Published:Updated:

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

பங்குகள்
பிரீமியம் ஸ்டோரி
News
பங்குகள்

நிறுவனங்களின் செப்டம்பர் காலாண்டு நிதி நிலை முடிவுகள் இதுவரை சிறப்பாகவே வந்திருக்கின்றன.

ந்தியப் பங்குச் சந்தை, திடீரென முந்தைய வாரம் வியாழன் அன்று அதிக இறக்கத்தைச் சந்தித்தது. வர்த்தகர்களின் பங்கு விற்பனை போக்கு தொடர்ந்து நீடிக்காததால் வெள்ளிக்கிழமை ஒருவழியாக சந்தை மீண்டுவந்தது. இது சந்தைக்கு சற்று ஆசுவாசத்தைக் கொடுத்தது. நாம் குறிப்பிட்டதுபோல இறக்கத்தில் பெரும்பாலான லாங் பொசிஷன்கள் லிக்விடேட் செய்யும் போக்கு இருந்ததால், அந்தச் செயல்பாடு தொடர்ந்து நீடிக்காது என்பது உறுதியானது.
பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

இதனால், கடந்த வார வர்த்தகம் நல்ல வரம்பில் நகரத் தொடங்கியது. முந்தைய வாரத்தில் ஏற்பட்ட எதிர்மறைப் போக்கு காணாமல் போனது. முதலீட்டாளர்களும் மீண்டும் லாங் எடுப்பதில் ஆர்வம் காட்டினர். லார்ஜ்கேப் பங்குகளில் ஆர்வமாக முதலீடு செய்தனர். கூடவே, ஸ்மால்கேப் மற்றும் மிட்கேப் பங்குகளையும் ஆர்வமாக வாங்கினர். இதனால் சந்தையின் போக்கு மீண்டும் சுமுக நிலைக்குத் திரும்பியது. ஆனாலும், நகர்வு பெரிய வரம்புகளில் இல்லை. வரம்பு ஓரளவுக்கு இருந்தது.

இந்த நிலையில் புதன்கிழமை மீண்டும் சந்தை திடீர் இறக்கத்தைச் சந்தித்தது. எந்தக் காரணமும் இல்லாமல் ஏற்பட்ட வர்த்தக சரிவால் ஏற்பட்ட இறக்கம், எப்படியோ உடனே மீண்டு வந்தது. ஆனாலும், நிஃப்டி 12000 என்ற நிலையைக் கடந்து வந்த நிலையில், மீண்டும் அந்த நிலையைத் தக்கவைக்க முடியாமல் திணறியது. எனவே, இந்த நிலையில் காளையின் போக்கு தென்படும்போது விற்பனை செய்ய வர்த்தகர்கள் சிலர் இருக்கிறார்கள் என்பது தெளிவாகத் தெரிகிறது. இருப்பினும், பேங்க் நிஃப்டி செயல்பாடு மிகவும் நம்பிக்கை அளிப்பதாக இருந்தது. 24500 என்ற நிலையைக் கடந்து ஏற்றம் கண்டதன் மூலம் 50 சதவிகித ரீட்ரேஸ்மென்ட் நிலையை எட்டியது. இது பாசிட்டிவான விஷயமாக உள்ளது. தற்போது இந்தப் போக்கு தொடர்ந்தால் உச்ச நிலைகளில் ஏற்றம் அடைவதற்கான வாய்ப்புகளும் உள்ளன. இது நிஃப்டியின் நகர்விலும் பாசிட்டிவ் போக்கை உண்டாக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

நிறுவனங்களின் செப்டம்பர் காலாண்டு நிதிநிலை முடிவுகள் இதுவரை சிறப்பாகவே வந்திருக்கின்றன. இதேபோல் முடிவுகள் வரும்பட்சத்தில் அல்லது குறைவான ஏமாற்றத்தை மட்டும் அளிக்கும்பட்சத்தில் சந்தை பெரிய பாதிப்புகளுக்கு உள்ளாகாது. இது பாசிட்டிவ் சென்டிமென்ட்டை முதலீட்டாளர் களிடம் உண்டாக்கும் அறிகுறியாகும். ஐ.டி துறையின் முன்னணி நிறுவனங்களின் முடிவுகளும் சிறப்பாக உள்ளன. பார்மா, எஃப்.எம்.சி.ஜி ஆகியவற்றின் முடிவுகளையும் சந்தை உற்றுநோக்கும். ஹிந்துஸ்தான் யூனிலிவர் முடிவுகள் எதிர்பார்த்தபடி வந்துள்ளது. மிட்கேப் பிரிவுகளில் முடிவுகள் சிறப்பாக வரும்போது அந்தப் பங்குகளில் விலை நகர்வுகளும் சிறப்பாகவே அமைகிறது. எனவே, இப்போதைய நிலையில் நிஃப்டி 12000 என்ற நிலையைக் கடந்து, வரும் வாரங்களில் இதுவரை இல்லாத உச்சத்தை எட்டுவதற்கான முயற்சிகளைத் தீவிரமாக எடுக்கலாம். எனவே, முதலீட்டாளர்கள் காளையின் போக்குடன் சந்தையை அணுகலாம். வாராந்தர இறக்கங்களை, பங்குகள் வாங்கும் வாய்ப்புகளாகப் பயன்படுத்திக்கொள்ளலாம்.

