. இந்திய அளவில் காலணி உற்பத்திக்கான உற்பத்தி மையங்களில் ஐ.எஸ்.ஓ:9001 தரச்சான்றைப் பெற்ற முதல் உற்பத்தி மையமாகும்.
நிறுவனத்தின் வளர்ச்சி
1973-ம் ஆண்டில் இந்த நிறுவனம் ஒரு பப்ளிக் லிமிடெட் நிறுவனமாக மாற்றப்பட்டது. இதனால் இந்த நிறுவனத்தின் பெயர் பாட்டா இந்தியா லிமிடெட் என்று மாற்றப்பட்டு பொதுப் பங்குகளை வெளியிட்டது. இன்றைக்கு பாட்டா இந்தியா நிறுவனம், இந்தியாவின் மிகப்பெரிய காலணிகள் தயாரிப்பு மற்றும் ரீடெயில் விற்பனை நிறுவனமாக உருவெடுத்திருப்பது குறிப்பிடத்தக்கது. இந்திய அளவில் நான்கு முக்கிய இடங்களில் (இந்திய அளவில் தயாரிப்புகளை விநியோகம் செய்வதற்கு வசதியாக) அதிநவீன தொழில்நுட்பத்துடன் கூடிய உற்பத்தி மையங்கள் இந்த நிறுவனத்துக்கு உள்ளன. மேலும், உற்பத்தி செய்த காலணிகளை விற்பனை செய்வதற்காக இந்திய அளவில் 1,558 ரீடெயில் ஸ்டோர்களை (மார்ச் 2020 இறுதியில் உள்ள கணக்கீட்டின்படி, ஃப்ரான்சைஸ் ஸ்டோர்களையும் உள்ளடக்கிய எண்ணிக்கை) இந்த நிறுவனம் கொண்டுள்ளது.
நிறுவனத்தின் சிறப்பம்சங்கள்
பல பத்தாண்டுகளாக வாடிக்கையாளர்களின் தேவை மற்றும் மாறிவரும் ரசனைக்கேற்ப பல்வேறு புதிய டிசைன்களில் காலணிகளைத் தொடர்ந்து அறிமுகப்படுத்தி வருவதன் மூலம் காலணி தயாரிப்பில் முன்னணி நிறுவனமாக இந்த நிறுவனம் செயல்பட்டுவருகிறது.
வாடிக்கையாளர்களின் ரசனை மாற்றம் குறித்த தெளிவான புரிந்துகொள்ளல், அதற்கேற்ற புத்தம் புது டிசைன்கள் மற்றும் தயாரிப்புகளை வழங்குதல், இந்திய அளவில் மிகப்பெரிய டீலர்களின் நெட்வொர்க், இந்த நெட்வொர்க்கின் மூலம் பல பத்தாண்டுகளாகக் கிடைத்துள்ள வலுவான வாடிக்கையாளர்கள், அவர்களின் மனதில் நிலைத்திருக்கும் பிராண்ட் என்பவையே இந்த நிறுவனத்தின் தனிச்சிறப்பு என்கிறது இந்த நிறுவனம். காலணிகள் உற்பத்தித்துறையில் குறைந்த பொருள்செலவு, தரம், மனதைக் கவரும்வண்ணம் காலணிகளை வடிவமைத்தல், புதுப்புது நூதன டிசைன்களைத் தொடர்ந்து அறிமுகம் செய்தல் போன்றவற்றைத் தொடர்ந்து நடைமுறைப்படுத்தி வருகிறது இந்த நிறுவனம்.
உள்நாட்டு மற்றும் உலக அளவிலான ஃபேஷன் டிரெண்டுக்கு ஏற்றாற்போல் காலணிகளைத் தொடர்ந்து வடிவமைத்து அறிமுகப்படுத்தி வரும் இந்த நிறுவனம், 2019-20-ம் நிதியாண்டின் இறுதியில் இருந்த கணக்கின்படி, இந்திய அளவில் 3.23 மில்லியன் ரீடெயில் வர்த்தகத்துக்கான 1,558 ரீடெயில் ஷோரூம்களுடனும், 9,762 பணியாளர்களுடனும் வெற்றிகரமாகச் செயல்பட்டுவருகிறது. ஆண்டொன்றுக்கு கிட்டத்தட்ட 21 மில்லியன் ஜோடி அளவிலான காலணிகள் உற்பத்தித் திறனைக் கொண்டிருக்கும் இந்த நிறுவனம், கடந்த நிதியாண்டில் மட்டும் கிட்டத்தட்ட 49.39 மில்லியன் ஜோடி காலணிகளை விற்பனை செய்து கிட்டத்தட்ட ரூ.30,534 மில்லியன் அளவிலான விற்றுவரவு என்ற இலக்கைத் தொட்டிருக்கிறது.
இளைஞர்கள் டார்கெட்.
இளைஞர்களுக்கான காலணிகள் பிரிவில் ‘மில்லென்னியல்’ கால இளைஞர்களைக் கருத்தில்கொண்டு செயல்பட்டுவரும் இந்த நிறுவனம், இளைய வாடிக்கையாளர்களின் மனதை நன்கு புரிந்துகொண்டு செயல்பட்டு வருவதாகச் சொல்கிறது. வேலைக்குச் செல்லும் பெண்கள், குழந்தைகள் மற்றும் இளைஞர்களுக்கான காலணித் தேவைகள் அதிகரித்துக்கொண்டே போக வாய்ப்பிருப் பதால், வியாபாரத்துக்கான வாய்ப்புகளுக்குக் குறைவிருக்காது. கடந்த பல வருடங்களாக இந்திய காலணிகளின் சந்தை மதிப்பு கணிசமாக அதிகரித்துக்கொண்டே வருகிறது. இன்னும் சில ஆண்டுகளுக்கு இந்த அதிகரித்தல் என்னும் நிலை தொடரும் என எதிர்பார்க்கலாம்.
