Published:Updated:

ரைட்ஸ் லிமிடெட்! அறிவோம் பங்கு நிறுவனம்..!

ரைட்ஸ்
பிரீமியம் ஸ்டோரி
News
ரைட்ஸ்

K N O W Y O U R C O M P A N Y - (NSE SYMBOL: RITES, BSE CODE: 541556)

இந்திய அரசால் இந்தியன் ரயில்வேயின் கீழ் 1974-ம் ஆண்டு ஆரம்பிக்கப்பட்ட நிறுவனம் ரைட்ஸ். போக்கு வரத்து, இன்ஃப்ராஸ்ட்ரக்சர் மற்றும் இவை சார்ந்த டெக்னாலஜி தொடர்பான ஆலோசனைகளை வழங்கிவரும் இந்த நிறுவனம், மத்திய அரசால் அங்கீகரிக்கப்பட்ட மினி ரத்னா நிறுவனமாகும்.

ரைட்ஸ்
ரைட்ஸ்

நிறுவனத்தின் செயல்பாடுகள்...

மேற்கண்ட துறைகளில் முழுமை யான அனைத்து வகை ஆலோசனைகளையும் (Consultancy) வழங்குதல் மற்றும் தொழில்நுட்ப ஆலோசனை பெறும் நிறுவனங் களுக்கேற்ற டெக்னாலஜியை மாற்றிக் கொடுத்தல் போன்ற விஷயங்களைச் செய்து வருகிறது இந்த நிறுவனம். உலக அளவில் ஆசியா, ஆப்பிரிக்கா, லத்தீன் அமெரிக்கா, தென் அமெரிக்கா மற்றும் மத்திய கிழக்கு கண்டங்களில் உள்ள 55 நாடுகளில் தன்னுடைய கன்சல்டன்சி சேவையை வழங்கிவருகிறது இந்த நிறுவனம். அயல்நாடுகளில் உள்ள வாடிக்கை யாளர்களுக்கு தன்னுடைய சேவையை வழங்கும்போது அந்தந்த நாட்டில் இருக்கும் கன்சல்டன்சி நிறுவனங்களுடன் ஒருங்கிணைந்து செயல்படுவதன்மூலம் அந்த நாட்டில் உள்ள வளங்களை இயன்ற அளவுக்கு உபயோகித்துக்கொண்டு தன்னுடைய அனுபவத்தின் மூலம் புராஜெக்ட் டுகளை நிர்வகித்துத் தரும் வகை யிலான பணிகளைச் சிறப்பாகச் செய்து வருகிறது.

1974-ம் ஆண்டு பிரைவேட் நிறுவனமாகப் பதிவு செய்யப்பட்ட இந்த நிறுவனம், 1975-76-ம் ஆண்டு களில் சிரியாவின் ரயில்வேக்காகத் தொழில்நுட்ப மற்றும் செயல்பாட்டு ரீதியான பொருளாதாரம் (techno-economic) சார்ந்த ஆய்வைச் செய்தது. 1994-96-ம் ஆண்டுகளில் நேபாளத்துக்கு டீசல் ரயில் இன்ஜின் களை ஏற்றுமதி செய்வதற்கான ஒப்பந்தம் செய்த இந்த நிறுவனம், அதே ஆண்டு்களில் டெல்லி அரசுடன் மாஸ்-ராபிட் டிரான்சிட் சிஸ்டம் (MRTS) சேவைகளை வழங்குவதற்கான ஒப்பந்தம் செய்தது.

1998-99-ம் ஆண்டுகளில் டி.எம்.ஆர்.சி நிறுவனத்துடன் டெல்லி மெட்ரோவுக்கான (பேஸ்-1)கட்டுமான மேலாண்மை மற்றும் ஆலோசனைகளை வழங்கும் சேவைக்கான ஒப்பந்தம் செய்தது. 2004-05-ம் ஆண்டில் இந்தியாவின் மிகப் பெரிய ரயில்வே குகைப் பாதையான பிர்-பாஞ்சால் குகைப் பாதைக்கு (12.5 கிலோ மீட்டர் அளவிலானது) டிசைன் கன்சல்டன்சி சேவையை வழங்கியது.

