Published:Updated:

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

பல்ராம்பூர் 
சினி மில்ஸ் 
லிமிடெட்
பிரீமியம் ஸ்டோரி
News
பல்ராம்பூர் சினி மில்ஸ் லிமிடெட்

(NSE SYMBOL: BALRAMCHIN)

ந்தியாவின் மிகப்பெரிய ஒருங்கிணைந்த சர்க்கரை உற்பத்தித்திறனைக் கொண்டிருக்கும் நிறுவனமான பல்ராம்பூர் சினி மில்ஸ் லிமிடெட் (NSE SYMBOL: BALRAMCHIN) என்னும் நிறுவனத்தைத்தான் நாம் இந்த வாரம் பார்க்கப் போகிறோம்.

நிறுவனத்தின் தொழில்...

1975-ம் ஆண்டில் நாளொன்றுக்கு 800 டன் அளவிலான கரும்பைச் சாறுபிழிகிற உற்பத்தித்திறனுடன் ஆரம்பிக்கப்பட்ட இந்த நிறுவனம், பின்னர் நாளொன்றுக்கு 12,000 டன் என்ற அளவுக் கான விரிவாக்கத்தைச் செய்தது. பிறகு, பல்ராம்பூர் கமர்ஷியல் என்டர்பிரைஸிலிருந்து பல்ராம்பூர் சினி மில்ஸ் என்ற பெயரில் தனி நிறுவனமாகச் செயல்பட ஆரம்பித்தது இந்த நிறுவனம்.

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

1990-ம் ஆண்டில் பாப்னன் சுகர் மில்ஸ் லிமிடெட் என்ற நாளொன்றுக்கு 1,000 டன் அளவிலான கரும்பைப் பிழியும் நிர்மாணிக்கப்பட்ட உற்பத்தித் திறனைக் கொண்ட நிறுவனத்தைக் கையகப்படுத்தியது. அவ்வாறு கையகப்படுத்தப்பட்ட ஆலையை நவீனமயப்படுத்தியதன் மூலம் 1992-93-ம் நிதியாண்டில் அதனுடைய நிர்மாணிக்கப்பட்ட உற்பத்தித் திறனை நாளொன்றுக்கு 2,500 டன் என்ற அளவுக்கு மாற்றியது. நாளடைவில் இந்த ஆலையின் நிர்மாணிக்கப்பட்ட உற்பத்தித் திறன் நாளொன்றுக்கு 10,000 டன் என்ற அளவை எட்டியது. 1994-ம் ஆண்டில் இந்த நிறுவனம் முழுமையாகப் பல்ராம்பூர் சினி நிறுவனத்துடன் இணைக்கப்பட்டது.

1995-ம் ஆண்டில் பல்ராம்பூரில் நாளொன்றுக்கு 60 கிலோ லிட்டர் அளவிலான உற்பத்தித்திறன் கொண்ட டிஸ்ட்டிலரியை நிர்மாணித்த இந்த நிறுவனம், பின்னர் அதை நாளொன்றுக்கு 160 லிட்டர் என்ற அளவுக்கு உயர்த்தியது. 1998-ம் ஆண்டில் கிழக்கு உத்தரப்பிரதேசத்தில் பல்ராம்பூருக்கு அருகே செயல்பட்டுவந்த துல்சிப்பூர் சுகர் கம்பெனி லிமிடெட் என்ற நிறுவனத்தைக் கட்டுப்படுத்தும் அளவுக்கான பங்குகளைக் கையகப்படுத்தியது இந்த நிறுவனம். அந்த நேரத்தில் இந்த சர்க்கரை ஆலையின் கரும்பு பிழியும் திறன் நாளொன்றுக்கு 2,500 டன்கள் என்ற அளவில் இருந்தது. 1999-ம் ஆண்டில் இந்த நிறுவனம் பல்ராம்பூர் சினி மில்ஸ் நிறுவனத்துடன் முழுமையாக இணைக்கப்பட்டபின் நாளொன்றுக்கு 7,000 டன் அளவிலான கரும்பைப் பிழியும் அளவுக்கு உற்பத்தித்திறன் உயர்த்தப்பட்டது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

2003-04-ம் நிதியாண்டில் இந்த நிறுவனம் ஹைதர்கார்க் எனும் இடத்தில் 4,000 டன் அளவிலான கரும்பைப் பிழியும் நிர்மாணிக்கப் பட்ட உற்பத்தித்திறன் கொண்ட ஆலையையும், 20.35 மெகாவாட் அளவிலான கரும்புச்சக்கை சார்ந்த மின்சாரத்தை உற்பத்தி செய்யும் மையத்தையும் நிறுவியது.

