பிரீமியம் ஸ்டோரி

பார்மா துறையில் உலக அளவிலான பல நிறுவனங்களுக்கு அவுட் சோர்ஸிங் நிறுவனமாகச் செயல்பட்டுவருகிறது, டிஷ்மேன் கார்போஜென் அம்சிஸ் லிமிடெட். 1983-ம் ஆண்டு ஆரம்பிக்கப்பட்ட நிறுவனம் இது. முதலில் குவாட்டெர்னரி அம்மோனியம் பாஸ்பேட் மற்றும் பாஸ்பேட் உள்ளிட்டவற்றை உற்பத்தி செய்யும் நிறுவனமாகத்தான் இது ஆரம்பிக்கப்பட்டது. பின்னர் ‘CRAMS’ (Contract Research and Manufacturing Services) எனப்படும் ஒப்பந்தரீதியாக மருந்துகளுக்கான ஆராய்ச்சி மற்றும் உற்பத்தியில் கால்பதித்தது இந்த நிறுவனம்.

டாக்டர் எஸ்.கார்த்திகேயன்
டாக்டர் எஸ்.கார்த்திகேயன்

நிறுவனத்தின் வளர்ச்சி

1989-ம் ஆண்டில் குஜராத்தில் டிரான்ஸ்ஃபர் கேட்டலிஸ்ட் மற்றும் குவாட்ஸ் (Quats) உற்பத்தியைச் செய்ய ஆரம்பித்தது. 1995-ம் ஆண்டில் ஷூட்ஸ் அண்டு கோ எனும் நிறுவனத்துடன் கூட்டணி அமைத்து ஷூட்ஸ் டிஷ்மேன் பயோடெக் பிரைவேட் லிமிடெட் எனும் நிறுவனத்தை அமைத்து அதன் மூலம் குளோர்ஹெக்சிடைன் (Chlorhexidine) மற்றும் அதன் டெரிவேட்டிவ்களை ஐரோப்பாவில் விற்பனை செய்வதற்காக உற்பத்திசெய்ய ஆரம்பித்தது.

1996-ம் ஆண்டில் இன்டர்மீடியரீஸ் உற்பத்தியைச் செய்ய ஆரம்பிப்பதற்கான வேலையில் இறங்கியது. 1998-ம் ஆண்டில் டிஷ்மேன் யூரோப் மற்றும் டிஷ்மென் யு.எஸ்.ஏ எனும் விற்பனைக்கான துணை நிறுவனங்களை ஆரம்பித்தது. 2001-ம் ஆண்டில் ஒரு முக்கியமான, ஒப்பந்தரீதியான உற்பத்திக்காக மேற்கத்திய நிறுவனம் ஒன்றுடன் இணைந்து செயல்பட்டது. 2004-ம் ஆண்டில் ஐ.பி.ஓ வெளியிடப்பட்டு, இந்தியப் பங்குச் சந்தைகளில் பட்டியலிடப்பட்டது. 2005-ம் ஆண்டில் IO3S எனும் சுவிட்சர்லாந்திலுள்ள ஓசோன் டெக்னாலஜியின் சிறந்த நிறுவனத்தைக் கையகப்படுத்தியது.

2006-ம் ஆண்டு சுவிட்சர்லாந்தைச் சேர்ந்த `கார்போஜென் அம்சிஸ்’ (Carbogen AMCIS) எனும் நிறுவனத்தைக் கையகப்படுத்திய இந்த நிறுவனம், சீனாவில் தன்னுடைய நிறுவனத்தை அதே ஆண்டில் ஆரம்பித்தது. 2007-ம் ஆண்டில் `டிஷ்மேன் ஜப்பான் லிமிடெட்’ எனும் நிறுவனத்தை ஆரம்பித்த இந்த நிறுவனம், நெதர்லாந்து நாட்டின் `சோல்வே வைட்டமின்ஸ் அண்டு கெமிக்கல்ஸ்’ எனும் நிறுவனத்தைக் கையகப்படுத்தியது. 2010-ம் ஆண்டு சீனாவில் தன்னுடைய உற்பத்திப் பிரிவுக்கான கட்டுமானத்தை முடித்த இந்த நிறுவனம், 2011-ம் ஆண்டு குஜராத்தில் `ஹை பொடன்ட் ஏ.பி.ஐ உற்பத்திப் பிரிவை நிறுவியது.