2007-08-ம் ஆண்டில் மத்திய அரசு நிறுவனங்களின் ஷெட்யூல் ஏ-வுக்கு உயர்த்தப்பட்டு, பப்ளிக் லிமிடெட் நிறுவனமாக மாற்றப்பட்டது. 2009-10-ம் ஆண்டில் ஸ்டீல் அத்தரிட்டி ஆஃப் இந்தியா லிமிடெட் (செயில்) நிறுவனத்துடன் கூட்டணி அமைத்து வேகன்களை உற்பத்தி செய்ய ஆரம்பித்தது (இந்திய ரயில்வேக்கான சில சிறப்புத் தேவை களுக்கான வேகன்களையும்) இந்த நிறுவனம். 2013-14-ம் ஆண்டில் துணை நிறுவனத்தை இந்திய ரயில்வேயுடன் இணைந்து அமைத்து அதன் மூலம் மின்சாரம் (புதுப்பிக்கத் தக்க அளவிலான உற்பத்தி செய்யப் படும் மின்சாரத்தையும் சேர்த்து) கொள்முதல் செய்யும் பணியைச் செய்ய ஆரம்பித்தது. 2015-16-ல் இந்திய ரயில்வே அமைச்சகத்திடமிருந்து ஏற்கெனவே இருக்கும் ரயில் பாதைகளில் கூடுதலாக இரண்டாவது ரயில் பாதையை அமைப்பதற்கான ஒப்பந்தத்தைப் பெற்றது. அதே ஆண்டில் ஜெய்சால்மர் என்னும் இடத்தில் முழுக்க முழுக்க ரயில்வேயின் உபயோகத்துக்குத் தேவையான மின்சாரத்தை உற்பத்தி செய்யும் வண்ணம் 26 மெகாவாட் அளவிலான காற்றாலையை அமைத்தது.

2016-17-ம் ஆண்டில் இலங்கைக்கு ரூ.6,800 மில்லியன் மதிப்பிலான லோக்கோமோட்டிவ்கள் மற்றும் டீசல் மல்டிபிள் யூனிட்டுகளை (DMUs) ஏற்றுமதி செய்வதற்கான ஆர்டர் பெற்றது. அதே ஆண்டில் விஜய்பூர் - மக்சி மற்றும் ரிங்கஸ்-ஜெய்ப்பூர் – சவாய்மதோபூர் என்ற இரண்டு செக்‌ஷன்களுக்கு இடையேயான இருப்புப்பாதையை மின்மயமாக்குவதற் கான ஒப்பந்தத்தை இந்தியன் ரயில்வே யிடமிருந்து பெற்றது. 2018-19-ம் ஆண்டில் ரைட்ஸ் நிறுவனத்தின் டிசைன் மற்றும் கன்சல்டன்சி சேவைகளைக் கொண்டு பிரம்மபுத்திரா நதியின் மேல் அமைக்கப் பட்ட இந்தியாவிலேயே மிகப்பெரிய ரயில்-மற்றும்-சாலைப்பாலம் உபயோகத்துக்குக் கொண்டுவரப்பட்டது.

ரைட்ஸ்
ரைட்ஸ்

நிறுவனத்தின் சிறப்புகள்...

சிவில், மெக்கானிக்கல், மெட்டலர்ஜி, கெமிக்கல், எலெக்ட்ரிகல், சிக்னல் மற்றும் டெலிகாம் இன்ஜினீயரிங் துறையில் தலைசிறந்த பொறியியல் வல்லுநர்களையும், போக்குவரத்து சார்ந்த பொருளாதாரக் கணக்கீடுகள் செய்தல், தர நிர்ணயம் உறுதி செய்தல், சுற்றுச்சூழல் இன்ஜினீயரிங், தகவல் தொழில்நுட்பம், நிதி மற்றும் பொது மேலாண்மை போன்ற துறைகளில் உள்ள வல்லுநர்களையும் தன்னகத்தே கொண்டு உள்ளது. கடந்த மார்ச் 31, 2020 நிலவரப்படி, 3,235 பணியாளர்களைத் தன்னகத்தே கொண்டுள்ளது.

இந்த நிறுவனம் கன்சல்டன்சி பிரிவில் செயல்படும் பெரும் பிரிவுகள் என்று பார்த்தால், சேவைகள் வழங்குதல், தயாரிப்புகளை விற்பனை செய்தல் மற்றும் ஏனைய சேவைகளை வழங்குதல் போன்றவற்றை வழங்கிவருகிறது. செயல்படும் துறைகள் என்ற ரீதியான அளவீட்டில் பார்த்தால், ரயில்வே வொர்க்‌ஷாப்புகள் (நவீன மயப்படுத்துதல்), ஏர்போர்ட்டுகள் (ஏர்போர்ட், ஹெலிபோர்ட் மற்றும் லேண்ட் போர்ட்ஸ்கள் கட்டுமானத் திட்டமிடல், வடிவமைத்தல், கட்டுமான நிர்வாகம்), ஆர்க்கி டெக்சர் மற்றும் திட்டமிடுதல் (பெரு நிறுவன வளாகங்கள், அதிக எண்ணிக்கை யிலான குடியிருப்புகள், பெரிய கல்வி நிறுவனங்களுக்கான கட்டுமானங்கள், போக்குவரத்து முனையங்கள், மருத்துவமனைகள், மாற்றுத்திறனாளிகளுக்கான உபயோகத்துக்கான கட்டு மானங்கள், பணிமனைகள், உற்பத்தி ஆலைகளுக்கான கட்டுமானங்கள், பொழுதுபோக்கு மையங்கள், கன்வென்ஷன் சென்டர்கள் போன்றவற்றுக்கான டிசைன் ரீதியான ஆலோசனை கள்) போன்றவற்றைச் செய்து வருகிறது.

