Published:Updated:

கம்பெனி டிராக்கிங்: பாரத் எலெக்ட்ரானிக்ஸ் லிமிடெட்! - (NSE SYMBOL: BEL)

பாரத் எலெக்ட்ரானிக்ஸ் லிமிடெட்
பிரீமியம் ஸ்டோரி
News
பாரத் எலெக்ட்ரானிக்ஸ் லிமிடெட்

கம்பெனி டிராக்கிங்

த்திய அரசு நிறுவனமான பாரத் எலெக்ட்ரானிக்ஸ் லிமிடெட் நிறுவனத்தைத்தான் நாம் இந்த வாரம் கம்பெனி டிராக்கிங்கில் பார்க்கப் போகிறோம். இது நவ்ரத்னா அந்தஸ்த்தைக் கொண்டிருக்கும் நிறுவனமாகும்.

இந்தியா சுதந்திரம் அடைந்ததற்குப்பிறகு உள்நாட்டில் பல்வேறு தொழில்களைத் தொடங்கி, தன்னிறைவு அடைய வேண்டும் என்ற சூழல் நிலவியது. இந்தியா தன்னுடைய தேவைகளைப் பூர்த்தி செய்துகொள்ள, பல்வேறு பொதுத்துறை நிறுவனங்களை ஆரம்பித்தது. அவ்வாறு ஆரம்பிக்கப்பட்ட நிறுவனங்களில் பாரத் எலெக்ட்ரானிக்ஸ் நிறுவனமும் ஒன்றாகும். அறுபது வருடங்களுக்கும்மேலாக வெற்றிகரமாகச் செயல்பட்டு வருகிறது இந்த நிறுவனம்.

டாக்டர் எஸ்.கார்த்திகேயன்
டாக்டர் எஸ்.கார்த்திகேயன்

நிறுவனத்தின் தயாரிப்புகள்

1954-ம் ஆண்டில் பிரான்ஸ் நிறுவனமான சி.எஸ்.எஃப் (தற்போது தேல்ஸ் என்ற பெயருடன் இயங்குகிற நிறுவனம்) எனும் நிறுவனத்துடன் இணைந்து அடிப்படைத் தொலைத்தொடர்பு சாதனங்களை உற்பத்தி செய்ய ஆரம்பித்தது இந்த நிறுவனம்.

இன்றைக்கு ராணுவத்திற்குத் தேவைப்படும் பொருள்கள் பிரிவில் ராணுவத்திற்கான தொலைத்தொடர்புச் சாதனங்கள், ரேடார்கள், நேவல் சிஸ்டம்கள், சி4ஐ சிஸ்டம்கள், ஆயுதங்களுக்கான சிஸ்டம்கள், உள்நாட்டுப் பாதுகாப்பு, தொலைத்தொடர்பு மற்றும் ஒளிபரப்புக்கான சாதனங்கள், எலெக்ட்ரானிக் வார்ஃபேர், போர் டேங்குகளுக்கான எலெக்ட்ரானிக்ஸ், எலெக்ட்ரோ ஆப்டிக்ஸ், புரஃபஷனல் எலெக்ட்ரானிக் உதிரிபாகங்கள், சோலார் போட்டோவாலடிக் சிஸ்டங்கள் போன்றவற்றை உற்பத்தி செய்கிறது. இவை தவிர, தன்னுடைய வாடிக்கையாளர்களுக்கு ‘டர்ன்கி’ எனப்படும் ஒட்டுமொத்தத் தயாரிப்பு அல்லது தீர்வுக்கான சேவைகளை வழங்கியும் வருகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கம்பெனி டிராக்கிங்: பாரத் எலெக்ட்ரானிக்ஸ் லிமிடெட்! - (NSE SYMBOL: BEL)

ராணுவத்திற்கான தயாரிப்புகளைத் தாண்டி ஏனைய அரசாங்கப் பணிகளுக்கான (எலெக்ட்ரானிக் வோட்டிங் மெஷின்கள், டேப்லெட் கம்ப்யூட்டர்கள், சூரிய சக்தியில் இயங்கும் டிராஃபிக் சிக்னல்கள், நுழைவு அனுமதிக்கான கட்டுப்பாட்டுக்கருவிகள் (Access control) போன்றவற்றைத் தயாரித்து விற்பனை செய்து வருகிறது இந்த நிறுவனம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

சேவைகள் பிரிவில்...