நிறுவனத்தின் சிறப்புகள்

இன்றைக்கு ‘CRAMS’ துறையில் குறைந்த பொருள் செலவில் செயல்படுதல், நெகிழ்வான உற்பத்திச் செயல்முறைகள், குறிப்பிட்ட வகை நடைமுறைகளில் அதிக கவனத்துடன் செயல்படுதல் போன்றவை இந்த நிறுவனத்தின் தனிச்சிறப்புகள். இன்றைக்கு நவீன மற்றும் புதுமையான மருந்துகளை உருவாக்க நினைக்கும் நிறுவனங்களுக்கு உதவிசெய்யும் வகையில், பல்வேறு படிநிலைகளிலிருக்கும் மருந்து மூலக்கூறுகளை (Molecules) உற்பத்தி செய்வதில் முதன்மையான பங்களிப்பை தந்துவருகிறது இந்த நிறுவனம்.

கம்பெனி டிராக்கிங்: டிஷ்மேன் கார்போஜென் அம்சிஸ் லிமிடெட்!

மருந்துகளுக்கான ஒப்பந்தத் துறையில் உலக அளவில் பல்வேறு நிறுவனங்களை வாடிக்கையாளர்களாகக் கொண்டிருக்கும் இந்த நிறுவனம், குறித்த நேரத்தில் தனக்கு வழங்கப்பட்ட பணிகளை முடித்துக்கொடுப்பதில் சிறந்த நிறுவனம் என்ற பெயரை வாடிக்கையாளர்கள் மத்தியில் பெற்றிருக்கிறது. ஆரம்பித்த காலத்திலிருந்தே, `குறைந்த பொருள் செலவில் அதிக உற்பத்தித்திறன்’ என்பதில் அதீத கவனம் செலுத்திவந்திருக்கும் இந்த நிறுவனம், இந்தக் கொள்கையின் மூலமாகவே வியாபாரத்தை விரிவாக்கம் செய்து, ஓரளவுக்கு லாபகரமாக இயங்கிவருகிறது எனலாம்.

உலகத்தரம் வாய்ந்த ஆராய்ச்சி மற்றும் உற்பத்திப் பிரிவுகளை நிர்மாணித்துவருவது இந்த நிறுவனத்தின் தனிச் சிறப்பு. இந்தத் திறன்மிகுந்த ஆராய்ச்சி மற்றும் உற்பத்தி மையங்களைக் கொண்டிருப்பதாலேயே, தங்களுடைய ‘CRAMS’ பிரிவு வியாபாரத்தை சில வருடங்களாகக் கணிசமான அளவு அதிகரித்துக்கொள்ள முடிந்தது என்கிறது இந்த நிறுவனம். கடந்தகாலத்தில் இந்த நிறுவனம் ‘CRAMS’ பிரிவில் கணிசமான அளவிலான வர்த்தகத்துக்கு வழிவகைகளைச் செய்திருப்பதால், இந்தத் துறையில் தொடர்ந்து சிறப்பான வளர்ச்சியைத் தரும் அளவுக்கு இந்த நிறுவனம் திகழ்கிறது.

இந்த நிறுவனம் ஈடுபட்டுவரும் மருந்துகள் பிரிவு என்று பார்த்தால் வைட்டமின் டி அனலாக்குகள், ஏ.பி.ஐ-க்கள், இன்டர்மீடியேட்ஸ், பேஸ் டிரான்ஸ்ஃபர் வினையூக்கிகள், கிருமிநாசினி ஃபார்முலேஷன்கள், லானோலின் சம்பந்தப்பட்ட தயாரிப்புகள் எனக் குறிப்பிட்டுச் சொல்லலாம். மருந்துகள் டெவலப்மென்ட் மற்றும் உற்பத்தியில் ஆராய்ச்சி செய்தல், உற்பத்திக்கான படிநிலைகளை அமைத்தல், உற்பத்திக்கான படிநிலைகளையும் செலவினங்களையும் மேம்படுத்துதலுக்கு உட்படுத்துதல், எஃப்.டி.ஏ-வின் தணிக்கைக்கு உட்படுத்துதல், தற்போதைய நல்ல உற்பத்திக்கான நடைமுறைகளின் கீழ் (CGMP- Current Good Manufacturing Process) நிறுவனங்களின் தேவைக்கேற்ப உற்பத்திசெய்து தருதல் போன்ற சேவைகளை வாடிக்கையாளர்களுக்கு வழங்கி வருகிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கம்பெனி டிராக்கிங்: டிஷ்மேன் கார்போஜென் அம்சிஸ் லிமிடெட்!