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

2004-ம் ஆண்டில் பப்னன் என்னும் இடத்தில் 60 கிலோ லிட்டர்கள் உற்பத்தி செய்யும் நிர்மாணிக்கப்பட்ட உற்பத்தித்திறன் கொண்ட டிஸ்ட்டிலரியையும் மூன்று மெகாவாட் மின் உற்பத்திகான கரும்புச்சக்கையினாலான கோ-ஜெனரேஷன் வசதியையும் நிறுவியது. 2005-ம் ஆண்டில் அக்பர்பூர் எனும் இடத்தில் நாளொன்றுக்கு 7,000 டன் அளவிலான கரும்புச்சாறு பிழியும் நிர்மாணிக்கப்பட்ட உற்பத்தித்திறன் கொண்ட சர்க்கரை ஆலையையும் அத்துடன் சேர்த்து 18 மெகாவாட் அளவிலான கரும்புச்சக்கையினாலான உற்பத்திக்கான மின்சாரத்தை உற்பத்தி செய்யும் மையத்தையும் நிறுவியது. இந்த உற்பத்தி மையத்தில் பின்னர் கரும்புச்சாறு பிழியும் வசதி 7,500 டன்னாக அதிகரிக்கப்பட்டது.

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

2006-ம் ஆண்டில் தாம்பூர் சுகர் மில்ஸின் ரவுசாகான் உற்பத்தி மையத்தை (அந்தச் சமயத்தில் நாளொன்றுக்கு 7,500 டன் அளவிலான கரும்புச்சாறு பிழியும் திறனையும் 12 மெகாவாட் மின் உற்பத்தி செய்யும் மையத்தையும் கொண்டிருந்தது) கையகப் படுத்திய இந்த நிறுவனம், இந்த உற்பத்தி மையங்களை நாளொன்றுக்கு 8,000 டன் கரும்பைப் பிழியும் திறனையும் 25.75 மெகாவாட் அளவிலான மின் உற்பத்தியாகவும் மேம்படுத்தியது. 2006-ம் ஆண்டில் மன்காப் பூரிலும் (நாளொன்றுக்கு 8,000 டன் கரும்புச்சாறு பிழிதல் மற்றும் 37 மெகாவாட் கோஜெனரேஷன்), 2007-ம் ஆண்டில் கும்பி (நாளொன்றுக்கு 8,000 டன் கரும்புச்சாறு பிழியும் திறன் மற்றும் 20 மெகாவாட் அளவிலான கோ-ஜெனரேஷன் மின்சார உற்பத்தி), குலாரி (நாளொன்றுக்கு 8,000 டன் கரும்புச்சாறு பிழியும் வசதி மற்றும் 31.3 மெகாவாட் அளவிலான மின் உற்பத்திக்கான கோஜெனரேஷன் வசதி) போன்றவற்றை நிறுவியது.

நிறுவனத்தின் சிறப்பு

வெறுமனே சர்க்கரை உற்பத்தி என்ற தொழிலில் மட்டுமே இயங்காமல் எத்தனால் உற்பத்தி மற்றும் கரும்புச்சக்கையாலான மின்சார கோ-ஜெனரேஷன் (உபரியாக உருவாகும் வெப்பம், நீராவி, துணை தயாரிப்பு (byproduct) போன்றவற்றின் மூலம் செய்யப்படும் மின்சார உற்பத்தி) போன்ற துறைகளிலும் இயங்கி வருகிறது என்பது ஒரு தனிச்சிறப்பான விஷயமாகும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

