Published:Updated:

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

பங்குகள்
பிரீமியம் ஸ்டோரி
News
பங்குகள்

மகிழ்ச்சியான செய்தியாக இருப்பது பேங்க் நிஃப்டி மீண்டும் தனது சிறப்பான செயல்பாட்டுக்குத் திரும்பியதுதான்!

டந்த வாரத்தில் கூறியிருந்தபடி நிஃப்டி குறியீடு ஏற்றத்தை நோக்கி நகர்வதற்கான முயற்சிகளைத் தொடர்ந்து எடுத்தது. அதன் ரெசிஸ்டன்ஸ் நிலையையும் கடக்க முயற்சி செய்தது.

மெதுவாக நகர்ந்தாலும் அந்த நிலையைக் கடந்த நிஃப்டி விரைவிலேயே மேல்நோக்கி நகர்வதிலிருந்து பின்வாங்கியது. ஆனாலும், அந்த நிலையில் தன்னுடைய நகர்வை நிலைப்படுத்திக்கொண்டு வாரத்தின் இறுதியில் மீண்டும் மேல்நோக்கி நகர்வதற்கான சவாலை எதிர்கொண்டது. காளையின் அம்சங்களும் தேவையானபோது தோன்றி நிஃப்டியை நகர்த்திச் சென்றன.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அவை சந்தையை ஏற்றத்தை நோக்கி மட்டும் நகர்த்தவில்லை. எஃப் அண்ட் ஓ எக்ஸ்பைரி தினத்தில் நிஃப்டியை 11600 புள்ளிகளைத் தாண்டி கொண்டுசென்றிருக்கின்றன. முன்பு குறிப்பிட்ட ரெசிஸ்டன்ஸ் நிலையைக் கடந்ததால், நிஃப்டியின் பாதை தற்போது தெளிவாக இருக்கிறது. நிஃப்டி புதிய ரெசிஸ்டன்ஸ் நிலையுடன் புதிய சவாலுக்குத் தயாராகியிருக்கிறது.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

அதைவிட மகிழ்ச்சியான செய்தியாக இருப்பது பேங்க் நிஃப்டி மீண்டும் தனது சிறப்பான செயல்பாட்டுக்குத் திரும்பியதுதான். வாரத்தின் இறுதி நாள்களில் பேங்க் நிஃப்டியில் ஏற்பட்ட ஏற்றத்தின் போக்கு அதன் சமீபத்திய உச்சக்கட்ட ஒருங்கிணைப்பு பகுதியை அடைந்தது. மேலும், முந்தைய உச்சக்கட்ட நிலையையும் நோக்கி நகர்ந்திருக்கிறது. தொடர்ந்து ஏற்றம் காண்பதற்கான சாத்தியங்களை இந்த அறிகுறிகள் காட்டுகின்றன. பேங்க் நிஃப்டியின் நகர்வுகளில் எதிர்பார்ப்புகள் இருப்பதால் வரும் நாள்களில் நிதித்துறை சார்ந்த நிறுவனப் பங்குகளின் செயல்பாடுகள் ஆதிக்கம் செலுத்த வாய்ப்புள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

பிற துறைகள் கலவையான போக்கிலேயே தொடர்கின்றன. ஆனால், இந்தியப் பங்குச் சந்தையில் துறை சார்ந்த சுழற்சி தென்படுகிறது. மேலும், இந்தச் சுழற்சி அவ்வப்போது காளையின் போக்குக்கான அறிகுறிகளைத் தந்தவண்ணம் உள்ளன. இது முக்கியமான அம்சமாகும். மிட்கேப் மற்றும் ஸ்மால்கேப் பங்குகள் தொடர்ந்து சிறப்பாகச் செயல்பட்டு வருகின்றன. அவற்றில் லிக்விடிட்டி நன்றாக இருப்பதால் தொடர்ந்து இவற்றின் செயல்பாடு நன்றாகவே இருந்துவருகிறது. மேலும் மிட்கேப் பிரிவில் லாபத்தை வெளியே எடுப்பதும் நடக்கிறது. இதனால் இந்தப் போக்கு எவ்வளவு காலம் நீடிக்கும் என்பது கவலைக்குரியதாக இருக்கிறது.

