Published:Updated:

கம்பெனி டிராக்கிங் : இந்திரபிரஸ்தா கேஸ் லிமிடெட்!

இந்திரபிரஸ்தா 
கேஸ் 
லிமிடெட்
பிரீமியம் ஸ்டோரி
News
இந்திரபிரஸ்தா கேஸ் லிமிடெட்

(NSE SYMBOL: IGL)

கெயில் (இந்தியா) லிமிடெட் மற்றும் பாரத் பெட்ரோலியம் கார்ப்பரேஷன் லிமிடெட் என்ற இரண்டு நிறுவனங்களும் இணைந்து ஆரம்பித்த இந்திரபிரஸ்தா கேஸ் லிமிடெட் நிறுவனத்தைத்தான் இந்த வாரம் நாம் டிராக்கிங்குக்கு எடுத்துக்கொண்டிருக்கிறோம்.

நிறுவனத்தின் வளர்ச்சி

1998-ம் ஆண்டில் ஆரம்பிக்கப்பட்டது இந்த நிறுவனம். ஆரம்பித்த அடுத்த ஆண்டிலேயே இந்திரபிரஸ்தா கேஸ், டெல்லி நகரத்தின் இயற்கை எரிவாயு விநியோகத் திட்டத்தை கெயில் நிறுவனத்திடமிருந்து எடுத்துக்கொண்டது. இந்த விநியோகத் திட்டம், நேஷனல் கேப்பிட்டல் ரீஜனில் இயற்கை எரிவாயுவை வீடுகள், வாகனங்கள் மற்றும் வணிகரீதியான உபயோகத்துக்கு விநியோகிப்பதற்காக ஆரம்பிக்கப்பட்டது.

கம்பெனி டிராக்கிங் : இந்திரபிரஸ்தா கேஸ் லிமிடெட்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

நிறுவனத்தின் இரண்டு முக்கிய நோக்கங்களாக இரண்டு அம்சங்களைச் சொல்கிறது இந்த நிறுவனம். முதலாவது, பாதுகாப்பு மற்றும் நம்பகத்தன்மையுடன்கூடிய செளகர்யமான இயற்கை எரிவாயு விநியோகத்தை வீட்டு உபயோகம் மற்றும் வணிகரீதியான உபயோகம் செய்யும் வாடிக்கையாளர்களுக்கு வழங்குவது. இரண்டாவது, நேஷனல் கேப்பிட்டல் ரீஜன் ஆஃப் டெல்லியிலுள்ள மாவட்டங்களான கௌதம் புத் நகர், முசாஃபர் நகர், ஷாம்லி, மீரட் மற்றும் கான்பூரின் ஏற்கெனவே விநியோகம் இல்லாத பகுதிகள், உத்தரப்பிரதேசத்திலுள்ள பதேபூர் மற்றும் ஹமிர்பூர், ஹரியானாவிலுள்ள ரேவரி, குருகிராம், கர்னால் மற்றும் கைதல் மாவட்டம், ராஜஸ்தானிலுள்ள அஜ்மீர், பாலி, ரஜ்சாமன்ட் மாவட்டம் போன்ற இடங்களில் வசிக்கும் வாடிக்கையாளர்களுக்கு இயற்கை எரிவாயுவை வாகனங்களுக்கான எரிபொருளாக விநியோகம் செய்வதன் மூலம் காற்றுமாசைக் குறைக்க உதவியாக இருத்தல் என்பது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

வாகனங்களுக்கான கேஸ்!

போக்குவரத்து வாகனங்களின் உபயோகத்துக்கான கம்ப்ரெஸ்டு நேச்சுரல் கேஸையும், வீடு மற்றும் வணிக உபயோக வாடிக்கையாளர்களின் உபயோகத்துக்கான குழாய் மூலம் விநியோகிக்கப்படும் இயற்கை எரிவாயுவையும், தொழிற்சாலைகளில் உபயோகிக்கப்படும் ஆர்-எல்.என்.ஜி-யையும் இந்த நிறுவனம் விநியோகம் செய்கிறது. தலைநகரத்தில் தொடர்ந்து அதிகரித்துவரும் வாகனங்களுக்கான சி.என்.ஜி தேவை என்பது இந்த நிறுவனம் வளர்ச்சியடைய உதவியாக இருக்கும். மேலும், `டெல்லியில் இயங்கும் இலகு ரக வணிக வாகனங்கள் சி.என்.ஜி-யில் இயங்க வேண்டும்’ என்ற அரசாங்கத்தின் கட்டுப்பாடும் இந்த நிறுவனத்துக்கு உதவிகரமாக இருக்கும்.

