Published:Updated:

போனஸ் பங்கு... பங்கு பிரிப்பு... என்ன வித்தியாசம்? - ஒரு வழிகாட்டல்

போனஸ் பங்கு
பிரீமியம் ஸ்டோரி
News
போனஸ் பங்கு

ஒரு பங்கு நிறுவனம் சம்பாதிக்கும் லாபத்தைத்தான் முதலீடு செய்தவர்களுக்கு போனஸ் பங்காகத் தருகிறது!

ங்குச் சந்தை முதலீட்டாளர்களில் பலர் போனஸ் பங்குகளையும் (Bonus shares) மற்றும் பங்கு பிரிப்பையும் (Stock split) தவறாகப் புரிந்துகொண்டு குழப்பிக்கொள்கிறார்கள். இந்த இரண்டுக்கும் இடையே தெளிவான வித்தியாசங்கள் உண்டு. இந்த வித்தியாசங்களை நன்கு புரிந்துகொண்டு முதலீட்டு முடிவை எடுப்பது நல்லது.
போனஸ் பங்கு... பங்கு பிரிப்பு... என்ன வித்தியாசம்? - ஒரு வழிகாட்டல்

போனஸ் பங்குகள்...

ஒரு நிறுவனப் பங்கில் முதலீடு செய்திருக்கும் முதலீட்டாளருக்கு, பங்குதாரருக்கு இலவசமாகக் கூடுதல் பங்குகள் வழங்குவதுதான் போனஸ் பங்குகள் எனப்படும். போனஸ் பங்குகளை வழங்குவது பங்குதாரர்களுக்கு நிறுவனத்தின் லாபத்தை விநியோகிப்பதற்கான ஒரு வழியாகும். இது டிவிடெண்ட் வடிவத்தில் வழங்கப்படாமல் போனஸ் பங்குகளாக இலவசமாக வழங்கப்படுகிறது. போனஸ் வெளியீட்டின்மூலம் மூலதனம் (capital), வருவாய்க் கணக்கிலிருந்து அளிக்கப்பட்ட பங்கு மூலதனக் கணக்குக்கு (paid up capital account) மாற்றப்படுகிறது.

ஒருவர் ஒரு நிறுவனத்தின் 10 பங்குகளை வைத்திருக்கிறார் என வைத்துக்கொள்வோம். அந்த நிறுவனம் 4:1 போனஸ் பங்குகளை அறிவிக்கிறது எனில், அவர் வைத்திருக்கும் ஒவ்வொரு பங்குக்கும் நான்கு பங்குகளை போனஸாகப் பெறுவார். ஏற்கெனவே, 10 பங்குகள் வைத்திருக்கும் ஒருவருக்கு 40 பங்குகள் சேர்ந்து அவரது மொத்தப் பங்குகளின் எண்ணிக்கை 50 ஆக அதிகரிக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

சம்பாதித்த லாபத்தை முதலீட்டாளர்களுக்கு...

ஒரு நிறுவனம் சம்பாதித்த லாபத்தை டிவிடெண்டாக வழங்குவதற்குப் பதிலாக போனஸ் பங்குகளாக வழங்குவதால், நிறுவனத்தின் பிராண்ட் மதிப்பு அதிகரிக்கும். ‘நிறுவனத்துக்குக் கிடைத்த லாபத்தை போனஸ் பங்காகத் தராமல், அந்தப் பணத்தை நிறுவனத்தின் விரிவாக்கத்துக்குப் பயன் படுத்தினால் சொத்து மதிப்பு அதிகரிக்குமே!’ என்ற கருத்தும் உண்டு.

போனஸ் பங்கு... பங்கு பிரிப்பு... என்ன வித்தியாசம்? - ஒரு வழிகாட்டல்

பங்கு பிரிப்பு

பங்கின் முகமதிப்பைக் குறைத்து பங்குகளின் எண்ணிக்கையை அதிகரிப்பது பங்கு பிரிப்பாகும். இப்படிச் செய்வதிலும் முதலீட்டாளர்களுக்குக் கூடுதல் பங்குகள் கிடைக்கும். பங்கு பிரிப்பு செய்யப்படும்போது ஒரு பங்கின் முகமதிப்பின் அடிப்படையில் பிரிக்கப்படும்.

ஒரு பங்கின் முகமதிப்பு ரூ.10 என வைத்துக்கொள்வோம். இந்த முகமதிப்பை 2 ரூபாயாகக் குறைக்கப்படும்போது, முதலீட்டாளரிடம் இருக்கும் ஒரு பங்கு, ஐந்து பங்குகளாக மாறும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பங்கு முதலீடு அதிகரிக்கும்...

உதாரணமாக, ரூ.10 முகமதிப்பு கொண்ட பங்கு ஒன்றின் விலை ரூ.1,000 என வைத்துக் கொள்வோம். முகமதிப்பு 2 ரூபாயாகக் குறைக்கப்பட்டால், ஒரு பங்கு வைத்திருக்கும் முதலீட்டாளரிடம் ஐந்து பங்குகள் இருக்கும். இதனால் பங்கின் விலை சுமார் ரூ.200-க்கு குறையும். இந்த விலையில் பங்குகளை வாங்க, பல புதிய முதலீட்டாளர்கள் வாங்கும் நிலை உருவாகும். இதனால், முதலீட்டாளர்களின் எண்ணிக்கை அதிகரித்து, சந்தையில் அந்தப் பங்குகளின் மீதான வர்த்தகம் அதிகரிக்கும்.

போனஸ் பங்கு... பங்கு பிரிப்பு... என்ன வித்தியாசம்? - ஒரு வழிகாட்டல்

பேலன்ஷீட்டில் நடக்கும் மாற்றங்கள்...

போனஸ் பங்கு வெளியிடும்போது, பங்கு மூலதனம் அதிகரிக்கிறது. ஆனால், நிறுவனத்தின் கையிருப்பில் இருக்கும் தொகை விகிதாசார அடிப்படையில் குறைகிறது. எனவே, நிறுவனத்தின் பேலன்ஸ்ஷீட்டில் மாற்றம் நடக்கிறது.

ஆனால், பங்கு பிரிக்கப்படும்போது அப்படி அல்ல. ஒரு பங்கு பிரிப்பு செய்யப்படும்போது பங்கு மூலதனம் மற்றும் கையிருப்புத்தொகை இரண்டிலும் மாற்றம் எதுவும் இருக்காது என்றாலும், பங்குகளின் எண்ணிக்கை பிரிக்கப்படும் எண்ணிக்கைகேற்ப அதிகரிக்கும். இதனால் பங்கின் முகமதிப்பு குறையும். ஆனால், நிறுவனத்தின் பேலன்ஸ்ஷீட்டில் எந்த மாற்றமும் நடப்பதில்லை.

பங்கு விலையில் மாற்றம்

போனஸ் பங்கு வெளியீட்டுக்குப் பிறகு, விகிதாசார அடிப்படையில் பங்கின் விலை குறையும். பல நேரங்களில் பங்குகளின் எண்ணிக்கை அதிகரித்திருக்கும் நிலையில் அவற்றில் ஒரு பகுதியைப் பலரும் விற்க முன்வருவார்கள். அந்த நிலையில், விகிதாசாரத்தைத் தாண்டி போனஸ் பங்கு வெளியீடு செய்யும்போது, ஆரம்ப காலத்தில் பங்கின் விலை குறையக்கூடும். ஆனால், நீண்டகாலத்தில் நிறுவனத்தின் செயல்பாட்டைப் பொறுத்து பங்கின் விலை உயரக்கூடும் அல்லது குறையக்கூடும். இதேபோல்தான் பங்கு பிரிப்பிலும் நடக்கும்.

போனஸ் பங்கு
போனஸ் பங்கு

மூலதன ஆதாய வரி

போனஸ் பங்கு வெளியீட்டில், புதிய பங்குகளை பூஜ்ஜிய விலையில் முதலீட்டாளர்கள் பெறுகிறார்கள். எனவே, மூலதன ஆதாய வரி கணக்கிடும்போது, குறுகியகால ஆதாயம் அல்லது நீண்டகால ஆதாயம் என்பதைப் பொறுத்து வரி விதிக்கப்படும். பங்கு பிரிப்பின்போது, பங்கு விலை பிரிக்கப்படுகிறது. எனவே, பங்கின் விலை அடிப்படையில் மூலதன ஆதாயம் / இழப்பு கணக்கிடப்படும்.

எது சிறந்தது?

பொதுவாக, போனஸ் பங்கு வெளியீட்டின் காரணமாக நிறுவனம் வழங்கும் டிவிடெண்டுக்கான செலவு, ஏற்கெனவே வழங்கப்பட்டு வரும் சதவிகித அளவுக்கு டிவிடெண்ட் வழங்கப்பட்டால், அடுத்துவரும் ஆண்டுகளில் முதலீட்டாளர்களுக்குக் கிடைக்கும் டிவிடெண்ட் அதிகரிக்கும். போனஸ் பங்கு வழங்கும்போது, அதன் முகமதிப்பு மாறுவதில்லை. முக மதிப்புக்குத்தான் டிவிடெண்ட் வழங்கப்படுவதால், கூடுதலாக இலவசமாக வழங்கப்பட்ட பங்குகளுக்கும் டிவிடெண்ட் கிடைக்கும்.

போனஸ் பங்கு வெளியீட்டுக்குப் பிறகு, பங்கின் விலை குறைந்திருக்கும். அப்போது வாங்கிய முதலீட்டாளர்களுக்கு, பின்னர் ஏற்கெனவே வழங்கப்பட்ட டிவிடெண்ட் சதவிகிதம் வழங்கப்பட்டால், அவர்களுக்கும் டிவிடெண்ட் மூலம் நல்ல லாபம் கிடைக்கும். பங்கு பிரிப்பில் முக மதிப்பு குறைக்கப்படுவதால், ஒரு பங்குக்குக் கிடைக்கும் டிவிடெண்ட் குறையும். அதேநேரத்தில், டிவிடெண்ட் சதவிகிதம் குறைக்கப்படவில்லை என்றால், ஏற்கெனவே கிடைத்த அதே டிவிடெண்ட் தொகை கிடைக்கும். அதே நேரத்தில், பங்கு பிரிப்புக்குப் பிறகு புதிதாக முதலீடு செய்பவர்களுக்கு, முக மதிப்பு குறைக்கப் பட்டிருப்பதால் கிடைக்கும் டிவிடெண்ட் குறையும். பொதுவாக, பங்கு பிரிப்பைவிட போனஸ் பங்கு ஒருபடி கூடுதல் லாபத்தை முதலீட்டாளர்களுக்கு அளிக்கும். போனஸ் பங்குகளுக்கும் பங்கு பிரிப்புக்கும் இடையே உள்ள குழப்பம் தீர்ந்ததா?