பங்குகள்
பங்குகள்

சந்தேகமில்லாமல், சந்தையில் தற்போது மொமென்டம் அதிகமாகவே இருக்கிறது. சென்டிமென்டும் பாசிட்டிவாக இருக்கிறது. இதனால் விலை நகர்வுகள் தீர்மானிக்கப் பட்டவையாக இருக்கலாம். எனவே, காளையின் போக்குத் தொடரலாம். ஒருங்கிணைப்பு நிலையிலிருந்து உடைத்து ஏறும் பங்குகளையும், இறக்கத்திலிருந்து சப்போர்ட் நிலைகளுக்கு உயரும் பங்குகளையும் வாங்கலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஸ்ட்ரைட்ஸ் பார்மா சயின்ஸ் லிமிடெட் (STAR)

தற்போதைய விலை ரூ.640.85

வாங்கலாம்

மிட்கேப் பார்மா பிரிவில் சிறப்பான விலை நகர்வுகளைக் கொண்டிருக்கும் மற்றுமொரு பங்கு இது. இதன் சார்ட்டில் சமீபத்திய இறக்கத்திலிருந்து உச்ச நிலைகளைக் கொண்ட ஏற்ற இறக்கங்கள் தொடர்ந்தவண்ணம் இருக்கின்றன. ஒவ்வோர் ஏற்றத்துக்குப் பிறகும் சிறிது காலம் ஓய்வெடுக்கிறது. தற்போது இந்தப் பங்கில் ஏற்றத்தின் போக்கு தொடங்கியிருக்கிறது. இந்த நகர்வு பங்கின் விலையைக் குறுகிய காலத்தில் ரூ.700 - 730 என்ற நிலைக்கு இட்டுச் செல்ல வாய்ப்புள்ளது. ரூ.620 ஸ்டாப்லாஸுடன் இந்தப் பங்கை வாங்கலாம்.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

கணேஷா எகோஸ்பியர் (GANECOS)

தற்போதைய விலை ரூ.298.20

வாங்கலாம்

சந்தையில் மொமென்டம் மற்றும் செயல்பாடு அதிகமாக இருக்கும்போது முதலீட்டாளர்கள் பிரதான துறைகளைச் சாராத பங்குகளில் முதலீடு செய்ய ஆர்வம் காட்டுவார்கள். கணேஷா எகோஸ்பியர் அப்படியான ஒரு பங்காகும். 2017 காளையின் போக்கில் இந்தப் பங்குக்கு நல்ல டிமாண்ட் இருந்தது. ஆனால், அதன் பிறகு இந்தப் பங்கில் ஏற்பட்ட இறக்கம் முடிவுக்கு வந்து தற்போது மீண்டும் ஏற்றமடைய ஆரம்பித்திருக்கிறது. குறுகிய காலத்தில் ரூ.325 - 350 வரை உயர வாய்ப்புள்ளது. ஸ்டாப்லாஸ் ரூ.275 உடன் இந்தப் பங்கை வாங்கலாம்.

எஃப்.டி.சி லிமிடெட் (FDC)

தற்போதைய விலை ரூ.335.15

வாங்கலாம்

இந்தப் பங்கை ஏற்கெனவே தற்போதைய இலக்கு விலைக்குப் பரிந்துரைத்திருந்தோம். ஆனால், இந்தப் பங்கு அந்த இலக்கை எட்டிய பிறகு, அதன் சார்ட் பேட்டர்னில் மேலும் நகர்வுகள் துடிப்பாக இருக்கிறது. மேலும், ஏற்றத்தை நோக்கி நகர்வதற்கான அறிகுறிகள் தென்படுகின்றன. இந்தப் பங்கில் காளையின் போக்குக்கான அம்சங்கள் தொடர்ந்து நிலையாக இருப்பதால் இந்தப் பங்கை மீண்டும் வாங்கலாம் எனப் பரிந்துரைக்கிறோம். தற்போதைய இலக்கு விலை ரூ.375 ஆகும். ரூ.310 ஸ்டாப்லாஸுடன் வாங்கலாம்.

டிஸ்க்ளெய்மர்: இங்கு பரிந்துரைக்கப்பட்ட பங்குகள் பரிந்துரை செய்த ஆசிரியர் (டாக்டர் சி.கே.நாராயண், நிர்வாக இயக்குநர், Growth Avenues, SEBI Registration (Research Analyst) INH000001964) வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.

பங்குகள்... வாங்கலாம்... விற்கலாம்! - முதலீட்டாளர்கள் கவனத்துக்கு!

டிரேடர் பக்கங்கள் மற்றும் எஃப் & ஓ பகுதியைப் படிக்க: https://bit.ly/3lpNI2H