இப்போதைய நிலையில் நிஃப்டி 12000 என்ற நிலையைக் கடந்து, வரும் வாரங்களில் இதுவரை இல்லாத உச்சத்தை எட்டுவதற்கான முயற்சிகளைத் தீவிரமாக எடுக்கலாம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

ஷோபா டெவலப்பர்ஸ் (SOBHA)

தற்போதைய விலை ரூ.301.95

வாங்கலாம்

கடந்த வாரத்தில் ரியல் எஸ்டேட் பங்குகளில் நல்ல டிமாண்ட் காணப்பட்டது. அதில் ஷோபா டெவலப்பர்ஸ் கவனிக்கத்தக்க ஒன்றாக உள்ளது. அதன் முந்தைய கன்சாலிடேஷன் நிலையை உடைத்து ஏற்றம் கண்டிருக்கிறது. துறை சார்ந்த முன்னணி பங்குகள் சிறப்பாகச் செயலாற்றுவதால் பங்குகளில் நகர்வுகளும் நன்றாக உள்ளன. ரூ.285-90 வரை உயர வாய்ப்புள்ளது. ரூ.250 ஸ்டாப்லாஸுடன் வாங்கலாம்.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

ஏ.பி.எல் அப்போலோ டியூப்ஸ் (APLAPOLLO)

தற்போதைய விலை ரூ.2,917.15

வாங்கலாம்

தற்போதைய ஏற்றத்தில் மிகவும் சிறப்பாகச் செயலாற்றும் பங்காக இது உள்ளது. தற்போதைய அட்வான்ஸ் ஏற்றத்தின் உச்ச நிலையில் இந்தப் பங்கு வர்த்தகமாகிறது. இங்கு அதன் ரெசிஸ்டன்ஸ் நிலையை எதிர்கொள்ள இருக்கிறது. நகர்வு அதிகமாக இருக்கும்பட்சத்தில் தொடர்ந்து ஏற்றம் அடையும். பங்கின் மொமென்டம் இது நிகழும் என்பதை உறுதி செய்கிறது. எனவே, புதிய இலக்கு ரூ.3,100 ஆகக் கொள்ளலாம். ரூ.2,800 ஸ்டாப்லாஸுடன் பங்கை வாங்கலாம்.

ஜிண்டால் ஸ்டீல் (JINDALSTEL)

தற்போதைய விலை ரூ.209.10

வாங்கலாம்

ஸ்டீல் பங்குகளில் வலுவான போக்குடன் காணப்படும் பங்காக ஜிண்டால் ஸ்டீல் உள்ளது. ஸ்டீல் ஸ்டாக்ஸ் சிறப்பாகச் செயலாற்றும் போதெல்லாம் நகர்வில் முன்னணியில் இந்தப் பங்கு உள்ளது. இந்தப் பங்கில் ஏற்பட்டிருந்த இறக்கம் முடிவுக்கு வந்து மீண்டும் ஏற்றம் தொடங்க இருக்கிறது.

தற்போது மேலும் ஏற்றம் அடைவதற்கான அறிகுறிகளுடன் உள்ளது. ரூ.235 - 245 என்ற புதிய இலக்குடன் இந்தப் பங்கை ரூ.195 ஸ்டாப்லாஸுடன் வாங்கலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

டிஸ்க்ளெய்மர்: இங்கு பரிந்துரைக்கப்பட்ட பங்குகள் பரிந்துரை செய்த ஆசிரியர் (டாக்டர் சி.கே.நாராயண், நிர்வாக இயக்குநர், Growth Avenues, SEBI Registration (Research Analyst) INH000001964) வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.