இந்த நிறுவனம், சேவைகள் பிரிவில் எலெக்ட்ரானிக்ஸ் உற்பத்தி சேவையை வழங்கி வரும் இந்த நிறுவனம், துல்லியமாகக் குறிப்பிடப்பட்ட (Specification) விஷயங்களைக் கொண்டு அதற்குத் தேவையான எலெக்ட்ரானிக் சர்க்யூட் போர்டுகளை வடிவமைத்துத் தருதல் மற்றும் பிரின்ட் செய்து தருதல் போன்ற சேவை களையும் தங்களுடைய வாடிக்கையாளர்களுக்குத் தருகிறது. இந்தப் பிரிவில் பிசிபி அசெம்ப்ளி, துல்லியமான மெஷினிங் மற்றும் ஃபேப்ரிக்கேஷன், ஆப்டோ எலெக்ட்ரானிக் காம்ப்போனென்ட்ஸ் மற்றும் அசெம்ப்ளிகள், மைக்ரோவேவ் இன்டக் ரேட்டட் சர்க்யூட் அசெம்ப்ளிகள், சூப்பர் காம்ப்போனென்ட்ஸ் மாட்யூல்கள், கேபிள் அசெம்ப்ளி மற்றும் ஹார்னெஸ்கள், புரஃபஷனல் கிரேடு டிரான்ஸ்ஃபார்மகள், காயில்கள் மற்றும் சப்-அசெம்ப்ளிகளை வடிவமைத்தல் மற்றும் உற்பத்தி செய்து தருதல், ஆண்டனாக்களை உற்பத்தி செய்து தருதல் போன்ற பல சேவைகளை வழங்கிவருகிறது இந்த நிறுவனம்.

உற்பத்தி வசதிகள்...

ஆரம்பத்தில் பெங்களூருவில் உள்ள ஜலஹள்ளி (ராணுவத் தொலைத்தொடர்பு, ஏவுகணை சிஸ்டங்கள், எலெக்ட்ரானிக் வார்பேர் மற்றும் ஏவியானிக்ஸ், ரேடார்கள், நேவல் சிஸ்டங்கள், நெட்வொர்க் சென்ட்ரிக் சிஸ்டம்கள், ஏற்றுமதிக்கான உற்பத்திகள், உதிரிபாகங்கள், உள்நாட்டுப் பாதுகாப்புக்கான கருவிகள் போன்றவை உற்பத்தி செய்யப்படுகின்றன) எனும் இடத்தில் ஒற்றை உற்பத்தி வசதியுடன் ஆரம்பிக்கப் பட்டது இந்த நிறுவனம்.

கம்பெனி டிராக்கிங்: பாரத் எலெக்ட்ரானிக்ஸ் லிமிடெட்! - (NSE SYMBOL: BEL)

பின்னர், காசியாபாத், பூனா, மசூலிப்பட்டினம், பஞ்சுக்லா, கோட்வாரா, நவிமும்பை மற்றும் ஹைதராபாத் போன்ற இடங்களில் தன்னுடைய பல்வேறு தயாரிப்பு களுக்கான உற்பத்தி வசதிகளை நிறுவியது.

இந்திய ராணுவத்துக்குத் தேவையான உபகரணங்களை உற்பத்தி செய்யும் நோக்கத்துடன் ஆரம்பிக்கப்பட்ட நிறுவனம் இது என்றாலும், ராணுவம் அல்லாத சிவிலியன்கள் உபயோகத்தில் உள்ள இயந்திரங்கள் பலவற்றையும் இந்த நிறுவனம் உற்பத்தி செய்துவருகிறது. இது தவிர, தன்னுடைய தயாரிப்புகளைப் பல்வேறு நாடுகளுக்கு ஏற்றுமதியும் செய்துவருகிறது. 2017-18-ம் நிதியாண்டின் இறுதியில் இந்த நிறுவனம், 9,726 பணியாளர்களுடன் இயங்கி வருகிறது.

ஆரம்ப காலத்திலிருந்தே தன்னுடைய செயல்பாடுகள் மற்றும் தயாரிப்புகளுக்குத் தேவையான ஆராய்ச்சி வசதிகளை, தானாகவே அமைத்துக்கொள்வதில் முனைப்பாக இருந்து வந்துள்ளது இந்த நிறுவனம். அதனாலேயே மத்திய அரசின் டி.ஆர்.டி.ஓ ஆய்வகத்தின் உற்பத்தி ரீதியான விஷயங்களுக்கு இந்த நிறுவனம் நல்லதொரு கூட்டணியாகத் திகழ்கிறது.

நிறுவனத்தின் செயல்பாடுகள்...