உத்தரப்பிரதேசத்தில் இந்த நிறுவனத்துக்குச் சொந்தமாக இருக்கும் 10 சர்க்கரை ஆலைகளில் நாளொன்றுக்கு 76,500 டன் கரும்பைப் பிழியும் உற்பத்தித்திறன் இருக்கிறது. இந்த நிறுவனத்தின் காய்ச்சி வடிக்கும் (distillery) பிரிவில் உள்ள உற்பத்தி வசதியில் நாளொன்றுக்கு 1,520 கிலோ லிட்டர்கள் காய்ச்சி வடிக்கும் வசதி இருக்கிறது. இது தவிர, இந்த உற்பத்தி மையத்தில் ஒட்டு மொத்தமாகக் கிட்டத்தட்ட 165 மெகா வாட் அளவிலான மின்சார உற்பத்திக்கான கோஜெனரேஷன் வசதியும் இருப்பது குறிப்பிடத்தக்க விஷயமாகும். இந்த நிறுவனம் சர்க்கரை, மொலாசஸ், ஆல்கஹால், எத்தனால், கரும்புச்சக்கை, மின்சாரம் போன்றவற்றை உற்பத்தி செய்து வருகிறது.

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

ரிஸ்க்குகள் ஏதும் உண்டா?

சர்க்கரை, மொலாசஸ், ஆல்கஹால், எத்தனால், கரும்புச்சக்கை மற்றும் மின்சாரம் உற்பத்தி செய்யும் நிறுவனங்களுக்கு உரித்தான அனைத்துவகை ரிஸ்க்குகளும் இந்த நிறுவனத்துக்கு உண்டு.

சர்க்கரைத் துறை தொடர் ஏற்ற/இறக்க சைக்கிளைச் சந்திக்கும் துறையாகும். மூலப்பொருளின் விலை மற்றும் மூலப்பொருள் கிடைக்கும் அளவு மற்றும் வசதி, உற்பத்திச் செலவினங்கள், தொழில் ரீதியான போட்டி மற்றும் அரசாங்கத்தின் நிலைப்பாடு போன்றவையும் இந்தத் துறையில் செயல்படும் நிறுவனங்களை ஓரளவு பாதிக்கக்கூடியவையே ஆகும்.

கம்பெனி டிராக்கிங் : பல்ராம்பூர் சினி மில்ஸ் லிமிடெட்!

இப்படி ரிஸ்க்குகள் பல இருக்கிறபோதிலும் ஈடுபட்டுள்ள தொழிலில் மிகப்பெரிய நிறுவனமாகத் திகழ்வதுடன், செய்யும் தொழிலில் நீண்ட அனுபவமும் கொண்டி ருக்கிறது இந்த நிறுவனம். இந்த நிறுவனத்தின் பங்குகளை மிக அதிக ரிஸ்க் எடுக்கும் திறன் கொண்ட முதலீட்டாளர்கள் மட்டும் சந்தை ஏதாவது ஒரு காரணத்தால் நல்லதொரு வீழ்ச்சியைச் சந்திக்கும்போது வரும் கடுமையான தொரு விலை இறக்கத்தில் மட்டும் மிக மிகக் குறைந்த எண்ணிக்கையில் வாங்க பரிசீலிக்கலாம். வாங்கி, தங்களுடைய ஐந்து ஆண்டுகளுக்கும் மேலான போர்ட்ஃபோலியோவில் சேர்த்துக் கொள்ள டிராக் செய்துவரலாம்.

சமீப காலத்தில் இந்தப் பங்கின் விலை நன்கு உயர்ந்திருப்பதால், நல்லதொரு இறக்கம் வரும் வரை காத்திருப்பது மிக மிக அவசியம். மிக அதிக அளவிலான ரிஸ்க் எடுக்கும் திறன் இல்லாத முதலீட்டாளர்களும், பங்கை வாங்கியபின் தாங்களாகவே இந்த நிறுவனம் மற்றும் அது செயல்படும் துறையை டிராக் செய்துகொள்ள முடியாத முதலீட்டாளர்களும் இந்தப் பங்கை முழுமையாகத் தவிர்ப்பதே நல்லது!

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One-year Price history of the daily closing price of the securities covered in this report is available in the following URL (https://www.nseindia.com/get-quotes/equity?symbol= BALRAMCHIN #info-historicaldata) – in this URL select historical data and then click on 1Y and click Filter to get one year price of the stock.