டிஷ்மேன் குழுமம் சுவிட்சர்லாந்தில் நான்கு உற்பத்தி மையங்களையும், இந்தியாவில் இரண்டு மையங்களையும், இங்கிலாந்து, பிரான்ஸ், சீனா, நெதர்லாந்து போன்ற நாடுகளில் தலா ஒரு மையத்தையும் கொண்டிருக்கிறது.

இந்தியாவைப் பொறுத்தவரை வாடிக்கையாளர்களின் தேவைக்கேற்ற ஆராய்ச்சி வசதிகள் மற்றும் உற்பத்தியைத் செய்துதருவதற்காக குஜராத்திலுள்ள பவ்லா எனும் இடத்தில் 13 யூனிட்களைக்கொண்ட உற்பத்தி மையத்தைக் கொண்டிருக்கிறது இந்த நிறுவனம். தவிர, குஜராத்திலுள்ள நரோடா எனும் இடத்திலும் ஓர் உற்பத்தி மையம் இதற்கு உள்ளது.

ரிஸ்க்குகள் ஏதும் உண்டா?

மருந்து உற்பத்தித்துறையில் செயல்படும் நிறுவனங்களுக்கு உரித்தான ரிஸ்க்குகள் அனைத்தும் இந்த நிறுவனத்துக்கும் பொருந்தும் எனலாம். மருந்துகள் உற்பத்தித்துறையில் ஆராய்ச்சியில் தொடர்ந்து வெற்றிபெறுதல், உற்பத்தியிலுள்ள நடைமுறைகள் மற்றும் உற்பத்தி மையங்களுக்கு ரெகுலேட்டர்களின் அங்கீகாரங்களைத் தொடர்ந்து பெறுதல் போன்ற ரிஸ்க்குகள் இருக்கும். இந்த ரிஸ்க்குகளும், பன்னாட்டுச் செயல்பாடுகளைக் கொண்டிருப்பதால் அந்நியச் செலாவணி மதிப்பு மாறுதல் மற்றும் மூலப் பொருள்கள் விலை உயர்வு போன்ற ரிஸ்க்குகளும் இந்த நிறுவனத்துக்கும் பொருந்தும் எனலாம்.

ரிஸ்க்குகள் அதிகமான அளவிலிருந்தாலும், கணிசமான அளவிலான தொழில் அனுபவமும் வாடிக்கையாளர் மத்தியில் நன் மதிப்பையும் கொண்டிருக்கும் நிறுவனம் இது. இந்த நிறுவனப் பங்குகளை, சந்தை ஏதாவது ஒரு காரணத்தால் வேகமான வீழ்ச்சியைச் சந்திக்கும்போது வரும் கணிசமான விலை இறக்கத்தில் மிக மிகக் குறைந்த எண்ணிக்கையில் வாங்குவதற்கு பரிசீலனை செய்யலாம். அதாவது, தங்கள் மூன்றாண்டு காலத்துக்கான போர்ட்ஃபோலியோவில் சேர்த்துக்கொள்ள அதிக அளவிலான ரிஸ்க் எடுக்கக்கூடிய திறன்கொண்ட வாசகர்கள் மட்டும் தொடர்ந்து இந்த நிறுவனத்தின் பங்கை டிராக் செய்துவரலாம்.

ஏற்கெனவே பார்மா துறையின் பங்குகளை அதிகம்கொண்டிருக்கும் போர்ட்ஃபோலியோவை வைத்திருக்கும் வாசகர்கள் இந்த நிறுவனத்தின் பங்கை வாங்குவதைத் தவிர்க்கலாம். பங்கை வாங்கிய பிறகு தாங்களாகவே இந்தத் துறை மற்றும் நிறுவனத்தின் செயல்பாடுகளை டிராக் செய்துகொள்ள முடியாத வாசகர்களும் இந்தப் பங்கைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One-year Price history of the daily closing price of the securities covered in this report is available http://www.nseindia.com/products/content/equities/equities/eq_security.htm (Choose symbol: DCAL) /name of company/time duration)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு