Published:Updated:

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

பங்குகள்
பிரீமியம் ஸ்டோரி
News
பங்குகள்

2021 பிப்ரவரி 1-ம் தேதி பட்ஜெட் அறிவிக்கப்பட உள்ளதால், இனி சந்தையின் முக்கியமான காரணிகளில் ஒன்றாக பட்ஜெட் குறித்த எதிர்பார்ப்பு களும் கவனத்தில் கொள்ளப்படும்.

டந்த வாரத்திலும் நிஃப்டி புள்ளிகள் தொடர்ந்து ஏற்றம்கண்டு புதிய உச்சங்களை எட்டியது. கணிக்கப்பட்ட அத்தனை இலக்குகளையும் எட்டியுள்ள நிஃப்டி அடுத்த இலக்காக 15000 புள்ளிகள் என்ற நிலையை நோக்கி நகர காத்திருக்கிறது.

தற்போது முதலீட்டாளர்கள் வரும் நாள்களில் சந்தை செயல்பாடு எப்படி இருக்கும் என்பது குறித்து அதிக நம்பிக்கையுடன் இருக்கிறார்கள். அனைவரும் தங்களுடைய நிஃப்டி குறியீட்டில் இடம்பெற்றுள்ள நிறுவனங்களின் வருவாய் குறித்த கணிப்பையும் உயர்வாக மறுமதிப்பீடு செய்திருக்கிறார்கள். உண்மையில் ஒவ்வோர் ஆண்டும் ஜனவரி மாதம் நிறுவனங்களின் நிதிநிலை முடிவுகள் குறித்த கணிப்பானது வளர்ச்சியின் போக்கில் இருக்கும் என எதிர்பார்க் கப்படும்.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

ஆனால், இந்த ஆண்டைப் பொறுத்த வரை, அனலிஸ்டுகள் சில சிரமங்களைக் காண வாய்ப்பு உள்ளதாகக் கூறுகிறார்கள். 2021 மார்ச் மாதத்துக்கான டிரைலிங் பி/இ (trailing PE) விகிதமானது ஏற்கெனவே அதன் இயல்பு நிலையைத் தாண்டி 35 மடங்கு அளவுக்கு நகர்ந்திருக்கிறது. தற்போது மக்கள் பார்வர்டு பி/இ (forward PE) விகிதத்தை ஓர் ஆண்டு அல்லது இரண்டு ஆண்டுக்குப் பிறகான நிலையைப் பயன்படுத்த முயலுகிறார்கள். இதில் யார் சரி, யார் தவறு என்பதைக் காலம்தான் முடிவு செய்யும்.

ஆனால் தற்போதைய நிலையில், எல்லோருமே சந்தையின் ஏற்றத்தின் போக்கை உற்சாகமாகக் கொண்டாடி வருகிறார்கள். கடந்த வாரத்திலும் ஒவ்வொரு முறை பங்குச் சந்தை இறக்கம் காணும்போதும் தொடர்ந்து பங்குகளை வாங்கும் போக்கு காணப்பட்டது. இதனால் தொடர்ந்து சந்தையில் காளையின் ஆதிக்கம் நீடித்து நிலைத்திருக்கிறது. இந்த மிகை உற்சாகமானது பயத்தின் இடத்தைக் கைப்பற்றியுள்ளது. இதனால் சந்தையின் போக்கு இறக்கத்தைச் சந்தித்தாலும் ஏற்றத்துக்குத் திரும்பும் வாய்ப்பு உள்ளது. அதே சமயம், அந்நிய நிறுவனங்களின் முதலீடுகளின் வரவு தொடர்ந்து நீடிக்கிறது. இந்த அபரிமிதமான முதலீடானது தொடர்ந்து சந்தையைக் காலத்தின் போக்கில் கொண்டு செல்கிறது.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

2021 பிப்ரவரி 1-ம் தேதி பட்ஜெட் அறிவிக்கப்பட உள்ளதால், இனி சந்தையின் முக்கியமான காரணிகளில் ஒன்றாக பட்ஜெட் குறித்த எதிர் பார்ப்புகளும் கவனத்தில் கொள்ளப்படும். கூடுதலாக காலாண்டு முடிவு வெளியீடுகள் அடுத்த வாரத்திலிருந்து தொடங்க உள்ளது. இதனால் சந்தை செயல்பாட்டாளர்களின் கவனம் குறிப்பிட்ட பங்குகளை நோக்கி திசை திரும்பலாம்.

எனவே, தற்போதைய நிலையில் சந்தை இறக்கம் அடைவதற்கான எந்த முக்கிய காரணங்களும் இல்லை. அப்படியே இறக்கம் கண்டாலும் மீண்டும் ஏற்றம் அடையும் என்பதால் அவற்றை நாம் முதலீடு செய்வதற்கான வாய்ப்பு களாகப் பயன்படுத்திக் கொள்ளலாம்.