கம்பெனி டிராக்கிங் : இந்திரபிரஸ்தா கேஸ் லிமிடெட்!

நிறுவனத்தின் தொழில் பிரிவுகள்!

இந்த நிறுவனத்தின் தொழில் பிரிவுகள் என்று பார்த்தால், பி.என்.ஜி., சி.என்.ஜி மற்றும் தொழிற்சாலைகளுக்குத் தேவையான எரிவாயுவை விநியோகம் செய்வது ஆகியவை. 1999-ம் ஆண்டில் ஒன்பது எரிவாயு நிரப்பும் நிலையங்களுடனும், ஆயிரம் வாடிக்கையாளர்களுடனும் தன்னுடைய தொழிலை ஆரம்பித்த இந்த நிறுவனம், இன்றைக்கு நேஷனல் கேப்பிட்டல் ரீஜன் ஆஃப் டெல்லி, நொய்டா, கிரேட்டர் நொய்டா, காசியாபாத், ரெவாரி, கர்னல் மற்றும் முசாபர் நகர் உள்ளிட்ட இடங்களில் சுமார் 555 சி.என்.ஜி நிரப்பு நிலையங்களுடனும், ஏறக்குறைய 13.75 லட்சம் வாடிக்கையாளர் களுடனும் மற்றும் 5,500 இண்டஸ்ட்ரியல் மற்றும் வணிகரீதியான வாடிக்கையாளர் களுடனும் செயல்பட்டுவருகிறது.

இந்திரபிரஸ்தா 
கேஸ் 
லிமிடெட்
இந்திரபிரஸ்தா கேஸ் லிமிடெட்

இந்திரபிரஸ்தா கேஸ் நிறுவனம் உலகிலேயே அதிக எண்ணிக்கையிலான சி.என்.ஜி பஸ்களுக்கு எரிபொருளை நிரப்புகிறது என்பது ஒரு தனிச்சிறப்பான விஷயம்.

நேஷனல் கேப்பிட்டல் ரீஜன் ஆஃப் டெல்லியில் பொதுப் போக்குவரத்து வாகனங்கள் அனைத்தும் கட்டாயம் சி.என்.ஜி-யை எரிபொருளாகக் கொண்டு இயங்க வேண்டும் என்ற நிலையும், அதிக அளவிலான கார்களைக் கொண்டுள்ள நிலையும், அதிக எண்ணிக்கையிலான வீடுகள் மற்றும் வணிக நிறுவனங்கள் அங்கே இருப்பதும் இந்த நிறுவனத்துக்கான வியாபாரத்துக்கான வாய்ப்பு கணிசமாக இருப்பதற்கான காரணிகள் எனலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

அதேபோல், உத்தரப்பிரதேசத்தின் மிக வளர்ச்சியடைந்த நகரமான நொய்டாவிலும் வாகனங்களுக்கான சி.என்.ஜி., வீடு மற்றும் வணிக உபயோகத்துக்கான பி.என்.ஜி போன்றவற்றுக்கான வியாபாரத்துக்கு வாய்ப்புகள் அதிகமாகவே இருக்கின்றன. எரிவாயுவை விநியோகம் செய்யும் இந்த நிறுவனம் அதைப் பெறுவதற்கான உரிமத்தை இந்திய அரசாங்கத்திடமிருந்து பெற்றுள்ளது. தொழிற்சாலைகள் மற்றும் வணிக உபயோகத்துக்குத் தேவையான பி.என்.ஜி-யை வழங்குவதற்கான ரீகேஸிஃபைடு லிக்யூஃபைடு நேச்சுரல் கேஸைக் கொள்முதல் செய்வதற்கான ஒப்பந்தங்களையும் செய்துகொண்டிருக்கிறது இந்த நிறுவனம். குறுகியகாலத்தில் அதிகரிக்கும் தேவைக்கான எரிவாயுவை ஷெல், இந்தியன் ஆயில் கார்ப்பரேஷன், பெட்ரோநெட், ஜி.எஸ்.பி.சி மற்றும் பி.பி.சி.எல் உள்ளிட்ட பல நிறுவனங்களிடமிருந்து கொள்முதல் செய்துகொள்கிறது.

கம்பெனி டிராக்கிங் : இந்திரபிரஸ்தா கேஸ் லிமிடெட்!

