Published:Updated:

கம்பெனி டிராக்கிங்: வோல்டாம்ப் டிரான்ஸ்ஃபார்மர்ஸ் லிமிடெட்!

வோல்டாம்ப் டிரான்ஸ்ஃபார்மர்ஸ்
பிரீமியம் ஸ்டோரி
வோல்டாம்ப் டிரான்ஸ்ஃபார்மர்ஸ்

(NSE SYMBOL: VOLTAMP)

கம்பெனி டிராக்கிங்: வோல்டாம்ப் டிரான்ஸ்ஃபார்மர்ஸ் லிமிடெட்!

(NSE SYMBOL: VOLTAMP)

Published:Updated:
வோல்டாம்ப் டிரான்ஸ்ஃபார்மர்ஸ்
பிரீமியம் ஸ்டோரி
வோல்டாம்ப் டிரான்ஸ்ஃபார்மர்ஸ்

பிரைவேட் லிமிடெட் நிறுவனமாக 1967-ம் ஆண்டு ஆரம்பிக்கப்பட்டு, 2006-ம் ஆண்டில் பப்ளிக் லிமிடெட் நிறுவனமாக மாற்றப்பட்டு வெற்றிகரமாக இயங்கிவருவது வோல்டாம்ப் டிரான்ஸ்ஃபார்மர்ஸ் லிமிடெட். இந்த நிறுவனம் ஆயில் நிரப்பப்பட்ட பவர் மற்றும் டிஸ்ட்ரிப்யூஷன் மின்மாற்றிகள், ரெசின் நிரப்பப்பட்ட உலர் ரக மின்மாற்றிகள், காஸ்ட் ரெசின் உலர் ரக மின்மாற்றிகள் போன்றவற்றை உற்பத்தி செய்து, விற்பனை செய்துவருகிறது.

டாக்டர் எஸ்.கார்த்திகேயன்
டாக்டர் எஸ்.கார்த்திகேயன்

நிறுவனத்தின் வளர்ச்சி

ஆயில் நிரப்பப்பட்ட பவர் மற்றும் டிஸ்ட்ரிப்யூஷன் மின்மாற்றிகள் ரகத்தில் 160 எம்.வி.ஏ (Mega-Volt Ampere) 200 கே.வி.ஏ (Kilovolt Ampere) அளவு வரையிலான திறன்கொண்ட மாற்றிகளையும், ரெசின் நிரப்பப்பட்ட உலர் வகையில் 5 எம்.வி.ஏ 11 கே.வி.ஏ வரையிலான திறன்கொண்ட மின்மாற்றிகளையும், காஸ்ட் ரெசின் உலர் ரக மின்மாற்றிகளில் 12.5 எம்.வி.ஏ 33 கே.வி.ஏ வரையிலான திறன்கொண்ட மின்மாற்றிகளையும் உற்பத்தி செய்து, விற்பனை செய்துவருகிறது இந்த நிறுவனம். இதற்கான உற்பத்தி மையங்களை இந்த நிறுவனம் குஜராத்தில் இரண்டு இடங்களில் கொண்டிருக்கிறது. 2009-ம் ஆண்டிலிருந்து இந்த மையங்களில் ஆயில் நிரப்பப்பட்ட டிஸ்ட்ரிப்யூஷன் டிரான்ஸ்ஃபார்மர்கள் மற்றும் உலர் வகை டிரான்ஸ்ஃபார்மர்கள் போன்றவையும் உற்பத்தி செய்யப்படுகின்றன.

ஒட்டுமொத்த விகடனுக்கும் ஒரே ஷார்ட்கட்!

வோல்டாம்ப் டிரான்ஸ்ஃபார்மர்ஸ்
வோல்டாம்ப் டிரான்ஸ்ஃபார்மர்ஸ்

இந்த நிறுவனத்துக்கு அரசு, அரசு நிறுவனங்கள், கச்சா எண்ணெய் சுத்திகரிப்பு ஆலைகள், உர உற்பத்தி ஆலைகள், மின்சார உற்பத்தி மற்றும் விநியோக நிறுவனங்கள், மருந்து உற்பத்தி செய்யும் நிறுவனங்கள், காகித உற்பத்தி ஆலைகள், எஃகு உற்பத்தி ஆலைகள், சிமென்ட் உற்பத்தி ஆலைகள் உள்ளிட்ட பல்வேறு துறைகளில் இயங்கும் நிறுவனங்கள் வாடிக்கையாளர்களாக இருக்கின்றன. பல மாநிலங்களின் மின்சார வாரியங்களும் இந்த நிறுவனத்தின் வாடிக்கையாளர்களாக இருப்பது குறிப்பிடத்தக்கது.