பேங்க் நிஃப்டியும் ஏற்றத்தை நோக்கி நகர தொடங்கி புதிய உச்சங்களை எட்டக் காத்திருக் கிறது. நிஃப்டியின் சார்ட் பேட்டர்ன்களிலும் உடனடி ஏற்றத்துக்கான கோடுகள் தெரிகின்றன. இது மேலும் ஏற்றம் அடைவதற்கான அறிகுறி களாகவே இருக்கிறது. தற்போது வெற்றிக்கான ஸ்டாப்லாஸ் அதன் இரண்டாவது டிரெண்ட் லைனில் 13900 என்ற நிலையில் வைத்துக்கொள்ளலாம். ஏற்றத்தின் இலக்காக நிஃப்டி 14330/14440 என்ற வரம்பில் வைத்துக்கொள்ளவும்.

ஐ.டி.எஃப்.சி (IDFC)

தற்போதைய விலை: ரூ.43.80

வாங்கலாம்


நீண்டகாலத்துக்குப் பிறகு ஐ.டி.எஃப்.சி குழும பங்குகள் மீண்டும் ஏற்றம் அடைய தொடங்கியுள்ளன. ஐ.டி.எஃப்சி ஃபர்ஸ்ட் பங்கு மிகவும் பிரபலமான ஒன்றாக இருந்து வரும் நிலையில், இந்தப் பங்கும் சமீபத்திய நிகழ்வுகளின் பாசிட்டிவான செய்திகளை ஒட்டி பெரிய அளவில் பயன் அடையும் எனத் தெரிகிறது.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

மேலும், இந்தப் பங்கு கடந்த சில வாரங்களாக நிலையான ஏற்றத்தின் நகர்வைக் கொண்டுள்ளது. தற்போது அதன் கடைசி இலக்கைக் கடந்துள்ள நிலையில், பங்கில் சப்ளை நன்றாக இருக்கிறது. இதனால், மேலும் ஏற்றம் காண்பதற்கான வாய்ப்புகள் உள்ளன. வரும் வாரங்களில் ரூ.49 - 55 வரை உயர வாய்ப்பு உள்ளது. ஸ்டாப்லாஸ் ரூ.38-ல் வைத்துக்கொள்ளவும்.

டைம் டெக்னோபிளாஸ்ட் (TIMETECHNO)

தற்போதைய விலை:ரூ.56.65

வாங்கலாம்


2018-ல் இந்தப் பங்கு உச்சத்தை அடைந்த பிறகு, பிரபலமான பங்காக இருந்து வந்தது. ஆனால், கடந்த இரண்டு வருடங்களாகத் தொடர்ச்சியாக விற்கப் பட்டு வந்திருக்கிறது. இதனால் பங்கின் விலை வெகுவாகக் குறைந்து 250-லிருந்து 22 வரை இறங்கி இருக்கிறது. தற்போது இதன் கன்சாலிடேஷன் முடிவுக்கு வந்து பிரேக் அவுட் ஆகி, ஏற்றம் அடைய தயாராக இருக்கிறது. பங்கில் மொமென்டமும் நன்றாக இருப்பதால் இதை தற்போதைய விலையில் வாங்கலாம். வரும் வாரங்களில் ரூ.80 - 85 வரை உயர வாய்ப்புள்ளது. ஸ்டாப்லாஸ் ரூ.48-ல் வைத்துக்கொள்ளவும்.

பாலிகேப் (POLYCAB)

தற்போதைய விலை: ரூ.1,297.00

வாங்கலாம்


கடந்த வாரத்தில் பங்கின் நகர்வில் வலுவான போக்கு காணப்பட்டது. இதனால் பங்கு அதன் வரலாற்று உச்சத்தை எட்டியது. இந்த நகர்வானது பங்கின் செயல்பாட்டை ஊக்குவித்து மேலும் ஏற்றம் அடைவதற்கான சாத்தியங்களை உருவாக்கியிருக்கிறது. எனவே, தற்போதைய விலையில் அல்லது இறங்கும்பட்சத்தில் ரூ.1,150 வரை வாங்கலாம். ரூ. 1,440 வரை உயர வாய்ப்புள்ளது. ஸ்டாப்லாஸ் ரூ.1,140 என வைத்துக்கொள்ளவும்.

பிட்ஸ்

சில நாள்களுக்கு முன்பு 34,500 டாலர் என்கிற உச்ச விலையை அடைந்த பிட்காயின், தற்போது மேலும் உயர்ந்து 37,000 டாலர் என்கிற புதிய உச்சத்தைத் தொட்டு இருக்கிறது!