இந்திரபிரஸ்தா கேஸ் நிறுவனம் சென்ட்ரல் யூ.பி கேஸ் லிமிடெட் நிறுவனத்தின் 50% பங்குகளில் முதலீடு செய்துள்ளது. இந்த நிறுவனம் உத்தரப்பிரதேசத்தின் முக்கிய சில நகரங்களில் எரிவாயு விநியோகத்தைச் செய்துவருகிறது. அதேபோல் மஹாராஷ்டிரா நேச்சுரல் கேஸ் லிமிடெட் நிறுவனத்திலும் 50% பங்குகளில் முதலீட்டைச் செய்துள்ளது இந்த நிறுவனம். மஹாராஷ்டிரா நேச்சுரல் கேஸ் நிறுவனம் புனே நகரத்திலும், அதன் அருகிலுள்ள இடங்களிலும் எரிவாயு விநியோகத்தைச் செய்துவருகிறது. இந்த வகை முதலீடுகளின் மூலம் பல்வேறு மாநிலங்களில் தன்னுடைய தொழிலைப் பரவலாக்கியுள்ளது.

ரிஸ்க்குகள் உண்டா?

சி.என்.ஜி மற்றும் பி.என்.ஜி-யின் விற்பனை விலையும், பெட்ரோல் மற்றும் மானியம் கொடுக்கப்படும் எல்.பி.ஜி விலையும் சந்தையில் தொடர்ந்து மாற்றம் அடைந்துவரும் விலைகள். எரிவாயுவின் கொள்முதல் விலை மாறுதல்கள், விற்பனை விலை மாறுதல்கள், அந்நியச் செலாவணி மதிப்பு மாறுதல்கள் போன்றவையும், போட்டி நிறுவனங்கள் புதிய நகரங்களில் விநியோகம் செய்யும் உரிமையைப் பெறுவதும் இந்த நிறுவனத்துக்கான ரிஸ்க்குகள். மேலும், இந்த நிறுவனம் செயல்படும் துறையில் அரசாங்கம் கொண்டிருக்கும், மற்றும் எதிர்காலத்தில் எடுக்கும் கொள்கை முடிவுகளில் மாற்றங்கள் ஏதும் வந்தால், அதுவும் இந்த நிறுவனத்தின் செயல்பாடுகளை பாதிக்கும் அளவில் இருந்துவிடக்கூடும்.

கம்பெனி டிராக்கிங் : இந்திரபிரஸ்தா கேஸ் லிமிடெட்!

இப்படி ரிஸ்க்குகள் பல இருக்கிறபோதிலும் ஈடுபட்டிருக்கும் துறையில் நீண்ட தொழில் அனுபவம் கொண்டிருக்கும் நிறுவனம் இது.இந்த நிறுவனத்தின் பங்குகளை சந்தை ஏதாவது ஒரு காரணத்தால் வீழ்ச்சியடையும்போது வரும் நல்லதொரு விலை இறக்கத்தில் மட்டும் மிகவும் குறைந்த எண்ணிக்கையில் வாங்கப் பரிசீலிக்கலாம். வாங்கி, தங்களுடைய ஐந்து ஆண்டுக் காலத்துக்கும் மேலான போர்ட்ஃபோலியோவில் சேர்த்துக்கொள்வதற்காக அதிக அளவிலான ரிஸ்க் எடுக்கும் திறன் கொண்டவர்கள் மட்டும் பரிசீலிக்கலாம்.

மார்ச் மாதம் வந்த இறக்கத்துக்குப் பின்னால், இந்த நிறுவனத்தின் பங்குகள் கணிசமான விலை ஏற்றத்தைச் சந்தித்திருப்பதால் நல்லதொரு விலை வீழ்ச்சி வரும் வரை காத்திருக்க வேண்டியது மிக மிக அவசியம்.

ஏற்கெனவே இந்த நிறுவனம் செயல்படும் துறையில் ஈடுபடும் நிறுவனங்களின் பங்குகளை அதிகம்கொண்ட போர்ட்ஃபோலியோவை வைத்திருப்பவர்களும், பங்கை வாங்கிய பின்னால் தாங்களாகவே இந்த நிறுவனம் மற்றும் அது செயல்படும் துறை என்ற இரண்டையும் டிராக் செய்துகொள்ள முடியாதவர்களும் இந்தப் பங்கை தவிர்ப்பதே மிக மிக நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One-year Price history of the daily closing price of the securities covered in this report is available in the following URL (https://www.nseindia.com/get-quotes/equity?symbol=IGL #info-historicaldata) – in this URL select historical data and then click on 1Y and click Filter to get one year price of the stock.