அதிவேகமான நகரமயமாகுதல் மற்றும் அதிகரித்துவரும் தனிநபர் வருமானம் போன்றவையாலும் காலணிகளில் ஃபேஷன் மற்றும் டிரெண்ட் உருவாக்கப்பட்டு விற்பனை செய்யப்படும் காலணிகளுக்கான சந்தையின் மதிப்பு கூடுதலுக்கான வழிவகையைச் செய்து வருகின்றன. கோவிட்-19 பாதிப்பால் தற்காலிகமாக இந்தச் சந்தையின் வளர்ச்சி அளவீடு பாதிக்கப்படும் (வீட்டிலிருந்தே வேலை போன்ற காரணங்களால்) என்றும் எதிர்பார்க்கலாம். இதனால் வாடிக்கையாளர் களின் காலணிகள் தேர்வு செய்யும் நடை முறைகள் மாற வாய்ப்புள்ளது.
மேலும், வாடிக்கையாளர்கள் ரீடெயில் ஸ்டோர்களுக்குச் சென்று காலணிகளை வாங்க விரும்பும் நிலையும் குறைய வாய்ப்புள்ளது என்பதை உணர்ந்த இந்த நிறுவனம், 1,300-க்கும் மேற்பட்ட நகரங்களில் வீடுகளுக்கே டெலிவரி கொடுக்கும் வண்ணம் வர்த்தக முறையை உருவாக்கும் முயற்சிகளில் ஈடுபட்டுள்ளது. 900-க்கும் மேற்பட்ட ஸ்டோர் களில் வாடிக்கையாளர்கள் வாட்ஸ்அப் சாட் மூலம் காலணிகளைத் தேர்வு செய்து வீட்டுக்கே டெலிவரி செய்துகொள்ளும் வசதியையும் உருவாக்கும் முயற்சிகளில் ஈடுபட்டு வருவது குறிப்பிடத்தக்கதாகும்.
Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.
ரிஸ்க்குகள் ஏதும் உண்டா?
வளர்ந்துவரும் தனிநபர் வருமானம், இளைஞர்களின் எண்ணிக்கை, வேலைக்குச் செல்லும் நபர்களின் எண்ணிக்கை அதிகரிப்பு போன்றவை இது மாதிரியான காலணி உற்பத்தி நிறுவனங்களுக்குச் சாதகமாக இருந்தாலும் ஓரளவுக்குப் பொருளாதார வளர்ச்சி என்பதை சார்ந்து இயங்கும் துறை இதுவாகும். எனவே, ஏதாவது, ஒரு காரணத்தால் பொருளாதார வளர்ச்சி எதிர்பார்த்த அளவில் இல்லாது போனாலோ, தேக்கநிலையைச் சந்தித்தாலோ அது இந்த நிறுவனத்தின் செயல்பாட்டில் பாதிப்பை ஏற்படுத்த வாய்ப்புள்ளது என்பதை முதலீட்டாளர்கள் மனதில் கொள்ள வேண்டும். தொடர்ந்து மாறிவரும் ஃபேஷன் மற்றும் வாடிக்கையாளர்களின் ரசனை, போட்டி நிறுவனங்கள் அதிக அளவில் வாடிக்கை யாளரைக் கவருதல், மூலப்பொருள்கள் விலை அதிகரிப்பு, அரசாங்க கொள்கை முடிவுகள் போன்றவையும் இந்த நிறுவனத்துக்கான ரிஸ்க்குகளே.
ரிஸ்க்குகள் பல இருக்கின்றபோதிலும் நீண்ட தொழில் அனுபவத்தையும் வாடிக்கை யாளர்கள் மத்தியில் மிகுந்த நன்மதிப்பையும் பெற்றிருக்கும் இந்த நிறுவனத்தின் பங்குகளை சந்தை ஏதாவது ஒரு காரணத்தால் நல்லதொரு வீழ்ச்சியைச் சந்திக்கும்போது வரும் கணிச மானதொரு விலை இறக்கத்தில் மட்டும் கொஞ்சம் அதிக அளவிலான ரிஸ்க் எடுக்கும் திறன் கொண்ட முதலீட்டாளர்கள் மட்டும் மிகவும் குறைந்த எண்ணிக்கையில் வாங்கலாம். வாங்கி, தங்களுடைய ஐந்து ஆண்டுகளுக்கும் மேலான காலகட்டத்துக்கான போர்ட் ஃபோலியோவில் சேர்த்துக்கொள்ள டிராக் செய்யலாம்.
ஏற்கெனவே இந்த நிறுவனம் செயல்படும் துறையில் ஈடுபட்டுள்ள நிறுவனங்களின் பங்குகளை அதிகம் கொண்டிருக்கும் போர்ட்ஃபோலியோவை வைத்திருக்கும் முதலீட்டாளர்களும், பங்கை வாங்கியபின்னால் தாங்களாகவே இந்த நிறுவனம் மற்றும் அது செயல்படும் துறை என்ற இரண்டையும் டிராக் செய்துகொள்ள முடியாத முதலீட்டாளர்களும் இந்தப் பங்கைத் தவிர்ப்பதே நல்லது.
This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.
Analyst Certification and Disclosures under the provisions of SEBI (Research Analysts) Regulations 2014
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.
Disclosure of Interest Statement
1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.
General terms and conditions of the research report
For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.
One-year Price history of the daily closing price of the securities covered in this report is available in the following URL (https://www.nseindia.com/get-quotes/equity?symbol= BATAINDIA #info-historicaldata) – in this URL select historical data and then click on 1Y and click Filter to get one year price of the stock.