பாலங்கள், குகைப் பாதைகள், அனைத்துவிதமான கட்டுமான மேலாண்மைப் பணிகள், சுற்றுச் சூழல் மற்றும் நகர்புறத்துக்கான இன்ஜினீயரிங், எலெக்ட்ரிகல் இன்ஜினீயரிங், ரயில்வேக்குத் தேவையான கோச்சுகளை ஏற்றுமதி செய்தல், நிதி மேலாண்மை, ஜியோ டெக்னாலஜி, நெடுஞ்சாலைகள், இண்டஸ்ட்ரீயல் இன்ஜினீயரிங், இன்ஃபர்மேஷன் டெக்னாலஜி, மெட்டீரியல் சிஸ்டம் மேனேஜ் மென்ட், ரயிவேக்குத் தேவைப்படும் உபகரணங்களை வழங்கும் சேவை, ரயில் பாதையை மின்மயமாக்குதல், ரயில் கோச்சுகளை டிசைன் செய்தல், ரோப்வேய்ஸ் (ரோப் காருக்கான டிசைன், இன்ஜினீயரிங் மற்றும் கன்சல்டன்சியை வழங்குதல்), சிக்னல் மற்றும் டெலிகாம், நில சர்வேக்களைச் செய்துதருதல், நகர்ப்புறப் போக்குவரத்து (மெட்ரோ போன்ற இன்ஃப்ரா ஸ்ட்ரக்சர்) மற்றும் ரயில்வே இன்ஃப்ராஸ்ட்ரக்சர் உள்ளிட்ட பெரும் பிரிவுகளில் செயல்பட்டு வருகிறது.

2019-ம் நிதியாண்டின் இறுதி நிலவரப்படி கன்சல்டன்சி மற்றும் லீசிங் பிரிவிலிருந்து (சேவைகள் விற்பனை) 56.2 சதவிகித விற்றுவரவும், ஏற்றுமதி மற்றும் மின்சார உற்பத்தி செய்து விற்பனை செய்தல் பிரிவில் (தயாரிப்புகள் விற்பனை) இருந்து 16.1% விற்றுவரவும், டர்ன்-கீ கட்டுமான பணிகளில் இருந்து 27.7% அளவிலான விற்றுவரவும் இருந்தது.

இந்திய ரயில்வேயின் தயாரிப்புகளான லோக்கோ மோட்டிவ்கள், ரயில் பெட்டிகள் மற்றும் ஏனைய உபகரணங்களை ஏற்றுமதி செய்யும் ஒரே நிறுவனம் இந்த நிறுவனமாகும். இந்த நிறுவனத்தின் பங்குகள் 2018-ம் ஆண்டு ஜூலை மாதம் பங்குச் சந்தையில் பட்டியலிடப்பட்டன.

ரைட்ஸ் லிமிடெட்! அறிவோம் பங்கு நிறுவனம்..!

ரிஸ்க்குகள் உண்டா?

இந்த நிறுவனம் தரும் சேவைகள் அனைத்துமே பொருளாதாரம் மற்றும் அரசாங்கக் கொள்கைகள் சார்ந்து அமைபவையே ஆகும். எனவே, ஏதாவது ஒரு காரணத்தால் பொருளாதாரம் எதிர்பார்த்த அளவு வளர்ச்சியடையாமல் போனாலோ, தேக்கநிலையைச் சந்தித்தலோ, அது இந்த நிறுவனத்தின் செயல்பாட்டை ஓரளவு பாதிக்க வாய்ப்புள்ளது.

இந்த நிறுவனம் செயல்படும் சில தொழில் பிரிவுகளில் வேகமாக வளர்ந்து வரும் அதிநவீன புதிய தொழில்நுட்பம், தொழில் ரீதியான போட்டி, அந்நிய செலாவணி மதிப்பு மாறுதல் போன்றவையும் இந்த நிறுவனத்துக்கு உரித்தேயான ரிஸ்க்குகளே.

ரைட்ஸ் லிமிடெட்! அறிவோம் பங்கு நிறுவனம்..!

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர் களுக்கு பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம்.

பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்குவதற்குமுன்பும் செபி பதிவு பெற்ற முதலீட்டு ஆலோசகர் ஒருவரை கலந்து ஆலோசித்து அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவு செய்தபின்னரே, நடவடிக்கைகளை நீங்கள் எடுக்க வேண்டும்.

பிட்ஸ்

த்திய பொதுத்துறை (CPSEs) நிறுவனங்கள் மூலம் அரசுக்குக் கிடைத்துவந்த டிவிடெண்ட் கடந்த 2017-18-ல் ரூ.39,305 கோடியாக இருந்தது. அது 2019-20-ல் ரூ.29,520 கோடியாகக் குறைந்துள்ளது!