1956-57-ம் ஆண்டில் இரண்டு லட்சம் ரூபாய் என்ற வர்த்தக அளவுடன் செயல்பட ஆரம்பித்த இந்த நிறுவனம், 2017-18-ம் நிதியாண்டின் இறுதியில் ரூ.10,084.84 கோடி என்ற அளவில் செயல்பட்டு வருகிறது. தேல்ஸ், ஜி.இ மற்றும் இஸ்ரேலி ஏரோஸ்பேஸ் இண்டஸ்ட்ரீஸ் போன்ற நிறுவனங்களுடன் கூட்டணியாகச் செயல்படுதல் மற்றும் இணைந்து நடத்தும் துணை நிறுவனங்களை நடத்துதல் போன்ற விஷயங்களையும் செய்து வருகிறது. ஒன்பது இடங்களில் உற்பத்தி வசதியைக் கொண்டிருக்கும் இந்த நிறுவனம் டெல்லி, மும்பை, கொல்கத்தா மற்றும் விசாகப்பட்டினத்தில் மண்டல அலுவலகங்களையும், பெங்களூரு மற்றும் டெல்லியில் மார்க்கெட்டிங் அலுவலகங் களையும், நியூயார்க் மற்றும் சிங்கப்பூரில் வெளிநாட்டு அலுவலகங்களையும் கொண்டு இயங்கிவருகிறது.

சொந்தத்தில் உயர்தரமான உற்பத்தி வசதி, தொலைநோக்குப் பார்வையுடனான திட்டமிடல், ராணுவத்திற்கான அதிகரித்துவரும் நிதி ஒதுக்கீடு, செயல்படும் துறையில் முன்னணி வகிக்கும் நிலைமை, திடமான ஆர்டர்கள், ஆராய்ச்சி வசதிகளில் காட்டும் தீவிரம், கூட்டணி/துணை நிறுவனங்கள், டர்ன்கி மற்றும் ஏற்றுமதியில் இருக்கும் கவனம், மத்திய அரசின் ஆதரவு மற்றும் நீண்ட அனுபவத்தைக் கொண்டிருக்கும் நிர்வாகம் போன்றவை இந்த நிறுவனத்திற்குச் சாதகமான விஷயங்களாகும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ரிஸ்க்குகள் ஏதும் உண்டா?

ஒரு மத்திய அரசு நிறுவனமாக இருப்பதால், ராணுவம் சம்பந்தப்பட்ட தொழில் பிரிவில் பெரிய அளவிலான ரிஸ்க்குகள் குறைவு. ஏனைய தொழில்பிரிவுகளில் டெக்னாலஜியின் பங்களிப்பு அதிகம் இருப்பதால், போட்டி அதிகரிக்க வாய்ப்பிருக்கிறது என்பதை வாசகர்கள் மனதில் கொள்ளவேண்டும்.

கம்பெனி டிராக்கிங்: பாரத் எலெக்ட்ரானிக்ஸ் லிமிடெட்! - (NSE SYMBOL: BEL)

மேலும், ஆராய்ச்சி வசதிகள் தொடர்ந்து முன்னேற்றத்துடன் இருக்க வேண்டும் என்பதை யும் வாசகர்கள் நினைவில் கொள்ளவேண்டும். ஏனெனில், ஆராய்ச்சிக்காகக் கணிசமான அளவிலான தொகையை இந்த நிறுவனம் தொடர்ந்து செலவிட்டுக்கொண்டே இருக்க வேண்டியிருக்கும்.

இதே துறையில் செயல்பட்டுக் கொண்டிருக்கும் ஏனைய நிறுவனங்களுக்கு இருக்கும் அனைத்து ரிஸ்க்குகளும் இந்த நிறுவனத்திற்கும் பொருந்தும். மூலப்பொருள்கள் விலைமாறுதல், ஏற்றுமதி வர்த்தகத்தில் இருப்பதால் அந்நியச் செலாவணி மதிப்பு மாறுதல் போன்றவையும் இந்த நிறுவனத்திற்கான ரிஸ்க்குகளாகவே பார்க்கப்படவேண்டும்.

இப்படி ரிஸ்க்குகள் பல இருக்கிறபோதிலும் நீண்ட தொழில் அனுபவத்தையும் வாடிக்கை யாளர்கள் மத்தியில் நன்மதிப்பையும் பெற்றுள்ள இந்த நிறுவனத்தின் பங்குகளை சந்தை ஏதாவது ஒரு காரணத்தினால் நல்லதொரு வீழ்ச்சியைச் சந்திக்கும்போது வரும் நல்லதொரு விலை இறக்கத்தில், மிகவும் குறைந்த எண்ணிக்கையில் வாங்கி, தங்களுடைய ஐந்து ஆண்டுக்கும் மேலான போர்ட்ஃபோலியோவில் சேர்த்துக்கொள்ள வாசகர்கள் தொடர்ந்து டிராக் செய்துவரலாம்.

ஏற்கெனவே இதே துறையில் செயல்படும் நிறுவனங்களை அதிகம் கொண்டிருக்கும் போர்ட்ஃபோலியோவை வைத்திருக்கும் வாசகர்களும் பங்கை வாங்கியபிறகு தாங்களாகவே இந்த நிறுவனம் மற்றும் துறையின் செயல் பாட்டினை டிராக் செய்துகொள்ள முடியாத வாசகர்களும் இந்தப் பங்கைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (BEL)/name of company/time duration)