இந்த நிறுவனத்தின் விற்பனையில் பெரும்பகுதி திட்டங்களைத் தீட்டி நடைமுறைப்படுத்தும் நிறுவனங்களுக்கு (Project Business) பொருள்களை விற்பதால் நடைபெறுவதாக இருப்பது தனிச்சிறப்பு. இந்த வகை புராஜெக்ட் பிசினஸில் ஈடுபட்டிருக்கும் முன்னணி நிறுவனங்களான இன்ஜினீயர்ஸ் இந்தியா லிமிடெட், டாடா கன்சல்டிங் இன்ஜினீயர்ஸ், எம்.என் தஸ்தூர், அவந்த் கிரேட், டோயோ இன்ஜினீயரிங், ஜாகோப்ஸ் எஸ்.ஜி., யூ.ஹெச்.டி.இ, கெம்டெக்ஸ் இன்ஜினீயரிங், தலால் கன்சல்டன்ட்ஸ் லிமிடெட், பெச்டெல், மிகான், டெவலப்மென்ட் கன்சல்டன்ட்ஸ், இன்ஜினீயர்ஸ உள்ளிட்ட பல முன்னணி நிறுவனங்கள் வோல்டாம்ப் டிரான்ஸ்ஃபார்மர்ஸ் நிறுவனத்தின் வாடிக்கையாளராக இருக்கின்றன.

`டர்ன்-கீ’ எனும் முறையில் புராஜெக்ட்களை நடைமுறைப்படுத்தும் நிறுவனங்களான ஏ.பி.பி., சீமென்ஸ் மற்றும் எல் அண்ட் டி போன்ற முன்னணி நிறுவனங்களும் வோல்டாம்ப் நிறுவனத்திடம் தங்கள் புராஜெக்ட்களுக்காக டிரான்ஸ்ஃபார்மர்களைக் கொள்முதல் செய்கின்றன.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

தொழில் பிரிவுகள்

தயாரிப்புரீதியான பல தொழில் பிரிவுகளைக் கொண்டிருக்கும் இந்த நிறுவனம், எண்ணெய் நிரப்பப்பட்ட மின்மாற்றிகள், காஸ்ட் ரெசின் மின்மாற்றிகள், யூனிடைஸ்டு சப்-ஸ்டேஷன்கள், இன்டக்‌ஷன் ஃபர்னஸ் டிரான்ஸ்ஃபார்மர்கள் மற்றும் லைட்டிங் டிரான்ஸ்ஃபார்மர்கள் போன்றவற்றை உற்பத்தி செய்து விற்பனை செய்துவருகிறது. தவிர, டிரான்ஸ்பார்மர்கள் பழுது நீக்கும் சேவைகளை வழங்கிவருகிறது. 200 கே.வி.ஏ/200 எம்.வி.ஏ அளவு வரையிலான மின்மாற்றிகளைப் பழுது நீக்கித்தரும் சேவையைச் செய்கிறது. பழுதுநீக்கும் சேவையை இந்த நிறுவனம், தான் உற்பத்தி செய்து விற்பனை செய்த மின்மாற்றிகளுக்கும், பிற நிறுவனங்களின் தயாரிப்புகளுக்கும் வழங்கிவருகிறது.

வோல்டாம்ப் டிரான்ஸ்ஃபார்மர்ஸ்
வோல்டாம்ப் டிரான்ஸ்ஃபார்மர்ஸ்

மின்மாற்றிகள் பழுதாகி வேலை செய்யாமலிருக்கும் காலகட்டத்தில் அதிக நஷ்டம் ஏற்படும் என்பதால், உடனுக்குடன் பழுது நீக்குதல், மாற்றங்களைச் செய்து அதிக செயல்திறன் கொண்டதாகச் செய்தல் மற்றும் பழுதாவதற்கான வாய்ப்புகளைக் குறைத்தல், குறுகியகாலத்தில் பழுது நீக்க ஆகும் செலவுகளைக் கணக்கிட்டுச் சொல்லுதல் போன்றவற்றால் வாடிக்கையாளர்களால் இந்த நிறுவனத்தின் சேவைகள் மிகவும் விரும்பப்படுகின்றன.

மேலும், தொழில்நுட்பரீதியாக நீண்ட அனுபவத்தைக் கொண்டிருப்பதால், ஏனைய உற்பத்தியாளர்களின் தயாரிப்புகளுக்கான பழுதுநீக்கும் பணியைச் செய்து கொடுக்கும்போதுகூட, பழுது நீக்கியதிலிருந்து அதே பிரச்னை குறைந்தபட்சம் இவ்வளவு காலகட்டத்துக்கு வராமல் இருப்பதற்கான உத்தரவாதத்தையும் இந்த நிறுவனத்தால் தரமுடிகிறது. மேலும், 315 எம்.வி.ஏ முதல் 400 கே.வி.ஏ வரையிலான திறன்கொண்ட மின்மாற்றிகளை ஓவர்ஹாலிங் (Overhaul) செய்தல், முக்கியப் பராமரிப்புப் பணிகளைச் செய்தல், அனைத்துவிதமான பராமரிப்புப் பணிகளையும் ஒருங்கே கையாளுதல் போன்ற வேலைகளையும் இந்த நிறுவனம் செய்து தருகிறது.

கம்பெனி டிராக்கிங்: வோல்டாம்ப் டிரான்ஸ்ஃபார்மர்ஸ் லிமிடெட்!

பராமரிப்புப் பணிகளை ஆண்டொன்றுக்கு இவ்வளவு என்ற கட்டண அடிப்படையில் ஜி.எஸ்.எஃப்.சி., இந்தியன் ஆயில், பி.பி.சி.எல்., நால்கோ, ஓ.என்.ஜி.சி., யூ.பி.எல்., என்.டி.பி.சி உள்ளிட்டப் பல முன்னணி நிறுவனங்களுக்கு வழங்கிவருகிறது. அதேபோல் 100 எம்.வி.ஏ அளவு வரையிலான டிரான்ஸ்ஃபார்மர்களைத் திறன் மாற்றித் தருதல் என்ற பணியையும் செய்துவருகிறது.

மின்மாற்றிகள் உற்பத்தி மற்றும் மின்மாற்றிகள் பராமரிப்பு ஆகிய இரண்டு தொழில்பிரிவுகளிலும் ஒரே மாதிரியான, உயர்தரக் கொள்கையைக் கொண்டு இயங்குவதாகக் கூறி இந்த நிறுவனம் பெருமைப்படுகிறது. தன்னுடைய விற்பனை மற்றும் பராமரிப்புச் சேவையை வழங்குவதற்காக வோல்டாம்ப் டிரான்ஸ்ஃபார்மர்ஸ் நிறுவனம் 300-க்கும் மேற்பட்ட பணியாளர்களைக்கொண்டு இயங்கிவருகிறது. இவர்களில் கிட்டத்தட்ட 60 பேர் பொறியாளர்கள்.

இந்தியாவின் முக்கிய நகரங்கள் பலவற்றில் தன்னுடைய கிளைகளைக்கொண்டு இயங்கிவரும் இந்த நிறுவனத்தின் மின்மாற்றிகள் இந்தியா, நேபாள், பூடான், இலங்கை, மத்திய கிழக்கு ஆசியா மற்றும் ஆப்பிரிக்க நாடுகளில் பல்வேறு தொழில் துறைகளிலும் உபயோகத்தில் இருக்கின்றன.

என்ன ரிஸ்க்?

மின்மாற்றிகள் மற்றும் மின்மாற்றிகள் பழுது நீக்குதல் துறையில் ஈடுபடும் நிறுவனங்களுக்கே உரித்தான அனைத்து வகை ரிஸ்க்குகளும் இந்த நிறுவனத்துக்கும் இருக்கின்றன. இந்த நிறுவனம் செயல்படும் துறை பெரும்பாலும் பொருளாதார வளர்ச்சியைச் சார்ந்தே இருக்கும். அதனால், பொருளாதார வளர்ச்சி ஏதாவது ஒரு காரணத்தால் சுணக்கத்தைச் சந்தித்தாலோ, எதிர்பார்த்த அளவிலான வளர்ச்சியை அடையாமல் போனாலோ இந்த நிறுவனத்தின் வர்த்தகத்தைப் பாதித்துவிட வாய்ப்பிருக்கிறது. டெக்னாலஜி மாறுதலால் ஏற்படும் ரிஸ்க்குகள், புதிய கண்டுபிடிப்புகள், மூலப் பொருள்கள் விலை ஏற்றம், அந்நியச் செலாவணி மதிப்பு மாறுதல் போன்றவையும் இந்த நிறுவனத்துக்கு உரித்தான ரிஸ்க்குகளே.

கம்பெனி டிராக்கிங்: வோல்டாம்ப் டிரான்ஸ்ஃபார்மர்ஸ் லிமிடெட்!

ரிஸ்க்குகள் பல இருந்தாலும் தொழில்ரீதியாக மிகப்பெரிய அனுபவத்தையும், வாடிக்கையாளர்கள் மத்தியில் நன்மதிப்பையும் பெற்றிருக்கும் நிறுவனம் இது. இந்த நிறுவனத்தின் பங்கை சற்று அதிக அளவிலான ரிஸ்க் எடுக்கும் திறன்கொண்ட வாசகர்கள் மட்டும் சந்தை ஏதாவது ஒரு காரணத்தால் கடுமையான வீழ்ச்சியைச் சந்திக்கும்போது வரும் கணிசமான விலை இறக்கத்தில் மட்டும் மிகவும் குறைந்த எண்ணிக்கையில் வாங்கப் பரிசீலிக்கலாம். அதாவது, தங்களுடைய மூன்று முதல் ஐந்து ஆண்டுக்கால போர்ட்ஃபோலியோவில் சேர்த்துக் கொள்ள தொடர்ந்து டிராக் செய்துவரலாம்.

ஏற்கெனவே இதே துறையில் செயல்படும் பங்குகளை அதிகம்கொண்டிருக்கும் போர்ட்ஃபோலியோவை வைத்திருப்பவர்களும், பங்கை வாங்கிய பிறகு தாங்களாகவே இந்தத் துறை மற்றும் நிறுவனத்தின் செயல்பாட்டை டிராக் செய்துகொள்ள முடியாதவர்களும் இந்த நிறுவனத்தின் பங்கைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One-year Price history of the daily closing price of the securities covered in this report is available http://www.nseindia.com/products/content/equities/equities/eq_security.htm (Choose symbol: VOLTAMP) /name of company/time duration)